15-05-2007, 10:09 PM
| |||||||||
| |||||||||
 شئ من الماضي شيء من المـــــاضـي للكاتبة: وردة الأمل الجزء الاول في ظلمة الليل الدامس وفي جو بارد جدا .. استيقظت ليلى تبحث عن الدفا وذهبت واشعلت المدفأه وجلست بجوارها ووضعت الشال على كتفها والساعه تقارب الثالثه فجرا ..وغفت وهي على هذا الحال ولما تصحى الا والساعه السادسه صباحا على صوت باب الشقه وهو يقفل..نهضت وخرجت لترى زوجها وقد رحل .. ليلى: عيسى راح ولا حتى طل في ويهي ولا سال عني..اوووووف (وراحت خذت الجرايد من عند الباب) بعد ورده بس اليوم مب حمرا صفرا...مادري شقصة هالورد اللي يجي مع الجرايد بس صج وردهم حلووو..بس مادري الورد يطرش مع كل الجرايد للكل ولابس انا ..اما بس انا ..صج خساير لا ليش خساير.. عندهم الورد برخص التراب..ليت عندنا يوزعون الورد مع الجرايد..يمكن يجي يوم ويصير عندنا ليش لا انا صارلي اربع سنوات اجي هني وماحصل ورد مع الجرايد بس هالمره...يعني في احتمال يجي يوم وعندنا بعد يصير جذي في الدوحه...فديت الدووحه.. بروح اكل لي شي وفي طريقها للمطبخ سمعت رنين الهاتف فعادت لتجيب الهاتف .. ليلى: الووووووووو ام جاسم: هلا يما...صبحج الله بالخير.. ليلى: هلا الغاليه...صبحج الله بالنور ..شفيج يما؟؟ ام جاسم: وبدت نوبة البكاء... ليلى: يما خوفتيني شفيج؟؟ ام جاسم: لا يما,,,مافي شي...الا في ليلى: يسلم راسج يما شصاير؟؟ ام جاسم: ابوج يما تعب شوي...وهم جايين عندكم مع اخوج بس ما كانوا يبون يقولون لكم.. ليلى: عسى ماشر شفيه ابوي؟؟ ام جاسم: والله يما محد يدري...واخوج قال بيجي عندكم عشان يسوون له شوية فحوصات.. ليلى: ان شالله ما عليه شر...اذا شوية فحوصات ان شالله خير..بس كان قالوا لنا عشان عيسى يروح لهم المطار... ام جاسم: ما رضوا قالوا مايبون يتعبونكم.. ليلى: هذا كلام الحين...اكيد سوالف جسووم هذي... ام جاسم: اي هالولد ما يطيع... ليلى: متى بيوصلون ان شالله.. ام جاسم: طلعوا من 3 ساعات.. ليلى: يعني يبيلهم بعد 4 ساعات..خلاص يالغاليه الحين اكلم عيسى وهو يرتب كل شي لاتحاتي.. ام جاسم: خووفي يعصبون علي ليش اني علمت... ليلى: لا يالغاليه زين ما سويتي ولاكنت انا بزعل وايد...وكانوا بيتبهدلون بالمواصلات... ام جاسم: يعلني ماخلا منج يارب... ليلى: ولامنج يالغاليه...شخباركم بعد..وعلوي وفيصلوو شلونهم؟ ام جاسم: بخير يما...انتي شلوونج؟ ليلى: الحمدلله... ام جاسم: الجو عندكم بالمانيا شلون؟ ليلى: بردد يما وايد.. ام جاسم: اشوا ان ابوج واخوج حسبوا حسابهم وخذوا لبس ثقيل معاهم.. ليلى: حتى لو ماجابوا اللبس هني وايد..لاتحاتينهم انتي يالغاليه.. ام جاسم: زين يما طمنيني عليهم.. ليلى: ان شالله..انا بكلم عيسى الحين وارتب كل شي.. ام جاسم: زين يما مع السلامه. ليلى: مع السلامه,,, اتصلت ليلى بعيسى كذا مره ومارد عليها...طرشت له مسج عشان يرجع يتصل لها.. مرت ساعه كاملة وما اتصل عيسى بليلى.. فاتصلت ليلى بالسواق عشان الوقت ما راح يلحقون سامي: نعم.. ليلى: مرحبا...سامي وين عيسى.؟؟ سامي: اهلين ستنا...عندوو شغل كتير وهلا باجتماع...تريدي شي ستنا؟ ليلى: ابيه ضروري.. سامي: خلاص هلا بفووت واعطيه التليفون...استازي شوي ازا بتريد.. عيسى: Just minute خير شصاير؟؟ مب شايفني مشغوول؟ سامي: استازي اسف بس المدام بدها اياك .. عيسى: اشوف عطني...هلا ليلى.. ليلى: عيسى ليش مارديت علي؟ عيسى: تدرين اني اذا مارديت اكيد مشغوول...اصبري اذا فضيت اتصلت.. ليلى: الموضوع ما يتحمل التاخير..ابوي واخوي جايين بعد ساعتين .. عيسى: يوصولون بالسلامه..بس ليش ماخبرونا من قبل..انا وايد مشغووول ليلى: ابوي تعبان شووي... عيسى: ماعليه شر...سمعي بطرش لهم سامي الحين...يلا انا ماقدر اتاخر... ليلى: عيسى اروح معاه؟ عيسى: لا قعدي بالشقه لين يجوون...شيوديج هالمشوار كله.. ليلى: زين..بس مب حلووه يجوون ما يحصلون حد يستقبلهم... عيسى: ليلى عندي شغل...مع السلامه... عيسى: سامي اوصل المطار اخذ عمي وولده ودهم الشقه عندي وبس تخلص كلمني.. سامي: حاضر ..ما امر المدام تجي معي؟ عيسى: لا..ويلا روح لاتتاخر سامي:حاضر.. في الشقه...بدت ليلى الترتيب والتحضير حق ابوها واخوها...وعقب لبست ونزلت راحت الجمعيه عشان تشتري اغراض وتجهز غدا محترم لابوها واخوها...خصوصا ان ابوها مايحب اكل المطاعم... نزلت ليلى بسرعه ووصلت الجمعيه خذت كل الاغراض اللي ناقصتها وعقب مرت على راعي الفواكه والخضره وخذت خضره وفواكه ورجعت الشقه وهي ماشيه راجعه حست بتتبع خطوات وراها..التفت ومالقت احد...شكلي بديت اخرف...خل اوصل الشقه وابدا اجهز الغدا احسن من هالتهيأت....وصلت ليلى الشقه وبدت تجهز الاكل .. في الدووحه... في بيت بوجاسم... لمياء: السلام عليكم.... ام جاسم: هلا يما..عليكم السلام .. لمياء: مرت عمي شلوونج؟؟ ام جاسم: طيبه يما..انتي شلونج؟ لمياء: بخير ياربج بخير..بس توه هالسايق الغبي بغى يدعم فينا.. ام جاسم: سم الله عليكم..ليش؟؟ لمياء:خبل..وهو راد من الجامعه عند دوار سوق العلي لف على واحد وبغى يدعمنا..انا هالسواق بيقصر في عمري ادري... فيصل وهو نازل على الدرج: ما بيقصر بعمرج غير المحاتاه والحنه..صدقيني.. رفعت عينها لمياء وطالعته: لا والله... فيصل: اي والله... لمياء: مب راده عليك.. فيصل: احسن..هلا الغاليه...ابوي اوصلوا يما ولا بعد؟ ام جاسم: لا يما للحين مافي خبر..انا وصيت اختك عليهم.. فيصل: خلاص انا بروح الجامعه واتصلي طمنيني اذا اوصلوا تبين شي يما؟؟ ام جاسم: لا يما سلامتك... فيصل: الله يسلمج من كل شر يالغاليه.. لمياء: انا ابي سلامتك بعد.. فيصل: انتي ارتاحي مالج شي عندي.. لميا: احسن زين..والله يرجع ناس بالسلامه.. فيصل: آآآمين يارب.. لمياء: رووح لا تاخر عن محاضرتك... فيصل: سلاااااااااام . علي: يماااااااااااااااااااا...يمااااااااااااااااااااااا ا الام:شفيك؟؟؟؟ علي: ابوي اتصل؟؟؟ الام: بطيت اذني لا ما تصل . علي: اوووووه ...هلا بنت عمووو...شلونج؟ لمياء: زينه...وانت؟ علي: الحمدلله... ام جاسم: يما ليش ماطعت ورحت المدرسه... علي: يما لازم تذكريني..شلون ارووح وابوي مريض.. ام جاسم: الله يجيبه بالسلامه ياررررررررررب... علي ولمياء: آآآآمين في المانيا....في بون..في الشقة حيث كانت ليلى مشغووله بالترتيب والتجهيز ...قطع انشغالها رنين الهاتف اجابته ليلى.. ليلى: الووو الطرف الاخر: ,,,,,,,,,,,,, ليلى: الووووووووو الطرف الاخر: ,,,,,,,,,,, ليلى بعد اغلاقها للهاتف: الخطووط هني متعبه ساعه لين تمسك الخط .. مادري من متعذب ويحاول يتصل.. في الدوووووووووحه... لمياء:علي شفيك ؟؟ علي: شفيني؟؟ انتي اللي شفيج؟ لمياء: لا انت قاعد وطالعني كأنك اول مره تشوووفني... علي: شنو مب من حقي اشوووف زووجتي الحلوه.. لمياء: ردينا...ماخلصنا من هالزواج... علي: انا مادري ليش رافضه انتي...تحصلين واحد حلو مثلي ويحبج وتقولين لا.. لمياء: اي.. علي: آآه ياقلبي...جرحتييه... لمياء: حط لك لزقه عليه..اقوول خل ارد على التليفوون احسن.. لمياء: الووووووو ليلى: السلام عليكم.. لمياء بفرح: وعليكم السلام...ليلى شلووووووووونج؟؟ ليلى بضيق: الحمدلله...وينها امي؟؟ لمياء بحزن كبير: لحظه....خالتي ...خالتي علي: عطيني السماعه لمياء: لا....تبي خالتي.. علي: اختي ولا اختج...عطني (وسحب السماعه منها)... علي: الوووووووووو...اختي حبيبتتتي...وحشتيني.. ليلى: هلا علي...شلووونك؟؟؟انت اكثر يالغالي.. علي: بخير دام انتي ولمياء بخير... لمياء طالعه بحزن.... ليلى: اي لمياء ماتطلع من عندكم لازم تكون طاير من الوناسه...وينها امي عيل.؟؟ علي: بل..شفيج انتي؟؟ امي بالمطبخ الحين تجي... ليلى: وانت ليش مب مداوم؟؟؟ ناسي انك ثانويه عامه؟ علي: اقوووووووول ليلى امي جات الام: هلا يما.... ليلى: هلا الغاليه...شلوونج؟؟ الام : الحمدلله...وصلوا؟؟ ليلى: لا للحين..بس كنت ابي اسالج عن طريقة اكله ..وقاطعتها الام : لحظه ليلووو الام: لمياء يما وين رايحه مب متغديه معانا؟؟؟ لمياء وهي تهز راسها بالنفي وتطلع..وتأشر الام لعلي بان يذهب لها.. الام: هلا يما شكنتي تقوولين.. ليلى بضيق: ولاشي يما...انا بخليج وبرجع اكلمج بعد شوووي.. الام: زين حبيبتي..طمنيني على ابوج واخووج. ليلى: ان شالله..مع السلامه في الخارج..... علي: شفيج؟؟خذت عمرج وطلعتي؟؟ يكون زعلتي مني؟؟ خلاص مب متزوجج لمياء وهي تبتسم: لا مب زعلانه بس تعبانه واكيد امي تحاتيني الحين... علي:عياره..امج لو تحاتيج كانت اتصلت..يلا قعدي اتغدي معانا... لمياء: لا ياعلي برووح..بمركم تالي..سلم على خالتي... علي: كيفج..ترا طبخ امي هذا ما يطوووف.. لمياء: اكيد..بس من له خاطر ياكل..باي ذهبت وتركت علي في حيره ...شفيها؟؟ معقوله ليلى قالت لها شي ضايقها...امووت واعرف شنو سر هالاثنتين... الام: راحت؟؟؟ليش خليتها؟؟ علي: مارضت يما..وماقدرت اغصب عليها...شسوي الام: زين..انا بروح اكمل الطباخ وان اتصلت اختك نادني... علي: ان شالله.. في السياره.... لمياء والدموووع تنهمر منها ...وبدأت تتذكر اشياء من الماضي..... ليلى: تدرين اخر شي كنت اتصووره منج.. لمياء: صدقيني وغلاتج ماكنت ادري... ليلى: مايهمني..يكفي انج خشيتي عني...عني انا يالميا انا اللي اقرب وحده لج...ليش؟؟؟ لمياء: ليلى ارجوووج كفايه...صدقيني انا ضحيه مثلج... ليلى: انتي ولاشي ..انتي ضيعت الاخوة الحلوه اللي كانت بينا...الله يسامحج... لمياء: حرام عليج لاتقوولين جذي...ارجوووووووووووج.. وعادت لمخيلتها ايضا ... عرس ليلى... وبالاخص الزفه...كانت واقفه في ركن بعيد جدا....كانت تحلم بهذا اليوم مع ليلى لتكون الوصيفه لها...لكن ما حصل انها كانت بعيده عنها جدا.. لمياء: ليلى انا ابي اكوون الوصيفه مب هذا كان حلمنا من زمان... ليلى: لمياء وراي اشغال وايده ...سوي اللي تبينه...انا ماتفرق معاي... لمياء: ليلى بس هالليله خلينا ننسى... ليلى: رجعتينا لنفس الجرح...انا ماقدر انسى..اوكي..ولا يهمني تكونين وصيفتي او لا..لانج ماعدتي تستحقين شي... لمياء: انا ... قاطعتها ليلى.. بسكر وراي شغل..باي ليش ياليلى ما تبين تسامحيني ليش ماتبين تصدقين اني ضحيه نفسج ليييييييييييييييش؟؟؟ في بيت ام خالد.... مريم: يما...يما.. خالد على التليفووون.. ام خالد: يا فديته...الووو يما... خالد: هلا يما..شلووونج؟؟ ام خالد وهي تسمح دموعها بطرف الشيله: بخير يما...انت شلوونك؟؟؟ ومتى جاي؟ خالد: الحمدلله...قريب ان شالله..يما ليكون قاعده تصيحين؟؟؟ ام خالد: لا يما...بس ولهت عليك....انت لو تسمع كلامي...وتريحني.. خالد: يما حبيبتي...بس ارجع بسمع كلامج...ادعي لي بس.. الام: ان شالله ياولدي...حط بالك على عمرك... خالد: ان شالله يما...وانتي بعد هالله هالله بعمرج..وبمريووم مريم: محد مخربه الا دلعج له يما... الام: واالله انا خربتج انتي بدلعي لج..وطول لسانج علي... مريم: يووووووووه...وانا اقدر يالغاليه اطوول لساني عليج... الام: انا تعبت منج ومن اخووج...ماتسمعوون كلامي...الله يرحم ابووكم ليته خذاني معاه...استغفر الله.. مريم بحزن: الله لا يقوولها..ليش جذي يما..احنا من لنا غيررج.. الام: انتي مالج غير اخوووج..ودي ترافجينه على الاقل تعرفين شفيه...انا تعبت وانا احاول..وبدل ما تناحسينه بكل شي وطفشينه ... تقربي له... مريم: بحاول يما...مع انه ما يتحملني ولا انا اتحمله.. الام: الله يصبرني عليكم.... في بيت لمياء... لمياء: السلاممم الام: وعليكم السلام...وين رايحه..تعالي قعدي معاي..ابي اراويج الموديل الجديد لمياء: معليه يما...بعدين راجعه تعبانه... الام: كيفج...بس عرس بنت خالتج قرب وانتي للحين ماخترتي لج موديل.. لمياء والدمووع في عينها: ان شالله يما اليوم بدوور لي مووديل... (وراحت غرفتها) ليش ماتسالني شفيج....ليش بدل ماتسال عن الموديلات والاعراس تسالني شفيج؟؟ شلي مضايقج...ليش؟؟ ليش؟؟؟؟؟؟؟؟؟؟؟؟؟؟؟؟ الاب: السلام عليكم... الام: وعليكم السلام... الاب: رجعت لمياء؟؟ الام: اي وراحت غرفتها..مادري شفيها؟؟؟هالجامعه متعبتها..انا قلت لك ماتبي دراسه احسن الاب: خووفي مب الجامعه متعبتها...والدراسه تبيها ..بعدين تدريين الله مارزقني بغيرها عشان اقوول غيرها بيدرس ويجيب لنا شهاده... الام مقاطعه لكلامه: اي ردينا لنفس المووضوع..ما كأني قلت لك كم مره تبي عيال تزوج...بدل ما تنغز علي كل شوووي..(خلصت كلامها وراحت)... الاب وهو يعلي من صوووته: الله يهديج...انا قلت شي الحين..انا قلت لج من زمان..انا راضي بقسمة ربي...ولمياء تغني عن كل العيال...الله يهديج بس..(وذهب الاب لغرفة ابنته....( لمياء: تفضل... الاب: نمتي يبا؟؟ (وهو يقبل ابنته على راسها..( لمياء: لا يبا...بس احاول انام.. الاب: شفيها دلوعتي ماده البووز؟؟ من زعلج؟؟ لمياء: محد يبا....متضايقه عشان عمي... الاب: اي الله يشافيه...اتصلت لهم وللحين تليفووناتهم مسكره... لمياء: يمكن للحين ما اوصلوا.... الاب: زين يلا نروووح نتغدا...لان امج شكلها ما راح تتغدا معانا... لمياء : ليش؟؟؟؟ الاب: كالمعتاد ماتحمل كلمه مني..وانا ضربت على الوتر الحساس كالمعتاد..وزعلت,.,, طالعته لمياء وهي تبتسم: معليه روح كلمها مالنا غيرها... الاب: شسوي بروووح..لاحول ولاقووة ذهب الاب واخرجت لمياء صوورة لها مع ليلى وهم اطفال...ياااه معقووله يا ليلى من احنا يهال ويا بعض وانتي اختي الكبيره معقووله فرقتنا السنيين لا مب السنييييين الا هو اللي فرقنا ...اكرررررررررره...اكرررررررررررررررررره....وبدت بنوبة من البكاء... في المانياا... ليلى: اووووووووو احترق الكيك ..شلي خذا تفكيري ونساني الكيك...من غيرها لميا (وتضرب يدها بقوو على الطاووله) احبها اختي الصغيره...انا ربيتها...ليش ؟؟ ليش ؟؟ (وبدت بالبكاء) المشكله كل ما اشووفها اشووفه هو بعد..شسووووووووووي؟؟؟ ودي انسى ودي اشووفها هي وبس...هي وبس..ثلاث سنوات مرت من غير ما انسى... وانتبهت لرنين الهاتف.. ليلى: الووو جاسم: يقووولج...الجووع كاافر....واكل الطياره عذاااااااااااااااب ليلى: جاسم حبيبي....هلا والله جاسم:هلا خيتوووو...ترا كلها ساعه ونص واحنا عندج...غدانا جاهز؟ ليلى: اي كل شي جاهز....وحمدلله على سلامتكم... جاسم: الله يسلمج...يلا جاااينج بالطريييج... ليلى: حياكم الله...عيسى كلمكم؟؟؟ جاسم: لا .. بس ماقصر وطرش لنا السايق... ليلى: هذا اقل شي يسووويه...ابوي شلوونه؟؟؟ جاسم بحزن: الحمدلله بخيرر...يلا بس نجي بنسوووولف...لا نغررم الريال ترا يفضى كرته. ليلى: اوكي...باي.. سامي: ولو استاذي فداك الكرت.. جاسم: ماتقصر...بس بعد عشان انا مابي اطوول بالتليفوون وليلى اعرفها ماراح تسكر قبل لاتتسال عن كل شي... سامي: ستنا كتييير طيبه...الله يخليكم لبعض.. جاسم: الله يسلمك...يبا شفيك ساكت؟؟ الاب: مافيني شي ياولدي...بس تعبت من السفر وابي ارتاح... جاسم: الحين نوووصل ونتغدا اهم شي نتغدا وبعدين تنام وترتاح ان شالله..تلاقي ليلوو طابخه ذاك الطباخ اللي يرد الروووح.. الاب: همك كله في الاكل...وين تجي الراحه واحنا في بلاد الغرب ..ولا ورانا كله مواعيد الله يعينا ونخلص ونرجع الدوووحه بسررعه...انا مثل السمج ان طلعتني من الماي اموووت...بعدي عن الدووحه مثل مووتي... جاسم: سم الله عليك يبا...لاتقووول جذي.. سامي: لا سيدي ..انا راح اخليك تحبها لالمانيا بس ندوور فيها وتشووفها وراح تحبها.. الاب: اي خير ان شالله... .................................................. ................................... شنو الجرح اللي فرق بين ليلى ولمياء ومعقووله الايام ماداوته؟؟؟ وبوجاسم شنو بتكون نتيجة التحاليل؟؟؟ وعيسى وينه من حياة زوجته ليلى؟؟؟؟ الجزء الثاني ليلى: هلا علي ..ترى ابوي وجاسم اوصلوا ..طمن امي... علي: الحمدلله على سلامتهم...لحظة...يمااااااااااااااااااااااااااااااا اااااااااا.. وطبعا هز صراخه البيت وجات الام بسررعه.. الام: شصار؟ حد شصار له شي؟؟؟ علي: سم الله عليج من الخرعه يما...ماصار شي.. بس ابووي واخوي وصلووا... الام: الحمدلله..شعرفك؟؟ علي: ربعي قالوا لي.. الام: اي ربع؟؟ وشعرفهم؟؟ علي: يما الينانووه يعرفوون كل شي... الام: الله يغربل ابليسك...وشحقه ماسك السماعه بيدك..سكر التليفوون الحين ابوك يتصل يحصل الخط مشغووول,,, علي وهو ينظر للسماعه يحاول يتذكر: اوووووووووووووه ليلوو على التليفوون..الوووو ليلى: بطيت اذني وفزعت امي ونقعتني ..عطني امي علي: بل...لا تصارخيييييييين.... الام: هلا يما...عطيني ابووج... ليلى: للحين ماوصلوا يالغاليه...هم بالطريج..جاسم كلمني وقلت اطمنج..اول مايوصلون عندي بخلي ابوي يكلمج.. الام: ان شالله...حطي بالج عليهم يما...وابوكم حاولوا معاه بالزين...لاتعاندوونه وتحملووه ليلى: اكيد يالغاليه..بتعلميني بابوووي...فدديته..لاتحاتين يالغاليه.. الام: زين يما..مع السلامه.. علي: لالالا يالغاليه ..كلها ولا دمووعج...ليش..؟ ترى اصيح معاج.. (وراح ولمها علي بقووو..( الام: مب مرتاحه ياولدي...وخايفه على ابوووك.. علي: افا يالغاليه مافيه الا كل خير ان شالله...لاتحاتين بس...اذكري الله.. الام: لا اله الا الله...يما اتصلت في بنت عمك تطمنت عليها...ماعجبني حالها يوم طلعت من عندنا... علي: فديت قلبج ماتنسين احد يالغاليه... الحين اتصل لها... لمياء :بيت عمي...الووو علي: يافديت هالوووو اانا.... لمياء: علي متى راح تخلي عنك حركات هالمرااهقين...هااااااا؟ علي: حتى انا احبج..شووفي يما..هي تغازلني..انا مالي شغل... لمياء وهي تصاارخ: جذااااااااااااااااااااااااااااااب ...انا اغازلك ليش ؟؟ الام وهي تبتسم: هلا يما....ادري انه يجذب... لمياء: هلا مرت عمي..اي كله يجذب...تعبت وانا اقووله انا مابي اتزوج لا هو ولاغيره...مابي شلون افهمه.. الام: لا تقولين جذي حبيبتي..الله يعطيج النصيب الزين...وولدي تراه طيب..شووفي اذا درس وتوفق اخذيه..اذا مافلح بدراسته دوري غيرره... لمياء وهي تضحك: الله يخليج لنا ياخالتي الام: انا اتصلت اطمن عليج..ما عجبني شكلج يوم طلعتي من عندنا.. لمياء: مافيني شي خالتي...بس تعبت شووي وقلت اروح ارتاح..لاتحاتين ..بي طمنيني عمي وجاسم اوصلوا؟؟ الام: اي ..الحمدلله.. لمياء: تستاهلون سلامتهم.... الام: الله يسلمج....زين يما..حطي بالج على عمرج...مع السلامه.. لمياء: الله يخليج لنا...مع السلامه علي: ليش سكرتي؟؟؟ كنت بأذيها شووي..ليش يا يما؟؟ الام: يوووز عن سووالفك وروح ادرس شوووي...مايندرى شراح تسووي انت السنه ..خوووووووفي بس.. قاطعها علي: يمااااااااااااااااا لا تفأولين علي...انا ولدج علوووي الام: علوووي..رووح ادرس..مالي خلق كلللللللللللش...يلا بسرررعه.. علي: اي ابوي مب موجود حطي الحره فيني انا المسكين.. الام: بروح المطبخ احسن لي...غسلت يدي منك من زمااااااااااااااان علي: من اي زمن يما؟؟ الام: من رسبت في رابع ابتدائي وانا غسلت يدي منك.... علي: بل...لازم تذكريني ...وتفتحين الجروووح.. الله يسامحج... في المانيا.. ليلى: عيسى انت وين؟؟ عيسى: وين يعني..بالشغل..شالسؤال؟ ليلى: عيسى ابوي واخوي قريب يوصلون...متى راح تجي؟؟ عيسى: ليلى عندي شغل واايد...بتاخر ..انتي موجوده وهم مب اغراب..لا تتصلين كل شووي ..انا وايد مشغووول مع الووفد...واوبج واخوج يدروون اني اجي هني كل سنه لشغل..يعني ما راح يسألون عني حتى..فكفايه حنه...باي ليلى: سكر التليفوووون...اوووووووووو...انا ماعرف هالريل ليش جذي...همه شغله وووبس...اووووووووووو..الباب...ابووووووووووووو ي ليلى: هلا والله فديتك يا يبا...ولهت عليك وايد... الاب: هلا يبا..انا بعد ولهت عليج..شلوونج؟؟؟ ليلى: بخير دام شفتك يالغالي.. جاسم: اي واحنا طاااااااف محد معطينا وويه... ليلى: فديتك ياخووي...انت الخير كله... الاب: بس خلووا عنكم هالسوالف...وخل نروح نرتاح..انا تعبان وايد.. ليلى: سلامتك يا الغالي...الحين انجب الغدا..وبعدين روح ارقد وارتاح... الاب: لا انا مب جووعان...بعدين ريلج مب متغدي معانا؟؟؟ ليلى بحيره: لا يبا...عنده شغل...انتوا تغدوا وارتاحوا وبعدين بيجي هو ان شالله... االاب: خلاص انا بروح انام شوووي...وجاسم اذا يبي ياكل خل ياكل...من رخصتكم.. ليلى: على راحتك يبا...اذا بغيت اي شي نادني .. الاب: ماتقصرين يا بنتي... جاسم: وين الاكل؟؟ ميييييييييت جوووووووووووووووع ليلى: روح غير ملابسك وبنجب لك انا الاكل... جاسم: لالالا اكل اووول...ست ساعات والاكل مب اكل....انا مادري ليش ماخذت معاي اكل امي عشان الطياره.. ليلى: خلاص..روح الصاله وبجيب لك الاكل... وبعد ماخلص جاسم اكله..... ليلى: فيه العافيه ياااخوووي,,, جاسم: الله يعافيج ويسلم لنا اياديج...الحمدلله.. ليلى: الحين قوولي ابووي شفيه,.... جاسم بارتباك: مافيه الا كل خير... ليلى: جاسم ماجبت ابووي هني الا وفيه شي اكييد...قوولي الصج..ولا تخش عني شي.. جاسم: مادري ياليلى ..كلامهم هناك يخوووف...وانا لما حسيت اني مب مرتاح لكلامهم قلت اجي هني اتاكد..او اقنع نفسي...لاني مب قادر اصدق..استغفر الله.. ليلى: جاسم شقالوا هناك...لاتعذبني ..قولي شسالفه.. جاسم: بقوولج غصب عني لاني اعرف انج ماراح تسكتين عني..بس ترى محد يدري حتى ابووي ما قلت له..فتحملي تقوولين لاحد قبل لا نتاكد... ليلى: جاسم بديت اخاف...ابوي فيه شي يخووف هالكثر...قولي الله يخليك.. جاسم: ابوي عنده الخبيث يا ليلى ليلى وبصدمه كبيره: شنووووووووووووووو.؟؟؟ انت شتقوووووووول ...من صجك؟؟جاسم شالكلام؟؟؟ جاسم: لو اني ما شفت الاشعه ونتيجة التحاليل بعيني كنت قلت انا قاعد اجذب عليج.. وبدت ليلى بنوبة من البكاء وبهالة من الذهووول...مستحيل..مستحيل جاسم: ليلى الله يخليج انا من دريت وانا متحمل وصابر ارجوووج محتاج حد يساندني..ارجووج اهدي واذكري الله..احنا لازم نتاكد وعقب لازم نصبر ونصبر اللي حوالينا..انا احاتي امي اذا درت شراح يصير فيها...ليلى فاهمتني؟ ليلى والدموع في عينها: اي ياخووي...بس مب قادره اصدق..ابووي مريض وبهالمرض..فديتك يا يبا.. جاسم: استغفري ربج...وان شالله راح يطيب وما فيه الا كل خير... ليلى وهي تمسح دمووعها..استغفر الله...يارب تشافي ابووي.. جاسم: آمين...عيل ريلج وينه؟؟هو بعادته يتاخر جذي... نزلت ليلى راسها للارض وكأنها ماتبي اخوها يشووفها وهي ترد عليه...هي تعرف ان جاسم اكثر واحد يحس فيها ويعرفها من عيوونها: اي يتاخر لانه عند شغل..انت الحين قووم ارتاح ولين قعدت بتشووفه..ان شالله.. وقامت تشل الاكل وتوها بتطلع مسكها جاسم من يدها.... جاسم وهو يرفع ويهها بيده: ليلى شفيج؟؟من متى تخشين عني شي؟؟؟ ليلى: مافيني شي...روح ارتاح ..جاسم هد يدي...الله يخليك.. جاسم: مب قبل لا اعرف شفيج؟؟؟ ليلى: مافيني شي..... جاسم: عيسى صح؟؟ قولي .. ليلى: عيسى مافيه شي..ولا انا وسحبت يدها وطلعت من الصاله وراحت المطبخ... جاسم: لا ياختي فيج شي ..انا اصلا كنت حاس انه عيسى هذا ما يصلح لج.. ولا يعني الاخ الثاني اللي كان يصلح..اخ على حظج,,,, وراح جاسم يحاول انه ينام ويرتاح وينسى هالهمووم..... لمياء: تفضل... الاب: دلوعتي شتسوووي؟؟ لمياء: دلووعتك قاعده تشووف الكتالوجات ودور لها موديل حق عرس سعاد... الاب: يارب يجي اليوم اللي دورين فيه موديل لعرسج ياررب.. لمياء: .............. الاب: مارديتي..شنو استحيتي ولا قلتي ال آآمين بقلبج...ها يبا؟ لمياء: لا يبا,,,انا مابي اتزوج الا واحد نفسك..اذا حصلت واحد نفسك تزوجت غير جذي ما راح اتزوج.. الاب: تلاقين الاحسن يا يبا ان شالله,,,انا وامج نتمنى هاليوووم ومافينا نصبر نبي نشوووفج عررروس ونشووف عيالج... لمياء:حبيبي يا يبا,,,,الله يطول لي بعماركم وتشووفون احفاد احفادكم,,, الاب: زين يبا انا طالع خاطرج بشي؟ لمياء: سلامتك وراحة بالك يبا.... الاب: مع السلامه,,,, خرج الاب وترك لمياء وبدت تتذكر اشياء من الماضي,,,,, لمياء: وراح اختار لي موديل لفستان عرسي..مب مصدقه... : …لا صدقي...وليش تختارين مووديل بوديج فرنسا واشتري لج فستان جاهز من هناك,, لمياء: وااااااااااو ...وناسه متى يجي هاليوووم مافيني اصبر كلللللللللللللش : … بيجي قرريب,,,بس حتى لو كان مع غيري مب تزعلين,, لمياء :شالكلام,,,,مستحيل ارضى انه يكوون مع غيرك,,,,ياويلك ان قلت جذي مره ثانيه,,, .....: ….لا قصدي من يدري يمكن الله ياخذ امانته وقتها قصدي لا تزعلين.. لمياء: بس عاد...لا تقووول جذي....الله يطوول بعمرك...ويجي اليوم اللي يجمعنا مع بعض,,, وعادت من مخيلتها لارض الواقع..ليتك مت صج..ليتك مت صج ولا كرهتني فيك وفي كل الريييايل ..وفي الزواج..ليتك مت ولا فرقت بيني وبين ليلى..ياترى شلون عايش حياتك الحين مرتاح باللي سوويته...اكرهك..اكرهك..كنت تدري عشان جذي كنت تكررها دووم وعقب تتحجج بالمووت,, في المانيا........... خالد:والله..بخير يانويصر...انت شخبارك؟؟ ناصر: انا طيب,,واسال عنك..ياخي متى بتخلص وترجع... خالد: انت تدري ياناصر ودي ما ارجع...باقي لي سنه واتخرج...هني احسن لي ناصر: تعوذ من ابليس...وامك المسكينه شذنبها...وانت كل مغترب عنها..ارجع وريحها .. خالد: ان شالله...ولو اني ادري انه واحد مثلي هني احسن له واحسن لامي بعد...انا مانفع اكون ولدها...مانفع ياناصر... ناصر: بنرجع لنفس الكلام...انت متى بتتغير...متى بتفهم ان اللي راح راح خلاص..انسى ياخالد..وعيش عشان خاطر هالام والاخت اللي مالهم غيرك.... خالد: ودي انسى..ليت اقدر انسى..........ان شالله..يلا شي في خاطرك؟؟ ناصر: سلامتك..والله يعينك...باي... خالد: باي.. واقفل الخط.. وبدا يتذكر شي من الماضي,,,,,بدا يتذكر الوجه الملاكي ..وجه فيه كل البراءه...فيه كل الطيبه..فيه كل الحب... وقطع مخيلته رنين الهاتف..... مريم: الووووووووو....خيوووووووووووو خالد: هلا مريم...غريبه شجابني على بالج؟؟ مريم: فديتك ياخووي انت ماتغيب عن البال... خالد: سبحان مغير الاحوال...شفيج مسخنه؟ مريم: يووه خالد مايصير اتصل واسال عنك....صج اني مترفزه منك..ودووم اتهاوش معاك...بس بعد تبقى اخووي.. خالد: مريم ,,,,شتبين؟؟ مريم: مابي شي...متصله اسال والله,,, خالد: مب انتي قلتيلي انا مابيك تكوون اخووي ولا عدت اهمج,,,, مريم: الكلام هذا مر عليه وقت ياخالد..وانا قلته بووقت انت تدري ليش قلته هذاك الووقت..المهم مابي افتح الجرووح...بس حبيت اطمن عليك...واقوولك انا وامي مالنا غيرك...ولا لنا ذنب باللي صار..وعقاابك لنفسك فيه عقاب لنا...او لامي بالاخص...ارحم حالها دمعتها ماتفارقها...ياخي انت ما تحس...من شنووو مخلوووق انت... خالد: وانتي ماراح تتغيرين ولا راح يتغير كلامج...مشكووره وماتقصرين...وامي انا اعرف شلوون اداريها ,,انتي بس حطي بالج عليها لانج اقرب لها ومع هذا مب مراعيتها عدل.... مريم: لاتلوم وتتكلم على كيفك انا معاها وماخليتها ورحت....يعني احسن منك,,ويلا باي خالد: انتي اصلا ,,,, (وانتبه لان الخط قد اقفل ...ورمى بالتليفوون على الارض)..اوووووووووف ...هذي اخت ولا شنووو؟ حتى هي مب حاسه فيني.. وبدا يتذكر شي من الماضي... مريم: الله واكبر عليك...الله واكبر عليك,,,انت واعي شقاعد تقووول؟ خالد: مريم,,,حاولي تفهميني... مريم : شفهم...خالد هذا يسمونه استحوان...مادري لالالا شي ابشع ...انت ماتحس من شنو مخلوووق؟؟؟شلون قدرت؟؟؟ شلون؟؟ خالد: مادري ..مادري وكفايه لووم انا اقولج عشان تخففين عني مب تزيدين علي... مريم:: شخفف عنك...انا لو مكانك ادفن نفسي وارتاح واريح العالم من شررري...كل هالقسووه فيك,,,الله يعينك على نفسك,,, خالد: كفايه ..كفاايه... وقطع مخليته صوت الكاس الذي وقع من يده ليتكسر على الارض...ليت انا اللي تكسرت بدال هالكاس,,,اخ,,,اخ.. انا خل اطلع اتمشى قبل لا احس اني باختنق... وظل خالد يتمشى في الجو البارد في شوارع المانيا ...حتى حل الظلام,.,,وعاد للبيت لياخذ الحبوب المنومه وينام ويفقد كل الذكريات .. في شقة عيسى.....والساعه تقارب العاشره ليلا.... عيسى : السلام عليكم... الجميع : وعليكم السلام.... الاب: توك مخلص...شالشغل المتعب هذا... عيسى: هلا عمي..تو مانوورت المانيا...حمدلله على سلامتكم,..,, الاب: الله يسلمك...وينك صيفت علينا... عيسى: شغل والله يا عمي...انتوا بعد ماخبرتوا من قبل...كنت حاولت افضي نفسي... جاسم: لا عادي احنا مب اغراب....خلك براحتك... عيسى: اي والله صدقت....عيل انا بستاذن منكم بروح انام شووي تعبان هذي قعدتي من الصبح...وبكره وراي قعده بعد...ان شالله اقعد معاكم بكره...عن اذنكم... الاب: اذنك معاك,,, وذهبت ليلى خلفه...الى الغرفه,, ليلى: من صجك؟؟ بتنام؟؟ عيسى: اي..ليش؟؟ ليلى: زين على الاقل اقعد شووي معاهم...مب حلووه ترى,, عيسى: انا تعبان وابي انام...اقعد شسوووي؟؟ ليلى تراني صدق تعبان ومافيني على حنتج...ابوج واخوج عندج قعدي انتي معاهم...والحين انا قلت برتاح من حنة الملل ومافي احد اقعد معاه...الاقي مافي فايده...متعوده على الحنه... ليلى: الله يسامحك....انا بس مابي ابووي يقوول انك مقصر معاهم... عيسى: تووهم جاايين...الايام الجايه ماراح اخليهم...ممكن انام الحين...؟ ليلى: تصبح على خير.... عيسى : وانتي من اهل الخير... الجزء الثالث مر اسبوع على وجود الاب وجاسم بالمانيا انشغلو فيه بالتحاليل والاشعه ..وكانت ليلى معاهم في كل خطووه..في حين ان عيسى كان روتين حياته مثل ماهو ماتغير يطلع 6 الصبح الى الشغل ولا يرجع الا اخر اليوم وينام..وسؤاله عن عمه واخو زوجته قليل ..طبعا بوجاسم كان متضايق منه وايد...بس مرضه واحساسه بالتعب مخليه يطنش كل شي وكان يتمنى يخلص ويرجع بسررعه.. ليلى وهي داخله الصاله والساعه 3 الفجر دور اخوها اللي ماحصلته نايم في غرفته... ليلى: جاسم..شمسهرك؟؟؟ماخبرك تسهر على التلفزيون.. رفع جاسم عيونه الحمرا والتعبانه: ماقدرت انام...بس تعبان وابي انام.. ليلى: سم الله عليك ياخووي,.,شفيك؟؟ جاسم: تدرين شفيني...احاتي بكره وايد,,, ليلى: اي بكره نتيجة التحاليل...لا تخاف وتوكل على الله..يلا روح نام شووي والصبح ربك كريم..اقوولك شرايك اسوي لك اكل خفيف ونكمل السهره لين صلاة الصبح ونصلي وندعي لابونا ونام.. جاسم: تعرفين نقطة ضعفي...الاكل ماقدر اقوول لا للاكل..الا تعالي ريلج نايم.؟؟ ليلى: اي نام من رجع.... جاسم: مب كأنه مانشووفه ولا يقعد معانا,,؟؟ ولا حتى معاج على الاقل..؟؟ وكان يطالعها بنظرة استغراب....ودار الصمت بينهم لحظه,,, جاسم: ليلى..انتي حاسه انه هالوضع طبيعي؟؟؟؟ ليلى: اي هوو مشغوول...واحنا جايين هني بشغل..عادي ماعنده وقت ترى عيسى ..وانت شايف حاله.. جاسم: ماعنده وقت يطلع ولا يقعد معانا...بس ماعنده وقت يتصل واحد يطلع مع بداية اليوم وما يرجع الا آخره...مايقدر يتصل حتى؟؟؟؟؟؟ ولا يتصل لج؟؟ افهم شلوون؟؟ عيل لما احنا مب هني هذا هو الحال؟؟؟ وانتي طوال اليوم برووحج؟؟؟؟ ليلى: الله يهداك خووي شفيك صاير محقق...شكلك تشووف كونان وايد قاطعها جاسم: انا اتكلم جد واسلوبح بتغير المووضوع واضح ...ليلى انا سألتج كم مره في شي بينج وبين عيسى؟؟ ومارديتي..لو اني ما احتاج اجابه لان كل شي واضح قدامي..انتوا مابينكم اي ارتباط كلش...اقدر افهم ليش؟؟؟ ليلى: شلون يعني؟؟ انت شفتني مقصره معاه بشي؟؟ هو شغله جذي وبعدين انا تعودت كم سنه الحين اجي معاه وفوق هاي انت ناسي اني كملت دراستي هني وادل كل شي بالمانيا..يعني ماتملل واعرف اقضي وقتي... جاسم: بروحج؟؟؟ مع نفسج,,يوم ولا يومين هذا شهر و اوقات اكثر ..ليلى صارحيني انا اخووج..وخايف عليج...مب انج ماتقصرين معاه وتقصرين مع نفسج تحسبين انه هو الصح...لا طبعا.. نزلت راسها للارض: جاسم ارجوك,,,خلنا بابوي وخلني انا ..مافيني شي عايشه ومب قاصرني شي... جاسم: ارفعي راسج وحطي عينج بعيني وقولي لي هالكلام مره ثانيه...عشان اقتنع واصدق.. تركته ليلى وذهبت الى المطبخ ... هروبا من اخيها ومن الاسئله التي لاتستطيع الإجابة عليها.. في الدوووحه,,, استيقضت لمياء على صووت المنبه...وذهبت للتوضأ وتصلي الفجر...ثم خرجت لغرفة ابيها وايقضته وايقضت امها لصلاه..وبعد ذلك ذهبت للمطبخ وجهزت لها كوب النسكافيه وجلست في الصاله تشاهد الكتالوجات وتشرب النسكافيه.... الام: صباح الخير,, لمياء: صباح النوور...وقامت حبت امها على راسها.. الام: حبتج العافيه...ها حصلتي موديل؟؟ لمياء: حصلت اكثر من واحد ومحتاره فيهم...كل واحد احس انه يبي تعديل..مب عارفه اختار صراحه...تعالي يما شووفي وقوليلي اي واحد احلى.. الام: عطيني اشوووف..مممممممممم,.,,,هذا مب حلوو كأنه للحوامل موديله..اي هذا حلوو بس قصره مب حلووو....تطلع ريلج وينضلونج بعدين... لمياء: يما من صجج احلى مافيه الحركه هذي...شووفي شلووني القصه دائريه وحلوها..من بينضلني ابي اعرف... الام: لالالا ..اصلا ابوج ما راح يرضى بعد...بينضلونج..كل العالم عينهم عليج انتي ناسيه انج لمياء وحيدة امج وابوج والمميزة بكل شي.... لمياء: ادري حتى باسمي... الام: كأنه مب عاجبج.؟؟ اصلا احلى شي اسمج...مميز ومافي لمياء غيرج...حد يكره انه يكوون مميز,, لمياء: كنت اتضايق منه فترات بس كل ماذكر تفكيرج انتي وابوي وانكم تبوني مميزة بكل شي حتى اسمي اخترتوا هالاسم عشان اكوون مميزة اضحك واحبه اكثر... الام: وان شالله تاخذني الانسان اللي يناسبج ويكوون مميز بعد بكل شي... لمياء: غيركم مابي احد,.,,,انا دنيتي معاكم يالغاليه...والله لايحرمني منكم....والزوج ما راح يعطيني ويحافظ علي كثركم.. الام: لاتقوولين جذي....احنا راحتنا يوم مانشووفج مرتاحه في بيت ريلج..بعدين هذي سنة الحياه..لازم يجي يوم وتروحين بنصيبج....شوفي بنات خالتج..كاهي سعاد عرسها قرب...وهيا تكلم عليها ولد عمج...يعني ماشالله ثنتناتهم راحوا بنصيبهم... لمياء: اي على طاري هيا متى ملجتها؟؟؟ ما قالت لج خالتي؟؟ الام: لما ولد عمج يقووول..هم تكلموا وبعدين مارجعوا قالوا شي...وهذا مب سنع صراحه..وانا قلت لابوج يكلمهم...مب حاله هذي...انا صراحه مب متحمسه حق جاسم.. لمياء: لا يما حرام عليج هم انشغلوا بمرض عمي,,بعدين جاسم طيب وايد والف وحده تتمناه...ويكفي ان امه طيبة بعد وليلى اخته...آه على ليلى مب حلوه الدووحه من غيرها.... الام: خلاص احنا تعودنا على بعدها ..هي ماتجي هني شووي الا ترجع ترووح المانيا ..هي وريلها ماعندهم غير المانيا...انزين الحين هالموديل تبينه؟؟ بس بنعدل فيه شووي.. لمياء: يمااااااااااااااا تكفين...خليني اسوويه من غير تغيرر صدقيني بيطلع حلووو.. الام: لالالا..مالي خلق يصير فيج شي..وبعدين ابووج ما راح يرضى... لمياء: اقوولج..بشتري له جوتي باحبال..وبغطي ريلي بالاحبال..شرايج؟؟؟ومحد راح ينتبه جذي... الام:والله حاله..الحين هالخيووط بتغطي الريل...قاصين عليكم فيها...مافي ولاتحاولين...راح نعدله وبيطلع احلى فستان..تدرين ليش؟؟ لمياء : ليييييييييييييييش؟؟؟ الام وهي تضربها على راسها: لانج انتي اللي راح تلبسينه...وانتي مب اي وحده..انتي لمياء شيخة البنات ... لمياء بعد ماطلعت امها::يمااااااا ترى انا كبرت وماعدت ياهل عشان تقوليلي هالكلام واصدق واستانس..خاطري في المووديل...شسووي اوامر الحكوومه...بس من وين اجيب حد يقنع امي وابووي.. وبدت تتذكر شي من الماضي.... ليلى: ليش مب جايه؟؟ لميوووووووووو...انا مب قلت لج قوليلهم انج لازم تجين هالحفله... لمياء: مب راضييين شسوووي؟؟ ليلى: من ابوج ولا امج؟؟ لمياء: الاثنين...محد رااضي... ليلى: زين الحين بتصل على عمي واحاول معاه..وانتي سووي رووحج ماتدرين شسالفه..زين لمياء : اووووووووووووووووكي... الاب: الووووووووووو ليلى: يطوولي بعمرك ياعمممممي...يا اغلى عم... الاب: هلا حبيبة عمج انتي....وينج ما شفناج من كم يووم.. ليلى: افاااااااا..الحين امر واخليك تشووفني افا عليك... الاب: حيياج الله يالغاليه... ليلى: ممممممممممممم..بس بشرررررط؟؟ الاب: تتشرطين على عمج عشان تجين عنده شوويه..افا يا ليلوووووو ليلى: لاعمي...لان انا ابي اخذ لمياء معاي الحفله...فبمر اخذها...عمي الله يخليك لا تردني... والتفت الاب ونظر الى ابنته التي كانت تخفي وجهها بالجريده وكأن المووضوع لا يعنيها... الاب: اخاف عليها ياليلى..وبعدين حفلة تخرج وحده من رفيجاتج ..ليش ترووح هي معاج؟؟ ليلى: عشان انا ابيها معاي....عمي عشاااني خلها تجي معاي... الاب: ليلووو ماقدر على حنتج...قلت لج مب ضروري جيتها..وبعدين انا اخاف عليها... ليلى: افا ياعمي تخاف عليها وهي معاي...افااا..زعلتني صراحه..واذا قلت عشان خاطر ام لمياء...يعني خطرتك بخاطر الغاليه...اذا رديتني بزعل واايد... الاب: مشكله انتي...خطرتني بخاطر الغاليه ..بخاطر شريكه العمر كله..(وهنا التفت له الام...وناظرته باستغراب) ماقدر اقوول لا..خلاص روحوا بس ماتتاخروون..ولا ياوويلكم..بجي الحفله وافشلكم.. ليلى: لاالا ما راح نتاخر...مشكووووووووور يا اغلى عم...لو ادري كان من زمان خطرتك بخاطر شريكة العمر.. وضحكت... الاب: زين خلاص عيل..اجهزي ومري على لمياء... وهنا قامت لمياء ورمت الجريده ونظرت لابيها...يبا صج اروح..والله ارووح؟؟ الاب: اي رووحي..قدرتي علي ..وسطتي ليلووو ماقدر اقوول لا..تعرفوون نقظة ضعفي... الام وهي فرحانه بكلام زووجها...رووحي يما ولا تتاخرين زين... لمياء: يااااااااسلام...يعني ليلى لها خاطر عندكم اكثر مني...الحين انا يوم كنت احاول فيكم مارضيتوا...وعشان ليلى رضيتوا..معليه ...معليه.. الاب: لا يبا..بس هي خطرتني بخاطر امج...شسوي ..اضطريت... لمياء: المهم اني بروح...يلا من رخصتكم........... فديتج ياليلى انتي الوحيده االلي كانت لها تاثير على ابوي وامي...وتقدرين تقنعينهم...بس وينج الحين...بعيده عني واايد...ولاعدت اقدر اطلب منج شي...آخ منك يازمن...آخ منج يا أيام قربتينا وبعدتينا وياليت ترجعين وتقربينا مثل قبل واحسن............... في المانيا.... ذهب جاسم خلف اخته للمطبخ...ليفجر القنبله وليظهر الكبت الذي في نفس اخته...ليعرف ماتحمله اخته من هموم...وليعمل على راحتها.... جاسم: رحتي ولا رديتي علي؟؟ على بالج انا راح اسكت عنج نفس هذيج الليله...لا طبعا... ليلى: جاسم تكفى..خلني اجهز لك الاكل وكفايه كلام وخل الليله تمر..قلت لك انا عايشه ومرتاحه ومب قاصرني شي.. جاسم وبنظره لاخته وهي تخفي دموعها..اقترب منها وسحبها الى الممر: شوووفي ..وين الراحه؟؟ ابي اشووفها؟؟ وين؟؟ (واشار الى غرفتها) هناك راحتج مع هالانسان اللي نايم ولايدري عنج...ولا مع هالتلفزيون وهالشقه اللي تخنق الواحد..اي راحه يا ليلى قوليلي اي راحه...وشالعيشه ..تقدرين تقوليلي ليش للحين ماحملتي ولا فكرتي بموضوع اليهال..عاجبج حالج...برووحج في اكثر اوقاتج...او بالاصح بكل اوقاتج...ليلى انتي كنتي قبل ما تفارقين لمياء وكانت معاج بكل خطووه معقوله الحين قدرتي تعيشين برووحج او مع زوج ما يدري عنج؟؟ معقووله حياة الوحده سيطرت عليج..(وسحبها الى اقرب منظرة)..شوووفي ويهج...هذي ليلى اختي اللي كان ويهها منور دووم ومصدر للأمل.. وابتسامتها ماتفارقها..قاعده تعاقبين نفسج؟؟؟ قوليلي...تعاقبين نفسج؟؟ وعلى شنو؟؟؟ وحق منوو؟؟ حق واحد ما يستاهل واحد لو اقدر اذبحه كنت ذبحته وريحة الناس من شره...بس لا واحد مثله خله عايش عشان يتعذب لان الموت يمكن يريحه من عذابه... طبعا ليلى كانت قاعده تصيح بحرقه وبدا صووتها يعلى بالصياح وتشهق بقووو لمها جاسم: صيحي صيحي ياليلى طلعي هالكبت ..انا تعمدت اصيحج ..صار لي اسبووع احاول معاج عشان تقوليلي شفيج..وعشان اشووف هالدمووع المحبووسه...لازم تصيحين لازم تعرفين ان اللي تسووينه غلط في غلط..كلنا ننحط بتجارب فاشله بس ماتووقف الحياه عندها...انتي ماوقفتي حياتج انتي وقفتي قلبج وموتي مشاعرج وكل شي حلوو فيج...صيحي ..مع ان كل دمعه راح تذبحني بس غصب عني...ابيج ترتاحين .. قامت ليلى من حضن اخووها وراحت عنه... جاسم: وين رايحه؟؟ ليلى: بروح انام..ارجووك خلني ارووح... جاسم: مابيج تنامين وانتي بهالحال (وقرب منها) ليلى انا اخووج وابي مصلحتج ومارضى اشووفج بهالحال؟؟ ولا عاجبتني عيشتج...وريلج هذا بس ترجعوون راح اتصرف معاه..لازم يعرف قدرج ويعرف حقوقج...لازم تعيشين مع انسان يعرف قيمتج ...مب هذا ...ولا هذاك..ولا واحد منهم يستاهلج..روحي صلي ونامي وفكري بكلامي..وراح تعرفين اني قلت هالكلام عشان ابي راحتج ...اللي تهمني قبل كل شي...انا مارضى اشووف اختي جذي واسكت..انا طوال هالسبوع كنت ميت من القهر..من زوجج وتصرفاته..وبروودج المصطنع كان ذابحني بعد..عرفتي ليش انفجرت فيج...يلا تصبحين على خير... ذهبت ليلى لغرفتها ودخلت الحمام وغسلت وجهها ونظرت لنفسها بالمرآه...هو اللي كان يحبني ويقدرني..بس طلع جذاب وحقير..شلون اقدر اصدق اي احد او اثق فيه او اشووف الدنيا حلووه بعد ما اقرب شخص لقلبي خوون فيني وفوق هاي كله حتى اللي كانت قريبه لي ونفسها هو نفسي جذبت علي...شلووون عمري ماقدرت انسى ان اقرب ثنين لي لعبوا وقصوا علي..ثنين وثقت فيهم..وعطيتهم رووحي والحين تبيني ياخووي اعيش نفس قبل ...ماعدت اقدر..ماعدت... وتوضأت وصلت وغطت بنوووم عميييق ملي بالكووابيس..................... في الدووحه.....والساعه تقارب التاسعه صباحا... الام: مريووووووووم مابتروحين الجامعه...؟ مريم وهي تتمغط...ممممممممممم بروح كم الساعه الحين.. الام: الساعه تسعه.... مريم وهي تفتح عينها .. تسعه..يما حرام عليج محاضرتي بعد نص ساااعه..ليش خليتيني نايمه؟؟؟ الام: تعبت وانا اقعدج ..ماتبين شسووي فيج؟؟يلا الحين لبسي وطلعي بتلحقين... مريم: يما وين الحق..انا لين اطلع من دوار التضامن يبيلي ساعه... الام: عن الدلع رووحي وبتوصلين...كلها دوار ونفق وانتي واصله قريب الجامعه... مريم: يما هالدوار ازمه... الام: عن الدلع هالحزه الدوار فاضي..اذا كثرتي كلام راح تتاخرين اكثر..لحقي محاضرتج... وقامت مريم ولبست عبايتها ....وحبت امها وطلعت بسررعه.. الام: لا تسرررررعين وخلي بااالج مافيها شي لو تاخرتي شوووي...خلي بالج.. مريم: ان شالله لا تحاتين... مريم: شالووهقه ..هالشرطي ما حلاله الا الحين يووقف السير...بتاخر ..اوووووووووو انا مادري شلي خلاني اخذ علم نفس...لا والدكتور مايحب حد يتاخر ...يارب اووصل ... الام: الووووو..مريم مريم: لبيه يما... الام: وصلتي؟ مريم: صرت قريبه يما..لاتحاتين.. الام: زين الحمدلله... مريم: اي زين..بتاخر عشر دقايق عن المحاضره..اذا مب اكثر.. الام: معليه اهم شي توصلين..حطي بالج وكلميني اول ماتوصليين.. مريم: ان شالله يالغاليه.... الام : شفيها مريم تتصل مالحقت تسكر..الووو هلا مريم خالد: هلا يما...انا خالد مب مريم.. الام: هلا يما فديتك...شلووونك؟؟ خالد: بخير دام سمعت صووتج..انتي شلوونج؟؟ وشلون صحتج.. الام: بخير يما..ولهت عليك.. خالد: معليه يما..الله كريم..مريم شلوونها؟؟ الام:بخير..توها راحت الجامعه متاخره...ان شالله تتخرج وتفتك من هالجامعه... خالد: ان شالله..وعلومج يما؟؟مب قاصركم شي؟ الام: قاصرنا وجودك ياولدي..مب جاي بعطلة المرسمس.. خالد: مرسمس...يما اسمها كريسمس... الام: كرمسمس ولا مرسمس..انا شعرفني...اهم شي بتجي ولا لا؟؟ خالد: ان شالله يما..بس ادعي لي انتي...وسلمي على مريم..مع السلامه الام: الله يحفظك... مريم: الووووو الام: هلا يما...وصلتي.. مريم: اي يالغاليه..والحين رايحه محاضرتي,,, الام: الله يوووفقج..ترى اخووج اتصل وسلم عليج.. مريم: الله يسلمج ويسلمني من كل شر..فيه الخير...يلا يما تحملي بعمرج..باي الام: الله يحفظج... مريم: توه مافتكر الاخ...مادري متى بيعقل ومتى بيدري عنا...مادري ليش اخوي الوحيد جذي حاله...لاحول ولاقوة الا بالله..الفرج من عندك يارب,,, عائشه: شفيج متاخره؟؟ ترى خذا الدكتور الحضوور.. مريم: شسوي حظي جذي...كلمه بعد المحاضره... عائشه: شفيج؟؟ من مزعلج؟؟ تهاوشتي مع امج؟؟؟ مريم: لافديتها...ماقدر اتهاوش معاها..بس مزاجي متعكر...لاني قمت متاخره.. عائشه: عادي...بعدين انا كم مره اقوولج تليفونج لا تحطينه على السايلنت... مريم: شسووي اذا ماحطيته بتسندريني باتصالاتج... عائشه: ياسلام..الحق علي اقعدج للمحاضره...خلج جذي كله متاخره. مريم: اضحك معاج شفيج..خذتيها جد...بس خلينا نركز قبل لا يطردني الدكتور,,, عائشه: اوكي.. في المانيا..استيقضت ليلى وهي تشعر بصداع وتعب..ونظرت الى الساعه وهي تقارب العاشره ..غريبه ليش محد قعدني...وينهم ؟؟؟ لا اليوم نتيجة التحاليل ليكوون راحوا عني...وبسررعه راحت الصاله لقت ابووها قاعد برووحه... ليلى: صباح الخير..(وحبت ابوها على راسه)..يبا لييش قاعد برووحك؟؟ ووينه جاسم؟؟ الاب: صرتي نفس جسووم تسالين الف سووال ..بالجمله يعني.. ليلى وهي تبتسم: فديتك يا يبا...لا بس مستغربة لانك برووحك.. الاب: اي هالمستشفى اجلوا موعدنا لبعد بكره..واخوج طلعع يتمشى وانا مالي خلق قلت اقعد اشووف التلفزيوون... ليلى: يووه وليش مالك خلق..افا... الاب: ولهت على قطر..ابي ارجع ..انا ماحب هالديره...ديرة الكفر...حتى اذان الواحد ما يسمع فيها..تضييق الخلق... ليلى: بس...لالا اكيد اشتقت للوالده...صح؟؟ الاب: اي اشتقت لها..هذي الخير والبركه..والواحد اذا ما شافها في اول النهار ..يحس بضييق... ليلى: ايووو ياعنتر...فديتك يا يبا شاعر تراك...وينج يا يما...تعالي اسمعي... الاب: توني مكلمها..ومطمن عليهم.... ليلى: شخبارهم؟؟؟ الاب: كلهم بخير...بس علووي مجنن امج..بس ارجع بعلمه السنع..ان ماخذت منه السياره...عشان يستوي رجال ويدرس وما ياذي امج.... ليلى: لا يبا...كلمه بالزين...وعلي يسمع الكلام.. الاب: علي يسمع كلامج انتي ...بس انتي ماعدتي تكلمينه وتنصحينه نفس قبل...ولا هو يسمع لج انتي اكثر من اي احد...اقوول يا بنتي قوومي سووي لنا شاي ..خل يرووح عني عوار الراس.. ليلى: من عيوووني... وراحت ليلى المطبخ تجهز الشاي.... في الطرف الآخر..... كان جاسم يتمشى بحديقه قريبه لسكنهم ويفكر في تصرفه مع اخته...معقووله اكوون قسيت عليها امس..مادري ليش سوويت جذي...كنت امسك نفسي لين ترجع قطر واتفاهم معاها..هي مب ناقصه ..كفايه اللي فيها..يعني عيسى هذا كفايه عليها...اوووف..مادري شسوووي..خل اتصل اطمن على الغاليه ولهت عليها.. علي: منزل السيد ابو جاسم المحترم.. جاسم: this is bad godsber can I speek to ms sara plz.. علي: نعم...اوكي...no what do you say?يعني شنو قلت جاسم وهو يضحك: علوووي ياذكي افندي...يعني ترجم حق واحد انكليزي اما انت ههههههههههههههههههههههههههههههههههههه هههه علي: هذا انت..على بالي صج حد...صدق وقلت الحين بيقووول فزتوا بجائزة ولا شي..ماعندك سالفه.. جاسم: انا ولا انت...بعدين ليش مب بالمدرسه انت؟؟اقدر اعرف؟؟ علي: تعبان...رحت وطلعت.. جاسم: ياحبك للدلع..ناسي انك ثانويه عامه,,, علي: بس كل ماشافني احد قالي انت ثانويه عامه...شنو جريمه هي الثانويه العامه..مليت ترى جاسم: اقوول عطني امي..ترى مابي اخسر كرتي عليك... علي: وشدعوه انا ابي اضيع وقتي معاك..ناسي اني ثانويه عامه ..ههههههههههههههه جاسم: ههههههههههههههههههههههه...قوم ناد امي... الام: هلا والله..هلا بحبيب قلبي..يما شلوونك؟ جاسم: بخير يالغاليه..انتي شلوونج؟؟ ولهت عليج.... الام: انا بخير ...هم انا ولهت عليكم...متى بترجعوون؟؟؟ جاسم: قريب ان شالله..ادعي لنا بس ..محتاجين لدعاويج الحلوه.. جاسم تم يسوولف مع امه وهو قاعد على كرسي مشاهد الماي ... وبالصدفه خالد كان يتمشى الجهة الثانيه من البحيره وانتبه لجاسم وتم يطالعه وكأنه مب مصدق....هذا جاسم؟؟؟ شيسووي هني؟؟ اهاااااااا هذا اللي شفته هذاك اليوم يكلم ليلى بس ماعرفته من بعيد..بس غريبه شجايبه؟؟خل اروح قبل لا يشووفني...وبدأ يتذكر شي من الماضي وهو في طريق عوودته للبيت.. جاسم: انت خالد ؟؟ خالد: اي..خير بغيت شي؟؟ جاسم: انا جاي اقوولك..مابي اشووفك او اسمع انك حاولت تكلم اختي...لو سمعت بس لا تلوم الا نفسك..لان واحد مثلك مايستاهل شعره من اختي...ولو كنت اعرف الموضوع من قبل كنت ما سمحت لواحد مثلك يكسر بقلب اختي...وودي الحين اذبحك واخلص الناس منك...بس لا خلك عايش يمكن ضميرك يصحى بيوم ويعذبك وياخذ منك حق اختي والله العالم حق من بعد عندك..يا نذل... خالد: اسمعني..عطني فرصه اشرح لك..ترى انا قاطعه جاسم: انت نذل...لاتزيد وتعيد بالكلام ابعد عن اختي..ترى والله ثم والله راح اسووي شي ما اسامح نفسي عليه.. وضرب الهواء البارد وجه خالد ليعيده من ماضيييه...اي ايام يا جاسم...والله ايام... في الدووحه... علي: الوو فديت هالرقم انا.. لمياء: علي..ممكن تمر علي الجامعه...؟ علي: اكيد ممكن..انتي تامرين امر.. لمياء: لان السايق داعم وبيتاخر الاخ.. علي: احسن... لمياء: شنووووووووووووو؟ علي: اي قصدي عشان امرج انا....ونروح نتغدا..ونسوي لنا جوو لمياء: علي ممكن تجي بسرعه لاني طفشانه من هالجامعه واللي فيني مكفيني.... علي: افاااا شفيج؟؟؟ لمياء: اقولك السايق داعم..وابوي باجتماع مايرد علي...وحدني الشين عليك..وانت بدل ماتجي قاعد تتكلم ومسوي روحك شاروخان... علي: الحين انا عندج افا عليج..يا اشواريااا ..(طوط طوط)..بل سكرت التليفووون شفيها؟؟ماقلت لها شي.. في الطرف الآخر..... عائشه: باقي محاضرة وحده قعدي لاتصيرين جذي.. مريم: زهقانه وابي اروووح... عائشه: كيفج...ماجات على هالمحاضره يعني,,, مريم: معليه عوووش..تيك كير باي. عائشه: يوو توو..باي في الشارع..... فيصل: يما حبيبتي تبوون شي..انا جاي البيت....اي اي خلصت محاضرات...الله يسلمج يالغاليه يلا مع السلامه.. في السياره... مريم : نو نمبر...من يتصل..الووو خالد: مريم شلوونج؟؟ مريم: زينه,,, خالد: ماتبين تسالين عني؟؟؟ مريم: مايهمني...تبي شي؟ خالد: لا بس حبيت اسال عنج.. مريم: سالت عني العافيه...مشكوور فيك الخير خالد: انتي ليش جذي..اسلوبج كلها استهزاء فيني..شسوي عشان ارضيج يعني..مب من كثر خواتي او كثر خوانج... مريم: خالد اقصر الشر وسكر...مالي خاطر ترى كلش.... خالد وبدى بالصراخ: لا انا مب راعي شرر..اتصل ادور رضاج وانتي تناحسين بكل شي...عمري ماتخيلت انه اختي بتووقف ضدي...عيل الباقيين شراح يسوون..؟ لو ادري ما صارحتج بشي.. مريم: خالد خلاص ..كفايه ...انا ماوقفت ضدك ولاشي...ويلا باي خالد: لاتسكرين...انا متصل اعرف لين متى بنتم جذي... مريم وبدت عيونها تمتلىء بالدمووع وبدت تسرع بدوون حاسيه ... خالد: ردي علي...انا اخووج ولاعدووج...شتبين اسووي امووت نفسي عشان كلكم ترتاحوون؟؟؟ مريم: تبي الصج... خالد: اي.. مريم: ياريت ...عشان ترتاح امي ولا تحاتييك...على الاقل بتكوون وقتها عارفه انت وين ولا تحاتي عايش ولا ماكل ولا شارب ولا ولا,,,, خالد: بااااااااااااااااال...تبين مووتي يامريم؟؟؟ياكثر كرهج لي... مريم وهي تصرخ: لااااااااااااااااااااااااااااااااااا وتضرب السياره اللي قدامها رغم كل محاولاتها بايقاف السياره لكن سرعته كانت اكبر.... خالد: شالصووت...؟ مريم شصااار؟؟ مريم وهي تصيح: دعمت...ارتحت... خالد: صار فيج شي؟؟ مريممم.. مريم: مممم..ماصار....يلا باااي خالد: مريم طمنيني اول ... مريم: يهمك واايد .. لو يهمك ما كنت خليتني بروحي وخليتني اتبهدل بالسواقه وبالشووارع..خالد خلني اسكر واشووف اللي دعمته ...طوط ..طووط خالد : آآآآآآآآآآآآآآآآآآآآآآآآآآآه.....الله يستر.... في الطرف الآخر...... علي : ملكتي الصغيره اانا برا في الموااقف.... لمياء: يلا جاايه... كانت في سياره قدام سياره علي..وطلعت مع لمياء بنتين ...راحوا اركبوا السياره اللي قدام وحده منهم طاحت شنطتها فنزلت خذتها وشافت علي ..كانت بنووته صغيره وملامحها حلووه وطفووليه علي انبهر فيها...وتم يطالعها باستغراب مب مصدق هاالملاك الصغير قدامه..ومب قادر يقتنع انها بالجامعه شكلها صغيرر,,,, لمياء: السلام عليكم... علي: ....... لمياء: السلام عليكم,, علي: ....... لمياء: السلام لله يا لطيب....علوووووووووووي علي: بطيتي اذني شفيج؟ لمياء: انت اللي شفيك؟؟من مساعه انا هني ولاترد ولاتحركت... علي: صج..مانتبهت كلش.... لمياء: شفيك؟؟ علي: تعرفين اللي ركبت بالسياره اللي قدامنا... لمياء: اي ساره....رفيجيتي ليش...؟ عجبتك؟ علي: الكبيره ولا الصغيره؟؟ لمياء: اي وحده منهم عجبتك؟؟ علي: الصراحه... لمياء: اييييييييييييييي علي: الصغيره....كأنها بيبي...بس بيبي يجنن لمياء: هي فعلا بيبي... علي : صج عيل شتسووي بجامعتكم... لمياء: جايه تاخذ اختها...عندك مانع؟؟ علي: لا عندي فيصل ينفع؟؟ لمياء: ياخفيف الدم... علي: منو هذي؟؟ صج والله؟ لمياء: هذي فاطمه اخت ساره ..بثالث ثنوي....ارتحت الحين.. علي: من عمري يعني؟؟؟ لميا: لا اصغر منك..بس متقدمه سنه بالدرااسه...شاطره ماشااله عليها مب مثل نااس علي: حلووه يالمياااء... لميا: الله يشفيك...ودني البيت يلا تعبااانه... في الشارع نزل فيصل اللي كان راسه ينزف لانه ضرب الجامه من شدة ضربة مريم له خصوصا انه ما كان مسكر الحزام.. واقترب من سيارته ليرى ماذا حصل لها...ومريم تمت تنظر له بخووف وهي ترى الدم.. واحست وكأن النفس ذهب من عندها..ماذا تفعل.... من اكلم شسووي ياربي....اي اي ناصر مافي غيررره... ناصر: الووووووو مريم: ناصر شلونك؟ ناصر: بخير...شفيج؟؟ شفي صووتج؟ مريم: انا داعمه عند دوار المرخيه...تعال لو سمحت...ماعرف اتصرف.. ناصر: يلا جاي...اهدي بس ومافي الا كل الخير ان شالله..اهم شي ماتاذيتي؟؟ مريم: لا..ولي يعافيك لا تتاخر.. وقف فيصل حائرا يرى الخووف في عين مريم ولايريد ان يكلمها...فاتصل بالشرطه....ثم اخذ الكلينكس وجلس يمسح الجرح.... مريم انا شاليووم اللي من اوله جذي استغفر الله...هذا متعور وينزف الله يستر شكلي بنسجن...حتى السجن شووي لي... نزل فيصل مره اخرى وهو يتحدث بالهاتف ونظر لمريم وابتسم محاوله منه لتهدئيتها...لإحساسه بانها كانت تنتفض من الخوووف..جلس ينتظر قدووم الشرطه...ووصل ناصر...وسلم على فيصل ناصر: سلامات.... فيصل: الله يسلمك... ناصر: السموووحه...عسى ماتعوورت,, فيصل: لا بسيطه.,...بس الضربة كانت شينه...شووي ..الصراحه وايد ناصر: معليه ...السمووحه منك..ياترى الشرطه جاايه؟؟ خبرتهم؟؟ فيصل: اي الحين يجوون..بس وصي اختك ماتسووق بسررعه مب عشاني عشانها..بعدين انا الصراحه دووم اقووول حريم لا يسوقوون ما ينفعوون..بس محد يصدق... ناصر: معليه انا راح اوصيها واحرص عليها...انت قاعد تنزف اخووي خل اطلب لك الاسعاف.. فيصل: لا جرح بسيط لا تحاتي...روح اطمن على اختك لا تحاتيني...تراها خايفه.. ناصر وهو يبتسم...واقترب من سيارة مريم.. مريم: انا والله قاطعها ناصر..ما صار الا الخير..اهم شي سلامتج..لاتحاتين..والرجال شكله طيب..بس هدي انتي... مريم: هو بخير؟؟ ناصر: اي الحمدلله..جرح بسيط وسياره مخفووسه من ورا..ماقصرتي فيه... مريم: ادري..بس غصب عني... ناصر: معليه تصير ..تصير مع الكل.. وحضرت الشرطه وتم انهاء كل الإجراءات... مريم: تعبتك معاي...السمووحه منك.. ناصر: مسموحه وعادي تعبكم راحه..انتي اخت الغالي...الله يرجعه بالسلامه..يلا روحي البيت وطمنيني الوالده اكيد تحاتيج...وحطي بالج ولاتسرعين..هذي رووح وانتي محاسبه عليها...عن اذنج.. الجزء الرابع في المانيااا..مع بداية النهار والشمس ترسل اشعتها والعصافير تغرد معلنة بداية يوم جديد... استيقظت ليلى وذهبت تجهز الفطور وتستعد لإيقاظ والدها واخيها للذهاب الى المستشفى... ليلى: ورده حمرا...مع ان صار لهم يومين ماجابوا ورد مع الجرايد غريبه... جاسم: شالغريب؟؟؟ ليلى: الورد اللي يجي مع الجرايد صار لهم يومين محد حطه واليوم ا رجعوا يحطوون... جاسم: ورد؟؟ من متى ينحط ورد مع الجرايد؟؟ ليلى: هذول الاجانب وافكارهم,,,بس حلوه الفكره صح؟ جاسم: اكيد..بس غريبه شووي...انتي متاكدة انها تجي مع الجرايد؟؟؟؟ ليلى: اي انا احصلها مع الجرايد... جاسم: غريبه...زين فطورنا جاهز؟؟ ليلى: اي جاهز...روح قعد ابووي لين ارتب الصفره.... جاسم: ان شالله.. (وهو رايح الغرفه يفكر بموضوع الورد)..شلون اتاكد منه؟ اي لازم اشووف باقي الشقق يجيهم ورد مع الجرايد؟ انا شفيني شكيت بامر الورد يعني بالمانيا من اللي بيجي ويحط ورد كل يووم..مايندرى شكي بمحله ولا لا.. في الدووووووووووحه... لمياء: صباح الخير...يا اهل البيت... علي: هلا صباح النوور.... لمياء: وين مرت عمي عيل؟؟ علي: امي..اكيد انها في المطبخ..روحي شووفيها تراني مستعجل وبروح المدرسه..اخاف اتاخر.. لمياء: واللي يسمعك الحين مب متاخر...يالطيب الساعه 8 يعني تاخرت .. علي: ادري..لازم تذكريني...مع السلامه حبي... لمياء: لااااااااا تقوول حبي..كم مره اقوولك؟؟ ام جاسم: السلام عليكم,, لمياء: وعليكم السلام..هلا مرت عممي شلوونج؟؟ الام: بخير الحمدلله..انتي شلوونج؟؟وليش مارحتي الجامعه؟؟ لمياء: بروح خالتي بس محاضرتي ثانيه عندي وقت بعد...قلت امر اقعد معاج شووي.. الام: حياج الله..خل احط الريوق ونتريق مع بعض... لمياء: انا بروح احطه مرت عمي.. فيصل: صبحج الله بالخير يالغاليه... الام: هلا يما...صبحك الله بالنور...على وين؟؟ ماعندك جامعه بدري اليوم؟؟ فيصل: بروح البنك اخلص كم شغله لجاسم...عقب بروح اشووف موضوع الوظيفه شصار عليه.. الام : الله يووفقك يا يما... فيصل: لمياااااء شلووونج؟؟؟ لمياء: بخير..وانت شلوونك؟؟ فيصل: الحمدلله.. لمياء: وشالضربه اللي في راسك؟؟؟ فيصل وهو يحط يده على الجرح..: هذي الاخت الفاضله ماقصرت معاي... لمياء: من هي؟؟ فيصل: وحده دعمتني امس...يلا شي في خاطركم.,,,؟ الام: سلامتك يما.... لمياء: شقصة الدعمه خالتي؟؟ الام: ولاشي يما...حادث بسيط امس وربج ستر..يما شووفي التليفون ردي عليه.. لمياء: ان شالله...الووووو جاسم: صباح الخير... لمياء: صباح النوووور....شلوونك جاسم؟؟ طوولتوا علينا.. جاسم: هلا بنت العم...شنسووي بعد الظرووف جذي.. ليلى: وهاذي كلها طايحه في بيتنا... ويأشر لها جاسم انها تسكت...اقوول لمياء وين امي؟؟ الام: هلا يما...هلا الغالي..شلووووووونك يما؟؟ ابوك شلووونه؟؟ الاب: انا بخير ...يعلني ماخلى من هالحس...يارب... الام: ولا منك يارب...متى بترجعون ..؟ الاب: قريب ان شالله...بشرينا عنكم؟؟ الام: بخير ونعمه..ناقصنا وجودكم...طوولتوا ردووا خلاص... الاب: شسوي يا ام جاسم..مبهدلينا...كل يوم يقولون بكره...عاد اليوم موعدنا بعد شووي الله يستر..قلت لجاسم اتصل خل ناخذ دعوة الغاليه... الام: الله يبعد عنكم كل أذى ويطمنكم ويطمنا...ياااااااااااااارب الاب:آآمين..يلا شي في خاطرج؟؟؟ االام: اول ماتاخذون النتيجه طمنوني... الاب: ان شالله... لمياء: عممي شلوووووووووونك؟؟ الاب: هلا لمياء..بخير ..انتي شلوونج؟؟ لمياء: بخير...وحشتونا عمي ووايد.. الاب: حتى انتوا واحشينا...حطي بالج على مرت عمج ..يلا بنتي مع السلامه... ليلى: سكرتوا التليفون وماكلمت امي...ضاعت المكالمه كلها على الاخت لمياء..حاله هذي؟ جاسم: ليلى خلاص...كلميها عقب...يلا نروح المستشفى...مانبي نتاخر.. خرج الاب برفقة جاسم وليلى ..وقبل خروجهم رن الهاتف...فرجعت ليلى واجابت..: الوو .. ................:... ليلى: الووووووووووووو ..............:... جاسم: من؟؟ ليلى: الظاهر الخط ما مسك..مافي احد يرد... جاسم: زين عيل يلا عشان مانتاخر... ليلى: اوكي.. سامي: صباح الخير.. الكل: صباح النوور.. سامي: كيفكم اليوم؟؟ الكل: الحمدلله بخير... سامي:طيب..نروح هلا..مانسيتوا شي... الاب: لا يبا..خلنا نرووح ونشووف هالدكتوور شراح يقوول.. سامي: تكرمووا...كل خير ان شالله.. في الطرف الآخر للعمارة....وقف خالد وهو ينظر لهم وهم يغادروون...وعينه تحبس الدمووع...ذهب الى اقرب كوفي شووب وجلس يشرب النسكافيه..ويتذكر اشياء من الماضي... ليلى: هلا....سووري لاني مارديت عليك بسرعه..كنت اكلم لمياء.. خالد: يا هالمياء..كله تكلمينها..وكل كلامج اصلا عنها...مشكله ترى.. ليلى: يوووووووه...تغار منها؟؟؟ خالد: لا يانور عيوني ماغار منها..بس لاطنشينا عشانها... ليلى: كم مره قلت لك...لمياء اختي الصغيره والمدلعه..وبعدين انا احبها وااااااايد.. خالد: ياحظها...هالكثر تحبينها...انا شبقى لي عيل...؟ ليلى: يووه...شفت انك تغار؟؟ خالد: لالا ..ماغار ولاشي.. وفجأة احس خالد بحرارة في يده وانتبه للنسكافيه الذي بدا يتساقط على يده...اووووووو...حرقت يدي...انا وين رحت..رحت بعيد وايد...رجعت لايام حلووه وايد... في الطرف الآخر ..في الدوحه..بالتحديد...في الجامعه...حيث كانت لمياء في المحاضره..ولكنها كانت في عالم آخر..كانت تتذكر شي من الماضي.. لمياء: ليلى هي امي الروحيه...تحس فيني اكثر من اي احد بهالدنيا... ......: …اكثر مني؟؟؟ لمياء: ممممممممممم...حبي لك غير عن حبي لها..لا تقارن.. ...: …ممممممم..انتي كل كلامج عنها...ماعندج غير ليلى قالت وليلى سووت... لمياء: تدري لين شفتها وعرفتها راح تحبها مثل ما احبها..هي طيبه وتفرض محبتها على الكل بطيبتها... ...: …ان شالله ..يكفي انه حبيبتي تحبها.. لمياء: لاتحرجني... ..: …احب هالدلع ...ياحلووج وياحلوو هالدلع... وقطع صووت الدكتور مخليتها.. الدكتور : لمياء ..ياريت تذكرينا باسم الفيلسووف صاحب هالمقووله.. لمياء بحيره: ........................ مريم اللي كانت تجلس بجوار لمياء ,,,,آرسطو وبصوت واطي..آرسطووو..لكن لمياء لما تنتبه لها..فكتبت لها على دفترها....آرسطوو... الدكتور: لمياء..انتظر اجابتج.... لمياء: آرسطو... الدكتور: شفيج مترددة..فعلا هو العالم آرسطو... لمياء: اوووووف....مشكوورة,,, مريم: العفوو...حياج الله,,بس لاتسرحين وايد لان هالدكتور غرامه يسأل..او اقوولج قعدي ورا عشان ما ينتبه لج...بس الافضل انج ماتسرحين وتنتبهين طبعا.. لمياء: ان شالله...بس ترى انتي مشغووله من مساع بعد بالمسجات... مريم وهي تضحك: هاي وانتي سرحانه ومنتبه لي..عيل ليش مانتبهتي للدكتور؟؟؟ لمياء:لا ..بس شفتج وانتي ماسكه التليفوون وطرشين ويجيج الرد... مريم: هذي عوش رفيجتي ماحضرت واشوفها ليش ماحضرت... الدكتور: مريم ولمياء..في شي تتناقشوون فيه ونقدر نشاركم النقاش؟؟ مريم وهي تبلع ريجها: لالا دكتور.. الدكتور: عيل انتبهوا لو سمحتوا... في السياره... ليلى: الو..هلا عيسى.. عيسى: ليلى شووفي سامي وصل؟؟ ليلى: ايه ..احنا معاه ورايحين المستشفى... عيسى: قوليله خل يشغل تليفوونه..وبس يوصلكم يرجع لي ابيه ضروري,,, ليلى: ان شالله... جاسم: شفيج تنافخين..؟ وشفيه ريلج؟؟ ليلى: مافيني شي..سامي شغل تليفونك وعقب ماننزل المستشفى ارجع لعيسى يبيك بشغل... سامي: تليفوني مافيه شحن وهلا حطيتو على الشحن..بس ستنا مابتعرفي شو بدوا مني..انا كنت حاب استنى معاكم...عشان اطمن على الوالد.. الاب: فيك الخير ..احنا بنطمنك عقب روح له ..هذا شغلك ياولدي.. سامي: مو مشكله هلا بحاكيه وشوف ازا في مجال استنى معاكم شووي.. جاسم: ياحبيب قلبي ..روح له وخلص شغلك وارجع لنا..لاتزعل عيسى منك... سامي: اوكي.. ليلى بصوت واطي...حتى السواق احسن منه جاسم: قلت لج...انا مب مرتاح لتصرفات عيسى وتعامله معاج... ليلى: خلها على الله.. جاسم:والنعم بالله... الاب: شفيكم؟؟ ليلى: ولاشي يبا,,,سلامة راسك... وصل خالد الجامعه وهو متضايق وطاف على الكافتريا وشاف بشاير قاعده تنتظره مثل كل يوم...وصل الى الطاول ورمى بالكتب ... خالد:اووووووووووووووووووووف بشاير:whats up baby? خالد: nothing much and I told u before dont say this word.. بشاير: اسفه نسيت...لو انك للحين ماقلت لي ليش ماتحب تسمعها..زين شفيك؟؟ خالد:مافيني شي......... بشاير:غريبه ..مع ان شكلك يبين انك متضايق,,,,هو صج الضيقه دووم تبين عليك..بس اليوم بزياده شكله يومك كان من اوله باد... خالد: بشاير ترى مالي خلق..عن اذنج رايح الكلاس.. بشاير: ويت..انا بروح معاك...شيقعدني هني... وذهبت بشاير معه وهي تحدث نفسها..خاطري اعرف شنو سر هالغمووض...مادري حبيبي في شي بحياته ومادري ليش ما يصارحني فيه..تعبت وانا اسأله..متى بيصارحني خالد: بشوورتي...انا اسف اذا ضايقتج..كنت متضايق شووي بشاير: اتس اوكي.. خالد يفكر بينه وبين نفسه..آآه يابشاير لو تعرفين شكثر كلمة بيبي ترجعني لماضي حلوو لقلب ابيض حبني وعلمني الحب..وكانت لما تقوول حبيبي او بيبي كنت اسمعها من قلبها قبل شفاتها...بس غبائي وانانيتي ضيعت كل شي..والحين اتمنى الزمن يرجع واصلح كل شي ... بشاير: خالد..خالد.. خالد: نعم.. بشاير: الكلاس خلص..عن اذنك..وراحت بشاير... خالد: بشوورة..بشوورة.. بشاير: نعم؟؟ خالد: شفيج؟؟؟ وليش طلعتي بسرعه ورحتي عني...؟ بشاير: اسأل نفسك..جاي ومزاجك متعكر ولا راضي تقوولي شفيك..وفوق هاي قاعد وسرحان ومطنش لي..اقدر اعرف شفيك؟؟ خالد: قلت لج ولاشي... بشاير: شفت..مادري ليش ماتبي تقوولي؟؟ خالد لين متى بتم اطلب منك تقوولي...متى بتقولي من نفسك؟؟ خالد: شتبين اقوولج؟؟ كفايه حنه ورنه..خل نروح الكلاس لا نتاخر.. بشاير: اي احسن من هالكلام صح؟؟؟ خالد: بشاير امشي نروح الكلاس وبعدين نتفاهم... ومسك يدها وسحبها معاه وماتكلمت ولا كلمه..وحتى دموعها حبستها.... في المستشفى... ليلى: شقال لك الدكتور؟؟ جاسم: ما قال شي..يقول انه كل شي اووكي..ويا يبا ماعليك شر..هو شوية ارهاق وتعب.. الاب: الدكتور قال جذي؟؟؟يعني ياولدي انت جبتني من الدووحه عشان يقولون هالكلمتين؟؟؟ لا ياولدي هذا كلامك نفس اللي قلته بالدووحه..اذا فيه شي يبا قووله..انا مؤمن بقضاء الله وقدره.. ليلى: جاسم...شقال لك الدكتوور؟؟؟ جاسم: ما قال غير اللي قلته...ونزل راسه للأرض... الاب: قول يبا...خلنا نعرف..لين متى بتخش ..انا عارف انه في شي انت خاشه..عشان جذي رضيت وجيت معاك..(قرب منه الاب) عشاني ومعزتي عندك تقوول الصدق... رفع جاسم راسه وعيونه مليانه دموع..ولم ابووه بقوو: يبا انت تعبان ولازم ترتاح...وبعدين انا ماقدر اقوولك..الله يخليك,,,صدقني انك تعبان وبس... الاب: خلاص اروح للدكتور واسأله..ترضى اسمعها من غريب ومب منك..تراها منك ارحم وايد.. جاسم: لا لا يبا.. ليلى: نروح البيت وعقب نسمع من جاسم بعد ما يرتاح... الاب: الحين ابي اعرف كل شي...انا مب ياهل عندكم...كلامي هو اللي راح يمشي...جاسم شقال لك الدكتور...شنو نتيجة التحاليل؟؟؟ جاسم وبارتباك وحزن: يبا انت مريض ...(ويسكت شووي) مريض بالسرطان..بس تراه طفيف...يعني فيه للحين امل بعلاجه..بس يبيله صبر وراحة .. ليلى بدت تصيح وحست ان الدنيا دوور فيها... الاب سكت شووي وعقب قال: الحمدلله على كل حال....الحمدلله.. وراحت ليلى ولمت ابوها .. الاب: لاتصيحين...ترى هالشي مكتوب...ومحد يقدر يغير المكتوب..والحمدلله اخووج قال انه شي بسيط...فليش الزعل...يلا نرجع البيت..شووف سامي وينه؟؟ جاسم: ان شالله... في الدووحه... ام جاسم: الوو فيصل يما وينك؟؟ فيصل: هلا يما...بالجامعه...بغيتي شي؟ ام جاسم: يما فيصل تعبت اتصل لابوك ومايردون علي..ابي اتطمن عليه... فيصل: معليه يما..يمكن للحين بالمستشفى..هم بيكلموونج اكيد... ام جاسم: تاخرووا يما..وايد تاخرووا..وانا احاتي,,, فيصل: معليه الغاليه اصبري شووي..وبيتصلون ان شالله.... ام جاسم: ان شالله... في الطرف الآخر.. لمياء: هلا علي.. علي: خلصتي..؟ امر عليج؟؟ لمياء: السايق جاي...لاتعب نفسك.. علي: انا قريب خليني امر وقولي للسايق يروح البيت... لمياء: اوكي خل اكلمه وارجع اكلمك... علي: اوكي...بس غريبه العاده ماتوافقين بسرعه...؟ لمياء: مب عشانك لاتصدق..لاني ابي اجي اتغدا عندكم... علي: عشان بطنج...ادري انا... لمياء: وانت جاي الجامعه عشاني؟؟؟ علي: اكيد... لمياء: اي صح...صدقتك انا..يلا بكلم السايق... علي: ها شصار.. لمياء: تعال ..قلت له يرووح البيت ويقول لهم اني بروح بيت عمي... علي: حلوو,,,يلا انا انتظرج في المواقف... لمياء: السلام عليكم,, علي وهو يتلفت: وعليكم السلام... لمياء: شدوور؟؟؟ علي: ولاشي.. لمياء: دورهااااااااا؟؟؟؟ علي : اي..وينها؟؟؟؟؟؟؟؟؟؟؟؟؟؟؟ لمياء: مب كل يووم بتجي تاخذ اختها... علي: ليش؟؟ زين متى بتجي عيل؟؟؟؟تكفين كل ماتجي قولي لي,, لمياء: شعنده شاروخان..ليكوووون؟؟؟ علي: شنو يا اشواريا..؟؟ لمياء: مادري انت ادرى...يلا خل رووح البيت ابي اطمن على عمي...اتصلوا او بعد.. علي: مادري... في المانيا............. بشاير: خالد طف السيجاره ..انا كم مره قلت لك اقطع السجاير,,,انت مب وعدتني... خالد: ................................. بشاير: خالد...طف السيجاره يلا عاد... خالد: شنو..شقلتي يا لي................................وسكت خالد مره وحده... لفت عليه بشاير: يا لي ..شنو بعدين؟؟؟؟ شكنت بتقووول؟؟كمل قووول...يزاتي اني خايفه عليك وابي مصلحتك..انت اصلا من اول اليوم مادري شفيك...والحين كنت بتغلط علي..ليش يا خالد؟؟ خالد:.....................................الص دمه خلته يسكت ولا يعرف يرد... بشاير: انا رايحه السكن...باااااااااااااي.. خالد: انا شسوويت...شلون ..كنت بناديها باسمها..كنت .. وبدا يتذكر شي من الماضي.... ليلى: طفهاااااااااااااااا...اقوولك..ترى باخذها وبحرق يدي فيها..وبخليك تحس بالذنب..طفها يلا خالد: اذا حرقتي يدج ياويلج مني..بعدين انا قلت لج بقطعها..اصبري علي.. ليلى: الحين طفيها...الحين... خالد: لا.. ليلى: عيل عطني اياها...عطني اياها..... خالد: لاااااااااااااااااااا....بس عاد.. ليلى: بيبي عشاني...بليييييييييييييز.. خالد............. هذي بشاير يا خالد مب ليلى ..بشاير....آآآآآآآآآه وينج ياليلى..ليش انتي بعيده عني..ليش مالقيتي شي واحد يشفع لي عندج... في الشقه.... الاب: الحين امكم تحاتي اكيد...اتصلوا عليها خل اطمنها... ليلى: ان شالله...الحين اتصل.. لمياء: الووووو ليلى: يما حبيبتي..شلوونج؟؟ لمياء: هلا ليلى...انا لمياء...شلوونج انتي؟؟ ليلى: وينها امي؟؟؟ لمياء: ليلى,,ان...........,قاطعتها ليلى ليلى: نادي امي...ابوي يبي يكلمها..بسرعه... لمياء : خالتي...خالتي... الام: هلا يما...هلا حبيبتي ....طمنيني يما..قولي شصار معاكم؟؟؟ ليلى: كل خير يما..لاتحاتين ....طمنونا وابوي مافيه الا كل الخير.. الام: الحمدلله..زين عطيني اكلمه واطمن عليه... الاب: هلا الغاليه..شلوونج؟؟ الام: بخير والحمدلله...انت شلوونك؟؟؟وشقال لك الدكتوور؟؟ الاب: كل خير..لا تحاتين..وكلها كم يوم واحنا عندكم..تولهت عليكم وايد... الام: حتى احنا...مكانكم مبين...بس اهم شي سلامتكم... الاب: الحمدلله..يلا حطي بالج على نفسج وسلمي على العيال.... الام: يووصل...ما كلمك فيصل... الاب: اتصل فديت عمره...بس علووي ماسمعت صووته..بس بيقطع الكرت سلمي عليه وخل يتصل لي عقب.. خرجت ليلى لشراء بعض الخضار واخذت تتمشى في شوارع بوون...حتى وصلت للجمعيه واخذت لها ماتحتاج من اكل وخضار..ثم وصلت محل للورد واشترت باقه لتضعها في الشقه..واثناء عبورها لأحد الممرات اصطدمت بشخص ما.. ............... ياترى من هالشخص؟؟؟؟؟؟؟؟؟؟؟؟ الجزء الخامس في الدوحه في بيت بوجاسم... لمياء: طمنيني خالتي شقالواج؟؟ الام: الحمدلله يقول انه بخير وعافيه..وكله كم يووم وبيرجعون ان شالله.. لمياء: الحمدلله..يوصلوون بالسلامه..وليلى بترجع معاهم؟؟ الام: ماعتقد يما..ليلى ترجع مع عيسى اكيد...ويرن هاتف لمياء.. لمياء: هلا هيا..الحمدلله..انتي شخبارج؟؟ هيا: الحمدلله..يا قاطعه..ووينج؟؟ تدرين ان عرس سعاد بعد اسبوع ولا نسيتي؟ لمياء: لا حبيبتي ما نسيت..بس شووي انشغلت...بعدين انا فستاني اليوم يخلص..تروحين معاي عشان تشووفينه؟؟ هيا: لو اني اخت العرووس ومب فاضيه قاطعتها لمياء..ادري انج اخت العرووس بس افضي لي لوو شووي..شدعووه انا بنت خالتج.. قاطعتها هيا..تووج تذكرتي ووينج عنا واحنا محتاسين ونجهز لعرس بنت خالتج ها؟؟؟؟ وخذت ام جاسم التليفون من لمياء..هيا: اصلا انتي دووم جذي طنشيييين الام: بنتي شلوونج؟؟؟ليش قاعده تتهاوشين مع لمياء؟ هيا وهي منحرجه:هلا خالتي..الحمدلله..انتي شلونج وشلون صحتج؟؟ الام: بخير يما..خفي على لمياء تراها دووم عندي..ومشغوله معاي .. هيا: معليه خالتي..دام معاج سامحتها...بس هي ما اسالت عنا من اسبوعين واحنا محتاسين مع العرووس.. الام: الله يتمم لها على خير (وعلى طوول تذكرت الام ولدها جاسم) والفال لج ان شالله انتي وجاسم الله يرده بالسلامه... هيا وهي تقوول في خاطرها آمين..آمين..هيا ماتعرف جاسم وما شافته الا يوم جاء وخطبها ..شافته من بعيد,,,بس تحب امه وايد: الله يرجعهم بالسلامه ياخالتي...الا شخبارهم؟؟ الام: كل خير ان شالله..وتراهم بيرجعون هالايام..وحطي في حسابج بس يرجعون بنجي نملج.. هيا انحرجت: ................ الام: انا بكلم امج بس يوصلون وبقولها..انا مافيني اصبر اكثر ابي ازوجكم بسرعه... هيا: ...... الام: هيا يما شفيج سكتي..استحيتي.. هيا: لا خالتي ..اللي تشووفينه.. الام: خلاص حبيبتي... لمياء: هلا هيااوي...زين سوت فيج مرت عمي..سمعي بس اطلع بكلمج.. هيا: اوكي..باي في بيت خالد.... مريم: السلام عليكم...يما حبيبتي انا جيت..يمااااااااااا..وين راحت امي.. وتوها بتتصل ولا تنتبه للباب ينفتح.. ويطل ناصر وهو يصارخ: سيسليا..سيسليا وشاف مريم وهي طالعه باستغراب... ناصر: السلام عليكم..اسف مادريت انج هني.لان خالتي قالت انج بالجامعه.. مريم: وعليكم السلام...لا عادي...بس وينها امي؟؟ الام: كأني يما..رحت الجمعيه مع ناصر... مريم وبدت مظاهر العصبيه تبان عليها... ناصر: صرنا اول الشهر..ولقيت نفسي رايح الجمعيه...فقلت اكيد ان خالتي تبي ترووح بعد ..(قاعد يبرر لنفسه عشان ماتعصب عليه مريم..( مريم: نفس كل بداية شهر..نفس الكلام..انا ما راح اتكلم..والله يعطيك العافيه... ناصر وهو ينهد ويقول بخاطره اشوى ماعصبت: زين خالتي انا بترخص ..تامريني بشي؟؟؟ الام: سلامتك ياولدي..ماقصرت..الله يعطيك على قد نيتك يارب.. ناصر: واجب علي ياخالتي... وتوه بيطلع ولا مريم تناديه.. مريم: ناصر ... ناصر: هلا آمري... مريم: بس بغيت اسالك شصار على موضوع الحادث..مريت المرور؟؟ ناصر: زين ذكرتيني..بكره امر ان شالله واكلم الرجال..واودي سيارتج بعد...تامرين على شي بعد؟؟ مريم: لا..سلامتك..والسموحه منك..متعبينك معانا.. ناصر: لاتقوولين جذي..انا قلت لج معزتكم من معزة خالد...مع السلامه... الام: الله لا يحرمنا من طلته علينا..لو مب هوو كان احنا حالنا حال... مريم: اي كله من اخونا..اللي مايدري عنا.. الام: اخووج يا يما..الله يهديه..ماقدر غير اني اطلب له الهدايه..هو يدري زين انه احنا مالنا غيره..خصوصا ان اهل ابووج من ايام الميراث وهم مقاطعينا... مريم: اي يما..خلاص تعودنا على القطيعه..بعدين لا تنسين لنا رب ما ينسانا... الام: والنعم بالله..الحمدلله مسخر لنا ناصر ومب مقصر معانا..الله يحفظه لشبابه.. مريم وهي تبتسم: آمين يا يما... في المانيا من جهة أخرى... استيقظ خالد من نووومه...ونظر الى تليفونه..6 مس كوول ..كلهم من بشاير ..خل اكلمها...ولا لا خل اكلم امي واشوف شخبارها..واتصل خالد بالبيت ولم يجبه احد...سكر الخط..اتصل على جوال مريم..مالي خلق اسمع لي كلمتين منها...بس اشتقت لامي...وبدا يتذكر شي من الماضي... الام: خالد بعدك مانمت يما.؟؟؟ خالد وهو يقوول للشخص الذي يحادثه بالتليفون: انا بكلمك بكره..يلا مع السلامه..آمري يما.. الام: يما خل عنك هالتليفونات ..يما لاتكلم بنات الناس وتلعب عليهم..ياولدي غلط اللي تسوويه.. خالد: يما انا ماسوويت شي..بعدين انا احب هالانسانه ومالعب عليها..وان شالله قريب بنروح نخطبها.. الام: الله يهديك...بس تذكر ان انت لك اخت وخاف عليها..ترى اذا سوويت شي في بنت الناس الله راح يحاسبك..اذا تبيها من بكره اخطبها لك..الحلال احسن من الحرام.. خالد: قلت لج يا يما..قريب ان شالله...انتي روحي نامي ولا تحاتييني... الام: تصبح على خير.... خالد: آآآآآآآآآه يا يما...ليتني سمعت كلامج وخطبتها ..ولا سويت اللي سويته.. من جهة أخرى,,,,, بشاير: انا اسفة... ليلى: لاعادي انا اللي ما شفتج.. بشاير: خليني اساعدج... ليلى: مشكوورة...وماقصرتي...وين بتروحين؟؟ بشاير: المحطه.. ليلى: حلو بطريجي يعني..تحبين نتمشى مع بعض بشاير: اكيد.. ليلى: يلا عيل... بشاير: انتي ساكنه هني؟؟؟ ليلى: اي...وانتي؟؟ بشاير: لا انا في بنهووف...بس اجي هني دووم...ماشفتج من قبل... ليلى: انا ماطلع وايد..واذا طلعت اكون نازلة اجيب اغراض... بشاير: بروحج هني؟؟ ليلى : لا مع زوجي... وانتي؟؟؟ بشاير: انا بروحي..ادرس هني... ليلى: الله يووفقج...عيل دام بروحج خليني اشووفج من وقت لين وقت عشان ماتتضايقين بروحج.. بشاير: لا عادي..انا في السكن.. ليلى: حلوو..وصلنا المحطه..راجعه بنهووف؟ بشاير: اي...نسيت اعرفج..انا بشاير من الكويت... ليلى: عاشت الاسامي..وانا ليلى من قطر...وفرصه حلووه يا بشاير..خل اعطيج رقم الشقه عشان تكلميني متى ماجيتي هني ونطلع نتمشى مع بعض.. بشاير: اووكي..ثنكس الووت ماي دير.. عادت ليلى للشقه....السلام عليكم... الاب: قلت لك احجز لنا حق بكره انت ليش تعاند...؟ جاسم: يا يبا...خلنا كم يوم هني نغير جوو..من جينا كله بالمواعيد... الاب: انا مابي..اقوولك احجز لي وانت تم هني..غير جوو انا تولهت على الدووحه.. جاسم: يبا الله يخليك..انا ابيك تتطلع وتوسع خاطرك.. ليلى: شصاير شفيكم؟؟ جاسم: تعالي ولي يعافيج اقنعي ابوي ..الا يسافر بكره.. ليلى: ليش يبا..خللك كم يووم..نطلع ونقضي وقت.. الاب: انتوا كلكم تحبون تعاندوون..انا ابي ارجع قطر شبي بهالديره...ضاق خلقي منها..جسووم لاتعاند واحجز لي ..ولا ترى بكلم سامي... ليلى: ياويلك..بدا ابوي يهدد... جاسم: خلاص لاحول ولاقوة ..انا بكلم سامي واروح معاه اشووف اموور الحجز... الاب: اي خلك ولد مطيع... ليلى: وانا ..اهون عليك يبا تخليني بروحي... الاب: انتي ارجعي معانا..ولا زووجج هذا كله مشغوول..ارجعي معانا احسن لج.. جاسم: انا اقوول جذي بعد... ليلى: ماعتقد عيسى بيرضى.... عيسى: السلام عليكم...شفيه عيسى...سمعت اسمي... الكل: وعليكم السلام... الاب: ابد اقوول لزوجتك ترجع معانا...بكره ..شتسوي هني؟ عيسى: وانا ياعمي...؟ اتم بروحي؟؟ الاب: انت كله بشغلك..ماتنشاف كلللللش..وشحقه مخليها هني كله قاعده بالشقه بروحها.. عيسى: لا ياعمي اصلا انا اخر الايام افضي نفسي عشان اطلع معاها ونغير جوو..بس هالايام الشغل زايد شووي.. جاسم: الله يعينك..يلا من رخصتكم.. عيسى: على وين؟؟ جاسم: رايح اشووف امور الحجز... عيسى: الله يعينك..زين وانا بروح ارتاح شووي...شي في الخاطر؟؟ الاب: لا سلامتك.... في الدووحه...في اليوم التالي.... علي: يمااااااااااااا..يماااااااااااااااااااا الام: متى بتتعود ماتصارخ...شفيك؟؟ علي: سكري عينج...عندي مفاجأة لج .. الام: سكرت..يلا ياعلووي ترى مالي خلق... الاب: افا يالغاليه مالج خلق لنا... الام: يعلني ماخلا من هالحس..الف الحمدلله على السلامه..ليش ماقلتوا لي (ولفت على ولدها علي) تدري ولاتقوول لامك ..ها... علي: انا عبد مأموور... الام: حسابك عندي..اصبر علي بس... فيصل: شرايج بهالمفاجأه؟؟؟ الام: حتى انت يا فصووووووووول..معليه..الله يسامحكم... الاب: شلوونج يالغاليه؟؟؟ الام: بخير بشووفتك...يعل ربي ما يحرمني منك...الف الحمدلله على السلامه..وينه جاسم عيل؟؟ جاسم: موجود..بس تعطيني وويه؟؟ الام: فديتك يا يما...حمدلله على سلامتك... جاسم وهو يحب على راس امه...الله يسلمج...يلا نرتاح تراني ميت من التعب... وبعد مرور اسبوووووووووووووووع... في قاعه الجيوان بنادي الدانه.....اجتمع الكل لحضور حفل زفاف سعاد....... لمياء: هيا ..هيا.. هيا: وااااااااااااااااااااااااااااااو...شكلج يجنن..فديتج يا لميووووو طالعه حلووه.. لمياء: وقتج صح..روحي شووفي اختج تراها جننت الكوافيره مب عاجبها الميكاب... هيا: سعادوو..لازم تطلع لها بطلعه الحين..محد ناقصها..وين امي عنها؟؟؟ لمياء: مادري..مع المعازيم... هيا:هذي حاله يعني... لمياء: شفيج...تتحلطمين؟؟ هيا: جوالي..فضى شحنه..والحين لورحت شلون اقوول للعروس تفتح لي الباب.. لمياء: هاج جوالي وبسج حنه...بقوولج ردي على اي مكالمه تجيييج لان مرت عمي بتتصل اول ماتووصل... هيا: ان شالله...يلا عن اذنج سعاد: وينج انتي؟ تعالي شووفي ويهي..الووع الجبد..كأني جنيه... هيا وهي ترفع حاجبها مستغربة من كثرة اللون الاحمر بميكاب اختها: مممممممممم تبين الصراحه شكلج جنيه ..جنيه.. سعاد: من صجج...لا قوولي والله..ادري يالسخيفه.. هيا: بس احلى جنيه ترى... سعاد: ترى بصييييييييييح... الكوافيره: لالالا..بيخترب الميكاب..تعبت فيه ترى..بعدين انا اشووفه حلو ومافيه شي... هيا: حلو وماقلنا شي...بس الله يخليج خففي اللون الاحمر.. الكوافيره: حاضر... وبدت تعدل بالميكاب...ورن تليفون لمياء... هيا : الووووووووووو...( طبعا ماتسمع شي من صوت الاغاني (فتصارخ... جاسم: الووو.... هيا: الوووووووووووووووووووو....ماسمع ترا.. جاسم باستغراب غريبه لمياء مب من طبعها تصارخ...قام وصرخ هو بعد.. هيا: ماسمع خالتي انتي ووووووووووين؟؟؟ جاسم: لميوووووووووووووووووووو....انا جاسم ..وامي عند الباب رووحي شووفيها.. هيا ماسمعت غير جاسم واستحت واسكت.. جاسم: الووووووووووووووووووووووو...الووووووووووووووو هيا: هلا...خير؟؟؟ جاسم وحس بنبره الصوت غير ..بس قال يمكن لانه مايسمع..يا لمياء..امي عند الباب روحي لها.. هيا: ان شالله.. جاسم: لحظه....لحظه..انتي شفيج؟؟ هيا: ولاشي..باي... جاسم وبعد ماسكرت عليه يطالع تليفوونه.. فيصل: شفيك؟؟؟ جاسم: مادري ..كأنه مب لمياء اللي ردت علي... فيصل: عيل من؟؟ جاسم مادري ياخووي..جرب اتصل لها انت من تليفوونك... فيصل: ماترد...خلنا نرووح نرجع للعرس الرجاجيل..يلا.. سعاد: انتي وين رحتي...تعالي شووفي المكياج.. هيا: الحين احسن..صار احلى..خلاص سعاد يلا لبسي خل نجهز لج اغنيتج وتنزلين.. سعاد: حلفي انه شكلي حلوو.. هيا: والله حلوووووووووووووووو... سعاد: زين..ابي امي.. هيا: برووح اقوول لها... لمياء: حد اتصل؟؟ هيا: اي مرت عمج..عند الباب روحي لها... لمياء: اوكي.. (وتنتبه للمس كوول بجهازها)...فيصل...خل اكلمه يمكن يبي شي.. فيصل: كاهي لمياء تتصل,,,هلا بنت العم... لمياء: هلا...اتصلت فيني؟؟ فيصل: اي بس بغيت اعرف رحتي لامي...؟ لمياء: كاني رايحه لها.. فيصل: توووج..من مساع جاسم مكلمج... لمياء: محد كلمني..اصلا جهازي كان مع بنت خالتي...اخت العرووس فيصل: اي..خلاص عيل مع السلامه.. جاسم: شفيك طالعني..جذي؟؟؟ فيصل فيصل: التليفوون كان مع اخت العروووس.. جاسم وهو يبتسم: عرفت شفيك طالعني...يعني كان مع خطيبتي....ولادريت..شالحظ... فيصل: بالعكس حظ حلوو تكلمها بدوون اي ترتيب..هاي احلى حظ.. جاسم: عاد لوكنت ادري كنت جننتها شوووي.. فيصل: خلك عنك هالسوالف...مسكينه البنت... مريم: تعالي يما... الام: قلت لج عرس مانعرف اهله..شنسووي فيه...فشله والله.. مريم: انا اعرف بنت خالة العرووس وهي اللي عازمتني..يعني هاي يزاتي قلت نجي ونغير جوو.. الام: لا يما...بس مانعرف احد فشله... شافتهم لمياء من بعيد وقربت لهم.... لمياء: السلام عليكم..حيالله من جانا.. مريم: الله يحييييييييج....ماشالله تهبلين.. الام: اي ماشالله..الله يحفظج من العين يابنيتي... مريم: هذي امي...الغاليه....امي حبيبتي هذي (وتقاطعها الام) اكيد لمياء...كثر ماتسوولفين عنها اخر الايام...هلا يابنتي.. لمياء: هلا فيج خالتي...تفضلوا ارتاحوا... الام: ان شالله....تصدقين يامريم ماشالله عليها حلووه وشكلها مؤدبه... مريم: اي ماشالله..وروحها حلووه.. الام: اي..ودي ازوج اخووج وحده مثلها...يارب انك ترجعه بالسلامه وتهديه... مريم: ان شالله... في المانيا.... عيسى: ليلى...ليلى ليلى: نعم...بغيت شي؟ عيسى: اي جهزي نفسج بنروح نتعشى على الساعه سبع بمرج...خلج جاهزة,, ليلى بسعاده كبيره: صج...وين بنروح...؟ عيسى: معزومين على عشاء.. ليلى: حسبت بنتعشى بروحنا؟؟؟ عيسى: لا هذا عشاء شغل..وقلت اخذج معاي تغييرين جوو..بس خلج جاهزه (وطلع عيسى).. ليلى: وانا اللي استانست وعلى بالي بعزمني على عشاء ..ونطلع بروحنا ونقعد مع بعض بعيد عن الشغل...لين متى يا عيسى بتم جذي....همك في الشغل وبس...انا لازم اسووي نفس ماقالي اخووي اتكلم معاه بصراحه و اوصل لحل معاه... في الدووحه... انتهى العرس بطاوله اجتمع عليها كل من ام جاسم وام العرووس وام خالد وام لمياء ومريم ولمياء وهيا..وقعدوا يسوولفوون ..طبعا لمياء هي اللي خلت مريم تقعد مع امها واخرتهم... ام جاسم: الفال لهيا ان شالله...ها يا ام العرووس...متى ملجت هيا وجاسم... الام: يالغاليه..توالناس...خل ارتاح شووي ...انا سعاد تعبتني وايد.. ام جاسم: معليه بترتاحين ان شالله..بس خلينا نملج بس..ترى تاخرنا وايد... ام لمياء: اي تاخرتوا وايد ..صح الام: مادري والله..خل اشاور ابوها..وان شالله بنتفق على موعد... ام خالد: الله يتمم لهم على خير ان شالله.. الكل: آمين... عيسى: اقدر اعرف شفيج؟؟ ماده البوز من طلعنا من المطعم؟؟او بالاصح من اول ماوصلنا.. ليلى: .................. عيسى: بتمين ساكته وايد؟؟ ليلى: شتبي اقوول؟؟ عيسى: ردي علي..قولي شفيج؟؟ ليلى: مافيني شي عيسى: انا خاطري اعرف شتبين ..ماخذج معاي في اكشخ مطعم وتعشيتي مع شخصيات مهمه وقاعد اعرفج على احسن الناس..في حين انج قاعده طوال العشاء ساكته ولا مفتكره باحد والكل قايم فيج لانج حرم عيسى..شتبين اكثر...؟ ليلى: ............... عيسى وهو يصارخ : ردي علي.. ليلى: المفروض استانس..وانت طوال العشاء مطنشني..ولا افرح وانا واصله المطعم مع سامي وزوجته..وكل الشخصيات المهمه على قوولتك جايين واياديهم بيادي حريمهم..الا انا..ولا افرح لانك كل ماطلعت معاي لازم يكون معانا احد,,,قولي افرح بشنو؟ عيسى: بتمين طوول عمرج جذي...عقلج صغير..هذا كل اللي هامج.. ووصلوا الشقه..وراحت ليلى وفتحت التلفزيون وقعدت وطنشت لعيسى...راح عنها وطنش هو بعد ونام... في اليوم التالي ومع بداية النهار...استيقظ عيسى وتوضأ وصلى ...ثم ذهب الى المطبخ فلم يجد الاكل كالعاده موجود...وصل الى الصاله فلم يجده هناك ايضا ..بحث عن ليلى ووجدها نايمه في الغرفه الاخرى..واستغرب نومها..عمرها ماسوتها ونامت ولاجهزت لي ريوق..يمكن سهرت امس..خل اروح الشغل...وطلع.. في الدوحه.. علي: السلام عليكم.. بوجاسم والام: وعليكم السلام.. علي: الله لايحرمنا منكم يارب.. الام: ولا منك ..شعندك قاعد بدري.. بوجاسم: مب عنده مدرسه.. علي: شفتي ابووي يعرف وانتي لا...افا يا يما..افااا الام: لا بس مب عوايدك.. علي: لا انا قررت التزم...وادرس واجيب معدل..عشان اصير شي.. الام: شي مثل شنو؟؟ علي: اروح الجيش مثلا,, الاب وهو يضحك: الحين دخلت الجيش بتصير شي... الام: ياحسرة قلبي...انا ناقصني عوار قلب.. علي: شفيكم...الجيش مدرسة تعلم الكثير..انا اقوولج يا يما..احنا عايشين بامان بفضل الله وفضل الشرطه وحراستهم ..والشرطه جزء من الجيش...اصلا يا يما.. قاطعته الام: اقوول ياولدي روح مدرستك..وتخرج من الثانويه وبعدين بنشووف موضوع الجيش.. علي: يعني بين قوسين احلم بانك تروح الجيش...زين يما..الله يسامحج.. الاب وهو يضحك: بسك ياعلي تطفر بامك وروح دوامك... علي: ان شالله.. وحب على راس امه وابوه وطلع...وتصادف مع لمياء عند الباب. علي: هلا حبي..هلا بقلبي.. لمياء : وليييييييييه...وانا كل ماجيييت لازم اسمع لي هالكلمتين...متى راح تمل...؟ علي: حد يمل من قلبه وروحه...؟ لمياء: عن اذنك...بروح اسلم على عمي .. علي: وتخليني وتكسرين بخاطري؟؟ لمياء: عادي..خل ينكسر يا ما انكسر خاطرنا... علي: افااااااااا..ينكسر خاطركم واحنا موجودين ..من اللي يقدر..قولي من وانا اكسر لج راسه .. لمياء: مشكوور وماتقصر..علووي..ترى مالي خلق... علي: يبين..من الصبح مبووزه ومعصبه..لو ريلج طاقج ما تزعلين هالكثر... لمياء: بايخه...عن اذنك,, في الجامعه.... مريم:: هذي حاله لاعوش ترد ولا لمياء..شكلهم مب حاضرين.. لمياء: هلا مريم... مريم: ساعه..وينج؟؟ لمياء في بيت عمي.. مريم: والمحاضره؟؟؟مب حاضره؟ لمياء: لا مالي خلق ..هالدكتور ما يجي منه الا عوار الراس.. مريم: يعني احضر بروحي...هاي حاله لمياء: وينها عائشه عنج؟؟ ماحضرت؟ مريم: لا..شكلها مب حاضره لانها ماترد علي..خلاص اخليج مع السلامه.. لمياء: مع السلامه... في المانيا...وبالتحديد في الجامعه... خالد: يعني لمياء لهدرجه طيبه وعلى نياتها... ليلى: واكثر..ماتتصور مدى طيبتها... خالد:من كلامج بديت اتصوور...بس شنو سر تعلقج فيها هالكثر؟ ليلى: خالد...كم مره قلت لك انها مثل اختي..يمكن لاني ماحصلت اخت والله عوضني فيها..لمياء منبع لأسراري..وانا بعد ...احنا مانخش عن بعض شي... خالد:وانا ما اقدر اكون مكانها؟؟ يعني انا اللي اخذ اسرارج ..وانا اكون اقرب منها لج..؟ ليلى: قلت لك من قبل انت غير عنها..ليش تحب تساوي نفسك فيها؟؟ خالد: تقدرين تجاوبين من غير ماتردين علي بسؤال... ليلى: خالد شفيك؟؟؟ خالد: ليلى جاوبي لو سمحتي؟؟ ليلى: اوكي..لا ماتقدر..او بالاصح حاليا لا..لاني مابي احط احد مكان لمياء...وما اثق باحد الا هي...ارتحت الحين؟؟ خالد:ماتوقعت هالرد..دوم اقوول اني اقرب لج حتى من انفاسج... ليلى: خالد...يمكن بعد مانرتبط ونتزوج ..نقرب لبعض اكثر..ونصير وقتها قراب وايد من بعض.. خالد: يمكن... ....: ,,,بووووووووووووووو خالد: بسم الله الرحمن الرحيم... بشاير: خرعتك؟؟؟ خالد: اي..شفيج؟ بشاير: ولاشي.شفتك سرحان وتفكر قلت خل اقطع حبل افكارك.. خالد:لاوالله...بعدين اقدر اعرف انتي وينج من امس.؟؟؟ بشاير: انا كنت في باد كودسبير... قاطعها خالد: من غير ماتقوولين؟؟ بشاير: اتصلت عليك على ما اعتقد وانت اللي مارديت... خالد: اهااا..صح ..هذا عذر الحين..امشي نروح المحاضره احسن.. بشاير:اوكي..بدون ماتاخذ اخباري؟؟ خالد: خذت اخبارج وانغثيت مابي اسمع اكثر,,, بشاير: انت من صجك؟؟ خالد شفيك؟؟من متى اسلوبك معاي صاير جذي؟؟ خالد: بشاير..شوفي تصرفاتج بالاول بعدين حاسبيني على اسلوبي....وراح خالد عنها.. فهد: شفيج واقفه ساكته..روحي وراه وراضيه..هالدلوع..روحي..مليون مره قلت لج هذا ما ينفع لج..هذا مريض تفسي..ولا واحد مثله كله بروحه من غير ربع ومن غير احد...حد يعيش لنفسه.. بشاير: انت شتبي؟؟ كم مره قلت لك مالك شغل...شعليك فيه ؟؟ فهد: فيه؟ ضحكتيني ..ما يهمني ..تهمني انتي ..قلت لج من قبل..وخوفي عليج..ماتبين انبهج حتى؟؟ بشاير: شلون تحكم على واحد وانت ماتعرفه؟؟ وبعدين مالك شغل فيني..مشكوور على النصيحه..انا مب محتاجه لها.. فهد: الله يسامحج..لو مب خوفي عليج ماكنت كلمتج اصلا..وخالد مايبي معرفه إسالي اي احد عنه بالجامعه..ويقولج ان هالانسان انطوائي واناني الطبع...عن اذنج..تاخرت على الكلاس..روحي لحق خالد..حبيبج الاناني.. بشاير:لحظه... فهد: خير؟؟؟ بشاير: ان كلمتني مره ثانيه..راح اقول لخالد ..واخليه هو يتصرف معاك..كاني حذرتك.. فهد:زين..بس اذا ماقدرتي تقولين له ..انا اقدر اقوله...بااااااااي بشاير: بمووووت قهر من هالفهد...ومن خالد بعد...كله يخليني ويروح ولاكأني اعني له اي شي...اوووووووووف.. في الدووحه... لمياء: سعود..وينك ماترد علي؟؟ سعود:موجود...ليش شصاير؟؟؟ لمياء:لا بس كنت احاتيك.. سعود:لمياء..كم مره قلت لج لاتحاتين..انا مب ياهل.. لمياء: يعني ماتبيني احاتي حبيب قلبي؟؟؟ سعود:خلاص...حاتي براحتج....زين جذي؟ لمياء: امي تناديني...برجع اكلمك..يلا... مريم وهي تحرك يدها جدام ويه لمياء...ومره وحده تصفر...وتنتبه لها لمياء.. لمياء : خرعتيني...شفيج؟؟ مريم: سرحانه بشنو؟؟ لمياء: ولاشي...ماضي قديم وايد,,,وياليت يجي وقت ولا اسرح فيه.. مريم: بييييييه...شالماضي اللي يضايق هالكثر؟؟ لمياء: مابي اعور راسج..انسي لانه ماضي..ونسيانه احسن..انتي ليش للحين مارحتي؟؟ مريم: انطرج..اشوف متى بتروحين؟ لمياء:تصدقين نسيت اكلم احد يمر علي...السايق قال بالجمعيه وقلت بكلم حد من عيال عمي..ونسيت... مريم: يلا اتصلي لهم..وانا بنتظرج... لمياء وهي تتصل لعلي..بس جواله مغلق...مغلق مادري وينه... مريم: ماحصلتي حد؟؟ لمياء: تدرين خل اشوف فيصل..يمكن يكون بالجامعه..ويمر علي... فيصل: هلا بنت العم... لمياء: هلا..فيصل انت وين؟؟ فيصل: انا قريب البيت...ليش بغيتي شي؟ لمياء: لالا..خلاص .. فيصل:لمياء قولي شصاير؟؟؟ لمياء: ولاشي كنت ابيك تمرني..لاني بالجامعه ومافي احد يمر علي بس انا بتصرف خلاص.. فيصل: خلاص الحين امر عليج...ولا تقولين شي... لمياء: لا مابي اتعبك.. فيصل: لمياء.انا جاي..مع السلامه... لمياء : فشله...ليش قلت له؟؟ مريم: ليش عادي..انتي مع عيال عمج دووم اشووفج عادي معاهم.. لمياء: بس علي اكثر شي لانه اصغر مني..بس الباقي لا انحرج منهم.. مريم: قلت لج اوصلج مارضيتي.. لمياء: تبين امي تذبحني.. في المانيا....في الكافتريا... خالد: خلاص يا بشاير..خلاص.. بشاير: شنو خلاص..؟ بعدين ليش تصارخ ترى احنا بالكافتريا تبين تخلينا فرجه للموجودين..؟ خالد: اووووووووووه..انا رايح الشقه.. بشاير: والمحاضره؟؟ خالد: احضريها بروحج..ولا تتصلين علي.. بشاير: حاضر ياخالد..حاضر..بس تراك دور الزعل...وانا ماسويت لك شي... خالد:خلاص انا اللي ادور الزعل على قولتج..لو سمحتي خليني براحتي وبس اهدا انا بتصل لج..عن اذنج.. وراحت بشاير وهي متضايقه من تعامل خالد معاها...وكان فهد قاعد يراقبهم..ومتضايق عشان بشاير..وبعد ماراحت سرح فهد وبدا يتذكر..هذاك اليوم يوم وصل قبل بشاير وشاف خالد بروحه وراح له.. فهد: السلام عليكم...ها للحين ماوصلت الحبيبه؟؟؟ خالد: وعليكم السلام...اي حبيبه؟؟؟ فهد: كم حبيبه عندك..؟ خالد: وحده.... فهد: اي وانا قصدتها...بشاير ما غيرها... خالد وهو يولع السيجاير: من قال لك ان بشاير هي الحبيبه...انا قلب ما دق الا لوحده وماراح يحب غيرها.. فهد: انت شتقول وبشاير؟؟؟ خالد: بشاير هي الونيس الوحيد لي هني..يعني انا عمري ماوعدتها بشي..هي تحبني وانا اتعامل معاها عادي..اقضي وقت يعني.. فهد وهو معصب: انت شتقول؟؟ شنو تقضي وقت؟؟ هذي يسمونها نذاله ...حرام تقص على البنت خالد:قصر حسك...وانتقي الفاظك...انت من عشان تحاسبني...انت حتى مب صديق مجرد زميل..وانا عطيتك ويه وايد...عن اذنك... فهد: انا زعلان عليها ولا انت ماتهمني...انت مجرد واحد اناني..وانا لازم انبه بشاير واقولها كل شي.. خالد وهو يضحك: عيل اقعد انطرها واول ما تجي قول لها كل شي...بس تاكد انها ما راح تصدقك..عن اذنك.. فهد:آآآه...هاي القهر هي تحبه ومستحيل تصدق كلامي... في الدووحه... لمياء: فيصل وصل..مريم تعالي شووفيه.. مريم: وينه اي سياره؟؟ لمياء: المورانو..كاهو شفيج؟؟؟ مريم وهي تفتح عيونها..هذا ولد عمج؟؟ لمياء: اي ليش؟؟ مريم : ها...لا ولاشي.. انحرجت مريم تقولها ان هذا هو الشخص اللي دعمته...وفضلت انها ماتقول.. لمياء: زين يلا عيل ..روحي سيارتج وانا بروح حق فيصل.. وهم طالعين من المواقف فيصل لمح مريم وعلى طول ولا شعوريا حط يده على مكان الضربه وضحك.. لمياء: السلام عليكم... فيصل: وعليكم السلام... لمياء: شفيك تضحك..؟ على بالي تتكلم بالتليفون.. فيصل: لا ..بس قولي لي من هذي اللي كانت معاج... لمياء: هذي مريم رفيجتي ليش؟؟؟ فيصل:ترى هذي الاخت الفاضله (وهو ياشر على مكان الضربه) ... لمياء: لااااااااا...لاتقوووول... فيصل: والله.. لمياء: اشووفها يوم شافتك انصدمت.. فيصل: وين شافتني؟؟؟وشلون؟؟ لمياء وهي منحرجه وتاشر على الشباك.... فيصل: انا ماعرف ليش حاطين هالمخفي على الشبابيييييك....قهر والله تشوفونا واحنا لا.. لمياء: لا والله تبي تشوف البنات.. فيصل: لا يبا...مابي اشووف احد.. وبعد ما وصلوا البيت .. الام: هلا والله...تعالوا ..خل ابشركم... فيصل : خير يما.... لمياء: خالتي شصاير؟؟؟ الام: ملجة جاسم الخميس الجاي ان شالله... فيصل: صج..بالمبارك...واكيد الخميس اللي بعده ملجتي...صح.. لمياء بحزن: الف مبروك ياخالتي..والله يتمم لهم على خير... الام: الله يبارك فيج يما.. فيصل: يما ..ملجتي انا متى؟؟ الام: ودي يا يما ازوجكم كلكم ....بس انت تخرج وانا اخطب لك ان شالله... الاب: اي كلام امك صح...انت خلص دراستك...والله كريم.. وتموا يسولفون واتصل فيصل لجاسم وبارك له.. ومحد انتبه لمياء اللي راحت غرفة ليلى وقعدت تصيح هناك....وبدأت تتذكر شي من الماضي... جاسم: مب حرام عليج اللي سويتيه باليلى؟؟ لمياء: ما سويت فيها شي...الله يخليك خلني اكلمها... جاسم: لمياء لو سمحتي ابعدي عنها...كافي اللي جاء منج...ترا فيها اللي مكفيها.. لمياء: والله يا جاسم انا مادري عن شي..انا مصدومه حالي حالها... جاسم: كنت اشيلج معزه خاصه عندي..وكنت انتظر اليوم اللي تتخرجين فيه من الثانويه واقول لامي اخطبيها لي تراها قريبه لي ولقلبي...ولا عمري تخيلت ان هالبراءة وهالطيبه تسوي كل اللي سويته...كرهتي ليلى فيج وحتى انا طحتي من عيني وايد... لمياء: انت ياجاسم...بس عمرك ماقلت لي هالكلام؟؟؟ليش؟؟؟ جاسم: ماكنت ابي اي شي يلهييج عن دراستج...كنت ابيج تركزين فيها..بس خلاص اللي راح راح..وبدل ماتحاوليين تكلمين ليلى وترجعين اللي راح..ركزي بدراستج..وحاولي تنسين وتخلينا احنا ننسى بعد... لمياء: بس انا مظ... قاطعها جاسم: لمياء ليلى ماتبي تكلمج...خلاص كفايه..خليها براحتها.. فتحت عينها ورجعت للواقع وعيونها مليانه دموع وشلت صورة ليلى مع اخوانها المحطوطه بالغرفه.. وطالعت جاسم..ياليتك قلت لي هالكلام من قبل..يمكن كنت تعلقت فيك...بدل ما تعلقت في واحد نذل..اعرف زين اني خسرتك..وخسرتك للأبد..بس الله يتمم لك على خير ..وتبقى هيا بنت خالتي وتستاهل كل خير..واتصلت لهيا تبارك لها.... في المانيا..وبعد مرور اسبوع ...وليلى على حالها ..تطنيش تام لعيسى..واكثر وقتها عند التلفزيون او في الاسواق...او نايمه..ولا تسأل عن عيسى نفس قبل ولاتتصل عليه وتحن..عيسى حس بهالتغير وماقدر يلاقي له سبب..واحساسه بانه مهمل كان متعبه ومخليه حتى مايركز بشغله..شلون ليلى اللي تتصل فيني 60 مره في اليوم الحين ولا مره..ولا اي مسج..ولاصرت اشوفها اصلا..ولا تجهز لي ريوق ولا اي شي..شغيرها..انا لازم احط حد للي قاعده تسوي لازم اعرف شفيها..ووصل الشقه قبل وقته المعتاد وسمع صوت التلفزيون فراح الصاله..لقى ليلى قاعده طالع التلفزيون.. عيسى: السلام عليكم...زين حصلتج قاعده... ليلى طالعته وطالعت الساعه استغربت: اي لانك جاي بدري اليوم.... عيسى: اقدر اعرف شسالفه؟؟؟شفيج؟ قامت ليلى..ومرت من عنده: بروح انام ومافيني شي.. وتوها بتطلع مسكها عيسى من يدها... عيسى: قاعد اكلمج...تقومين تقولين بروح انام..من متى انتي تنامين بدري..ولا من متى ماتتصلين وتسألين عني ..فيج شي..شنو سر هالتغير.. ليلى: انت امرك غريب..يوم اسأل واكلمك..تقول اني احن وايد ولاشي يعجبني وانك وودك ترتاح من هالحنه ويوم ارتحت منها مب عاجبك بعد...شسوي يعني؟؟ عيسى وطبع بدا يعصب: ليلى انتي شلون تتكلمين معاي جذي؟؟؟ ليلى: انا بروح انام.وانت بعد اقصر الشر وروح نام.. عيسى: شنو اقصر الشر..انا ابي اعرف شفيج..شالاسلوب الجديد.؟؟؟ ليلى: ترى مليت...تقدر تقولي شسوي لك...شتبي مني؟؟ عيسى: ابي اعرف وين راح اهتمامج لي ..؟؟ ليلى: شمحصله من هالاهتمام؟؟قولي..غير الهواش ..واللوم...قلت اريحك مني ..دام وجودي متعبك.. عيسى: لا .. قولي والله...انتي شتبين من اللي قاعده تسوينه؟؟؟ ليلى: مابي شي... عيسى: انا زوجج واهتمامج فيني جزء من حقوقي عليج...يعني اللي كنتي تسوينه مب صدقه منج..هذا واجب عليج..فارجعي نفس قبل وبسج من حركات اليهال هذي... ليلى: انا مب ياهل ..وتصرفاتي مب تصرفات يهال..وكل اللي سويته حبيت اخليك تنتبه لي ومثل ماانت لك حقوق هم انا لي حقوق عليك.... عيسى: انتي شقاصرج؟؟؟كل اللي تبينه عندج.... ليلى: ماعندك غير هالكلام..انا مب قاصرتني فلوس...قاصرني وجودك معاي..قاصرني اهتمامك فيني شوف انت اسبوع واحد ماهتميت فيك تضايقت شلون انا اللي صارلي سنين ماتهتم فيني ولاتدري عني..قولي...شلون حالي؟؟ قاصرني احس اني متزوجه ..حالي حال باقي الحريم المتزوجين...ابي زوجي يدلعني..ابيه يهتم فيني...حتى العيال حارمني منهم..ليش؟؟ قالت هالكلام وبدت عيونها تدمع .. طالعها عيسى:مليون مره قلت مابي عيال... قربت منه وقالت له: قولي انت ليش تزوجتني؟؟؟ قولي ياعيسى..ليش؟؟؟ مسكها من كتوفها: تبين تعرفين...انا تزوجتج عشان اهلي..عشان اسكتهم عني.اتزوجت مظهر برستيج..يعني اسمي متزوج..وانتي شفتي بنفسج اذا في شغل او اي شي يختص بالشغل خارج المكتب احتاج زوجتي تكون معاي وانا رايح لهالشغل ..نفس المطاعم اللي وديتج لها...وعيال مابي..انا مالي خلق لهم..ولاابي اضيع وقت بتربية يهال..ابي وقتي كله للشغل...عرفتي الحين ليش تزوجتج؟؟ طالعت ليلى وهي تصيح: عرفت..بس متاخر وايد...انت انسان غريب..كل هالشغل وهالفلوس تجمعهم حق من؟؟ اذا ماتبي عيال؟؟ قولي.. عيسى: لنفسي..عشان استانس فيهم.. ليلى: انت قمه في الانانيه والقسوه..انا تعبت ..خلص تعبت وقعدت تصيح.. عيسى: اووووووووووف...شالليله ؟؟؟ الحين بتقضينها صياح للصبح؟؟ ليلى: ابي ارجع الدوحه...بكره عيسى: للحين عندي شغل...مب قبل اسبوع.. ليلى: ارجع بكره..يعني ارجع..ولا ترى بكلم جاسم واقوله يجي... عيسى: شوفي انا مابي فضايح...سمعتيني..تبين تذلفين بكره..بحجز لج..وروحي قعدي عند امج كم يوم..لين ارجع...يمكن مزاجي يتعدل...مابي ارجع وانتي على نفس الحال... ليلى: ليش انت متصور بعد الكلام اللي قلته اني برجع اعيش معاك...مستحيل .. عيسى: وانا قلت مابي فضايح..وماراح اتناقش معاج بهالموضوع لانج تعبانه ومتضايقه الحين..روحي نامي وانا بنام .. ليلة طوووووويله مرت على ليلى قضتها تصيح على حالها وعلى قسوة زوجها...ووتمنى النهار يطلع بسرعه وترجع الدوحه..وتقول لاخوها عشان يخلصها من هالانسان... ومن جهة اخرى في الدوحه كانت لمياء في غرفتها تصيح على ماضيها وعلى غبائها اللي ضيع منها كل شي...وتتمنى الزمن يرجع وتصلح لو شي من اللي صار... وطبعا رجعت ليلى الدوحه ولقت اهلها مشغولين بترتيبات ملجة اخوها ماحبت تضايقهم وماقالت اي شي لاحد.. الام: ليلى يما ..انتي مب قلتي بتجين يومين بس قبل الملجه وماتقدرين تجيين قبل... ليلى: اي يما...بس قدرت وقلت اجي عشان مايطوفني شي...بعدين هذا جاسم الغالي مب اي احد.. الام: اي يما صدقتي...بس لو ان شكلج مب عاجبني..وحاسه انه فيه شي... ليلى: مافي شي يما..لاتحاتين هذا تعب السفر..... الام: ان شالله يا بنتي يكون تعب سفر بس ويطلع احساسي غلط... وبعد اسبوع...... بوجاسم: بالمبارك ياولدي..بالمبارك.. جاسم: الله يبارك فيك يبا... فيصل : مبروك ياخوي...والله يتمم لك على خير.. علي: مبروووووووك..من قدك واخيرا صرت معرس.مابغيت ياجسووم...عقبال اللي في بالي عشان يفضى لي الجو...ويجي دوري.. جاسم: علوي انت ماتيووز من سوالفك... فيصل: انا تراني قاعد...عله على قلبك..انسى اني اتزوج.. علي: اووف منك...اسكت خل اشوف التليفون ...الوو لمياء: واخيرا حد رد علي...وينكم؟؟ علي: وانتي كله جذي حنه ورنه...شفيج؟ لمياء: نبي نعرف ملجتوا ولا بعد؟؟؟ علي: يوووووووووووه...من مساع..ماجاتكم الاخبار... لمياء: صج والله...علي عن غشمرتك البايخه...يلا ابي ابشر الحريم.. علي: ملجوا والله..والله املجوا... لمياء: من صجك..احلف...؟ علي: وانا شقول من مساع...مب قاعد احلف... لمياء: اووووو مادري..يلا باي ببشرهم...مبرووووووووك ياجماعه ملجوا.... وارتفع صوت اليبباااب وبدوا يباركون للعروس... وفجأة دخل علي وهو يصارخ: يمااااااااااااا....يمااااااااااا الام: ها يما شفيك...شصايير....؟؟؟ علي: يما ابوي طاح علينا ووودوه المستشفى.. الام: علي مب وقت غشمرتك الثقيله... علي: يما والله ما اتغشمر وهذا اللي صار..بسرعه لبسي عباتج عشان اوديج معاي... ليلى: شفيكم؟؟؟يما الحريم يسالون عنج... الام: يما روحي جيبي عباتي...انا بروح مع علي...ابوج تعبان .. ليلى: شفيه ابوي؟؟؟شصاير؟؟ علي: للحين ما ادري..يلا ابي اروح .. ليلى: انا جايه معاكم.... الام: ليلى قعدي مع الحريم...فشله يتمون بروحهم... ليلى: لا يما ماقدر..الحريم خالتي عندهم... وراحت ليلى بسرعه جابت العبايات...ومزيل المكياج...وراحت مع اخوها. وامها.... الجزء السادس في المستشفى... فيصل: هلا علوي.... علي: وينكم؟؟؟ انا هني مع امي وليلى.. فيصل: ليش قلت لامي..يا علي الله يسامحك.. علي: كنت تبيني ما اقوول لها...من متى احنا نخش شي عن امي..بعدين ابوي اللي تعبان مب احد ثاني.. فيصل: ادري بس بعد كنت تنطر لين يروحون الناس ونطمن على ابوي ونطمنها...انت متى راح تفكر قبل لا تتصرف اي تصرف.. العم وهو ياشر لفيصل ...خلاص ياولدي لاتضاق اخوك.. علي: مشكوور وماقصرت..قولي انت وين؟؟ فيصل: احنا بالدور الثاني... علي: وشقالولك عن ابوي؟؟ فيصل: للحين محد قال شي... الام: ها يما شقال اخوك؟؟ علي: للحين يما محد قال شي..يلا نروح لهم.. الام: ليلى يما ..من تكلمين؟؟ ليلى: هذي خالتي...تقول ان مرت عمي الا تجيب العروس ويجون.بس خالتي تقول انا ماخليتهم وقلت لهم ينتظرون لين نرد عليهم ونطمنهم... الام: زين سوت...يما كلمي لمياء ووصيها بالناس...الله يخليج,, ليلى:خلاص يما خالتي هناك لاتحاتين...ولمياء صغيره وما راح تهتم بالناس مثل خالتي... الام: لا يما...لمياء كبيره بتفكيرها وتصرفاتها..ماتدرين شكثر تهتم فينا...الله يخليها لاهلها ولنا... ليلى تقول في خاطرها..لمياء تعرف تفكر...اي يا يما بعدج ماعرفتيها...انا ماودي انها تقرب منكم كلش...صرت اخاف منها.. الام: جاسم يما شفيه ابوك؟؟؟قولي يما؟؟ جاسم:مافيه شي...الدكتور عنده والحين يطمنا...كان قعدتوا بالبيت واحنا طمناكم.. ليلى: مانقدر ياجاسم... جاسم:لاحول ولاقوة الا بالله.. علي: اهدوء يا جماعه...وان شالله خير.. فيصل: كاهو الدكتور.... وراحوا له الشباب وحاوطوا الدكتور...طالعهم وابتسم لهم وببتسامته هذي ريحهم الدكتور وايد... الكل: شفيه ابونا يادكتور؟؟؟ طمنا الله يخليك؟؟ الدكتور: مافيه الا كل خير..شوية تعب سبب له هالارهاق ..غير ان الضغط كان مرتفع شوي..بس الحمدلله هو الحين بخير...انتوا عياله؟؟ الكل: الحمدلله..اي الدكتور:الله يخليه لكم يارب..بس لاتحاتون.. العم: دكتور الله يخليك..طمنا.. الدكتور: تطمنوا..وعشان اريحكم...انا راح اكتب له على مسكن ولا راح اخليه يرجع معاكم بعد..بس مطلوب منكم تخلونه يرتاح راحة تامه..انتوا تعرفون ان ابوكم مريض..والارهاق يتعبه.. فيصل: الشغل...مشكلة ابوي الشغل.. علي: اي والله...لو يترك هالشغل هو بخير.. الدكتور: الشغل مب مشكله..بس بدون ارهاق..المهم تمنعونه من الشغل لمدة اسبوع يرتاح فيه بالبيت..ويواظب على ادويته..وان شالله ماعليه شر.. جاسم: ان شالله...ممكن نشوفه؟؟ الدكتور: شوفوه...واخذوه معاكم بعد...يلا عن اذنكم.. الام: ها يا عيال شقال لكم.؟؟ جاسم: يلا يما نروح نشوفه وتطمنين بنفسج. الام: يلا يما...سلامتك يالغالي...الف سلامه الاب: الله يسلمج الكل: سلامتك يبا...ماتشوووف شر يالغالي... الاب: الله يسلمكم (ولف يطالع جاسم..وقاله) خربت عليك يومك..بدل ماتكون الحين قاعد مع حرمتك ..جبتك المستشفى... جاسم: لاتقول جذي يبا...اهم شي سلامتك..بالدنيا كلها.. ليلى: اي يبا..يعني حرمته وين بتروح...بيجابلها العمر كله ... علي: اي خلاص هو الحين تزوج ولا رجعة في هذا الزواج....يعني تدبس خلاص توووليت انه يتراجع.. ضحك الاب: وانت بس هذي سوالفك ماتيوز...وليش يتراجع...؟ علي: يمكن يفكر يتراجع...فا انا اقوله عشان ما يفكر حتى.. فيصل: علوي بسك عاد... الام: زين الدكتور شقال لكم؟؟ جاسم: الدكتور كتب لابوي دوا...وقال انه من التعب والارهاق...يعني الشغل يا يبا...ولازم يرتاح..والحين بنروح البيت ونخليه ارتاح ومافيه الا العافيه.. في البيت... لمياء: محد يرد علي..ماعرف شصار؟؟ الام: بس يا يما...بسج حنه...اصبري الحين يجون ويطمنونا... الخاله: الله يستر ..يارب انك تشافيه... ام العروس: حد رد عليكم تطمنتوا؟؟؟ لمياء: لا ياخالتي للحين..وين راحت هيا عيل؟؟؟ ام العروس: هيا قلت لها تطلع فوق ترتاح شوي...كانت متوترة والحين توترت اكثر وخصوا ان سعاد راحت لان ريلها جاء خذاها..ولا اقدر اقول له شي... الام: معليه..بعد زوجها..وانا قلت لها تروح مافيها شي... لمياء: خل اروح اشوفها عيل...من رخصتكم.... هيا: من؟؟ لمياء: انا لمياء..افتحي الباب..شفيج تصيحين؟؟ هيا:مادري..من اللي صار لمياء: هيا تعوذي من ابليس..هذا قدر ومكتوب..وان شالله مافيه شي عمي... هيا:بس انا خفت وايد...من اولها جذي..هالكثر انا نحس... لمياء: هيا خلي عنج هالكلام..قلت لج هذا شي مقدر...ولاتخربطين بكلامج...يلا روحي غسلي ويهج..وتعالي اعدل لج المكياج شوي...الحين يجي ريلج ويشوفج وكحلج سايح وحالتج حاله...ويهون .. هيا: ههههههههههههههههههههههههههههههههه..وقتج انتي بعد... لمياء: شسوي فيج..يلا بسرعه.. هيا: ان شالله... في المانيا... كانت بشاير قاعده بالسكن ومتضايقه لان خالد صارله اكثر من يومين لاداوم ولا كلمها...وخافت تكلمه ويعصب عليها.... بشاير: زهقت ودي ارجع الكويت لو يومين وارد..تولهت عليهم..غير ان خالد وايد متعبني..وحسافة ليلى بعد سافرت كانت مونستي...وين اروح؟؟ويرن تليفونها....واخيرا ياخالد افتكرت فيني... خالد: الوووو بشاير: هلا... خالد: وينج انتي؟؟ بشاير: بالسكن وين باكون... خالد: امرج...نروح نشرب كوفي...ترى الجو حلو برا وايد.. بشاير:هذا يبيله سؤال بعد...لا تتاخر.. خالد: اوكي... وينج يا ليلى...ياترى ليش رجعتي الدوحه..يووووووووو نسيت اسال عن امي...ويتصل على البيت... الام وهي قاعده من النوم: الووو خالد: يما شلوونج؟؟نايمه؟؟ويطالع ساعته ويتذكر ان الوقت متاخر.. الام: هلا يما..الحمدلله...وينك صار لك فترة ما كلمتني؟؟ خالد: انشغلت شوي...شلونج؟؟ وشلون مريم؟؟ الام: الحمدلله بخير...يما متى بترجع؟؟ خالد: مادري يما..مادري..المهم ارجعي كملي نومج..وانا اكلمج بكره ان شالله.. الام: يما خالد ارجع...خلاص تعال اقعد معانا احنا محتاجينك... خالد: يما..بس اخلص دراستي برجع ان شالله..انتي لاتحاتين..وانتوا ماقاصركم شي...ناصر مقصر معاكم؟؟ الام: لا يما..حشى..من يسال عنا غيره..فديته مافي اطيب منه... خالد: زين..مع السلامه. الام: الله يحفظك. وصل خالد لين سكن بشاير وقعد ينتظرها...وبدا يتذكر شي من الماضي.... بوخالد: خالد...خالد... خالد: لبيه يبا...أمر... بوخالد: امك واختك...مالهم غيرالله وانت..حط بالك عليهم.. خالد: الله يعطيك طولة العمر يارب...لاتقول جذي... بوخالد: اسمع يا يبا..وافهم كلامي..امك واختك امانه عندك..خل بالك عليهم...مب تخليهم وتسكت عن حقوقهم..هذي وصيتي لك ..ماعندهم غير الله ثم انت.. خالد: وانت يبا...لاتقول جذي.. بوخالد: اوعدني ياخالد...اوعدني..انك بتحافظ عليهم ولاتخليهم يحتاجون لاحد...اوعدني.. خالد: اوعدك يبا..اوعدك... فتح خالد عيونه ...سامحني يبا ماوفيت بوعدي..ماوفيت..ولاقدرت اوفي بوعدي....ارجوك سامحني..ليتك ماوصيتني ولاامنتني عليهم..انا طلعت مب قد الامانه... في الدوحه.... رجع الكل البيت ..وهم مرتاحين انهم تطمنوا على ابوهم... علي: حياكم..درب يا جماعه درب.. وتغطوا الحريم بسرعه..وراح الكل وتحمد لابوجاسم بالسلامه... ليلى سحبت اخوها جاسم شوي شوي من غير ما احد يحس....وودته الصاله الثانيه..اللي كانت هيا وامها قاعدين هناك ..لان ليلى قالت لهم يروحون هناك.. جاسم: اقدر اعرف انتي وين موديتني؟؟؟ ليلى: عند زوجتك...ولا مالك خاطر تشوفها الليله؟؟ جاسم: احنا وين وانتي وين؟؟؟انا توني كنت بقول لاعمي ياخذ هله ويروحون يرتاحون..وبكره اروح اشوفها واكلمها ..لاحقين..ياليلى.. ليلى: نو وووووووي...بتشوفها الحين وتقعد معاها لو شوي... جاسم:انتي تشوفين الظروف تسمح؟؟؟ ليلى: شوي ياجاسم...وعقب روح اقعد مع ابوي..ترى هو اللي قالي اسوي جذي... جاسم: اوكي... ودخلوا الصاله وباركت له ام هيا ...وبعدين طلعت مع ليلى وخلتهم بروحهم... وتموا ساكتين شووي.... هيا: حمدلله على سلامت الوالد... جاسم: الله يسلمج من كل شر.. ورجعوا سكتوااااااااااا....هيا طبعا عينها في الارض ولا قادره تشووفه...وجاسم متوهق مايعرف شيقول او شيسوي...وتوها بتتكلم ولا جاسم يتكلم....ويسكتون مع بعض.. جاسم:قولي شكنتي بتقولين... هيا: لا..انت قول اول.. جاسم: كنت ابي اقول..السموحه منج عشان اللي صار وان شالله نعوض لج هالليله...يوم الخطوبة.. هيا: لا عادي...هذا مقدر...اهم شي سلامة عمي... جاسم: الله يسلمج...شرايج نروح نقعد معاهم بالصاله؟؟ هيا مثل اللي ماصدقت..اي البس عباتي واجي هناك... جاسم: خلاص عن اذنج...وطلع جاسم... هيا: اوووووووووووووووووووووو....يما كأن حد كان خانقني...مالت علي شنو اي والبسي عباتي واجي صج مالت علي..الحين يقول في خاطره ماصدقتك تفتك مني... لمياء وهي دور بالصاله: حمدلله والشكر ..تكلمين عمرج؟؟؟ هيا: اي ...اتحلطم على عمري..امشي نروح الصاله.. لمياء: شصار؟؟شفيج؟؟قال لج شي؟؟ هيا: لا قال ولا قلت...بروح البس عباتي ونروح الصاله... من جهة اخرى.... الام: جاسم يما...قعدت مع عروستك؟؟ جاسم: اي يما...بعدين انا ابي اقعد مع ابوي... الام: ابوك بيروح يرتاح الحين..روح اقعد مع عروستك...عيب يما.. جاسم: يما قعدت معاها..والايام جايه عشان نقعد اكثر ونسولف...بس الحين لا الوقت ولا الظروف تساعد..انا بالي مشغول على ابوي.... ليلى: يما خليه خلاص...على راحته...هو وزوجته كيفهم..انا تعبت وانا اقووله.. جاسم وهو يطالعها وهو محتر عليها...ويقول بخاطره هذي شتبي أذيتني هالاخت... علي شاف جاسم وحس باخوه ...فقام وقلد ليلى: هو وزوجته كيفهم...انا تعبت وانا اقوله..طالع من يتكلم بس...ليلى اللي يوم ملجتها طلعت عيونا عشان تروح وتقعد مع عيسى..نسيتي شكلج؟؟ ليلى: لا والله....ظريف الاخ.. جاسم وهو يضحك: اي والله صاج ياعلي...نست شكلها... ليلى: يما شوفي عيالج؟؟ الام: انا اقول نروح الصاله...ونقعد مع ابوكم والناس امشوا يلا... وفعلا قعدوا مع الاب شوي وبعدين كل من راح بيته... ومرت الليلة طويله على الكل ... ليلى كانت تفكر بمشكلتها مع عيسى وشلون تكلم اهلها بموضوعها وتقنعهم ... فيصل كان سهران يفكر بمريم ويتذكر الحادث...ومستغرب من الصدف اللي جمعتهم اكثر من مره.. اما علي فكان قاعد يراجع لان امتحاناته قربت وكان يحاتيها... وجاسم حاول ينام بس ماقدر من كثر تفكيره بهيا وبكلامه معاها ..كل ماتذكر القعده يضحك...على نفسه وعلى الكلام اللي قاله... امهم كانت سهرانه تصلي وتدعي ان الله يشافي زوجها... لمياء كانت قاعده تفكر في ليلى وتتمنى لو يرجعون شوي نفس قبل ...لانها محتاجه حق ليلى...بس ماتعرف شتسوي .. الجزء السابع في المانيا... عيسى: هذي وينها ماترد علي؟؟ سامي: مين استاذ؟؟ عيسى:من بعد..المدام .. من سافرت ما اتصلت ولاسالت عني... سامي: انشغلت استاذ بزواج اخوها... عيسى: اي صح...يمكن..لو انها في الفتره الاخيره متغيره وايد... سامي: مو معقول استاذي ..مدام ليلى مافي شي يغيرها.. عيسى: اقول اكرمني بسكوتك..وروح شوف التقرير خلص ولا لا... سامي: حاضر استاذ..مابعرف شو بو الاستاذ ..من سافرت المدام ودائما معصب .. عيسى: انا بس ارجع الدوحه دواج عندي ياليلوووو..شكلج ناويه على الشر..تحملي اللي بيجييج مني.. في الجامعه.. فهد: يا بشاير افهمني ..انا خايف عليج..صدقيني خالد مايستحق اللي تسوينه له.. بشاير: خاطري مره تشوفني فيها وتصد ولاتكلمني ...على كثر ما اهاوشك واصدك...ياخي فج عني..مو شغلك يستحق او لا... فهد: تاكدي من شي واحد بيجي اليوم اللي تقولين فيه اني كنت صاج بكلامي ..بس لين فات الفوت ماينفع الصوت..ولا الندم.... ويوصل خالد..ويشوفهم ويلاحظ ان بشاير معصبه..اقوول ناصر شوي وبرجع اتصل لك... ناصر: ليش؟؟؟ خالد: ولاشي...بس دقايق وبتصل..مع السلامه... ناصر: الله يسلمك..لا تتاخر عاد..غريبه شفيه سكر مره وحده... خالد يرفع نظارته ويطالع فهد: السلام عليكم.. فهد+بشاير: وعليكم السلام... خالد: شصاير؟؟في شي؟؟؟ بشاير:اي في..قول لهذا انه مايكلمني...نهائيا..تراني تعبت منه خالد:ليش شقال لج؟ فهد واقف يطالع خالد بنظره كلها حقد وكره....لانه يعرف انه مايحب بشايروكلام خالد يرن باذنه.. بشاير:مب مهم شقال..المهم اني ابيه ما يكلمني .. خالد: فهد لوسمحت..ابعد عن بشاير...وانا لين الحين محترمك..واعاملك كزميل لنا..بس اعتقد سمعتها شقالت...فلا تتعرض لها كلش بعد اليوم..ولا راح يكون لي تصرف ثاني معاك فهد:انا مايهمني تهديدك..بعدين انت باي صفه تمنعني اني اكلمها...؟ اخوها؟؟ ولد عمها؟؟ خطيبها؟؟؟او زوجها؟؟؟ خالد: ............................ بشاير: مب شغلك...يلا خالد نروح الكلاس.. خالد:معليه يا فهد دواك عندي... بشاير: لا اخاف صج...اشوفك سكت يوم قالك حط لك صفه؟؟ خالد: شقصدج؟؟؟ بشاير:قصدي واضح...ولاتسوي روحك مب فاهم... خالد:ليش ان شالله ..شكنتي تبين اقوله؟؟ بشاير:ولاشي ..تسكت وماترد عليه...وتخليه يصدق الكلام اللي قاعد يقوله.. خالد:الحين انتي ان شالله مصدقه كلامه؟؟ بشاير: تقدر تجاوب على سؤاله عيل؟؟ خالد: ياسلام...هذا اللي هامج الحين...اعتقد عندج الجواب.. بشاير: عيل ليش ما قلت له؟؟؟ورديت عليه بدل ماتسكت عنه...؟ خالد: بشاير..انتي صايره عصبيه هالايام...وادوري المشاكل..اقدر اعرف ليش؟؟ بشاير:اسأل نفسك...انت دووم تضايقني.. خالد: انا اكثر من جذي ماقدر اسوي شي...وارجوج كفايه مشاكل وزعل.. بشاير:ان شالله..ترى انا بسافر الكويت باجازة الكريسمس... خالد: زين..الله يحفظج... بشاير: توقعت هالرد...وانت ما راح تروح الدوحه؟؟ خالد: مادري يمكن...مب اكيد... في الدوحه....في بيت بوجاسم... الام: لا يالغاليه...ان شالله ولا يهمج...مع السلامه... لمياء: سندرتج خالتي صح؟؟ الام: لا يما...خالتج حليوووه...وبنتها تجنن ...الله يتمم لجاسم...والفال لج يارب.. لمياء: لا خالتي...توالناس.. الام: لا يابنتي...الله يعطيج النصيب الزين... ليلى: يما...وينج...قاعده ادورج.. الام: انا هني قاعده مع لمياء...زين انج قعدتي عشان نجهز..لغدا اليوم.. ليلى: اي انا عشان جذي قعدت..قلت اساعدج يالغاليه...اكيد وانا محد مافي احد يساعدج.. الام: فديتج يما..من يقول ولمياء وين راحت...فديتها ماتقصر... لفت ليلى وطالعتها...يما انا بروح المطبخ اشوف الخدم شيسون...وطلعت.. لمياء: عن اذنج مرت عمي...بروح اساعدها...ليلى..ليلى.. ليلى : نعم.. لمياء: ليلى شدعوه..من جيتي من السفر وانتي مب طايقه طلين في ويهي حتى... ليلى: ليش لازم اطل في ويهج..او حتى اعطيج اي اهميه؟؟ لمياء: ليلى معقوله كل هالسنين ..ما طيبت الجروح؟؟؟اللي انا اصلا قاطعتها ليلى: ارجووج مابي اتكلم في شي راح..لمياء انا احترمج لانج بنت عمي...بس..والاحسن لي ولج انه مانتكلم مع بعض عشان مانغلط على بعض.. لمياء بحزن وبكسرة نفس: بس انا مابي الحال يتم جذي...ليلى انا محتاجتج وايد... ليلى: ليش؟؟ وينه حبيب القلب عنج؟؟؟لقى له وحده جديده؟؟ لمياء: لاتطرينه الله ياخذه...ويفك الناس منه... ليلى وهي تضحك: خووفي بس هالدعوه من قلبج...بسج تمثيل...مايليق عليج هالدور..عن اذنج.. راحت لمياء ورجعت للصاله...بعد ماعرفت ان الكلام مع ليلى صاير صعب ومتعب...حست بانكسار في نفسها...تمنت انه ليلى تكلمها عدل...توقعت انه صدها لها من جات بيجي بعده شي يريح... ليلى .شتبين يا لمياء..؟ تبين تفتحين الجروح...تبين تضايقني بكلامج ...حتى لو كنتي صج تغيرتي..انا يكفيني كل ما اشوفج اشووفه هو بعد...يعني بتم بيني وبينج هالحاجز,,,ليش ماقلت لها هالكلام..ليش ماقدرت اقولها..عشان تعرف شكثر اتعب لما اشوفها... وطلعت من المطبخ وراحت غرفتها..وطلعت صندوق صغير من كبتها...ونفخت الغبار عنه وطلعت المفتاح..وقعدت على السرير وطلعت كل اللي فيه...شوية رسايل...مع هدايا صغيره..وتمت طالعهم..وبدت تتذكر شي من الماضي.. تذكرت هذاك اليوم..اللي شافته فيه.. كانت طالعه فيه من الجمعيه وتنطر سيارتها واول ماجات السياره وهي ماشيه ولا سياره جايه مسرعه صوبها وتوقف ليلى بنص الشارع تتجمد من الخوف.... الام: ليلى..ليلى..وين رحتي؟؟ ليلى انتبهت لصوت امها وراحت وشلت كل شي...: لبيه يما...انا هني بغرفتي.. الام:تعالي يما... ليلى: هلا يما,,,,آمري الام: تعالي عيسى على التليفون .. ليلى: عيسى....شعنده؟ الام: مادري يما...روحي كلميه وشوفيه شيبي ؟ ليلى:ان شالله....نعم عيسى: نعم الله عليج...اقدر اعرف ليش ماتردين علي ؟؟ ليلى: وليش ارد عليك؟؟ عيسى: ليلى..شنو ليش تردين علي؟؟انتي للحين على حالج؟؟ ليلى: انا قلت لك اللي عندي وماعندي شي اقوله غير اللي قلته لك.. عيسى: وانا اقولج ان اللي في راسج ما راح يصير...شلي هالفكره من راسج...وبس تفضين ارجعي هني ونتفاهم.. ليلى: مب راجعه يا عيسى..احلم اني ارجع.. عيسى:اذا مارجعتي..انا راح اجي وارجعج معاي وبالقو..لاتعانديني..ترى بعدج ماعرفتيني عدل.. ليلى: للاسف اعرفك اكثر من روحي..انا لا اعاند ولاشي..عندك شي بعد تبي تقوله؟؟ عيسى: ليلى احنا نقدر نتفاهم...مابي فضايح...مايصير نتطلق بدون سبب... ليلى:مافي شي نتفاهم عليه..خلاص ياعيسى...انا ماقدر اعيش معاك...مع السلامه.. عيسى: سكرت التليفون...اول مره احس اني فاقدها ومحتاج لها...معقوله عشان حاس انها بتخليني..خاطري اعرف ...انا احبها ولا بس لاني مابيها تخليني ..او يمكن تعودت عليها...مادري..بس ما راح اقدر اطلقها... في الدوحه... مريم:الووو.. ناصر: بعدج نايمه...السموحه اذا ازعجتج...بس اتصل البيت ومحد يرد علي...وينها الوالده؟؟ مريم: ناصر الله يهداك..شوي شوي..شفيك؟ ناصر:اسف..ماحب اقعد حد من الرقاد..بس لاني بغيت الوالده شويه.. مريم: لحظة اشوفها لك...يما..يما...وين راحت امي.. سيسليا:ماما يروح.. مريم: وين راحت؟ سيسليا: مايعرف انا..هي يقول مافي يتاخر بس مريم: زين...الوو ناصر: هلا.. مريم: امي طالعه ومادري وين راحت...بس ترجع بخليها تكلمك... ناصر: خلاص مب مشكله...والسموحه على الازعاج... مريم: لا مافي ازعاج..انت اخ عزيز وغالي... ناصر: مشكورة..مع السلامه.. مريم: مع السلامه... ناصر وهو يطالع تليفونه..اخ ..قال اخ ...شفيها مريم ..تبي تغثني ولا شنو..وخالد وينه مارجع اتصل..شقصته بعد..خل اتصل له.. خالد: هلا ناصر..لاتعصب بس نسيت ارجع اتصل.. ناصر: اي لازم تنسى...مادري متى بتتذكرنا...تقدر تقولي متى اخر مره كلمت امك او اختك فيها؟؟ خالد: امي توني مكلمها من قريب..بس مريوم صار لي وقت... ناصر: ونعم الاخو... خالد: نويصر..شكلك مكلم امي وجاي تنقل كلامها... ناصر: لا حظك اني ماحصلتها ولاكنت بكلمها... خالد: احسن عشان ماتتهاوش معاي... ناصر:انا تعبت منك ياخالد الا يأست...ولا تقدر تقولي انت شتسوي في المانيا..؟ياخي ما مليت؟؟ خالد: والله يا ناصر مليت...وتولهت عليكم...بس انت ادرى بالحال...فلاتلومني... ناصر: خلاص الحال تغير..مرت سنين..وكل شي انتهى. خالد وبعصبيه: مافي شي انتهى..وليلى للحين بقلبي وبتم لاخر نفس بقلبي..وانا من غيرها ماقدر اعيش..وانت تدري زين,,, ناصر: خالد...اصحى بسك خيال ارجع للواقع...ليلى متزوجه من انسان ثاني ولها سنين ...عيش هالواقع وكيف نفسك على هالحال....وبسك اوهام... خالد: مايهمني..عيسى راح يطلقها وراح ترجع لي....هي بس ماقدرت تسامحني على الغلطه...بس لازم قلبها بيصحى بيوم وبيخلها تسامحني... ناصر: بس ياخالد....انت شتقول خلاص انسى ليلى,..انت لين متى بتم جذي..اصحى شوف اللي حوالينك محتاجينك وانت بعيد عنهم...حياتك ماراح توقف من غير ليلى... خالد: حياتي واقفه من غيرها... ناصر: لا هذي اوهام...الحياه عندك ماشيه...انت تاكل وتشرب وتنام والايام قاعده تمر عليك...شفتها وقفت؟؟؟ خالد: لا..بس انا احس انها واقفه...ومالها اي قيمه عندي..من غيرها.. ناصر: انت اناني...وبتم طول عمرك اناني..تفكيرك بنفسك وبس...مادري متى بتصحى وتحس..معنى كل اللي صار بسبة انانيتك...يعني المفروض تكون تعلمت من هالتجربه.. خالد: وانت كل ماتتصل لازم تسمعني هالكلمتين...على فكره انت االمفروض تكون اكثر واحد حاس فيني...انت اللي كنت معاي بكل خطوه...وكنت عارف مشاعري... قاطعه ناصر.. ناصر:خالد...انا ماكنت معاك بكل شي...انا ياما نصحتك من اللي كنت تسويه..فكر بكلامي عدل وراجع نفسك...وتذكر ان لك ام واخت محتاجينك..ولا تقول لي شي بعد..مع السلامه... خالد: سكر..اوووووووووف...ليش اقرب الناس لي مب حاسييييييين فيني اوووووووووووف.. بشاير وهي جايه وتشرب العصير: من اللي مب حاس فيك؟؟ لف عليها خالد : انا رايح الشقه .. بشاير:شالمكالمه اللي ضايقتك هالكثر؟؟؟ خالد: بشاير لا تبدين الحنه...تعبان وبروح انام..اوصلج معاي؟؟؟ بشاير: لا مشكور..بروح بروحي..عن اذنك.وراحت.. خالد راح بعد...وطول الطريق وهو يقول: لالا ليلى لي انا...انا وبس...ووصل الشقه وولع السيجاره وقعد في البلكونه يدخن...وبدا يتذكر شي من الماضي.... خالد:اسف الشيخه..عسى ماتعورتي او صار لج شي.. ليلى وهي ترتجف من الخوف وطالعه وهي ساكته... خالد: الشيخه فيج شي..ردي علي ..انا ماشفتج اسف والله.. ليلى: ........................ خالد: شاليوم...ليكون فقدت النطق ولاشي...بس انا والله مب قصدي ماشفتج... وتلف عليه ليلى مره وحده وتصارخ: ماشفتني...بغيت تدعمني وتموتني وتقول ما شفتني..شالعذر..وليش تسرع اصلا..من عطاك الحق انك تسرع وتلعب بارواح الناس وهذا وانت بمواقف شلون لو بشارع رئيسي..انتوا شنو ماتحسون..ماتقدرون تحملون مسئولية.. خالد كان واقف ومبطل عينه ويطالعها باستغراب وذهول... خالد: تدرين...يازينج وانتي ساكته...بعدين انا ماذبحتج ولاشي...انتي بخير ولافيج شي..قطوه بسبع ارواح..بعدين انتي شعليج اسرع او لا..؟؟ ليلى وهي تصفق بيدها: صج فوق شينه قواة عينه..صج ماتستحي..انت كنت راح تدعمني واموت بس الحمدلله انا انكتب لي عمر جديد... خالد: صح انكتب لج عمر جديد وهذا طبعا من حسن حظي.. وصدت عنه ليلى وركبت السياره وراحت.. وخلت خالد واقف ومستغرب وابتسامه صغيره مرسومه على ويهه..ضرب الهواء ويه خالد...آآآآآآآآه ...آآآه ..اول لقاء لنا كنتي تصارخين واخر لقاء لنا هم كنتي تصارخين.. ليلى: انت اخر واحد يتكلم عن الحب ..اي حب ..انت ماتعرف شنو الحب..ولاعندك اي مشاعر واحاسيس.. خالد: لاتقولين جذي..انتي تدرين زين اني احبج.. ليلى: بس ولاكلمه زيادة..انت وين والحب وين..انت واحد تعرف تمثل الحب وتلعب بس تحب لا.. قام خالد بعد ماطفى سيجارته الثالثه وراح يسبح.... في الدووحه...في بيت بوجاسم.. كان الكل مشغول بترتيب لعزومة الغداء...اللي مسوينها للمعاريس الجدد..وليلى كانت تساعدهم بس بالها مشغول...تفكر بعيسى وكلامه ..وكل مالفت وشافت لمياء تذكرت خالد..وكأنه تشووفه قدامها..يعني لا بالمانيا مرتاحه ولاهني وين اروح..تعبت من كل شي.. ولمياء تراقبها بطرف عينها..وتحس انها مهمومه..آه ياليلى ياريت تفتحين لي قلبج نفس قبل ..ونشيل هموم بعض...كفايه بعد وقسوة انا تعبت...ياليت الزمن يرجع ...ونقدر نصلح اللي راح.. علي: السلام عليكم...ماشالله..شالريحه الحلوه..وشسالفه.؟؟شنو هالاكل كله..انتوا عازمين الفريج عندنا.. الام: انت ماتيوز...مب زوجة اخوك واهلها جايين الغدا عندنا اليوم.. علي: اي صح..نسيت يما...زين ميييييت جوع..خل الخدم يحطون لي اكل (وانتبه لوجود لمياء) ولا لالالا..اي خدم..شلون الخدم يحطون لي وزوجتي هني..اكيد زوجتي هي اللي راح تحطي لي الاكل..ولا شرايج يالمياء؟؟؟ لمياء: والله اكيد الزوجه من واجبها هالشي..بس اصلا زوجتك مب هني.. وشلت الخضرة وقعدت على الطاوله تقطعها... علي: افااااا....الحين تقولين لي جذي...الله يسامحج.. الام: علووي بسك عاد..اصبر الحين يجوون الناس وتتغدا معاهم..روح ارتاح لين يجون وخلنا نشوف اشغالنا.. علي: جرحتيني يا يما بدون احساس..حبج يجري بالانفاس.. ليلى ولمياء ضحكوا على علي.... الام: تعبت منك ياعلي..روح وخلنا نشوف شغلنا.. جاسم وفيصل: درب ...درب.. علي: حيااكم...احنا بالمطبخ... الام:الحين انا قاعده اقولك روح..تقوم تنادي اخوانك... علي: يما انا احاول الطف الجو,.,,,واسوي لج اكشن شوي...لان الحراره مرتفعه بالمطبخ (قال هالكلام وهو يأشر على ليلى ولمياء) فعشان نمنع اي انفجار... قاطعته الام: علي اطلع برا... جاسم : السلام عليكم... الكل: وعليكم السلام.. جاسم: يما حبيبتي...يعطيج الف عافيه...ليش كل هالتعب؟ الام: اذا ماتعب لك اتعب لمن.. علي: اي اي..فرقي ..سوي تميز عنصري..جاسم دلعينه وتقولين له كلام حلو..وانا تطرديني..اي اي..تفرقه يما هذي... الام: كلكم عيالي واحبكم...بس انت اقولك اطلع قاعدين نشتغل مب راضي... علي: اي صح..وشمعنى جسووم قلتي له اقعد ونجبتي له اكل... فيصل: بسك علوي...لاتجنن امي..يلا انت وجاسم قدامي طلعوا من المطبخ... الام: اي ياولدي..ياريت تطلعون..وتخلونا نشوف اشغالنا.. ليلى: اي طلعوا احسن...الا جاسم زوجتك واهلها من بيجيبهم؟؟؟ جاسم وهو يفتح الثلاجه ويطلع له ماي ويشرب: انا..قلت بمر عليهم.. الام: من صجك....؟ وللحين مارحت يما؟؟ ليلى: جاسم عيب عليك..ليش تاخرت عليهم..روح لهم بسرعه.. جاسم : شفيكم؟؟ عادي هم قالوا اي وقت خلصت امر عليهم.. ليلى: بس بعد مب معنى هذا انك تتاخر عليهم.. الام: يلا يما روح لهم... جاسم: ان شالله...عن اذنكم... لمياء: آآآآآآآآآآآآآآآآآآي..... التفت الكل على صراخ لمياء.,,, الام: شفيج يما..شالدم.. بسرعه عطوني ثلج.... فيصل: هاج يما...سلامات....... علي: تبون نوديها الطبيب... الام: لالا ان شالله ماتحتاج..بسيطه الحمدلله شوي بس حاشها السكين وجرحها...ليلى يما هاتي المطهر ولزقة الجروح... علي: يما ليلى مب هني...طلعت شكلها... الام: باستغراب توها هني وين راحت... فيصل: انا بروح اجيب لج يما.... ليلى راحت الصاله تضايقت يوم شافت الكل مخترع على لمياء...او بالاصح ماحبت تشوف لمياء مجروحه..وقعدت تقرا الجريده..وتتصفحها بضيق.. علي دخل الصاله وهو ياكل تفاح:انتي هني وامي دورج؟؟؟ ليلى: ها..شصار على لمياء؟؟ علي: يهمج؟؟؟ ليلى: علي جاوب بدون ما تسأل.. علي: لا بس لو يهمج ماكنت طلعتي وخليتيها من غير ما تطمنين عليها.. ليلى: انا اروح المطبخ احسن ... الام: ليلى يما وين رحتي؟؟ ليلى: الصاله يما...ليش؟؟ الام: زين روحي شوفي بنت عمج شصار عليها..راحت مع فيصل عشان يعطيها اللزقه... ليلى: معليه يما الحين تجي... الام: يا ليلى يا يما...شفيج انتي على بنت عمج؟ ليلى: مافيني شي يما.. الام: زين شوفي اخوج جاسم وين وصل.. ليلى: ان شالله.. وصل جاسم مع اهل زوجته....وراحوا الرياييل الميلس والحريم دخلوا الصاله....طبعا العروس هيا كانت بسيطه وايد لابسه دراعه زيتيه بورود صفرا وحاطه مكياج زيتي وطالعها نعومه...عكس اختها تماما اللي كانت لابسه بدله تنورة بيضاء وقميص وردي فاقع شوي وحاطه مكياج وردي غامق وشكلها طالع حلو بعد...بس بساطة هيا مطلعتها احلى من سعاد مع ان سعاد احلى من هيا بشهادة الجميع.. الام: ماشالله شالزين ياعروسنا...؟طالعه شحلاتج؟ هيا : عيونج الحلوه خالتي... سعاد: اي خلاص الحين انتي العروس وانا راحت علي... الام: لا يا سعاد يما انتي عروس بعد وتهبلين...بس اختج صارت عروسنا ولا عروس جديده..يعني لازم ندلعها شووي زيادة عنج... سعاد بابتسام: خذي راحتج ياخالتي ...انا اتغشمر بس.. ام سعاد: اي ...ولا معقوله بتغار من اختها.... ام لمياء : اي يحليلهم سعاد وهيا من هم صغار ويحبون بعض ..صج كانت سعاد تطق هيا وايد...بس بعد كانت تحبها.. هيا: خالتي لازم تطلع ماضينا.. ليلى: خليها تقولي عشان اقول للمعرس عن سوالفج..وعن ماضييج على قولتج.. هيا: لاتخافين ماضي يشرف..كله طق في طق.. لمياء: بالعكس يا هيا انتي كنتي مسالمه بدرجة كبيرة .. ام جاسم: يلا ياجماعه تفضلوا على الغدا.... وعقب الغدا وبعد ماراحوا الناس الصاله تصادفت ليلى مع لمياء عند المغسله... لمياء: تفضلي الصابون..ولا ماراح تاخذينه من يدي؟؟؟ ليلى خذت الصابون وغسلت يدها وماردت على لمياء.... لمياء:ليلى انتي ماراح يجي يوم وتنسين اللي صار؟؟؟ ليلى: ........................ لمياء: ليلى ردي علي..ريحيني .. ليلى: انتي تشوفين ان الكلام هذا له لزمه او على الاقل وقته مناسب.؟ خلينا نروح نقعد مع الناس احسن.. لمياء: هلا علي..بغيت شي؟ علي: اي ..ميت عطش..خل يطرشون لنا ماي... جاسم: بسك حنه على الحريم خلهم قاعدين براحتهم... علي: اي لازم تهاوشني وتقولي لاتتصل لهم...دام مدامتك موجوده تبي لها الراحه..اعرفك انا.. جاسم:ذكرتني بالمدام بروح اشوفها....واطمن عليها.. علي: روح شوف ليكون حد ضربها ولا اكل اكلها... جاسم: تتطنز ويا ويهك... علي: اي ..عندك مانع؟ جاسم: لا...عن اذنك... ومع بداية المغرب ..راحوا اهل هيا ..ووصلهم جاسم للبيت...واتفقوا طبعا ان العرس راح يكون بعد شهرين..لان جاسم لازم يسافر بعد 3 شهور بدورة حق الشغل وبيقعد شهر كامل هناك وقرر انه ياخذ زوجته معاه..لمياء رجعت مع امها وابوها البيت ونامت على طول من التعب .. وطبعا الكل نام من كثرة التعب.. الا ليلى اللي كانت سهرانه تقرا كتاب..ولما تمللت حطت الكتاب وسرحت وبدأت تتذكر شي من الماضي............. ليلى: اقوولج انا كلمتها وقالت بتسأل وترد علي..بسج حنه عاد.. لمياء:زين متى بترجعين من الجامعه؟ ليلى: الساعه 2 برجع..يلا بروح المحاضره وعقب بكلمج..باي لمياء:اوكي..تيك كير ليلى:يووه الله يعيني على هواش خالد الحين.. خالد:واخيرا...ماصار ويتنج... ليلى:هذي لمياء ..وانت تدري فيها ماتسكر بسررعه... خالد:تنفع شريكه والله.. ليلى: حرام عليك..صدقني بس تعرفها راح تحبها مثل ما احبها... خالد:انا يكفيني حبي لج..انتي متى بتخلصين جامعه؟ ليلى:هذي اخر محاضره.. خالد:حلووو...وبعدين وين بتروحين؟ ليلى: البيت طبعا.. خالد: مب حلوو.. ليلى: ليش؟؟ يعني الساعه 2 الظهر وين اروح؟؟ خالد:مادري..يعني ماشفتج من يومين ولا راح اشوفج اليوم بعد... ليلى: اهااا...اشتقت لي يعني؟ خالد: هذا سؤال؟؟ ليلى:اي..وجاوب ولاتتهرب من الجواب.. خالد:اي اشتقت لج...وااااااااااااااااااااااااااايد... قامت ليلى وطردت هالافكار من راسها....مابي اتذكر ياليت افقد الذاكره وانسى كل هالذكريات... وانتبهت لجوالها يهتز .اووه هذي بشاير.. ليلى: هلا وغلا.. بشاير: هلا...انتي وينج؟؟ خلاص نسيتيني..شدعووه ليلى: لاوالله بس انشغلت شوي.. بشاير: ولهت عليج...وقلت اتصل اطمن عليج..ادري الوقت متاخر بس قلت اجرب حظي.. ليلى:ماتقصرين ..وبالعكس اتصلي اي وقت..عزيزة وغاليه.. بشاير: مشكوورة...عيل متى بترجعين.؟؟ ليلى: مادري.. بشاير: شنو ماتولهتي على ريلج؟؟؟ ليلى: ريلي؟؟مادري.. بشاير: شفيج؟ كله مادري ومادري... ليلى وهي تضحك : بعد مادري... بشاير:يننتيني تراااج ليلى: اضحك معاج...بس للحين ماقررت اذا بيرجع او لا... بشاير:ممممممممممممم...يعني ريلج بيرجع الدوحه قريب؟؟ ليلى:تدري بصراحه انا عندي مشكله مع زوجي وماراح ارجع لين نحلها... بشاير: اسفه..ماحبيت اضايقج...مادري ليلى: لا يا بشاير عادي..ماتعرفين شكثر مكالمتج غاليه علي... بشاير: تسلمين حبيبتي ..والله يصفي النفووس..خلاص انا بخليج ترتاحين..ومتى ماقررتي تجيين قولي لي... ليلى: من عيوني.... بشاير: تسلم عيونج..تصبحين على خير... ليلى: وانتي من اهل الخير.. في المانيا.... خالد:هذي من تكلم هالحزه...(ويقوم ويحذف التليفون على السرير)...اوووف بشاير: الله يعيني على هواشه الحين..قلعته طووال اليوم ما سأل عني...خله ينطر.. خالد: واخيرا...مابغيتي تسكرين... بشاير: خير شصاير؟ خالد: من كنتي تكلمين؟؟ بشاير: كنت اكلم رفيجتي..القطريه اللي سولفت لك عنها... خالد: منو؟؟ ماذكر.. بشاير: اللي تعرفت عليها من فترة بسيطه... خالد: خلاص مب مهم...انا كنت ابي اقوولج اني بروح السفريات بكره الصبح..تبين اكد على حجزج او شي؟؟ بشاير: ليش بتسافر؟؟؟ خالد: يمكن..بروح اشوف الرحلات شلون... بشاير: خلاص بجي وياك ... خالد: بروح الصبح وانتي اكيد بتكونين نايمه ادري ماراح تقعدين...انا بشوف لج الحجز... بشاير: مب مشكله...اتصل واذا كنت قاعده بجي معاك... خالد: اوكي...يلا تصبحين على خير بشاير: وانت من اهل الخير... ولبس خالد جاكيته وولع السيجاره وطلع يتمشى...وبدا يتذكر شي من الماضي... مريم: خالد شفيك؟؟ شصاير؟؟ خالد: مافيني شي.. مريم: خالد قاعد تصيح...شسالفه ليش هالدموع؟؟ خالد: تعبان يا مريم تعبان.. مريم: سلامتك ياخووي..قولي شفيك؟؟ خالد: اخاف اقوولج وما ارتاح.... مريم:شكلها سالفه قويه ولا ماقعدت هالقعده والدموع مغطيه ويهك..قولي يمكن لين فضفضت ارتحت.. خالد:عيل سمعني ومن غير ماتقاطعيني .. مريم: ان شاء الله... خالد: ............................................. ............................................. ...مريم:لحظه لحظه..مافهمت..انت تحب الاولى ..والثانيه تحبها بعد؟؟ خالد: انا مب قلت لج لاتقاطعيني... مريم: خالد قولي اساميهم بدل الاولى والثانيه...ترى ضعت انا.. خالد: مب قايل....واطلعي لو سمحتي من الغرفه خليني بروحي... مريم: مب طالعه...وكمل كلامك بسمعك من غير ما اقاطعك..لواني حاسه اني ضعت.. خالد:يمكن لاني مب عارف اقولج ... مريم:خلاص بروح غرفتي ومتى ماحبيت تقولي تعال الغرفه... خالد: مريم...لاتروحين.. مريم: ان شالله.. خالد: سمعيني بس افهمني ارجوووج...وتذكري اني بشر مب ملاك... .................................................. .................................... مريم وهي مبطله عيونها وحطت يدها على راسها: الله واكبر عليك..الله واكبر عليك... فتح خالد عيونه اللي غطتها الدموع ...وكأنه مايبي يتذكر كلام اخته .........وطلع تليفونه واتصل ناصر : الوو خالد: انت راقد؟؟ ناصر:اي...كم الساعه الحين؟ خالد: 4 ونص الفجر... ناصر: وانت متصل فيني هالوقت وتسالني اذا انا راقد او لا...شفيك؟ خالد:متضايق ياناصر ...متضايق ناصر قام وقعد وحط يده على راسه:شصاير؟ شلي مضايقك؟؟ خالد:مشتاق حق ليلى.. ناصر:خالد حرام عليك..تقعدني هالحزه عشان تقولي انك اشتقت لها... خالد:شسوي اقول لمن؟؟ ناصر: قول لها..مشتاق لها مب لي... خالد:اقوول...ارجع ارقد احسن...سلام.. ناصر: سلام.. في الدووحه...في اليوم التالي كانت لمياء توها راجعه من الجامعه ومعها مريم وساره... ساره: والله فشله..انا ماحبيت اكلف عليج..بس هالسايق مادري شمشكلته كل يوم والثاني داعم الاخ.. لمياء: بسج عاد ياساره...ماصار شي عادي..انا بوصلج مافيها شي..بعدين خلينا نروح ونلحق نمر على اختج بالمدرسه قبل لا نتاخر... ساره: اي والله صاجه...بس ماقدر ما احن مريم: انتي متعبه بحنتج... لمياء: الحين دوورج بالحنه...بتقعدين تقولين هالسياره شخربها وليش ..؟ ساره وهي تضحك: اي والله الحين دورج.. مريم: لا والله تتطنزون علي... لمياء: لامحشووومه حبيبتي.....زين عيل بتتغدون عندي اليوم... ساره:لا خليها لمره ثانيه.. مريم: اي ..فشله جذي ...مره ثانيه ان شاء الله.. لمياء: مب على كيفكم مب السياره سيارتي...يبقى على كيفي..ويلا سويره انزلي هاتي اختج وتعالي... ساره: اوكي..بس صج فشله.. لمياء: هلا علي.. علي:هلا حبي..شلونج؟؟ لمياء: بخير..انت شخبارك؟؟ علي: اسال عنج...الا انتي وين؟ لمياء : انا طالعه من الجامعه ورايحه البيت...ليش؟؟ علي: بغيت عمي ومايرد علي قلت يمكن تعرفين وين احصله؟ لمياء: ابوي؟؟ علي: لا خالج..اكيد ابوج لمياء: مممم..اكيد في البيت..اذا فيك تصبر شووي وبكون بالبيت وبشوفه لك..اذا لا روح البيت وشوف.. علي:مادري هالحزه مب حلوه اروح البيت ...يمكن يكون راقد..اقوولج اول ماتوصلين كلميني اذا حصلتيه قاعد..انا بروح هناك وبنتظرج عند الباب... لمياء: شعندك؟ شالموضوع اللي ما يحتمل التأخير؟؟ علي: مب شغلج...لو سمحتي ارجعي البيت وقوليلي شيصير ويااج.. لمياء: اوكي.. مريم: ولد عمج؟ لمياء: اي... مريم: اللي دعمته؟؟ لمياء وهي تضحك: لا ...ادري فيج تحاتين وتخافين تشووفينه وتتفشلين.. مريم: اي والله .. ووصلوا البيت ونزلت لمياء والبنات وانتبه لهم علي اللي كان مب مصدق وهو يشووف البنات وفتح عيوونه يوم شاف فاطمه معاهم طار من الوناسه وسكر السياره ونزل .... لمياء: تفضلوا البيت بيتكم..لاتستحون بروح اقولهم يجهزون لنا الغداء...عن اذنكم وتووها تطلع من الصاله ولا علي في ويهها.. لمياء : بسم الله الرحمن الرحيم...خرعتني علي: ادري...شفتج وانتي تخترعين... لمياء: مب قلت انك بتنطر ارد عليك؟؟ علي: اي..بس يوم شفت القمر ماقدرت اصبر.. لمياء: اهاااااااا..زين لو سمحت روح الميلس وانا بروح اشوف لك ابوي... علي: والقمر؟؟ لمياء: علي البنات اول مره يجون عندي لاتحرجني وياهم.. علي: زين وصلي السلام على الأقل.. لمياء : ان شاء الله... الام: لمياء يما متى جيتي؟؟ علي: مرت عمي شلونج؟؟ الام: هلا يما بخير...انت شلونك وشلون الوالده؟؟ علي: الحمدلله..زين انا استاذن ..لمياء ولا عليج امر قولي حق عمي اني بالميلس... لمياء: ان شاء الله..يما رفيجاتي معاي..بيتغدون عندي.. الام: حياهم الله..قلتي للخدامه تحط لكم غداء؟ لمياء : الحين اقولها..بس اشوف ابوي اول واقوله عن علي ... الام: خلاص روحي عند ابوج وانا بوصي الخدامه.. لمياء: تسلمين يالغاليه.. في بيت بو جاسم..كانت ليلى قاعده تقرا الجرايد وتليفونها يرن ولا ماعطته اي اهميه...كان عيسى اللي قاعد يتصل...بس هي ماتبي ترد عليه... الام: السلام عليكم.. ليلى : وعليكم السلام .هلا الغاليه.. الام: تليفونج يرن ليش ماتردين؟؟ ليلى: هذي رفيجتي ومالي خلق ارد عليها.. الام وهي تتنهد: اي..وريلج شلونه؟؟ ماله حس يعني؟ ليلى: بخير يما..مشغول بالشغل... الام: ومتى بتسافرين ؟ ولا هو بيجي؟ ليلى: يما شفيج زهقتي مني؟؟؟ الام: لا يما في ام تزهق من عيالها..؟ بس حالج مب عاجبني..ومب راضيه تقولين لي شفيج؟؟ ليلى: مافيني شي يما..لاتحاتين.. الام: يا يما...انا حاسه انه فيج شي..او بينج وبين عيسى شي..من جيتي ولا تسالين عنه ولا اشوفج تطرينه حتى؟؟ ليلى: يما انا اكلمه بس هو تعرفين ما يفضى..واجازة الكريسممس هو قال يمكن يجي فيها..لاتحاتين ولاشي...بروح اشوف الغداء شصار عليه...(وطلعت ليلى)... الام:خاطري يابنتي اصدقج بس اعرفج وحاسه فيج...ماعرف شسوي..الله يهديج ويهديه...خل اروح اشوف بوجاسم وينه.. في المانيا... سامي: وين حاب نروح استاذ؟؟؟ عيسى:روح مكتب السفريات..ابي احجز حق الدوحه.. سامي:عن جد...راح تروح لستنا اكيد اشتقت اليها... عيسى: الصراحه اي واول مره افقدها جذي...ليلى لها مكانه عندي.. سامي: ان شاء الله نلاقي حجز اجازة الكريسمس باقي لها 3 ايام واكيد الحجوزات عليهم ضغط كبير. عيسى: لا ان شاء الله بحصل... وطبعا مالقى عيسى رجعة الا ثاني يوم بعد ليلة راس السنه... وكان اهم شي عنده انه يرجع ويتفاهم مع ليلى ..غيابها عنه مأثر عليه وايد... في بيت لمياء... مريم: صراحه خوش غداء...الله يغنيكم.. لمياء: فيه العافيه...اي صج نسيت..ترى ولد عمي وصل السلام.. ساره: ولد عمج؟؟ اي سلام؟ لمياء : هو قالي اوصل السلام لكم ..(قالت جذي وهي طالع فاطمه..( فاطمه: الله يسلمج ويسلمه.... لمياء:احب الناس اللي يفهمون...او يحسون بالاصح.. مريم: لمياء شفيج تتكلمين بالألغاز؟؟؟ لمياء: ولا الغاز ولاشي...يلا نروح الصاله عند امي طالعته فاطمه وهي تبتسم...غمزت لها لمياء وابتسمت... وعقب ماطلعوا وهم رايحين الصاله مسكتها لمياء.. فاطمه: شفيج؟؟ لمياء:ترى ولد عمي ينحب..وطيب مب لانه ولد عمي وانا امدحه لا بالعكس بس لاني اعرفه زين.. فاطمه وهي تبتسم: شسوي زين؟ لمياء: لا والله..لاتسووين شي..بس قاعده اطمنج عشان لو فكرتي تحبينه ..تره ينحب.. فاطمه وهي منحرجه: نروح الصاله.. لمياء: اوكي نروح.. في المانيا... خالد: انا اكدت لج الحجز..وحجزت لي بعد بروح الدوحه اسبوع وبرجع.. بشاير: زين تسوي ..يمكن نفسيتك تتغير شوي... خالد: بدينا..شالكلام؟؟ بشاير: ما قلت شي يضايق..بعدين انت كله تعصب خالد: اقولج بدينا...المهم خذتي نتيجة الإمتحان؟؟ بشاير كانت تشرب ماي وتغص مره وحده: كح كح ...انزلت؟؟ خالد: شوي شوي...شفيج..اي توني شايفهم.. بشاير: والله؟؟ وساكت من مساع؟؟ خالد:مادري ليش تحاتين.. بشاير: خالد تلفت اعصابي..قولي ... خالد: ممممممممممممم,.,,,لا خل احرق في اعصابج بعد.. بشاير: يلا...ترى بنزل الحين واروح الجامعه.. خالد: لا خلج ولا تعبين عمرج...امتياز ... بشاير: صج..الله يبشرك بالخير...وناااسه..وانت؟ خالد: انا جيد جدا... بشاير: زين الحمدلله..تستاهل... خالد:تسلمين..زين عيل اشوفج تالي...تبين شي؟ بشاير: سلامتك...مع السلامه.. خالد: هلا والله.. ناصر: هلا فيك ..شخبارك؟؟ خالد: الحمدلله...وينك ما سألت عني من زمان,,, ناصر: انشغلت والله...بشرني عنك...؟ خالد: بخير...اسال عنك.. ناصر: ها جاي في اجازة الكريسمس؟؟ خالد: اكيد...لا ناصر: ليش؟؟ من صجك؟ خالد: يوووه...لازم اجي؟ ناصر: اكيد لازم..ماتولهت علي اكيد تولهت على امك واختك... خالد: عيل تراني جاي بس لاتقول لأحد... ناصر: ضايقتني يوم قلت لا..الله يسامحك.. خالد: شدعوه كل هاي شوق لي؟؟ ناصر: شسوي مجبور ماعندي احد غيرك...اشتاق له.. خالد: مع ويهك ..يحصلك. ناصر: حاصل لي ويا راسك... خالد: احلى من راسك واصغر بعد.. ناصر: زين مقبوله منك..المهم طرشيلي موعد الرحله.. خالد: ان شاء الله...تبي شي من المانيا؟؟ ناصر: اي..شوية هواء بارد ومطر... خالد : ان شاء الله... ناصر : مع السلامه.. خالد: مع السلامه.. ناصر: ليش ما قلت له..يعني اقوله لما يرجع احسن...ليش ما أتجرأ اقوله..هذي حاله لا قادر اقول لاخته ولا اقوله...يعني اتم جذي لين تروح البنت مني..ماعرف شسوي...لازم اول ما يوصل اقوله...انا احب مريم ومابي حد غيري ياخذها عني..اول ما يوصل راح اقول له... ..... انتظروا ليلة الكريسمس في الجزء الجاي... الجزء الثامن في وسط الثلوج ...والجو البارد كانت المانيا كأي دولة أوروبية تستعد لاستقبال السنة الجديده فقد زينت الشوارع بالمصابيح الملونه وباشجار الكريسمس وغطت الثلوج اكثر هذه الأشجار .. خالد كان يستعد للذهاب الى المطار مع بداية هذا اليوم ... خالد: الوو بشاير: يلا انا ماشية توصي على شي؟؟ خالد: افاا..شنو رحلتج مب باقي عليها ساعتين؟؟ بشاير: جيكت ليقتها متقدمه..انت تاخرت بعد.. خالد: مادري حسبت في وقت..المهم حطي بالج على عمرج..وتوصلين بالسلامه.. بشاير: ان شاء الله..انت بعد تيك كير.. خالد: طمنيني اول ماتوصلين بمسج.. بشاير: ان شاء الله من جهة أخرى... عيسى: ماترد..ماترد..ابي اعرف ليش ماترد.. جاسم: الووووووووو عيسى: السلام عليكم.. جاسم: هلا والله النسيب...شلوونك؟ عيسى: الحمدلله...انت اخبارك؟؟ جاسم: طيب الحمدلله.... عيسى: جاسم ولاعليك أمر ليلى قريبه منك؟؟ جاسم: ليلى...لا هي في االبيت...ما اتصلت على جوالها؟؟ عيسى: اتصلت بس ماردت..اكيد انه مب معاها... جاسم: يمكن...تبيها ضروري؟؟؟ عيسى: لا..اول ماتشوفها قول لها تكلمني... جاسم: صار ان شاء الله... عيسى: ماتقصر...يلا فمان الله جاسم: الله يحفظك... جاسم وهو يكلم نفسه...شفيه عيسى مب من عوايده يدور ليلى جذي ... ولا صوته فيه شي صوته الله يستر ليكون صاير شي...خل احاول اكلم ليلى... ليلى: هلا جاسم... جاسم: يعني عندج الجهاز...ليش مارديتي على ريلج عيل؟؟ ليلى: ها...لا توني اشووفه...ليش؟؟؟ جاسم: ريلج كلمني..ويبييج تكلمينه... ليلى: اي..ماقال شيبي؟؟ جاسم: لا ما قال...بس صوته ما كان طبيعي...كلميه شووفي يمكن يبييج ضروري.. ليلى:لا ماعنده شي... جاسم: ليلى اقوولج ريلج صوته ما كان طبيعي..كلميه.. ليلى: اوكي بكلمه... جاسم: الحين...يلا مع السلامه.. ليلى: الله يسلمك.. ليلى بدت تتذكر شي من الماضي... عيسى: هلا.. ليلى: الوو...عيسى وينك؟ عيسى: في الشغل..وين بكون...في شي؟ ليلى: شكلك نسيت؟؟ عيسى: ترى مشغول..قولي بسرعه شصاير؟؟ ليلى: مب بنروح نتغدا في بيت ابوي...نسيت العزومه؟؟؟ عيسى:اوووووووو...خلاص اتصلي واعتذري لهم...انا عندي شغل... ليلى: امي راح تزعل... عيسى: خلاص روحي انتي واعتذري لهم عني.. ليلى: يعني كله اروح بروحي؟؟ لين متى.؟ عيسى: نتكلم بعدين...مع السلامه... عيسى: قلت لج كم مره انا مب مستعيل على العيال...شفيج انتي؟ ليلى: انا اللي شفيني ولا انت؟ في حد يكره ان يكون له عيال؟؟ عيسى: لا تبتدين ..ماراح اتناقش في هالموضوع بعد..عيال الحين لا.. ليلى: يعني شنو لا؟؟ وليش تمشي كلامك وبس؟ عيسى: لان كلامي هو الصح... ليلى: لا كلامك مب صح... عيسى: انا طالع مع السلامه..... ليلى وهي تمسح دموعها..ماتعرفه ياجاسم انا اعرفه ماعنده شي ..ماراح اكلمه بروح اشوف امي .. من جهة اخرى.. مريم: هلا يما... ناصر: لا انا مب امج..انا ناصر.. مريم: هلا ناصر...معليه شفت رقم البيت حسبت امي... ناصر: امج مب في البيت...ماتدرين وينها؟؟ مريم: لا...كانت في البيت توني كلمتها من شوي... ناصر: مادري وين راحت..زين انا بنتظرها شوي ...وعقب بروح.. مريم:وين راحت امي... ناصر: توقعتج تعرفين..بس اكيد عند حد من الجيران... مريم: يمكن..زين انا جايه البيت..مع السلامه... ناصر: الله يسلمج... خالد ومن غير نفس: الووو ناصر: بل...شفيك؟؟ خالد: مكنسلين حجزي ومتكدر وودي اولع المطار فيهم... ناصر: اوووف...من كنسله؟؟؟ وليش؟؟ خالد: شعرفني...شوية موظفين في هالخطوط مالهم اي لزمه...ولا تجي وتلاقي حجزك متكنسل..قهر وبس... ناصر: دور رحله ثانيه.. خالد: اي ثانيه...انا تعبت لين حصلت حق اليوم..وبكره العرب كلهم راجعين بالاجازة... ناصر: اوووف,,شالحظ؟؟ خالد:مادري والله...يلا باي تراني مقهووور.. ناصر:حاول تكلمهم...لازم تجي... خالد:تبي تقهرني اكثر...لي ساعتين احاول فيهم...يلا باي ناصر: بقوولك..بل سكر الخط...لين عصب مايدري هو شيسوي؟...الله يهديه..اووه كاهو رجع اتصل...اووه لا فددديت هالرقم...الووو مريم: اللوو..رجعت امي؟؟ ناصر: لا للحين... مريم:وين راحت امي... ناصر: انا بمشي..واول ما تلاقينها طمنيني...واذا تاخرت كلميني... مريم: اوكي..بس بغيت منها شي؟؟ ناصر: والله مادري شقوولج...كنت جاي اقولها ان خالد جاي وابشرها مريم وهي مصدومه: خالد جااااااااااااااااااي,....متى؟؟ ناصر: كان بيجي اليوم...بس كنسلوا حجزه... مريم بارتياح: اشوا...احسن ناصر: شنوووووووووووووووو؟ مريم: ها...لالا ولاشي..بس هو خالد حظه جذي ...يلا مع السلامه.. ناصر: بل..ماخلصت من اخوها يسكر علي الحين دورها...شفيهم...مب صاااحيييييييين... لمياء: الووووو مريم: هلا .. لمياء: انتي وينج؟؟ مريم: موجوده...رايحه البيت... لمياء: شفيج؟؟شفيه صوتج؟؟ مريم: مافيني شي...ضايق خلقي شووي.. لمياء: من شنو؟ مريم: ولاشي...لاتحطين في بالج...لمياء حبيبتي بس بشووف امي وينها وبرجع اكلمج.. لمياء: اوكي مب مشكله..باي.. لمياء: شفيها...صوتها مب طبيعي..وبدت تتذكر شي من الماضي... ليلى: نعم.. لمياء: وينج ماتردين؟؟؟ ليلى: كاني رديت...شتبين؟ لمياء: ليلى شفيج؟؟ ليلى: مافيني شي... لمياء: لا فيج...صوتج فيه شي... ليلى: قلت مافيني شي...خلصيني شتبين؟؟ لمياء: ليش قاعده تتكلمين معاي جذي؟؟؟ ليلى: اوووووووووووووه...اخلصي يا لمياء وقولي شتبين...؟ لمياء وبصوت حزين: مابي شي...بس كنت ابي امرج ونطلع..بس شكله مزاجج متعكر..يلا باي.. ليلى: بااي.. آآآآآآآآآآه لو انج يا ليلى يومها قلتي اللي مضايقج يمكن كنت قدرت اصلح كل شي..واوضح لج بعد كل شي..بس لحظتها ماقلتي ...كنت اسوي اي شي ولا اني اخسرج...وعشان واحد ما يستاهل... في المانيا...في المطار.. خالد:اووف شالحظ...بقعد هني بروحي يعني...الله يعين وتعدي هالاجازة راح احسها طوويله وايد.. بروحي...وبدا يتذكر شي من الماضي.. خالد: اكيد راح نكون كل دقيقه مع بعض.. لمياء: صج... خالد: لا مب كا دقيقه بس..الا كل ثانيه.. لمياء: وناااسه...متى يجي هاليوم؟؟؟ خالد: قريب...انا اصلا مليت من وحدتي..ولا ابي اقضي عمري بروحي... شكلي راح اقضي عمري كله بروحي...وينج ياليلى انا قاعد ادفع ثمن غلطتي بحقج..تعبت والله تعبت..وبدا يتذكر... ليلى وهي تصفق بيدها..برافوا...ابدعتوا صراحه..انا راح ارشحكم للتمثيل..لانكم تبدعون وتمثلون بمهاره...براافوا... خالد: والله صوت صفقة يدج للحين ترن باذني...آآآآآآآآآه...آآآآآآآآآآآآآه.. في الطرف الأخر.. عيسى اللي ماتعود انه بقعد فاضي وماعنده شغل...وان الاجازات يقضيها مع ليلى...مب قادر يتحمل يقعد هاليوم وهو فاضي وخصوصا ان ليلى بعد مب موجوده...كانت الدقيقه عنده مثل الساعه..قاعد يطالع التلفزيون ومب محصل شي يشووفه...فقرر انه يطلع ويدور بالشوارع لين يخلص اليوم...بس بعد مافكر قرر انه يطلع مع بداية السنه الجديده عشان يشووف الاحتفالات...وتمنى ان ليلى تتصل وتكلمه..لكنها ما اتصلت ولا ردت عليه.. عيسى: ياااه معقووله ...مب محصل حد اقعد معاه...معقووله حياتي كلها شغل في شغل...لدرجة اني صرت اكره وقت الفراغ...وليلى معقوله لهدرجه كارهتني..اكيد تكرهني وهي قاعده بروحها دووم وانا كم ساعه بروحي وضقت ...ياااه لهدرجه انا اناني..يارب يمر هاليوم بسرعه وارجع الدووحه واحاول اصلح شووي من اللي بيني وبين ليلى ..انا ابيها ولا ابي اخسرها.. في الدووحه... ليلى:اووف عشره مس كوول..شعنده عيسى..اكلمه..لالالا..مالي خلق كدر...اكيد يبي يتهاوش كعادته طبعا...خل اشوف وينه فيصل امي تسال عنه.. فيصل: الووو ليلى: وينك؟؟؟ امي دورك؟؟ فيصل: انا رايح عند الشباب ...ليش؟؟ ليلى:مادري..بس امي تبييك...كلمها... فيصل: ان شاء الله..الحين اتصل لها...باي ليلى: مع السلامه... فيصل: الوووو علي: والله حاله..انا قاعد عند التليفون عشان ارد عليك وعلى جسوووم...مافي صوت حلو احلى من اصواتكم..زهقت ترى.. فيصل: علوووي..اخاف انت اللي صووتك كلللللللش... علي: لا...ابي صوت حلو..صوت يرد الروح..صوت.. قاطعه فيصل.. فيصل: انا مب متصل اخسر مكالمه عليك..ترى كيوتل وراي وراي بالفواتير...ناد امي علي: اي انت كيوتل تحبك..كل شهر تغرمك بمبلغ وقدره...وبعد من كثر هذرتك يعني... فيصل: علووووووووووووووووووووي...ناد امي.. علي: زين..لحظة...يمااااااااا,,,حبي الاول والاخير.. الام: هلا يما...شفيك؟؟؟ علي: خلصنا من جاسم الحين دور فيصل.. الام: عطني اياه...هلا يما.. فيصل: هلا الغاليه...بغيتيني بشي ..آمري؟ الام: لا يما..ابي اطمن عليك..واشوف وينك.. فيصل: انا رايح الميلس...تبين شي يالغاليه؟ الام: لا يما..حط بالك على نفسك..ولا تتاخر... فيصل: ان شاء الله..لاتحاتين انتي بس... الام: انزين يما...مع السلامه... جاسم: هلا ياقلبي... هيا: السلام عليكم.. جاسم: وعليكم السلام والرحمه... هيا: بقولك شي بس لاتزعل... جاسم: شصاير؟؟ خير؟ هيا: خل نأجل العرس... جاسم: شنوووووووووو؟؟؟ من صجج..مانقدر هيا: والله ما الحق...وراي شغل وايد ومب قادره.. جاسم: يا بنت الناس..انا قلت لج بعد العرس وراي سفر ودوره 3 شهور اذا اجلنا بظطر اكنسل الدورة.. هيا: لا انت سافر وروح دورتك وعقب لين رجعت نسوي العرس... جاسم:من صجج...لالا..احنا اتفقنا خلاص...بعدين انا حجزت القاعه ودفعت العربون.. هيا: صدقني ماقدر ...ماعندي وقت.. جاسم:خلاص لاتسوين شي..بخلي ليلى وسعاد اختج يجهزون لج كل شي..شرايج؟ هيا: هم مب مقصرين..بس جاسم شهرين مايكفون لشي... جاسم:انا ابي اقدم العرس وانتي تبين تاخررين..مشكله ترى.. هيا:كل ماشوف الترتيبات والتجهيزات شكثرها ..اعرف انه مافي وقت.. جاسم:لا ان شاء الله في وقت..لاتحاتين بس.. هيا: ان شاء الله...انت وين؟؟ جاسم: رايح البيت...تبين شي؟؟ هيا: سلامتك...انا يمكن اسافر السعوديه بعد بكره مع هلي.. جاسم:لا طبعا..ماتسافرين.. هيا: يوووه..انا قاعده اقوول..مب اخذ اذن.. جاسم: لا والله...من قالج انج تقدرين تسافرين من غير شور زووجج..ما يصير .. هيا: انا للحين عند ابوي..لين صرت عندك..كل شي بيصير بشورك..بعدين انا مسافره اشتر لي شوية اغراض.. جاسم: اللي ماتعرفين ياحلوه..انه سفر من غير موافقة زووجج ما يصير.. هيا: صج والله؟؟ جاسم: اي والله.. هيا: زين جاسم..انا لازم اسافر.. جاسم: سافري..ومن قال لج لا؟؟ هيا: يوووه...توك قلت لا.. جاسم: انا؟؟؟ ماقلت لج شي...انا اصلا مخلي ال لا حق بعد الزواج.. هيا: يووه..جاسم لاطفرني... جاسم: لا خلاص مب مطفرج...يلا انا وصلت البيت برجع اتصل لج... هيا: موافقة السفر؟؟ جاسم: بجيبها لج...شتبين بعد...؟ هيا: سلامتك...مع السلامه.. جاسم: مع السلامه قلبي.. علي: قلبك؟؟ ها بدينا نغازل اشووف..الناس تتزوج تعقل اشوفك انت العكس.. جاسم: علوووي..شالكلام؟؟؟ علي: شفيك انصدمت..ماتوقعت اني هني واسمعك.. جاسم:شتسمع؟؟ شقايل انا..؟ علي: تسوي روحك ما تدري... الام: شفيكم..؟ توه اخوك واصل لحقتوا تتهاوشوون.. علي: شووفي ولدج..قاعد يغازل.. جاسم:تصدق مالي خلق كلللش ولا كنت كسرت هالمزهريه على راسك.. الام: هالمزهريه غاليه..مب تقرب صوبها.. علي: افااااااا يما..المزهريه اغلى مني...افاا ليش جذي يما؟؟ الام: لا يما مافي شي اغلى منك..بس ليش تكسرونها؟؟ علي: افاااا والله ماهقيتها منج... جاسم:احسن تستاهل..عشان ما تجنني مرة ثانيه..يلا عن اذنكم انا طالع غرفتي.. علي: جرحتيني يا امي وحبج يجري بالانفاس... الام: علي روح يما ادرس لك كلمتين احسن لك..انا بروح انام.. علي: بل ..كلهم راحوا وخلوووني...اروح ادرس احسن.. في المانيا.. والساعه تقارب ال 11 ليلا والجميع في انتظار السنه الجديده..عيسى في سيارته يتجول في المدينه..وخالد من ناحيه اخرى في الحديقه وسيجارته في يده..عيسى صادف ازدحام في طريقه وحاول الهرب منه ولكنه فشل...خالد يطفى سيجاره ويشعل غيرها...وقارب على انهاء العلبه .. عيسى : اوف شالزحمه..انا شلي جابني هني بسٍ.. ابي ارووح زهقت..مادري في مجال اتجاوز.. سامي: مرحباا عيسى: هلا .. سامي: استاذي وينك؟؟؟ عيسى:جاي بس زحمه وايد.. سامي: اي كتير زحمه...اي على مهلك استازي... عيسى: ان شاء الله..يلا انا جاي ..باي سامي: باي. الشارع اللي عيسى يسووق فيها رايح وراجع..نفذ صبر عيسى فتجاوز وساق في الشارع الجاي .. خالد طلع علبته الثانيه وولع السيجاره...وبدا يتذكر شي من الماضي.. خالد:شلون يعني؟؟ ليلى: يعني نفس ما قلت لك...فكرت اني ابعد عنها شلها من بالك.. خالد: بس انا مابيج تكونين معاها... ليلى: مافي سبب عشان اخليها..وانت ماعرف شفسر طلبك فيه..غيره مستحيل.. خالد: كيفي انا..اغار ليش ما اغار؟ ليلى: خالد شفيك؟؟ خالد: مافيني شي.. ليلى: زعلت؟؟ خالد: ماقدر ازعل من قلبي...بس ابيج تكونين لي برووحي... ليلى: وانا لك بروحك.. خالد: الله لايحرمني منج.. ليلى: ولا منك ياررب.. ورمى بسيجارته ..اووف ليش رحتي عني..بروح امشي شووي .. الساعه 12 عشر والمانيا تحتفل بالسنه الجديده..ولكن في بون وفي احد شوارعها كانت الشرطه وسياره الاسعاف تحاول ان تنقذ حياة شخص اصطدم ببباص كان مسرعا واعترض هذا الشخص طريق الباص.. ولقد كان حادثا صعبا ... عيسى في سياره الاسعاف..والدم يغطي وجهه ورجله..وهو يردد وينادي..ليلى ..ليلى.. في الحديقه... خالد:بتم امشي جذي بروحي..محد سال عني حتى بشاير..اكيد وصلت لاهلها ليش تسال عني..وانا لي اهل بعد بس ما يسألون عني...اصلا ليش يسالون عني انا شسوويت لهم...انا مقصر بحقهم ووايد..وبدا يتخيل..ووصل الى يوم وفاته..وصور له خياله انه لايحزن احدا عليه ولن يحضر احدا للتعزيه ..معقووله بعيش بروحي واموت بروحي ومحد بيزعل علي..معقووله..لا لا .شالافكار اللي قاعده تجيني....خل اروح الشقه وانام احسن لي.. في الدووحه... تليفون مزعج ..ايقظ ليلى من احلامها... ليلى: الووو سامي وبحزن كبير وصوت غير مسموع: ستنا ليلى.. ليلى: ها سامي..شفيك؟؟ ماسمع ترى.. سامي: ستنا..تصحي شووي وتسمعيني... ليلى فتحت الاباجورة وشافت الساعه: سامي شصاير ليش متصل في هالوقت؟؟ سامي: مابعرف شقوول لك..بس ليلى بدت تحس بالخوف: سامي قوول شصاير...وقفت قلبي؟؟؟ سامي:استاز عيسى في المستشفى.. ليلى: مستشفى؟؟؟؟؟؟؟؟؟؟؟؟؟؟؟؟؟؟؟؟ليش؟؟؟؟؟؟؟؟؟؟؟ سامي:ستنا ازا بتقدري تعالي على اقرب رحله..الله يخليك ستنا لا تتاخري ليلى: سامي خوفتني...قولي شصاير؟؟؟ سامي: ان شاء الله خير..استاز عيسى صار لو حادث من شي نص ساعه..وللحين بغرفة العملياات.. انا ماكنت حاب اخبرك..بس اكيد لازم تعرفي.. ليلى وبدت تتنفس بسرعه: سامي الحادث بسيط صح؟؟؟ سامي : ستنا مابعرف..بس تعي الله يخليك.. ليلى: قولي سامي انه بسيط..قوولي انه عيسى بخير...قولي؟؟؟ سامي: ان شاء الله..بس الله يخليكي تعي على اقرب رحله... ليلى: زين..كلمني وطمني كل شووي بروح اشوف جاسم واخليه يدور لي رحله حق بكره..باي قامت ليلى بصعوبه ووصلت غرفة اخوها وطقت الباب ومحد رد عليها...طقته مره ثانيه... جاسم: منوو؟؟ ليلى وبصعوبه: انا ليلى... جاسم: ليلى ..تعالي شفيج؟؟؟ دخلت ليلى واول ما شافها جاسم فتح عينه وخاف لونها باهت وتتنفس بصعوبه.. جاسم: شفيج؟؟ ليلى شفيج.. وقام بسرعه وتوها بيمسكها ولاطيح ويغمى عليها ويحاول جاسم معاها لين رجعت لوعيها... جاسم: طيحتي قلبي...شفيج...؟ قومي اوديج المستشفى.. ليلى: لالالا..دور لي رحله لالمانيا ..لازم اروح... جاسم: شصاير؟؟ قوليلي... ليلى: بقوولك..بس لاتقول لاحد ارجووك..جاسم ارجووك.. جاسم: كل اسرارج عندي ياليلى...قوولي.. ليلى: عيسى سوى حادث ولازم اروح..انا خايفه عليه.. جاسم:من قالج؟؟ ليلى وهي تصيح: توه سامي يكلمني ويقوولي..جاسم الله يخليك ابي اروح الحين.. جاسم: خليني ادور لج رحله..خل اشووف المطار..واتصل جاسم للمطار ووحصل رحله الساعه 4 الفجر.. ليلى: مافي قبل؟؟ جاسم: ياريت والله..هاي اقرب رحله..قومي جهزي عمرج..وانا بعد عشان نلحق ناخذ التذاكر ونسافر.. ليلى: لالا..انت لاتجي...بعدين بيحسوون انه في شي.. جاسم: واخليج بروحج؟؟شتقوولين انتي؟؟ ليلى: ارجووك..جاسم انا دوم اروح بروحي.. جاسم: ليلى مايصير انتي تعبانه وانا اخاف عليج.. ليلى: معليه عشاااني..الله يخليك.. جاسم: قومي الحين جهزي عمرج...ويصير خير.. ............. ياترى شنو مصير عيسى؟؟؟ وخالد هل فعلا نهايته راح تكون مثل ما تخيلها....؟ ولمياء ما راح ترجع علاقتها في ليلى مثل قبل؟؟؟ الجزء التاسع ما اطول الدقائق...وكأن الساعة توفقت عن الحراك..احساس ليلى بان الوقت لايمر وبأن النهار لن ياتي...جلست على الأرض والدموع تغطي وجهها..في الغرفه الأخرى وقف جاسم حائرا عاجز عن عمل اي شي...احساسه بأن اخته سوف تتعب بمجرد وفاة زوجها وان تترمل وبدون اطفال حتى...كيف سيكون حالها,,,؟؟طرد جاسم كل الافكار وتذكر ليلى فذهب ليطمئن عليها.. جاسم: ليلى...ليلى ليلى: ,,,,,,,,,,,,,,,,,,,,,,,, دخل جاسم الغرفه وعندما نظر الى حال اخته...اقترب منها وانتابه الخوف...ليلى...ليلى.. ليلى: .............. جاسم: اذكري الله...ليش جذي..قومي توضي وصلي وادعي له وان شاء الله بيكون بخير... ليلى وهي تصيح: ماقدر..هو اتصل فيني وايد وانا كنت ما ارد..واليوم بالذات اتصل وايد..كان حاس..كان في شي في خاطره..انا ما رديت عليه..بيروح وهو شايل علي..انا ابيه يسامحني .. جاسم: لاتقوولين جذي,,,ان شاء الله ماعليه شر,,,قومي يلا..توضي وصلي,, ليلى :ان شاء الله.... في الكووويت............. احمد: بشوورة...بشورة... بشاير: هلا ..احمدوو تعال,, احمد:توقعت انج مو نايمه.. بشاير:ليش يعني؟؟؟ احمد: سمعت امي يوم تقوولج عن سعود..وعرفت انج قاعده تفكرين.. بشاير: كلكم تدرون..الا انا.. احمد: اكيد,,لانج مو بالكويت,, بشاير: لا مسووي رووحك ذكي,.,ليش ماتصلتوا وقلتوا لي..او على الأقل خذتوا رايي.. احمد: الحين قالت لج امي...وبننطر رايج.. بشاير: مادري يا احمد امي تقوول عطتهم موافقه ..كلامها عنه وعن الاهل ومدحها لهم... احمد: سعود خووش ولد...انا شفته.. بشاير: صج,,,,حلوو؟؟قولي شلون شكله؟؟ احمد: هذا اللي يهمج؟؟ترى الحلاه مب كل شي بشاير: ليكووووووووون جيييكر؟؟ احمد: طالع هذي... بشاير: احمدوو ..تكلم معاي باحترام ناسي اني اختك الكبيرة؟؟ احمد:زين يا اختي الكبيره..انا بروح انام..وانتي تمي جذي سهرانه.. بشاير: من صجك,,,احمدوو اقعد وياي... احمد:تبين نصيحتي؟؟ بشاير: حق؟؟ احمد: وافقي على سعود..ماراح تحصلين مثله... بشاير:مادري... طلع احمد..وجلست بشاير حائرة..المشكله انكم ماتدرون عن خالد..شفيه خالد..من عرفته وماحسيت انه يحبني...يمكن يحبني بس مب ذاك الحب اللي انا ابيه...خالد في سر كبير في حياته..بس انا احبه..اوقات ودي اكره...مادري شسوي...اقول لامي ما راح تتقبل الفكره ..هي الحين حاطه سعود في بالها..بروح انام احسن... في المانيا... خالد: ليش مسكره جوالها..معقووله بشاير ما كلمتني ولا ادري عنها..اخاف صار لها شي..انا ليش شايل همها..هي مب صغيره..اكيد انشغلت مع اهلها ونستني ...قلب واحد بس اللي دوم بيذكرني..بس وينه عني....لازم انام...شالليله الطويله... من جهة أخرى... سامي: اهلين ستنا...امتى؟؟ ليلى: بنوصل الساعه 10 الصبح... سامي: على خير ستنا..توصولوا بالسلامه... ليلى: مافي اخبار عن عيسى؟؟؟ سامي:نفس ماقلتلك ..لسه من شوي النيرس طمنتني شوي.. ليلى: اوكي..اذا صار اي شي طرش لي مسج..مع السلامه.. سامي: الله يسلمك.. جاسم: يلا نادوا على رحلتنا.. ليلى:امي كاسره خاطري.... جاسم: الله يهداج..كان لازم تصيحين قدامها.. ليلى: ماقدرت..والله ماقدرت.. جاسم: زين خلاص..اصلا كانت بتعرف...المهم الحين نوصل ونطمن عليه..وامي الكل عندها لاتحاتينها... ليلى: انا تعبتكم وايد...وايد.. جاسم: ليلى,,,لاتقوولين جذي..يلا خلينا نروح... ليلى: ان شاء الله... في بيت خالد.... الام: مريم...مريم.. مريم: هلا يما...كم الساعه؟ الام: اربع ونص يما..قومي صلي.. مريم: ان شاء الله..انتي شمقعدج هالحزه؟؟ الام:شفت منام مب زين..قومي يما..صلي واتصلي على اخوج..من زمان ما اتصل ولاندري عن اخباره.. مريم: ان شاء الله يما..بس هالحزه اكيد راقد.. الام: معليه يما..ابي اطمن.. مريم: ان شاء الله... صلت مريم وراحت غرفة امها ..دخلت الغرفه وهي تناديها..يما..يما..بس محد رد عليها وصلت لقت امها طايحه على الأرض ...يماااااااااااااااااا في غرفته الصغيره جلس يتذكر ويسترجع اشياء من الماضي... تذكر حرمانه من امه ...قسوة ابيه التي حرمته من امه فور انفصالهم من بعض ...طفل صغير لا يعرف وقتها غير ان يسأل عن والدته..والجواب هو انها تركته ولن تعود له..لم يتقبل هذه الحقيقه وانتظر عودتها له..الى ان جات من تاخذ مكانها..من تسلب منه حتى اهتمام ابيه...كبر الحرمان ...لاام ولا اب..زوجة جديده وعائلة اخرى انشغل الاب بها..وتركه يتربى بنفسه لم يعطه من الرعايه الا القليل...اصراره على عدم تقبل حقيقة ترك امه له...جعلته عندما كبر يبحث عن هذه الحقيقه الا ان اكتشف وجود والدته وانها ارغمت على تركه..طار فرحا..وكرس كل مجهوده ووقته ليصل لإمه ويعوض جزء من حرمانه..وسبقته الاقدار فحرمته من امه.. احساسه بالوحده قاتل..اب لا يهتم به ولا يكترث لاي شي يعنييه..زوجة اب همها هو التخلص منه..واخوان تربوا على الكره والقسوه.. مرت السنوات حلمه الوحيد هو العائلة المحبه .. بحث عنها في كل مكان...معرفته بخالد وصداقتهم القويه جعلته كأخ له...ووجد عند خالد وعائلته ماحرم منه..اهتمام ام خالد به..اعاد له الأمل والاحساس بالحب والأهتمام...ام خالد اعتبرته ابن اخر لها واهتمت به كإهتمامها باأبنائها...كثرة زياراته لهم..شاركهم الأكل ..والسهر ...والسفر...حتى اصبح فعلا فرد من افراد هذه الاسره وخوفه عليهم اكثر من خوفه على نفسه....قطع رنين الهاتف ذكرياته ودموعه التي بدت تسيل...وسرعان ما ارتسمت ابتسامه صغيره على ووجهه بمجرد ان رأى الرقم... ناصر: صبحج الله بالخير يا يمه.. مريم وهي تبكي: ناصر الحق علي..امي مادري شفيها.. ناصر: مريم..شفيج؟؟ عسى ماشر.. مريم: امي ..ماترد علي.. ناصر: مريم اهدي ترى ماا سمعج.. مريم : تعال بسرعه..امي مادري شفيها..وسيارتي ماتشتغل..بسرعه ناصر: يلا جاي..اهدي بس..ولاتحاتين يمكن الضغط ولا السكر..باي وبسرعه...خرج ناصر ذاهبا الى اسرته ... نعم هذه هي اسرته الحقيقه... أعزائي الركاب...باقي على الوصول ساعتين....سنقوم من خلالهما بتقديم وجبة خفيفه..وشكرا.. ليلى وهي تغلق المصحف...: جاسم..جاسم جاسم: همممم..وصلنا.. ليلى: لا ياخوي بس قوم عشان تاكل لك شي..من طلعنا وانت ماكلت شي.. جاسم: زين..خل اروح اغسل ويهي وارجع.. ليلى: اوكي.. جاسم:الحمدلله انج هديتي .. ليلى: قريت شوية قران ..ارتحت والله.. جاسم: بس لازم تنامين شووي..بتتعبين.. ليلى: اذا جاني النوم نمت..لاتحاتيني.. جاسم: لازم احاتي اختي حبيبتي... ليلى: ماتقصر ياخوي..الله لايحرمني منك... جاسم: ولامنج يالغاليه...تدرين هيا راح تحشرني.. ليلى: مسكينه..هالبنت ماتهنأت معانا .. كل شوي يصير شي.. جاسم: هذي اقدار..معليه بس تصير زوجتي..انا بعوضها.. ليلى: الله يخليكم بعض..كلمها اول مانوصل..عشان ماتحط بخاطرها.. جاسم: ان شاء الله... في المستشفى... الدكتور:انا قلت لكم مب زين لها الانفعال...امج معاها الضغط.. مريم: والله يادكتور محد زعلها بشي..مادري شفيها... الدكتور: المهم انها الحين بخير..والمنوم بخليها تنام شووي..وترتاح.. ناصر: والمغذي حق شنو؟؟ الدكتور: حق الجفاف..شلون خليتوها لين صار عندها جفاف؟؟ لازم تكثر من السوائل.. مريم: امي صايره عنيده الفترة الأخيره...ماطاوع بالاكل والشرب.. الدكتور: لا..لازم تهتمين اكثر وتحاولين معاها..امج كبيرة بالعمر وغير الضغط اللي متعبها.. مريم: ان شاء الله..وبدت تصيح.. ناصر: اهدي يامريم..ليش الصياح؟؟ مريم: ماعندي غيرها...اخاف تروح عني.. ناصر: لها طولة العمر ان شاء الله..لاتقوولين جذي..بعدين انا وخالد وين رحنا...؟ مريم: خالد...خلها على الله بس... ناصر: لاتقولين جذي...خالد بس يعدي من ازمته وبيرجع نفس قبل واحسن.. مريم:مشكور يا ناصر...والسموحه منك.. ناصر: لاتقولين جذي...نسيتي انها امي بعد... ابتسمت مريم : الله لايحرمنا منها... ناصر: آمين.. تعلن الخطوط القطريه عن وصول رحلتها رقم 442 الى مطار فرانكفوورت... جاسم: مادري سامي وصل ولابعد... ليلى: اكيد انه موجود..خل ناخذ الشنط ونروح له... سامي: الف الحمدلله على السلامه... جاسم: الله يسلمك..بشر ؟؟ شخبار عيسى؟؟ سامي: الحمدلله..الحين طلع على الغرفه ..المدام اتصلت لي وقالت لي..نروح ونطمن عليه... ليلى: الحمدلله..يعني هو بخير... سامي: ان شاء الله.. جاسم: يلا علي توكلنا على الله... ليلى: سامي شلون صار الحادث؟؟ جاسم: ليلى هذا سؤال..خلاص الحادث صار وانتهى... ليلى: ابي اعرف... سامي: مابعرف ستنا...انا ماكنت معه..هو اصلا كان حاجز عشان يرجع على الدوحه كمان يومين.. ..وفي هالليله اتصل علي وضيقان خلقه...قلت له يجي يعد معانا...قال جاي..وبعدين لما اتاخر اتصلت عليه وقال انه في زحمه في الطريق..ودمعت عيون سامي...وبعدين كلموني انه صاحب هذا الجهاز عمل حادث ورحت المستشفى.. ليلى: ما قلت لي الحادث شلون كان...اكيد شفت السياره.. جاسم: ليلى..خلاص..اهم شي سلامة عيسى.. استيقظ خالد باكرا على غير العاده..وذهب للبلكونه يستنشق الهواء البارد..ويشرب الشاي ويتصفح الجرائد... خالد: اووووووووووف...لاحول ولاقوة الا بالله...شالحادث البشع...الحين بيحسوون المانيا ان السنه هذي نحس عليهم اذا بدايتها بهالحادث...خبر رئيسي بالصفحه الأولى وبصورة للحادث...صورة تخووف..سياره فولكس صغيره مايبين منها الا جزء صغير والباقي تحت الباص..اكيد راعيها توفى..خل اقرا شووي (وبدا خالد يقرا لين وصل الى اسم سائق الفولكس وغص مره وحده) كح..كح..كح..مستحيلللللللللللللل..هذا زوج ليلى (وكمل قرايه بخووف) اي والله ونكتب لك عمر جديد..ماشالله حظك حلوووو..طالع انا الرجال كان بيموت وقاعد احسده..اووه ليلى في الدووحه..اكيد ماتدري..مسكينه لودرت شراح يصير فيها..ويمكن درت..انا لازم اعرف..بروح اشوف عند الشقه يمكن اشوفها.. وبسرعه لبس الجاكيت وحط الوشاح على رقبته وطلع...ووصل الى الشقه ..ولكنه ما شاف احد..انتظر شوي بدون اي فائده...رجع بيروح شقته..تمنى لو يعرف المستشفى عشان يطمن عليها..بس مايعرف...ورن تليفووونه.. خالد: الووو ناصر: صباح الخير.. خالد: صباح النوور.. ناصر: قاعد..مب على العاده...شكلك حاس.. خالد: دريت..وصل الخبر جذي بسرعه... ناصر: لازم يوصل انا اللي في الدوحه مب انت ..اهم شي كلمتها... خالد:شلون اكلمها,,,انا احاتيها وايد.. ناصر: تستهبل..خالد اتصل تحمدلها بالسلامه...شفيك؟؟؟ شنو اللي شلون؟؟ خالد: انت اللي قاعد تستهبل...شلون.. ناصر: شلون تكلم امك؟؟ بذمتك ماتقدر؟؟ خالد وبصوت عالي: امي...شجاب امي بالموضوووع.. ناصر: عيل انت تتكلم عن من؟؟ خالد: قولي انت بالاول...شفيها امي؟؟ ناصر:اهدا مافيها شي...بس تعبت اليوم شووي.. خالد: شفيها امي؟؟؟ ناصر قوولي؟؟ ناصر: مافيها شي..الضغط ارتفع عندها شووي..والحمدلله هي بخير.. خالد: الحمدلله...الحين بتصل لها... ناصر: عيل مساع كنت تقصد من؟؟ خالد: كنت اقصد ليلى.. ناصر: ليلى...ردينا.. خالد: عمرنا ما انتهينا ...انت لو تدري شصاير؟ ناصر: مابي ادري..وانا عمري ماقلت ولا راح اقولك كلمها...خالد امك واختك اولى باهتمامك..مليون مره قلت لك ليلى صارت لها حياة خاصه فيها.. خالد: ناصر...اسمعني..زوج ليلى سوى حادث كبير.. ناصر: لاحول ولاقوة الا بالله...وشصار عليه؟؟ خالد: مادري...بس انا ما احاتيه انا احاتي ليلى.. ناصر: اقوولك حاتي امك..وبسك اوهام..ضيعت من عمرك كثير ...الحق على اللي بقى... خالد:انت وين وانا ووين..ناصر شفيك؟؟حس فيني.. ناصر: اي احساس..انت تجنن الواحد والله..انا توني مووصل امك واختك البيت وقلت خل اقوولك..يلا مع السلامه.. خالد: ناصر بقوولك..سكر الخط.. واتصل على البيت... مريم بصوت كله تعب: الوو خالد: صباح الخير...مريومه شلونج؟؟ مريم باستغراب: الحمدلله...منو؟؟ خالد: في وحده ماتعرف اخوها؟؟ مريم: اخوي؟؟ خالد؟؟ خالد: اي..كم اخو عندج؟؟ مريم: ثنين... خالد ماسمعها: حمدلله على سلامة امي..وينها؟؟ مريم: لحظه..يمه حبيبتي...هذا خالد.. الام: هلا يما...هلا نظر عيوني.. خالد: شلونج يالغاليه؟؟ سلامتج الف سلامه... الام: الله يسلمك...شلونك يا يما...ماتولهت علينا؟؟ خالد: تولهت يا يما وكنت بجي بس شسوي ما صار...ان شاء الله بحاول اجي قريب.. الام:زين يما...لا تتاخر علينا.. خالد: ان شاء الله..تبين شي يالغاليه..؟ الام: لا يما سلامتك..حط بالك على نفسك.. خالد: ان شاء الله...يمااااااااااا....سامحني يا يمااا ماسمعت الام اخر جملة...سكرت الخط وبدت في نوبة البكاء ...اقتربت منها مريم واحتضنت امها ولم تستطع ان تخفف عنها جلست تبكي معها.. مريم: الله يخليج يما...لاتصيحيين..لو ادري ماعطيتج تكلمينه..الله يخليج.. الام: شلون ماتعطيني وانا كل اللي فيني من محاتاتي عليه...مادري هالولد طلع قاسي على من؟؟ انا عمري ماقصرت معاه..من وفاة ابوج وانا حاطتكم بعيوني...ماعندي غيركم..ماعندي.. مريم وهي تحب يد امها: الله يخليج...لاتصيحيين..اهدي والله مب زين لج.. الام: زين يما..انا بروح انام شوي..وانتي بعد ارتاحي.. مريم: اول شي اجهز لنا اكل وناكل عقب نرتاح...زين.. ناصر: درب..درب مسحت مريم دموعها وشلت شيلتها لبستها.. الام: حياك يما..حياك... ناصر: زين مارقدتوا..جايب لكم ذاك الجباتي.. الام: فديتك يا يما..توها مريم بتروح تجهز لنا الاكل...الله لايحرمنا منك.. ناصر: افاا تجهز الاكل...وانا وين رحت..مليون مره قلت لها اتصلي علي اذا بغيتوا اي شي..بس تراها ماتسمع الكلام... مريم : كل هذا وما اسمع الكلام..اصلا انا ما اكلم حد غيرك...كل مابغيت شي اتصلت عليك.. ناصر: ياويلج اذا ما اتصلتي... مريم: الله يعطيك العافيه.. يااارب.. الام: ويعطيك المرأة الزينه اللي تبارييك مثل ما انت مبارينا ياولدي... وطالعت بنتها وابتسمت.. ناصر وهو يطالع مريم ويأمن في خاطره: بناكل او لا..تراني جوعان.. مريم: ان شاء الله.. في المانيا....في المستشفى...حيث الجو هادىء ..ورائحه الادويه...وصلت ليلى مع جاسم وسامي وراحوا للغرفه وليلى حاطه يدها على قلبها...وتقرا أية الكرسي وتدعي...واول ماوصلوا للغرفه ماسمحوا لهم يدخلوون..سامي راح يشووف الدكتور ولحقه جاسم... سامي قعد يكلم الدكتور ويستفسر عن الحاله...وجاسم مب فاهم شي وقال لسامي قووله يتكلم بالانجليزي,,,بس سامي قاله يصبر عليه لانه راح يترجم له...ليلى كانت في حضن زوجة سامي وتصيح...خصوصا وانها شافت الصورة بالجريده مع زوجته...وهي تحاول تهدي فيها.. ليلى: اخاف عيسى ميت وماتبوون تقولون لي.. نهى: لا والله..هو بخيير...وهلا راح نشووفه ونطمن عليه.. ليلى: ابي اشووفه واطمن.ليش مانعيين الزياره.. سامي لف يطالع جاسم...واحتار شيقووله.. جاسم: لاتفكر قولي كل شي..ولا راح اقول للدكتور يترجم لي كل شي بالانجليزي..لازم اعرف.. سامي: لا..انا راح اقوول..عم يقوول انه هلا بغيبوبه ومابيعرف شكثر ممكن يتم فيها..وانهم والله مابقدر اقوول..اخاف على الست ليلى كتير.. جاسم: ليلى انا راح اقولها لاتخاف ولا راح اقوول كل شي..قول يا سامي..خلني اعرف الوضع.. سامي:قال انهم لازم يبتروا يدو اليمين..لانها اكثر شي تضرر بالحادث ووجودها مضر..بس هو ينتظر الموافقه منا..وقال لازم ما نتاخر بهالموضوع لانه في خطر عليه..هو راح يكتب التقرير كامل ويعطيني ..بس مطلوب منا ان احنا نفكر بموضووع اليد,,,صعبان علي الاستاذ كيف راح يتحمل.. جاسم: لاحول ولاقوة الا بالله...هو وليلى الله يعينهم..زين راح يفوق من الغيبوبه؟؟ سامي: قال مابيعرف امتى..بس مطلوب منا نصبر..بس هو يقوول انه في امل كبير.. جاسم: شقوول لاختي الحين..شلون اصبرها..لازم تشووفه عشان تهدأ.. سامي: هلا برووح وقوولوا ازا في مجاال... جاسم: اي الله يخليك حاول ..ضروري..خل اروح اشوفها.. ليلى: جاسم..طمني..شصاار؟؟ جاسم: ما صار شي..الحين نروح ونشووفه... ليلى: جاسم شقال لكم الدكتور؟؟؟ جاسم مسك اخته وقعدها على الكرسي وقعد جنبها..: ليلى قولي لا اله الا الله.. ليلى: لا اله الا الله..ومدت لجاسم الجريده وهي تصيح.. جاسم: لاحول ولاقوة الا بالله..معليه لازم نصبر..الموضوع يبيله صبر..ورحمة ربنا كبيره..ابيج تكونين قوويه وصبوره كل الكلام اللي راح اقووله صعب شووي..بس اعرف اختي قووية وراح تتحمل..عيسى محتاج لج...اكثر من اي وقت.. ليلى: جاسم قولي الله يخليك ... جاسم:ان شاء الله.... وقال لها جاسم كل شي..والصدمه كانت قوويه عليها...كل اللي كان مريحها هو كلام الدكتور ان الامل كبير.. ليلى: يده..شلون جاسم..عيسى ما راح يتحمل...صدقني.. جاسم: لا الدكتور راح يشتغل على الطرف الصناعي بعد شهر من الحين ..واحتمال يكون للحين عيسى في الغيبوبه..ابيج انتي تكونين معاه وتصبرينه.. ليلى: ان شاء الله.. سامي: يلا تفضلوا ياجماعه..الدكتور سمح لنا نشووفوا.. قامت ليلى: انا اول وحده.. سامي: لا ستنا..خلي جاسم اول... جاسم: خلها على راحتها..روحي ليلى.. راحت ليلى ودخلت شوي شوي...الاجهزه عليه في كل جزء من جسمه...غير الجرووح اللي في يده..وراسه اللي كان ملفوف بالشاش ...ليلى بدا قلبه يعورها عليه...وبدت الدموع تنزل منها ..وقربت له وقعدت عند راسه تصيح: عيسى سامحني..انا قسيت عليك..بس سامحني..الله يخليك..انا ما استغني عنك..انا يوم خليتك كنت ابي اعرف قدري عندك..لو ادري انك بتتعب او حتى تخليني ماكنت خليتك لحظة,,,بس صدقني انا كنت ابي احسن من وضعنا وحالنا..انا غلطت يوم مارديت عليك...عيسى الله يخليك كلمني ..لاتكلمني طالعني بس..انا خلاص ما راح اضايقك..انا عرفت قدرك عندي..وعرفت انك كل شي بحياتي..متاخر صح؟؟ لا بس انت بترجع نفس قبل واحسن وراح اعوضك وتعوضني... ودخلت بنوبة الصياح..دخل جاسم شوي شوي..وقرب لها : لا يا ليلى..اذكري الله.. ومسكها وطلعها من الغرفه... ليلى: خلني معاه الله يخليك.. جاسم: مب زين اللي قاعده تسووينه..انا ابيج تكونين اقوى من جذي.. ليلى: ماقدر..ماقدر.. ولمها جاسم بقووو..وسامي وزوجته عيونهم دمعت... وواحد بعد كان واقف بعيد وعيونه انترست دمووع.. خالد: ياليت انا ولا انتي..ياليت اقدر اشل شووي من التعب منج..انا سبب في اللي انتي فيه..وعدتج احافظ عليج ولا اخليج تضايقيين كللش..ولو صار بكوون معاج..بس اخلفت..والحين مب قادر حتى اخذج بحضني.. وطلع من المستشفى وهو يسب ويذم في نفسه.... الجزء العاشر في الدوحه... لمياء: اهدي ياخالتي الله يخليج..قطعتي قلبي.. ام جاسم: بنتي معورة قلبي..اي عليج يابنتي.. لمياء: بس لو اعرف شسالفه..الله يخليج قوليلي..ليكون صار لها شي.. ام جاسم: لا يما..هي بخير.. لمياء: زين الحمدلله..عيل ليش الصياح..اهدي الله يخليج.. بوجاسم: لاحول ولاقوة الا بالله..بس يالغاليه..عورتي قلوبنا..جاسم طمنا وقال انهم بخير..وانه ماعليه شر..خلاص عاد.. ام جاسم: انا مب قادرة اصدق جاسم..لو مافيه شي كان ماراحوا بسرعه..اكيد في شي.. بوجاسم: ان شاء الله مافي شي..بس الخوف هو اللي عجلهم.. لمياء: الوو..هلا يما.. الام: انتي وينج؟؟ لمياء: انا في بيت عمي يما...ماوصلج المسج؟؟ الام: لا يما ماوصلني شي..قاعده احاتيج... لمياء: فديتج يما..انا بخير مافيني شي..بس خالتي متضايقه شووي وجيت اقعد معاها..اي لحظه..خالتي امي تبييج.. ام جاسم: الوو ام لمياء: هلا ..عسى ماشر..؟ شفيه صوتج؟؟ ام جاسم: مافي شي...شلونج انتي؟؟ ام لمياء: انا بخير..شفيج ؟؟ صاير شي؟؟ ام جاسم: عيسى زوج ليلى تعبان وانا خايفه عليهم... ام لمياء: ان شاء الله ماعليه شر..انتي ادعي لهم..وان شاء الله خير..وليلى شنو حالها عيل؟؟ ام جاسم: ليلى من الفجر سافرت... ام لمياء: الحمدلله...عيل بتكون عنده وتتطمن عليه وطمنكم..اهدي بس انتي .. ام جاسم: ان شاء الله..انا استاذن يالغاليه وماقصرتي...فدييت لمياء معاي من مساع ومب مقصره بعد.. ام لمياء: لمياء بنتج الثانيه...لازم تبارييج.. ام جاسم: الله يخليها لنا..مع السلامه.. فيصل: السلام عليكم... الكل: وعليكم السلام.. فيصل:شصاير؟؟؟يما شفيج؟؟ بوجاسم: ما صاير شي..مافيها شي امك.. فيصل: وين مافيها وكل هالدمووع...شصاير...لميووو ليكون انتي مزعله امي..؟ لمياء: حرام عليك,.,,, انا ازعل خالتي.. فيصل: اكيد محد غيرج عندها.. ام جاسم: لا يا يما..لمياء فديتها عمرها مازعلتني ..ومعزتها من معزتكم... لمياء: فدديتج ياخالتي..شفت انك ظلمتني.. فيصل: لولا كلامي ما كان جاج هالمدح..ورسمتي هالابتسامه الكبيرة على وييههج.. علي: وانا اقوول شالنووووووووووور هذا... بوجاسم: الناس تسلم بالاول.. علي: يووووووو..السموحه يبا ماشفتك..السلام عليكم.. بوجاسم: وليش انت ماتسلم الا اذا انا موجود...؟ علي: يحليلك يبا تنكت...وانا اقوول خفة الدم فيني من وين... بوجاسم:انا اللي طوول عمري اقوول انت طالع لمن.. علي راح عند امه وحبها ولمها: اكيد للغاليه حبيبة قلبي امي... بوجاسم: والله ليتك طلعت عليها.. علي: ليش يبا؟؟ انا مب طالع عليها؟؟ بوجاسم: لا..ولا طالع على احد..وبسك حنه.. علي: يعني انا ما اشبهكم؟؟ عيل اشبه من؟؟ ليكون انا مب ولدكم؟؟ ليكون انا لقيط...نفس اللقيطه المسلسل اللي انعرض في رمضان... فيصل: والله انك فاااضي...ماتشووف امي متضايقه... علي:اصبر خل اعرف انا ولدهم او لقيط.. بوجاسم : قوم يا علي دام النفسك عليك راضيه.. علي: يبا شفيك عصبت..انا ابي الطف الجوو.. ام جاسم وهي تبتسم لمت ولدها علي: لاتقوولون حق ولدي شي..هذا علي الغالي...مارضى عليه ترى.. فيصل: لا طلعنا من الحسبه...خووفي انا اللقيط... بوجاسم وهو يضحك: والله خوفي كلكم مب عيالي..ولقطاء.. لمياء قعدت تضحك.... علي: عجبتج السالفه..ضحكي...ضحكي..وضحكوا كلهم.... في بيت لمياء.... الاب: وينها لمياء تأخرت.؟؟ الام: في بيت عمها...ترى زوج ليلى تعبان.. الاب: متى رجع؟؟ الام: مارجع..بس كنت اكلمها مساع وقالت لي.. الاب: عيل خل اكلم اخوي واطمن عليه... بوجاسم: هلا والله.. بولمياء: هلا اخوي..هلا الغالي...شلوونك؟؟ بوجاسم: بخير ..ان شاء الله انت بخير؟؟ بولمياء: الحمدلله..سلامات...ماتشووفون شر.. بوجاسم: الشر مايجييك.. بولمياء: بشرني عنه...عسى تطمنتوا عليه؟؟ بوجاسم: اي كلمنا جاسم وطمنا عليه..حادث بسيط وعدى والحمدلله.. بولمياء: زين الحمدلله...تستاهلون سلامته... بوجاسم: الله يسلمك.. بولمياء: لمياء عندكم ولاطلعت؟؟ بوجاسم: لا بعدها هني...تبيها؟؟؟ بولمياء: لا .. بس قولها ترجع ترى الجووع ذبحنا.. بوجاسم: ماتتغدا من غيرها؟؟ بولمياء: تعرفني ماقدر اقعد على الصفره و وحيدتي مب موجوده.. بوجاسم: الله يخليكم لبعض..الحين اقوولها .. بولمياء: ماتقصر يالغالي...يلا مع السلامه.. بوجاسم: الله يسلمك...يبا لمياء اهلج ينتظروونج على الغدا..روحي لا تتاخرين عليهم اكثر.. لمياء: ان شاء الله عمي... بوجاسم: فيصل يبا..قوم وصل بنت عمك البيت.. علي: ليش فيصل مب انا..يبا انا بوصلها ... بوجاسم: انا ما ارتاح لسواقتك..انت تسرع وماتسمع الكلام.. علي: افاا...يبا شفيك علي اليوم؟؟؟ بوجاسم: علووي بسك ذبحتني بحنتك..خل اخووك يوصلها..وانت روح ارقد او ادرس مابقى لامتحاناتك شي... علي: ان شاء الله يبا... فيصل:يلا يا لمياء نمشي.. لمياء: ان شاء الله...وراحت سلمت على عمها وعلى زوجته ... فيصل: شكثر باقيلج على التخرج؟؟ لمياء: سنه ونص...وانت؟ فيصل: انا هالسنه ان شاء الله...الا شخبار رفيجتج؟؟ لمياء: اي وحده؟؟ فيصل وهو يحط يده على راسه...ويأشر على مكان الجرح.. لمياء وهي تضحك: بخير...انت للحين ما نسيت... فيصل: في احد يندعم وينسى... لمياء : اي صج..شسالفه الحادث؟؟ وعيسى شلوونه؟؟ فيصل: انا توني ادري..بتصل على جاسم واعرف منه السالفه... لمياء: زين تكفى فيصل طمني عقب... فيصل: ان شاء الله... لمياء:حياك... فيصل: بسلم على عمي بس وبمشي... لمياء: حياك... الاب: هلا بنور عيووني..ولهت عليج يبا... لمياء: اانا بعد يبا..فيصل حياااك.. الاب: فيصل ويااج..حياك يا ولدي.. فيصل: شلوونك يا عمي (وحب على راسه...( الاب: حبتك العافيه..بخير انت شلوونك؟؟ فيصل: الحمدلله..يلا انا استاذن الاب: وين ..اقعد تغدا ويانا.. فيصل: مره ثانيه ان شاءلله..بروح البيت اقعد مع امي شووي وبعدين عندي محاضرات.. الاب: الله يعطيك العافيه..وافرح بتخرجك وتخرج لمياء.. فيصل: آآمين ... في المانيا... ليلى تقرا القران وهي بجوار عيسى..والدموع مافارقت عيونها...جاسم كان قاعد برا يكلم هيا...وسامي راح يوصل زوجته البيت... جاسم: ها الغاليه..مانروح الشقه شووي..عشان ترتاحيين...؟ ليلى: لا ياخوي..انا مرتاحه جذي...روح انت ارتاح..وقول لسامي يدور لك على حجز عشان ترجع..لاتعطل نفسك..وراك اشغال لا تأخرها.. جاسم: افااا...لا اكيد ماراح اخليج...لاحق على الأشغال.. ليلى: لا ياجاسم...عيسى الله العالم متى راح يرد لنا..وانا الحين بخير...مابيك تعطل اموورك.. جاسم: معليه لاتحاتيين..انا بتصرف...قومي الحين عشان ترتاحيين ..من جينا من المطار لاكلنا ولانمنا حتى.. ليلى: قلت لك انا مرتاحه.. جاسم: ليلى لاتعبيني..قومي وبس ترتاحيين بنرجع المستشفى.. ليلى: مابي اخليه.. جاسم: معليه..اذا تعبتي نفسج ماراح تقدرين تكونيين جنبه.. ليلى: ان شاء الله...ويرن تليفوونها...الوو بشاير: السلام عليكم.. ليلى: وعليكم السلام.. بشاير: ليلى؟؟ ليلى: هلا بشاير.. ليلى: شفيه صوتج؟؟ ليلى: لحظه..وتطلع من الغرفه...هلا بشاير... بشاير: خير..شفيج؟؟ ليلى بحزن: مافي شي..زوجي تعبان شوي.. بشاير: سلامته مايشووف شر...انتي بالدوحه ولا عنده؟؟ ليلى: لا انا اليوم وصلت المانيا عنده...وبدت تصيح... بشاير: ليلى...هو تعبان وايد..لاتصيحين... ليلى: وايد يا بشاير..وايد..عيسى مسووي حادث وهو بين الحياء والموت... بشاير بحزن: سلامته...ان شاء الله بيقوم بالسلامه..انتي اهم شي لاتزعلين نفسج وتتعبينها..وان شاء الله هو بيقوم بالسلامه.. ليلى: ان شاء الله.. بشاير: حبيبتي تبين شي؟؟ انا جايه المانيا على اخر الاسبوع..ماتبين شي؟؟ ليلى: توصلين بالسلامه..ابي سلامتج... بشاير: الله يسلمج..مع السلامه...وانا اللي متصله عشان اخذ رايها..مسكينه هي حالها حال..انا لازم اكون معاها..عورت قلبي.. احمد: بشوورة.. بشاير: هلا .. احمد: شفيج؟؟شووي وتصيحييين.. بشاير: لا ولاشي..اكدت لي على الحجز؟؟ احمد: اي..بس والله مابيج ترجعييين.. بشاير: يلا هانت..كلها كورسييين وافتك من هالجامعه... احمد: ان شاء الله..وتتزوجين سعود.. بشاير: مادري يا احمد...وين نصيبي...يلا نروح عند امي... احمد: يلا... مر اسبوووعين ... وليلى مافارقت عيسى كل وقتها عنده واكثر هالوقت تصلي وتدعي وتقرا القران.. بشاير من وصلت المانيا مافارقتها وكل عندها,...حتى خالد ماكلمته وللحين مادرى انها وصلت..هي قالت لامها انها موافقه مبدئيا لانها شافت اهلها يمدحونه وشافت الفرحه بعيونهم ماحبت تكسر بخاطرهم..غير انها ماتدري اذا خالد بيستمر معاها او لا..خوفها منه بدا يبعد بينهم...وانشغالها مع ليلى خلها تتتناسى هالموووضع جاسم رجع الدووحه مايقدر يغييب عن الشغل اكثر من جذي... بشاير: انا محتاره ياليلى..قلت لج لاني مرتاحه لج وايد...ماتدرين هالاسبوع اللي قعدنا فيه مع بعض شكثر صرتي قريبه لي.. ليلى : انتي بعد...وقفتج معاي ... كبيره عندي وايد.. بشاير: قلت لج انا صرت اعتبرج مثل اختي والله....طول عمري اتمنى تكون عندي اخت كبيره والحين لقيتها اخيرا.. ليلى: تسلمين ياحبيبتي...بس انا صعب احكم..انتي تعرفي الشخص وانتي اللي تحكمين عليه..بس من كلامج عنه..احس انه شخص متردد..وانه مايحبج من كلامج حسيت انه مايحبج..مادري يا بشاير..بس فكري زين..وترى الحب مب كل شي..ما اقوولج لاتحبين بالعكس الحب شي حلوو..بس صعب تلاقينه..يعني لازم تلاقين اللي يحبج ويحافظ على هالحب وعليج..عرفتي؟؟ بشاير: وهو يحبني قصدج بس ما راح يحافظ علي؟؟ ليلى: هالشي انتي تعرفينه..لانج انتي اللي معاه ... بشاير: المشكله اني مب عارفه اخذ قرار... ليلى: تراج يوم عطيتي امج الموافقه تعتبرين خذتي قرار.. بشاير: مادري ..اخاف يكون قراري غلط او تسرعت فيه.. ليلى: احسن شي انج تنشغلين بدراستج وبس تتخرجين..فكري باي شي ثاني... بشاير: ان شاء الله...يلا عن اذنج..تبين شي..؟ ليلى: سلامتج حبيبتي..وبكره عندج دوام لاتجين في الليل..روحي ارتاحي.. بشاير: انشاء الله..بس ماراح اداوم بكره.. ليلى: ليش؟؟ بشاير: اول يوم ما عندنا شي... ليلى: براحتج.. وطلعت بشاير وراحت للباص وركبت..ونزل خالد من نفس الباص بس من الباب الثاني ولا انتبه لها ولاهي انتبهت له.. وصل خالد للمستشفى وقرب من الغرفه وقعد ينتظر ليلى تطلع..لما طال الانتظار راح للممرضة وسال عن حال عيسى..وقالت له انه على حاله ومافي اي شي جديد..طلع خالد وعينه بالارض ويفكر بحال ليلى..وشافها وواقفه تكلم الدكتور..وقف بعيد عشان ماتشووفه..وتم يطالعها ويشووف التعب يبان عليها وجهها مرهق والسواد تحت عينها باين.. حزن وتمنى يروح لها..بس الخوف مانعه..الخوف انها تصده..ووصل لمحل الورد واختار باقه ورد صفرا وطرشها لغرفتها وطلع من المستشفى... ليلى: من مطرش الباقه وبدون كرت او شي..اكيد بشاير ماعرف حد غيرها..او سامي..بس لو سامي كان جاء..بس حلووه الباقه.. خذت لها مزهريه وحطت الورد فيها... في الدوحه... مريم: يما....يما,,, الام: هلا يما..تعالي انا هني بالمطبخ... مريم: باركي لي.. الام: طلعت النتايج.؟؟؟ مريم وهي تهز راسها والابتسامه مرسومه على ويهها... الام: مبرووووووووك يا يما....فديت هالابتسامه الله لايحرمني منها.. مريم: ولامنج يالغاليه..تراني خذت امتياز في مادتيين وجيد جدا في باقي المواد..كله بفضلج وفضل دعواتج لي.. الام: الحمدلله...ريحتني...الله يوفقج دووم ان شاء الله.. مريم: فديتج يا يما...هذي اكيد لمياء...اووه لا هذا ناصر... مريم: الوووووووووووووو ناصر: بشررررررررررررري؟؟ مريم: شدراك ان النتائج طلعت؟؟ ناصر: دريت...قولي يلا... مريم: الحمدلله..مادتيين امتياااز والباقي جيدجدا.. ناصر: بس... مريم وهي مصدوومه: بس...؟ ليش؟؟ ناصر وهو يضحك: لا اتغشمر معاج...مبروووك وتستاهليييين...يلا جهزي لنا الحلووان... مريم: ان شاء الله...امي تسلم عليك.. ناصر: عطيني اياها.. الام: هلا يما.. ناصر: هلا الغاليه..شلووونج؟؟ شلون صحتج؟؟ الام: بخير يما..الحمدلله.. ناصر: مبرووكين عشان نجاح مريم.. الام: الله يبارك فيك.. ناصر: يلا وين تبون اغديكم بكره..ترى الغدا علي..بس اختاروا المكان.. الام: ماتقصر ياولدي...ان شاء الله .. ناصر: يلا تامريني بشي يمه؟ الام: سلامتك يا يما...وينك بالدوام؟؟ ناصر: اي... الام: ماتتغدا عندنا؟؟ ناصر: لا والله يمه..بطلع بروح اوصل ابوي واهله المطار...بيسافرررون.. الام: زين يما..الله يحفظهم..مع السلامه.. مريم: من يما؟؟ الام: هله مسافررين...مادري ليش مايرووح معاهم.. مريم: من عرفناه وعلاقته فيهم رسميه...عمري ماحسيت انهم اهله.. الام: اي يا يما...الواحد لين انحرم من امه يتعب..شلون لين انحرم من الاثنين..الله يعينه ويعووضه كل خير.. مريم:آآمين..زين يلا خل نطلع.. الام: وين نروح؟؟ مريم: المكان اللي تبينه... الام: نتغدا اول وبعد مانصلي العصر نطلع... مريم: اوكي.. عادت لمياء الى البيت فلم تجد والديها في البيت..صعدت غرفتها وجلست تفكر ...ليلى التي لم تغب عن بالها منذ بدايه النهار...وبدت تتذكر شي من الماضي... ليلى: انا فرحتي تكمل يوم اعرف انه كل امورج بالجامعه ماشيه ..وان تخرج قرب..ما تخيل يوم تخرج شنو راح اسوي.. لمياء: انا اكيد بستخف..ما راح اصدق اصلا.. ليلى: لا بتصدقي..ولا يوم عرسج مادري شراح نسووي؟؟؟ لمياء: عرسج انتي قبل..ولا ناسيه... ليلى: آآآآآه يا لمياء ..ياحبي له...بس متى يجي هاليوم.. لمياء: قرب ان شاء الله.. ليلى: يلا قومي خل نطلع..و اوصلج البيت مع السائق.. لمياء: يعني ما راح نروح مكان؟؟ ليلى: ممممممممممم... نروح شارع النصر وناخذ لنا عصير...خاطري في ملك الكوكتيل... لمياء: اوكي..يلا عيل.. وتذكرت يوم أخر.... ليلى: لمياء ليش قاعده تصيحيين.. لمياء: ماسويت زين بالامتحان..كنت دارسه بس مادري ليش... ليلى: بسج صياح..يحترق الإمتحان..وعوضي بالامتحان الثاني...خلاص لمياء: ماقدر..لاني كنت دارسه..مادري ليش ماعرفت احل.. ليلى: خلاص عشاااني..روحي البيت انا بروح هناك..عشان اقعد معاج واطمن بعد على عمي من زمان ماشفته.. لمياء: ان شاء الله..الحين بروح.. ليلى: السلام عليكم.. العم: وعليكم السلام والرحمه...هلا بالغاليه.. ليلى: عمي شلوونك.؟؟ العم: بخير يابنتي..بس نور عيوني ماعرف شفيها..انتي جيتي والله جابج..محد يقدر يعرف شفيها غيرج.. ليلى: مافيها شي .. هي بس متضايقه من الإمتحان.. الام: ما في شي يضايقه غير هالدراسه... ليلى: لا يا مرت عمي الدراسه حلووه... الام: هلا حبيبتي...شلونج؟؟ ليلى: الحمدلله...خل اروح اشووفها..عن اذنكم.. لمياء: انا هني... ليلى: يووه والدموع والخشم احمر...وراج مشوار بالجامعه بتتعودين ترى.. العم: اسمعي كلام بنت عمج ..هي ادرى ترى.. قطع صوت الباب مخيلة لمياء: من..؟ تفضل الاب: دلوعتي هني...وانا ادورها... قامت لمياء وحب على راس ابوها: آمر يبا.. الاب: شخبار النتائج؟؟ شكله مب حلووه.. لاتقووولين وبتعوضين ان شاء الله.. لمياء: بالعكس يبا..انا ماخذه امتياز باكثر المواد.. الاب: مبروووك..وليش الزعل عيل يبا؟؟ لمياء: مب زعلانه..بس تعبانه شوي.. الام: شفيج يما..ليكون ماكلتي شي من الصبح؟؟؟ راحت لمياء حبت امها...: لا يما كلت..لاتحاتين..بس من السهر يمكن.. الاب: زين نامي وارتاحي ولين قعدتي بنطلع ...زين يبا..وتستاهلين كل خير.. لمياء: ان شاء الله يبا. الجزء الحادي عشر لمياء: الوو فيصل: هلا بنت العم.. لمياء: شخبارك؟ فيصل: الحمدلله..انتي بشريني عنج..نتايجج طلعت؟ لمياء: اي..والحمدلله كلها اوكي.. فيصل: الحمدلله.. لمياء: انا كنت ابي اسأل شصار على زوج ليلى..؟ فيصل وبتنهيده: ماعرف شقوولج...عيسى محتاج حق دعاءنا وبس.. لمياء: لهدرجه تعبان؟؟شفيه؟؟ فيصل: مسوي حادث ووهو في غيبوبه...الله العالم بحاله لمياء: لااااااا...الله يشافيه ويعين ليلى..مسكينه..بروحها هناك وياه.. فيصل:انا ناوي اروح لها قريب ان شاء الله.. لمياء: انا خاطري اروح لها..بس مادري... فيصل: شوفي عمي اذا له خاطر تعالوا معاي... لمياء: بقووله..يلا مع السلامه.. فيصل: الله يسلمج.. علي: وينك انت؟؟ فيصل: جاي البيت ليش؟؟ علي: ناسي اليوم شنو؟؟ فيصل: اليوم الاحد.. علي: قول قسم..على بالي الاثنين.. فيصل:علووي مالي خلق ظرافتك... علي: كلكم ناسيين ان اليوم نتايجي..ومحد معبرني.. فيصل: يووووو...نسيت..بس للحين توالناس..الساعه ما صارت 11 ولا تلاقي للحين ما اعتمدوا نتايجكم.. علي: اشكرك على رفع المعنويات..ماقدر اوصف لك احساسي.. فيصل: زين خلني اوصل البيت ...شبكت النت؟؟ شفت السايت؟ علي: اي..لحين مانزلت النتايج.. فيصل: الله يوفقك وتجييب معدل يرفع الراس.. علي: ياااااااااااااااااااااارب..يلا بااي في المانيا... خالد: هلا والله..ما بغينا نشووف هالرقم... بشاير: شفت شلون...زين انك شفته.. خالد: انتي وينج؟؟من طول الغيبات.. بشاير وهي تقول في خاطرها جاب الغنايم وسعود..آه لو تدري بس... خالد: الوو..بشاير وين رحتي؟؟ بشاير: موجوده.. خالد: متى الوصول...؟ بشاير: من اسبوع.. خالد: شنوو...اسبووع؟؟ ووينج هالاسبوع؟؟ وليش ماقلتي..؟ بشاير: انشغلت شووي.. خالد: اهااا..زين عيل انا بخليج مع اشغالج... بشاير: على راحتك.. خالد: باي..شفيها هذي من متى تجي وماتخبر ولا كنها مشتاقه لي وشالاسلوب الجديد..صج مافي احد او شي يتم على حاله.. في المستشفى.. خرجت ليلى تتمشى في الحديقه ...احساسيس مؤلمه من وحده وفراق وحرمان احست بها ليلى..تمنت ان يعود بها الزمان الى الوراء وتجد الكل من حولها ...اين ذهب الجميع...وبدت تتذكر شي من الماضي.. ليلى: لمياء يا جاسم اقل شي ينقال عنها انها البرائه كلها..ارتباطنا ببعض مثل الخوات واكثر..انت شايف الوضع.. جاسم: بتقوولين لي..اذا قعدت معاج قلتي لمياء ولمياء وهي نفس الحال..الله يدومها عليكم.. ليلى: آآآمين...بس انت ليش تسال عنها؟؟ جاسم: لا..بس اسأل... ليلى: اكيد..ولاحطيت عينك عليها...ترى لمياء طيبه وايد .. جاسم:مافي احد اطيب منج...وانا احبها لانج تحبينها..والصراحه هي تنحب... ليلى: شفت..اعترفت بنفسك.. جاسم: اوووو..انا رايح غرفتي.. لمياء: ليلى انا رايحه المول وقلت لامي اني جايه عندج.. ليلى: وليش ماتمرني ونروح مع بعض؟؟؟ وليش تجذبين على امج؟؟؟ لمياء: هااااا..لانها ماراح ترضى اروح..شووي بس وعقب بجي عندج... ليلى: لمياء جديده هالحركه,,,شسالفه؟؟ لمياء: مافي شي..بس ابي شغله ضرورية لين جيت اقوولج..باي.. وعادت للواقع...اكيد كنتي رايحه تشووفينه..الحيوان...حساافه يا لمياء ..حسافه انه كل شي بينا راح عشانه. بدت تتذكر شي من الماضي.. وتذكرت حفل زفافها...وبداية حياتها الزوجيه...لم ترا فيها غير الاهتمام بالمظاهر ..تذكرت فترة وجودها في بيت عائلة عيسى..بيت يفتقر للحب والاهتمام .. ليلى: عيسى.. عيسى: هلا.. ليلى: مريت على ابوك وامك؟؟ عيسى: ليش؟؟سألوا عني؟؟ ليلى: لا..بس مب المفروض تروح تشووفهم ..انت ما شفتهم اليوم كللش.. عيسى: انا اقوول بعد مب من عادتهم يسالون...لاتحطين في بالج ماشفتهم اليوم بشووفهم بكره ولا بعده..انا تعبان وبنام.. ليلى: اي بس مايصير.. قاطعها عيسى: اذا مافيج نوم عندج التليفزيوون انا ابي انام.. ليلى:تصبح على خير.. كل شي كان غريب في هالبيت ما يجتمعون كلش ولا حتى على الأكل..وتذكرت عائشه اخت عيسى اللي من تزوجت وساافرت انقطعت كل اخبارها...تذكرت استنكارها لكل هذه الاشياء الى ان تعودت عليهم وعلى الوضع اللي هم عايشيين فيه وان محد يسال عن احد ولا يدري عن احد...يسكنون في بيت واحد وكل واحد عايش بروحه ولا يدرون عن بعض... وعادت للواقع...مادري اقوولهم اولا...الاحسن اني ماقول لامه وابوه ماراح يسوون له شي ان شالله يشفى وراح نرجع لهم.. في الطرف الأخر.. خالد: الوو ناصر: هلا.. خالد: وينك يالقاطع؟؟ ناصر: شسوي اذا كلمتك راح نتهاوش...ما اكلمك احسن.. خالد:افااا..يعني ماتبي تسال عني؟؟ ناصر: مالي خلق ترى... خالد: شفيك؟؟ ناصر: متضايق شووي.. خالد: من شنو؟؟شصاير؟؟ ناصر: متهاووش خالد: ليش؟؟؟ ناصر:خالد بكلمك بعدين بس اهدأ مع السلامه.. خالد: ناصر لحظه.. ناصر:خالد برجع اتصل .. خالد: براحتك..باي.. ناصر: باي.. ناصر وهو يحدث نفسه..لو تدري ياخالد شكثر احب اختك وشكثر خاطري تكون لي وخايف تروح مني..تعبت من هالوحده ومن حرماني من كل شي وابسط شي الاهتمام..اضحك مع الكل وانا من داخلي اصيح..حتى انت رحت وعايش بغربتك ومب مفتكر في احد..يوم كنت موجود وكنت معاك اكثر الوقت ناسي همومي ووحدتي.. ومن جهة خالد...آآآآآه لو اقدر اخفف عنك يا ناصر انت ياما وقفت جنبي وخففت عني بس انا اعرف زين اني ما استاهل صداقتك ..بس عمري ما راح انكرها واتمنى يجي اليوم اللي اقدر اوفي فيه حقك واجازيك على كل اللي سويته وللحين تسوويه لي ولاهلي..اول ما ترد لي ليلى كل شي راح يتغير .. في بيت بوجاسم...علي كان مسبب لهم جو من التوتر.. علي: تعبت والله تعبت متى بتطلع هالنتيجه مذلللللللللللللله... فيصل: اصبر ..انت لو ترقد ونرتاح من حنتك وااايد احسن... علي: انت اسكت يوم نتيجتك قاعد تهيييييت بالشوووارع ولا كنت مفتكر...اي اصلا ليش تفتكر اللي مثلك ياكل الكتب اكل اكيد مايفتكر.. فيصل: والله انا كنت عارف شسويت بامتحاناتي ومتوقع معدلي..وانت بعد اكيد تعرف لانك تدري شسوويت باامتحان فالاحسن انك ماتحاتي.. علي: هاي المصيبه اني عاارف.. ام جاسم: ويوم انك تعرف ليش ماتقوول لنا وتريحنا .. علي: شقووووووووووول؟؟؟ لا يما انا ماحب اتووقع.. بوجااسم: عيل اسكت وفكنا من هالحنه...اقوولك جيب التليفووون واتصل لاختك خل نطمن عليها.. علي: ان شالله مع انه ماتذكرت ان اليوم نتيجتي.. ام جاسم : هي وين وانت وين ..الله يعينها على حالها بس... علي: اتغشمر يما شفيج؟؟ ام جاسم: تولهت عليها وابي اروح لها...وبدت بالصيااح.. بوجاسم: تعوذي من ابليس.. احنا مب حجزنا وخلاص بنروح لها قرريب ليش الصياح؟؟ ام جاسم: بنتي المسكينه برووحها في هالمستشفى في ديرة الغرب... فيصل: احنا بنروح لها ان شالله لاتصيحين.... علي: تليفونها مشغووول.. بوجاسم: خلاص بعد شووي نكلمها..قوم شووف هالكمبيوتر ماحطوا عنك شي.. علي: لا يبا تووني شفت مافي شي بالنت... فيصل: الا جاسم وينه؟؟؟ علي: عند زوجته..كل ما اتصلت له قال جاي... فيصل: ماحددوا متى العرس؟؟؟ ام جاسم: لا يما للحين...ليش؟؟ فيصل: لا بس اسال.. علي: اكيد يبيه يتزوج عشان يفضى له الجو... فيصل: بس هذا انت وهذا تفكيرك..اسكت احسن.. علي: سكتنا.. من جهة أخر..ليلى بعد حيرة كبيره اتصلت لام عيسى وبعد ماسكرت بدأت تردد كلامها..محتاجين فلوووس؟؟ خلاص عيل خلكم هناك باحسن مستشفى وبيسوون له كل شي..ليش اجي وهو مايحس بشي مافي فائده من جيتي..انتي زوجته وعنده واذا اقصرت معاج الفلوس قولي .. ولم تصدم من ردة فعلة الام وكلامها لانها اعتادت على القسوة اللي بينهم.... جلست بالقرب من عيسى وبدأت تحدثه كعادتها كل يوم... ليلى: انا قلت لهم عشان ابري ذمتي ولا احس باي ذنب ولاتلومني عقب اني ماقلت لهم..مع اني ادري انك ماتهتم لهم..يلا عاد ارجع لي بسرررعه ...خلنا نعووض اللي راح....لاتخليني بروحي وايد...بديت اتعب وبدأت بالبكاء... بشاير: السلام عليكم... ليلى: وعليكم السلام...هلا والله.. بشاير: شرايج تجي نتمشى شوووي... ليلى: انزين... بشاير: شخبارج؟؟ ليلى: الحمدلله...انتي بشريني عنج؟؟ بشاير: الحمدلله...لو اني صراحه بديت اتضايق من هالديره وهالدراسه ابي اخلص وارتاح .. ليلى: ان شالله بتخلصين ....وبتشتاقيين لايام الدراسه... بشاير: ماعتقد...زوجج شخباره مافي شي جديد؟؟ ليلى: للحين العلم عند الله..شخبار الحب؟؟ بشاير: مادري عنه كلمته وشكله ماعجبه انه هني من اسبووع ولايدري عني..انا احترت معاه . ليلى: كلهم جذي يحيرررون الواحد...صعب التعامل معاهم.. بشاير:شكلج شايله عليهم وااايد.. ليلى بحزن: واايد يا بشااير ماتتخيليين شكثر... بشاير:هالكثر انتي تعبانه مع زووجج؟؟؟؟ ليلى: زوجي مادري هو ظلمني بس انا بعد احس اني ظلمته بتعاملي معاه بالفتره الاخيره... بشاير: ان شاء الله بس تتحسن صحته كل شي بيتحسن عن قبل.. ليلى: ان شالله... في الدوحه ومريت سااااعتين من الانتظار,,,, جاسم: السلام عليكم.. الكل: وعليكم السلام.. جاسم: مبرووووووووك...مبرووووووووك تستاهل وهو يحب اخووه علي ... علي: الله يبارك فيك...بس للحين ماطلعت النتيجه...صج انك مضيييع... جاسم:نعم؟؟ (رفع نظارته وطالعهم باستغراب) انتوا للحين تنطروون النتايج؟؟؟ بوجاسم: اي وملينا من هالنطره... جاسم: شفتوا النت؟؟ علي: شفته من ساعه سكروا المووقع مادري جيم...ماعرف شفيه... جاسم وهو يضحك: روح روح شووفه..ترا النتايج من ساعه طلعت بالنت وبعد شووي بيحطونها بالتلفزيووون.. علي: قووووووووووول والله؟؟؟؟؟؟؟ جاسم: والله... علي: وانت عرفت نتيجتي؟؟؟ جاسم ببرود: اي.. الكل وهم يصااارخوون : وسااااااااااااااااااااااكت؟؟ كم؟؟؟؟؟؟؟؟؟؟؟؟؟؟؟؟؟ جاسم وهو يضحك: مب قااايل خل العب باعصابكم .. علي: قوول بروح اشووف بالنت...يلا عااااااااد.. فيصل: تلاقوونه يتغشمر ويبي يحرق باعصابنا وبس... جاسم: لا والله روح شووف النت.. علي: انا مصدق قووول؟؟ جاسم: كم تتوقع؟؟ علي: يووووووووووه...بروح اشوووف احسن لي (وراح علي..( بوجاسم: قول ياولدي وريحنا..حرام طفشت اخووك... جاسم: احلى انه يشووف النتيجه برووحه..ابشركم 88 بووينت سته..نتيجه تشرف... الكل: الحمدلله... بوجاسم: لالا ماصدق علووي يجييب هالمعدل... فيصل: الحمدلله زين منه...تراه ادبي لازم يجييب اكثر.. ام جاسم: اي اكثر..فددديته حلوه النتيجه اهم شي النجاااح.... وجاء علي من غرفته وفتح الباب بسررررررررعه: لالا اكيد غلطووا..هذي مب نتيجتي...اكيد في شي غلط (ومسك فيصل اخووه) قووم شووف معاي يمكن انا ماشووف عدل او حطيت رقمي غلط.. قاموا يضحكوون عليه كلهم.. علي: شلي يضحك؟؟ بوجاسم: مبرووووك...لا هذي نتيجتك...تستاهل..الحين تستاهل اغلى واحسن سياره على هالمعدل.. علي: يعني صارت الرنج لي خلاص.... فيصل: رنج مره وحده...صج طماااع.. جاسم: خله يستانس...انا باخذ له الرنج... بوجاسم: لا انا واعده بالسياره وانا راح اخذها له... جاسم: زين اساهم بشي انا...مايصير؟؟ بوجاسم: على راحتك... علي: اوووووووه جوووااالي...بدت المكاالمات والتهااني...اووووووووه الحب الوووووووهلا الحب... لمياء: هلا والله....بالمباااارك....ماشالله خوووش نتيجه... علي: لاجل عيووونج هالنتيجه بس...لاجل عيوونج... لمياء: علي وبعدين معاك...ردينا........ علي: شفيج اتغزل فيج...حد يتغزلوون فيه ويزعل..امرج غررريب... لمياء: انا متصله ابااارك لك بس علي: شكلج زعلتي ؟؟؟ لمياء: لا مازعلت...وين عمي خل ابارك له... علي: لالالا اكيد مازعلتي؟؟ترى مابي الهديه تروح علي,,, لمياء: بس هذا اللي هامك..لاتخاف هديتك مووجوده... بولمياء: الووووووووو علي: هلا عمي.. بولمياء: بالمبارك ..تستااااهل ...وبسك لاتأذي بنتي... علي: الله يبارك فيك..شدعوه عمي..انا ماسوويت لها شي... بولمياء: عطني ابوك خل ابارك له.... وانتهى اليوم بفرحه الجميع بنجاااح علي... في ظلمة الليل ... وفي الجو البارد..جلس خالد في البلكوونه واخرج سيجااارته وبدأ يتذكر شي من الماضي.. خالد: مابي شي..مابي شي.. الام: يا يما..صارلك يومين بغرفتك ولا كلت شي...ليش تسووي جذي؟؟ خالد: يما الله يخليج خليني برووحي.. الام:زين يما...مريم يما روحي كلمي اخووج شووفي شفيه؟؟؟ مريم: اخووي مافيه شي..مرده بيطلع وياكل لاتحاتيينه يما.. الام: ليش تعوروون قلبي ..روحي يما كلمميه هذا اخووج الوحيد ... مريم: ان شالله يما... خالد:مابي احد يكلمني..ولا ابي اسمع احد...خلوني بحالي... مريم: شفتيه يما..خلاص خليه لين يهدأ..هو اصلا ماعنده احساس لو عنده احساس ماكان يعذبنا معاه.. خالد: مشكورة ياختي...مشكووره.. خالد: الووو... لمياء: ............... خالد: لمياء ارجوووج ردي علي..اسمعيني.. لمياء: شتبي؟؟ مب كفايه اللي جانا منك... خالد: عطيني فرصه ..وقولي حق ليلى تعطيني فرصه.. لمياء:الله لا يسااامحك على اللي سوييته.... خالد: لميااااء..لميااء.. طفى خالد سيجارته وخذا نفس قووووووي..آآه يالمياء صووت صيااحج للحين اسمعه باذني ..ويعذبني عيل لو كنت سامع صياح ليلى مادري شكان راح يصير فيني...آآه ياليلى اشتقت لج وااايد.. في المستشفى....ليلى كانت قاعده بعد ومب قادره تنام..وبدات تتذكر شي من المااضي... تذكرت هذاك اليوم اللي لحقت لمياء فيه ..اليوم المشؤم اللي شافتهم فيه مع بعض.. كانت لمياء مكلمتها انها طالعه من الجامعه ورايحه البيت.. وكانت ليلى شاكه فيها لان امورها كلها متغيره..فانتظرتها ولحقتها بدووون ماتدري..وراحت لمياء الكورنيش..ووصلت ليلى وطلبت من السواق يووقف بعيد شووي...ولمحت واحد واقف ومعطي ظهره للشجر ويتكلم بالتليفوون ولمياء نزلت دريشة السياره وهي تتكلم بالتليفوون..فعرفت ليلى بس من اللي تكلمه تمت وااقفه لين التفت وشااافته وتمنت لو انها ما شاافته..كانت الصدمه كبيررررره...كذبت عيونها واتصلت له ولقت معاه ويتنج..ماقدرت تتحمل دوورت سياارته لين حصلتها واول مالقتها قالت للسايق يرجع البيت.. وسكرت تليفوونها ومر اليوم عليها بصعوبه وقضته بالصيااح ..صدمتي بانه اقرب ثنين لي يسوون فيني جذي..ومن بعدها تمت تراااقبهم وتاكدت من كل شي..طبعا ليلى كل ماتتذكر هالمووقف تصيح قامت تاخذ لها الكلينكس عشان تمسح دمووعها,,واول ماقربت من عند سرير عيسى حست بيد تمسكها.. في الدووحه ...كانت لمياء الطرف الثالث المعذب بعد سهرانه قاعده وماسكه البومات الصوور وهي طالع صورها مع ليلى وذكرياتهم الحلووه...وتصيح على الايام الحلوه....وقعدت تتذكر شي من المااضي.. خالد: يعني هي تحب؟؟ لمياء: اي..تحب وتحب بجنوون... خالد:ماتعرفين من اللي تحبه؟؟ لمياء: اعرفه من كلامها عنه...بس عمري ماشفته.. خالد:خاطرج تشووفينه يعني؟؟ لمياء: اكيد من كثر ماتسوولف عنه.... خالد: لالا لاتشووفينه.... لمياء: ليش؟؟ خالد: بس..ليش تشووفينه اصلا.. لمياء: تدري انت فيك منه وايد..اوقات لما تسوولف ليلى عنه اتذكرك مادري ليش؟؟ خالد بارتباااك: الحين ماعاد في سووالف الا عنه وعن بنت عمج...انا بروح انام وبكلمج بعدين... وتذكرت شي أخر.. اليوم اللي عرفت فيه الحقيقه كامله سبب لها صدمه كبيره.... لمياء: شسااالفه ...؟ ليلى: خلص دووورج المسرحيه خلصت...كفايه تمثيل..لعبتي دور الهبله واايد ما مليتي...؟ لمياء: مب فاهمه شي..اي دور واي مسرحيه....فهمووني شسالفه... ليلى: انتي اقرب وحده لي ...ليش؟؟ شسويت لج؟؟ لمياء: ليلى مب قادره افهم ومب قادره استووعب (والتفت على الشخص اللي حبته ووثقت فيه...( قوول شي فهمني...قووول شي.. ليلى:اكرهكم كثر ماحبيتكم كرهتكم...وبتم عمري كله اكرهكم,,,, وعادت للواقع واحتضنت الصورة ...صدقيني والله اني مظلوومه ليش ماتبين تصدقيين ذنبي الوحيد اني حبيته ووثقت فيه...وهو طلع خااين ونذل...سامحيني ياليلى سامحيني... الجزء الثاني عشر احساس بالأمان والفرح احست به ليلى عندما التفت لترى عيسى ينظر لها وعيناه شبه مفتوحتين وابتسامه صغيره ارتسمت على وجه واعادت الامل لها اقتربت منه وجلست عند طرف السرير تنظر له بفرح وسعاده بالغه...بادلته الابتسامه,,, ليلى: حمدلله على السلامه.... اكتفى عيسى بالابتساام.... ليلى: بروح انادي النيرس خل تنادي الدكتور,,,, امسك بها عيسى وهز راسه بالنفي... ليلى: ليش؟؟ خلني ارووح عشان نطمن عليك أكثر.. عيسى: ................. ليلى: ماتدري شكثر اشتقت لك ... عيسى وبصعوبه: تتوقعين اكثر مني..عمري ماتخيلت اني ممكن اشتاق لج او افقدج هالكثر... ليلى: سامحني انا غلطت بحقك ... عيسى: انتي سامحيني انا اللي قصرت معاج وايد..قوليلي شصار من بعد الحادث ...؟ ليلى: ما صار شي انت كنت بغيبوبه والحمدلله انها ما استمرت اكثر من شهر .... حاول عيسى تحريك يده الثانيه ولكن دون جدوى ودون اي احساس بها..نظر الى ليلى واشار الى يده الاخرى.. عيسى: مب قادر احركها او مب حاس فيها... احست ليلى بالخوف .. ماذا تقول له وكيف ستخبره بخبر كهذا... ليلى: ارتاح الحين ولاتفكر بشي هذا كله من التعب ومن الغيبوبه اللي كنت فيها... هز راسه بالنفي...وبدأت الدموع تنهمر من عينيه... ليلى: عيسى شفيك...؟؟ عيسى:يدي...يدي شفيها؟؟؟ ليلى:مافيها شي..بس لازم ترتاح خلني انادي الدكتور عشان تتطمن... جاء الدكتور واطمن على حاله وطلب منه الراحه التامه حتى نهار الغد... كان الصمت سيد الموقف بين ليلى وعيسى حتى غفى الاثنين وناموا.... في الدوحه ومع بدايه يوم جديد...استيقضت مريم وذهبت الى غرفة والدتها... مريم: صباح الخير يالغاليه.. الام: صباح النوور...قاعده بدري على غير العاده!!! مريم: بس شبعت نوم...اشوفج لابسه على وين العزم؟؟ الام: ناصر كلمني وبيمر علي بنروح الجمعيه... مريم: ليش؟ انا بووديج كلميه وقوليله اني بووديج دقايق واجهز.. الام: اخاف يزعل.. مريم: مايزعل يما... سيسليا: ماما بابا ناصر يجي.. الام: كاهو جاء ماقدر اقوله شي.. مريم: يماااااااااااااا...لين متى بتم هو شايل مشوار الجمعيه.. الام: مادري ولا تبتديين الحنه..خليني اروح وترى باخذ سيسليا معاي.. مريم: انزين ... انا يمكن اروح عند لمياء رفيجتي.. الام: المهم كلميني..يلا مع السلامه.. مريم: الله يسسلمج... ناصر: يا يبا انا قلت لك اني متابع كل شي ليش تحاتي..مافي للحين مابدا الاكتتاب..لاتحاتي... خلاص توصلوون بالسلامه...مع السلامه.. الام: السلام عليكم.. ناصر: وعليكم السلامه والرحمه...شلونج خالتي؟؟ الام: بخير يما...انت شلونك؟؟ ناصر: الحمدلله...نمشي؟ الام: اي يما توكل على الله... في بيت العم... لمياء: يما...يما.. الام: هلا حبيبتي تعالي انا هني في الصاله... لمياء: يما انا بروح مع رفيجتي مريم الام: على وين؟؟ لمياء: بنمر على هيا بنت خالتي ونروح نتسووق شوي... الام: هيا متى عرسها؟؟ لمياء: مادري يما..زين تامريني بشي؟؟ الام: لا يما حطي بالج على عمرج... لمياء: ان شاء الله..اووه هذا علي...الوو علي: صباح الخير.. لمياء: هلا صباح النور.. علي: شخبارج؟ لمياء: تمام..علي شفيك؟؟ علي: مافيني شي...بس ما زمان ما مريتي علينا قلت اطمن عليج.. لمياء: ماتقصر..لا والله انشغلت شوي .. علي: اي سي...زين امي تسال عنج بعد.. لمياء: بمر اليوم ان شاء الله سلم عليها وايد.. علي: يوصل مع السلامه.. في المانيا... استيقضت ليلى خايفه اسرعت الى زوجها أرادت ان تتاكد من ان ماحدث ليلة امس لم يكن مجرد حلم...ووجدت زوجها مستيقظ وعيناه باتجاه الخارج... ليلى: صباح الخير.. عيسى: صباح النور..نوم العوافي.. ليلى: الله يعافيك.. عيسى:شكلج مانمتي عدل طوال هالشهر..التعب باين عليج..تعبتج معاي.. ليلى: لاتقوول جذي تعبك راحه..اهم شي سلامتك..ما تتخيل شكثر انا فرحانه انك بخير.. عيسى : هذا صوت سامي صح؟ ليلى: اي هذا وقته .. كل يوم يجي هالوقت يمر على الدكتور وعقب يمر علينا...الحين يجي خل يتفاجأ.. سامي: ستنا ... ممكن ادخل؟؟ ليلى: تفضل... ودخل سامي ولم ينظر الى عيسى لانه اعتاد على رويته نايم... سامي: شو الاخبار؟؟ انا رحت لعند الدكتور وماكان موجود وحتى النيرس هذي ماتعرف شي قالت لي ان الاستاذ بخير ومابوو شي..وخربطت كتيرر.. عيسى: مشكلتك انك مب قوي الملاحظه ...ماقدرت تشووفني يعني... انصدم سامي ومن صدمته حتى ماقدر يلتفت يشووف الصوت من وين جاء.. سامي وهو ينظر الى ليلى : ستنا من اللي تكلم؟؟ ليلى : ماعرفت الصوت؟ سامي: مش قادر اصدق.. والتفت سامي وطار فرحا عندما راى عيسى يبتسم له.... من جهة أخرى.. خالد : بشاير شسالفتج؟؟ بشاير: اي سالفه؟؟ خالد: التنطيش ولا مب ملاحظه؟ بشاير:احنا كورس تخرج ولازم نركز بدراستنا اكثر.. خالد:جديد هالكلام بشاير: خالد بليز..ممكن نروح نحضر الكلاس...؟ خالد: تفضلي.. واحد واقف من بعيد ويراقبهم وعاجبه الوضع ...ويقول في نفسه اخيرا يا بشاير تحررتي من واحد اسمه خالد وعرفتي انه مايستاهلج.. هذا كلام فهد لنفسه.. بعد مرور خمسة أشهر.... في المانيا.. تحسنت صحة عيسى وبدأ بالعلاج الطبيعي للطرف الصناعي بعد ان تقبله بصعوبه..وازدادت علاقته بزوجته ليلى كثيرا.. مما جعلها تشعر بالسعاده والاحساس بالامان.. اهل ليلى سافروا منذ شهرين بعد ماتموا في المانيا قرابة الشهر معاهم..ولاحظوا تغير معاملة عيسى لزوجته ولهم..واكثر واحد فرح لهالتغير هو جاسم طبعا..وبس وصل الدوحه بدا ترتيباته للعرس اللي أجلها طبعا بسبب مرض زوج اخته..وجهزوا لكل شي واتفقوا على ان العرس راح يكون بعد 3 شهور عشان تكون ليلى رجعت.. علي اللي سجل بالجامعه وبدا دوامه فيها والتزم بدراسته اكثر من قبل.. فيصل كان يخطط لزواجه وحاط مريم في باله بس متردد نوعا ما.. بوجاسم كانت صحته تتحسن شوي وترجع تسوا عن قبل...وما كان في يدهم غير الدعاء له... لمياء كرست وقتها للدراسه وتجهيزات عرس بنت خالتها.. خالد اللي بدت صحته تتدهور من تدخينه المستمر..واهماله لكل شي وتفكيره المستمر في ليلى وفي الماضي..وحتى دراسته ماعادت مثل قبل لان بشاير ابتعدت عنه شووي وكرست وقتها للدراسه وللمستشفى عند ليلى.... ناصر كلم ام خالد بموضوع مريم وطلب منها تكلم بنتها وتاخذ موافقتها عشان يكلم ابوه ويجون يخطبونها..وطبعا الام اوعدته انها راح تكلمها وانها راح تكون من نصيبه..هالشي خله ناصر يطمن .. مريم اللي كانت اكثر وقتها بالجامعه...ووقت فراغها تطلع مع لمياء وهيا ..ولاتدري عن شي... الجزء الثالث عشر مع بداية يوم جديد والامطار تهطل بغزارة في المانيا استيقضت بشاير على صوت المطر.... بشاير: لاااااااا ابي اروح المستشفى راح اتاخر...لازم اروح اليوم اخر يوم لهم بالمستشفى لازم اكون معاهم.... وبالفعل تاخرت بشاير عن موعدها المعتاد وما ان وصلت حتى وجدت سامي يحمل الحقائب الى السياره.. بشاير: السلام عليكم...يعطيك العافيه.. سامي: وعليكم السلام...الله يعافيكي..تاخرتي اليوم؟؟ بشاير: قمت متاخره وغير المطار تدري الباص وين وين لين يتحرك...ليلى بالغرفه؟ سامي: اي.. وراحت بشاير ونادت على ليلى... عيسى: طلعت توها تكلم الدكتور,,, بشاير: اوكي..وحمدلله على السلامه ولم تنتظر الرد واسرعت الى غرفة الدكتور لتصطدم بشخص في طريقها وما ان رفعت عيناها حتى استغربت من الشخص الذي يقف امامها... خالد: بشاااير.,,..شتسوين هني؟؟ بشاير: مستشفى شيسون الناس بالمستشفى..؟؟ ليلى من بعيد: بشاير جيتي وينج اليوم؟؟ دون اي انتباه لمن يقف بجوارها ..خالد من الصدمه لم يستطع الحراك فقد الاحساس ماقدر يتحرك وتم واقف يطالعها واول ماقربت جمدت ليلى بمكانها ماقدرت تصدق عيونها..شافته وبدون ماتحس قالت: خالد.. بشاير طالعت ليلى وبحيره التفت تشوف خالد...نظراتهم لبعض ... ليلى طالعت بشاير وكأنه تنطر منها تفسير..بشاير واقفه بينهم ولا تدري عن شي بس ردت على ليلى لما فهمت انها بنظرتها تسألها... بشاير: هذا خالد زميل لي في الجامعه... قاطعتها ليلى: هذا اللي كلمتني عنه؟؟؟ هزت بشاير راسها بنعم... ليلى طالعت خالد وحطت عينها بعينه وبدون حاسيه قالت: احسن قرار خذتيه يا بشاير انج تركتي هالانسان واخترتي غيره لانه ما يستاهلج.. كلماتها كانت مثل السكينه تطعن بقلب خالد..وخلصت هالكلام وراحت عنهم وتم خالد يطالعها ويطالع بشاير وهو مب مصدق الكلام اللي قالته ليلى الحين وبسرعه لحق ليلى ومسكها من يدها ووقفها..سحبت ليلى يدها.. خالد:انتي انتي تقولين عني جذي..ليلى تعرفين من انا؟؟ شكلج نسيتي؟؟ قاطعته ليلى: نسيت...لا والله عمري ما نسيت ولا راح انسى اكبر كذبه في حياتي... خالد: انا اكبر كذبه...ليلى انا الانسان اللي حبج وحبيتيه... ليلى: انت اكبر كذبه بحياتي...قصدك اللي انا كنت احبه ولا انت عمرك ماحبيتني انت تحب نفسك وبس..انت اناني ولاتعرف شي عن الحب.. وراحت ليلى رجعت لغرفة عيسى وبشاير طالعهم باستغراب وبحيره...التفت شافت خالد وهو طالع من المستشفى ماعرفت تلحقه او تروح الغرفه عند ليلى جمدت لعشر دقايق بمكانها بعدها طلعت بسرعه ودورت خالد ما لقته وين راح الباص فاضي رجعت دخلت شدة المطر ما خلتها توقف وايد.. مرت ليلى من جنبها...: يلا بشاير ترجعين معانا... وبدون اي رد مشت معاها بشاير وركبوا السياره عيسى وسامي طوال الطريق يسولفوون اما بشاير وليلى كان الصمت سيد الموقف.. بشاير مب قادره تسأل ليلى ولا ليلى قادره تفسر لها شي ولا كانت تتوقع ان خالد هو الشخص اللي تكلمت عنه بشاير..فكرت بشاير وربطت اللي صار باحساسها في اللغز اللي في حياة خالد..وتمنت انها تسال ليلى عشان تعرف كل شي بس ماقدرت والوقت مايسمح بعد.. ليلى كانت مب مصدقه انها شافته او قالت له شي من اللي قالته وتمت تقول في خاطرها شصغر هالدنيا اللي اجمعتني في بشاير والاقدار اللي خلتني اشوف خالد مره ثانيه عن طريقها.. في الطرف الاخر كان خالد يمشي تحت المطر ومب متقبل اللي صار ... هو كان يتمنى يشوفها ويتكلم معاها ومتوقع انها بتتقبله او تصده بس مب بهالطريقه وكلامها لبشاير يرن باذنه مب مصدق ان بشاير تخلت عنه عشان واحد ثاني..مع شدة المطر الا انه تم يمشي بدون اي هدف بدى يحدث نفسه..كنت ابي اضمها ابي اقول لها اشتقت لج حياتي ماتسوى من غيرج..ليش ليش يا ليلى؟؟ وانتي يا بشاير ليش ؟؟؟ في الدوحه.................... لمياء صارت ماتفارق مريم ومن تطلع لازم تمر عليها .... رتبوا لعرس هيا وساعدوها بالتجهيز... باقي شهر على العرس ولا عاد فيهم صبر يبون يشووفون تعبهم وتجهيزاتهم.... هيا:اطلع.... لمياء: اي ..بسج مذله.. مريم: ماصارت ..كل هاي تلبسين الفستان...الله يعينا لين لبستي فستان العرس.. لمياء: اي والله صاجه... هيا: الله يسامحكم.... لمياء: كاهي خالتي تتصل ياويللج بقولها انتي اللي مأخرتنا عند المصممه.. هيا: لالالا حرام عليج... مريم:يلا ترى امي تتصل بعد الحين ونتوهق .. هيا: زين مايسوى علي.. واول ماطلعت لهم.. لمياء ومريم: وااااااااااااااااااااااااااااو...حلووووووووووووووو و هيا: صج مع اني احس هاللون مب حلو علي.. مريم: بالعكس الوردي يجنن عليج..صح لمياء؟ لمياء: اي حلو وايد...يلا امج تقوول عشر دقايق وانتوا في البيت مريم:عيل لازم نطير.... هيا: زين شكثر تحنووون.. ورجعوا البنات البيت ...مريم وصلتهم واول ماوصلت بيتهم شافت سيارة ناصر... مريم: السلام عليكم.. الام: وعليكم السلام والرحمه.. مريم: عيل وينه ناصر؟ الام: راح المسيد يصلي.. مريم: اها..زين انا بروح ارتاح تبين شي يالغاليه؟؟ الام: اي تعالي قعدي اباج بموضوع من متى ابي اكلمج فيه ولا اقدر ماصرت اشووفج.. مريم: فديتج يا يما انا دووم معاج..وهذي قعده آمري يالغاليه... الام: مايامر عليج عدو ولا ظالم..انا كنت انطر هاليوم وفي نفس الوقت مابيه يجي عشان ماتروحين عني بس هذي سنة الحياة... مريم: يما شفيج تتكلمين بالالغاز؟؟؟ الام: ولا الغاز ولاشي..انتي جاج النصيب الزين الانسان الوحيد اللي اقدر ائتمنه ويحافظ عليج ويحطج بعيونه...واحد منا وفينا... مريم باستغراب: ترى بعد مافهمت من تقصدين؟؟ الام: ناصر يا يما من بعد...كلمني من فترة وخطبج مني وينطر موافقتج عشان يجون يخطبونج رسمي مريم وبصووت عالي: شنوووووووووو؟ ناصر اخوي.. الام: اخوج؟؟؟ مريم: اي ناصر اخوي... الام: لا يما انتي ماعندج غير خالد ..صج ناصر تربى معاكم بس مب اخوكم.. مريم: وانا عمري ماشفته ولا اعتبرته الا مثل اخوي...ومعزته من معزة خالد اخوي.. الام: انتي شتقولين يامريم ..تعوذي من ابليس ..انتي لازم تستخرين وترى ما راح تلاقين حد يحبج كثره.. مريم: يما افهميني انا ماحبه الا مثل اخوي..افهميني (وطلعت من الصاله وراحت غرفتها وهي مب مصدقه) عمري ماكنت اتوقع ان ناصر يحبني او يفكر فيني كزوجه له اصلا عمره ما لمح لي شلون.. الام: مريم..تعالي خل اقولج..لاحول ولاقوة الا بالله.. ناصر: احم..احم.. الام: تعال يما... ناصر:عيل وينها مريم؟؟ الام: راحت ترتاح.. ناصر: ماقالت شي عن الموضوع؟؟ الام: ماعرف شقوولك مالك الا انك تصبر عليها شوي.. ناصر: ليش هي مب موافقه؟ الام: لا يما بس للحين ماعطت موافقه.. ناصر: مب مشكله خلها على راحتها واول ماتقرر ياريت تبشريني..يلا انا اترخص... الام: توالناس....اقعد تغدا ويانا.. ناصر: لا مره ثانيه...مع السلامه.. الام: مسكين ياولدي حظك في الدنيا شوي حتى مريم اللي انت حاط عليها كل آمالك شكلها راح تخيبها لك..ماعرف شسوي لازم اقنعها...بس بصبر عليها شوي.. في السياره.... جاسم: هلا الغاليه...آمري.. الام: هلا يما...علي اخوك وياك؟؟ جاسم:لا..ليش؟ الام: تليفونه مسكر واحاتيه وايد.. جاسم: لاتحاتين اكيد في الجامعه..كلمتي فيصل؟ الام: اي ومايرد.. مادري ليش قلبي ناغزني عليه.. جاسم: ان شاء الله..الحين اتصل في ربعه..وين راح هذا بعد.. فيصل: هلا جاسم... جاسم: ليش ماترد على امي؟ انت وين؟ فيصل: في المخفر.. جاسم: مخفر؟ شصاير؟؟علي وياك؟ فيصل : اكيد من غيره يسوي المشاكل.. جاسم: شمسوي..شصاير؟؟؟ فيصل: الاخ متضارب مع اللي داعمه... جاسم: اووف تبون اجيكم؟؟ فيصل: لا انا خلاص قربت اخلص الموضووع بس طمن امي...انا ماقدرت ارد عليها.. جاسم: اوكي وانت كلمني اذا صار شي..مع السلامه... فيصل:شرف يا استاذ... علي:انا ماسويت شي .. الام: وينكم وليش ماتردون..علي يما شفيك ليش ويه مجرووح شصااير؟؟ فيصل:البطل ولدج متضارب مع الرجال وساحبينهم الشرطه على المخفر.. الام: ياحسرة قلبي..ليش يا يما؟؟ علي:هو اللي غلط فوق انه داعمني فوق هذا يشتم ويطول لسانه.. فيصل: واحسن وسيلة للرد الطق ..صح؟؟ الام: بس يافيصل اخوك تعبان ...خله يرتاح.. وصل جاسم واول ما شاف اخوه وحاله صفق له: شاطر..مع كل دعمه انا ابيك جذي... علي: تتنطز ...بعدين انا مب ياهل تحاسبوني جذي.. جاسم: ياهل يوم استقويت وطقيت تبقى ياهل.. الام: بس خلاص خلوا اخوكم يرتاح بعدين حاسبوه..روح يما ارتاح... فيصل: يما ترى دلعج له هو اللي مخربه.. الام:بس يافيصل اهم شي هو بخير بروح انجب الغدا اذا جاء ابوكم لاتقوولون له عشان لا يحاتي.. جاسم: ان شاء الله... في المانيا.... تحت المطر جلس خالد في حالة من اليأس .. ناصر: ساعه لين ترد؟؟ خالد: توني انتبه للتليفون... ناصر: شفيك؟؟ خالد: ولا شي ... ناصر: عندي لك خووش خبر.. خالد: ماعاد في اخبار حلوه.. ناصر: بل بل بل..شفيك انت... خالد: ناصر مالي خلق ترى... ناصر: يبين من صووتك...بس تراني خطبت اختك من امك وبس توافق ابي اجي مع الوالد ونخطبها رسمي منك..خوش خبر صح؟ خالد: الله يبشرك بالخير ياحظها مريوم وين تلاقي احسن منك.. ناصر: اشكرك صراحه...بس مريم اختك بعد جوهره ولا في منها...زين متى بترجع؟؟ خالد: ابي ارجع زهقت وتولهت على الدوحه.. ناصر: من صجك؟؟ قول والله..اخاف مريض فيك شي..؟ خالد: وانا متى كنت صاحي...اسمع احجز لي وطرش لي رقم الرحله وكل شي...اقرب رحله ناصر الله يخليك.. ناصر: ان شالله الحين احجز لك...والله اني مشتاق لك .. خالد: حتى انا ..ومشتاق لبيتنا مليت من هني.. ناصر: خلاص صار...يلا مع السلامه قبل لاتغير رايك... في الطرف الاخر وصلوا الشقه ونزلت ليلى مع عيسى وبشاير تطمن عليها وراحت بدون اي نقاش في اللي صار وسامي بعد راح.. عيسى نام من التعب وليلى تمت قاعده تفكر باللي صار وتفكر تقول لبشاير وتوضح لها كل شي بس تبي الوقت المناسب.. بشاير وصلت السكن وقعدت تفكر باللي صار وودها تعرف شنو علاقة خالد في ليلى ومعقوله كان في بينهم علاقه وشالحظ اللي جمعها في ليلى وخلاها تتصادف مع خالد...حست بصداع من كثر الافكار والاسئله خذت لها حبتين بندول ونامت بصعوبه... في بيت لمياء: يما يما... الام: هلا يما...الله ماشالله شحلاتج... لمياء: شرايج؟؟ الام: يجنن بس ماقلتي انه خلص؟ لمياء: حبيت اخليه مفاجأه... الام: وايد حلوو...شافج ابووج...؟ الاب: شلي شفته..ماشالله...شالحلاه كلها....؟ لمياء: شفت الفستان يهبل... الاب: انتي اللي محليته ترى.. لمياء: فديتك يا يبا.... الام: اهم شي انه جهز قبل العرس بوقت وارتحتي منه...وهيا شخبارها؟؟ لمياء: تمام كل امورها اوكي.... الام: الحمدلله... بعد مرور يومين ....خالد سافر راجع للدوحه...عشان ينسى كل اللي صار ويرتاح فتره...بس ياترى راح يقدر يرتاح؟؟؟ الجزء الرابع عشر بعد مرور يومين ....خالد سافر راجع للدوحه...عشان ينسى كل اللي صار ويرتاح فتره...بس ياترى راح يقدر يرتاح؟؟؟ في المقبره.......... راح خالد بعد الصلاه واحتضن صديق عمره اللي دمعت عينه على فراق ابوه... ناصر وهو يسمح دمعته: حمدلله على السلامه...من قالك؟ خالد: الله يسلمك..مريم وماصدقت ..شصار؟ ناصر بحزن: جلطه... خالد: الله يرحمه ويعظم اجرك... ناصر:اجرنا واجرك.. وادفنوه ورجع خالد مع ناصر البيت عشان العزاء.. مرت الثلاث ايام صعبه على الكل ...خصوصا ناصر اللي تعب وايد واكثر شي تعبه انه ماشاف الحزن بعين زوجة ابوه ولا اخوانه..وكان ما ينام من كثر التقكير.. خالد طبعا مافارق ناصر كلش .. في اخر ليله وبعد ماراحوا الناس ...خالد وناصر قاعدين في الغرفه ... ناصر: خالد... خالد: نعم.. ناصر: تتوقع اني لين صرت ابو بصير نفس ابوي؟؟ خالد: شلون نفسه؟ ناصر: يعني بقسى على عيالي او بهملهم عشان الشغل ؟؟ خالد:شالكلام يا ناصر؟ ناصر: انا ابي اسره تحبني وتخاف علي كثر ما اخاف عليها ... خالد: ان شاء الله ياناصر ..بس حاول تنام وترتاح انت هالثلاث ايام ما ارتحت... ناصر: ان شاء الله.. في اليوم التالي........ في بيت ام خالد... ام خالد: مريم ..مريم.. مريم: لبيه يما... ام خالد: اخوج ما اتصل؟؟ مريم: امبلى يما اتصل وقال انه جاي في الطريق,,, ام خالد:انزين...تغديتوا انتي ولمياء؟ لمياء: لا ياخالتي انا تاخرت ولازم امشي مره ثانيه ان شاء الله... ام خالد: لا يما تغدي وبعدين روحي... لمياء: مره ثانيه خالتي ... مريم: خليها يما يروح عليها غدانا ... لمياء: انتي بالذات لا تتكلمين انا كم مره تغديت عندج وانتي ماتغديتي الا مره وحده... مريم: يما منج.. لمياء: معليه نتحاسب بعدين...يلا مع السلامه... وراحت مريم توصل لمياء وتوه بتفتح الباب ولا ينفتح الباب ويدخل خالد طبعا لمياء على طول رجعت لوراء..خالد انصدم وبدل ما ينزل راسه ويطوف عادي تم يطالعها باستغراب وبادلته هي نفس النظره.. مريم: خالد شفيك؟؟ انتبه خالد ونزل راسه وراح..طبعا مريم انتبهت لنظرته ونظره لمياء اللي اختفت بعد ماراح خالد هي بعد راحت بسرعه..صعدت مريم غرفتها ....لقت خالد قاعد فيها... مريم: بسم الله ..خرعتني.. خالد: من متى تعرفين لمياء؟؟ مريم باستغراب: من زمان...انت تعرفها؟؟ خالد : ها..لا شيعرفني فيها...بس اسأل.. مريم: عيل شدراك انه اسمها لمياء؟؟ خالد بارتباك: هاااا..امي ..اي امي قالت لي... مريم: اهاااااااا يمكن... خالد:بروح ارتاح وطلع من غرفتها.. وتمت مريم في حيرتها تفكر ..طبعا لمياء كانت في السياره تصيح ومب مصدقه انه اخو صديقتها هو نفسه الانسان اللي جرحها.. وشالصدف اللي جمعتهم مع بعض.. في بيت بوجاسم.... جاسم:اوووووووووووووووف فيصل: شفيك؟؟ جاسم:تعبت من التليفونات وهالحجوزات خلاص راسي بينفجر... فيصل: خلاص هانت مابقى شي على عرسك تحمل يامعرس.. جاسم: اي والله كلها اسبوع الله يعين.. ام جاسم: السلام عليكم... الكل: وعليكم السلام والرحمه.. جاسم: يما وين ابوي؟ الام:راح يرقد كان تعبان ... جاسم: اهاااااااا....جرس الباب من يجينا هالحزه؟ فيصل:قوم شووف تراني عيزان افتح الباب.. جاسم: لا والله..قوم انت شدعوه انا لي خلق.. الام: قاعدين تتعازموون والجرس يرن قوووموا شووفوا الباب.. علي وهو نازل من الدرج: هذا جرس بيتنا اللي يرن ولا بيت الجيران.. فيصل وهو يضحك: لا بيتنا... علي: عيل شفيكم قاعدين ولا كأنه يرن الام: علي يما روح شوف الباب تراهم يدلعون .. علي: ان شاء الله يالغاليه... وطلع علي يفتح الباب واخوانه يضحكون.. الام: تضحكون على كسلكم وعيزكم ... وانفتح الباب ودخلت ليلى: ساعه لين تفتحون الباب لي... الام: واي فديتج..واي لو ادري انه انتي كنت فتحت لج انا الباب... وسلمت عليهم .. جاسم: ليش ماقلتوا انكم جاييين..؟ عيسى: بعد قلنا نسويها مفاجأة لكم...الا وين عمي؟ علي: راقد,,,ليلو وين صوغتي؟؟ ليلى: افا عليك ياخوي موجوده... جاسم: ترى انا المعرس مب هو... علي: عورت راسنا محد عرس غيرك ولا للحين ماعرست ..نحس كل مابتعرس يصير شي.. جاسم: لا والله ...انت اللي نحس... الام: بسكم...شفيكم اليوم؟ ليلى يما ماعليج منهم روحي انتي وريلج ارتاحوا انتوا جايين من سفر وتعابه.. عيسى: لا عمتي فديتج انا بروح البيت ارتاح ... ليلى: اي يما بنروح البيت نرتاح ونمر عقب عشان نسلم على ابوي... علي: اي والله يابخت من زار وخفف ,,,, الام: علووي شالكلام؟؟ علي: اتغشمر يما ...شفيج عصبتي... قال هالكلام وهو منخش ورا فيصل خايف امه تحذفه بشي.. فيصل: صج خواااف.. وضحكوا كلهم عليه................. في بيت لمياء... الام: يما شفيج؟ لمياء: ولاشي يما..مافيني شي الام: ماصرتي تطلعين مع مريم ولا صرنا نشووفها.. لمياء: اي لانها مشغوله مع اهلها وانا مشغوله بترتيبات العرس تدرين مابقى شي.. الام: اي يما...هيا توه اتصلت واسالت عنج...تقول تليفونج مسكر.. لمياء: اي ...مافيه شحن..الحين اكلمها.. طبعا لمياء من اخر مره كانت عند مريم ماعادت تروح لها ولا تبي تشوفها خافت انه مريم تسألها ولا تعرف شتقول لها فكانت تكلمها من وقت لين وقت.. مريم كانت تنطر الفرصه اللي تجمعهم ببعض عشان تسألها بس ماعطتها لمياء هالفرصه... في المانيا..... جلست بشاير في الكوفي وهي تتذكر كلام ليلى... ليلى: ما كنت احب اقول هالسالفه لاي احد واعتبره ماضي وراح...بس كان لازم اقولج عشان ماخليج محتاره وتفكرين وعشان انا مابي اخسرج انتي معزتج والله معزة اخت لي بشاير: ............... ليلى:ادري انه الكلام اللي قلته صعب تصدقينه بس هذا كل اللي صار بيني وبين خالد...عرفتي ليش قلت لج انه احسن قرار خذتيه هو انج بعدتي عنه.. بشاير: انا ماعرف شقولج..بس كنت دايما اقوول في حياة خالد شي خاشه ولا قاله ولا يبي يقووله.. بس تتوقعين انه للحين يحبج؟؟ كل تصرفاته تقول جذي؟ ليلى: لا يا بشاير..هو يحب نفسه وبس صدقيني.. عادت للواقع فلبست الجاكيت وعادت للسكن..تحدث نفسها..صج قصه اغرب من الخيال شلون يحب الاثنتين وبنفس الوقت وشلون يقدر يفرق بينهم..بس للحين في حلقه ضايعه في هالموضوع وهو ليش ليش خالد سوى جذي؟؟؟؟؟؟؟؟؟ نرجع للدوحه...بعد مرور اسبوع ..... اليوم عرس جاسم والكل محتاس ولاهي.. لمياء: يماااااااااااااااااااااا الام: هلا يما جيتي؟؟؟ لمياء: شرااااااااااااايج؟ الام: ماشالله تهبيلن..الله يحفظج من العين.. طبعا لمياء كان فستانها تركواز فيه شك القطعه اللي فوق والقطع اللي تحت قصيره وتحتها توور وحاطه مكياج تركواز على وردي خفيف كان شكلها يجنن ومشتشوره شعرها ومنثور فيه ورد صغير فكانت طالعه ناعمه وايد... لمياء: يما باقي مكياجج وينها ماجات؟ الام: الحين تجي توها مكلمتني.. لمياء: انزين انا بروح بيت عمي لان مريم نزلت اغراضي هناك.. الام: ليش ماجابتهم هني...؟ لمياء: كلمتني تقوول متاخره وهي قريبه من هناك قلت لها تنزلهم هناك ..قلت امر اخذهم وبالمره اشوف مرت عمي اذا قاصرها شي... الام: زين يما خلي بالج على نفسج... لمياء: خلاص بس ارجع تكونين انتي خلصتي ونروح مع بعض... الام: ان شاء الله.. ليلى:ايوا يما ماشالله عليج شحلاتج ..يام المعرس من قدج اليوم.. الام: الله يهديج ..مادري ليش طعتج وجيت الصالون انا شلي بهالمكياج والخرابيط.. ليلى: يما لازم تكشخين اليوم عرس الغالي.. الام: اي فديته ..الله يهييينه ويتمم له على خير.. ليلى: آآآآآآآآآآمين ...كاهو يتصل عمره طوويل... الوووو حيالله المعرس.. جاسم: هلا والله...انتوا وين؟؟ ليلى: بالصالون.. جاسم: من راح ياخذكم ؟ ليلى: عيسى...ليش؟ جاسم: لا يعني عندكم مواصلات زين حلو...يلا تامروني بشي؟ ليلى: اي اكشخ وامي تقوولك لا تروح قبل لاتجي تبي تحط لك طييب... جاسم: قولي لها تطييبت مابي اتاخر شووي وبروح.. ليلى: تقوولك الطيب اللي عندها غير ..اقوولك اسمع كلامها وانطر احنا ماراح نتاخر.. جاسم: ان شاء الله...شسوي هذي الغاليه ..مع السلامه.. ليلى: مع السلامه.. فيصل: الووو جاسم: هلاا فيصل: معرس وينك؟ جاسم في البيت وفي غرفتي بالتحديد... فيصل: شتسوووي ؟؟ ماخلصت؟ جاسم: خلصت بس امي تبني انطرها.. فيصل: بتتاخر خل امرك وامي تشووفك عقب بالعرس... جاسم: لا مابيها تزعل بنطرها...انت مريت الخيمه؟ كل شي اوكي؟ فيصل: يس...كل شي مرتب فيها.. جاسم: حلو وعلي وينه؟ فيصل: مع الفرقه يعور راسهم اكيد... جاسم: اي نسيت انه ونااسته مع الدق وعوار الراس...زين انت وينك؟ فيصل: انا جاي البيت ... جاسم: اوكي,,,انتظرك.. وصلت لمياء لبيت عمها ونزلت وماحصلت احد..سألت الخدامه عنهم وقالت لها انهم طلعوا وانه مافي احد في البيت وان الاغراض في غرفة ليلى..صعدت لمياء تاخذ الاغراض..كانت ناسيه جوتيها عند مريم لما خذته معاها عشان تراويها اياه وماذكرته الا اليوم وكلمت مريم وجابته لها.. طبعا بس وصلت غرفة ليلى وردت الباب وفصخت عبايتها ولبست جوتيها وقعدت تتعدل جدام المنظره. وصل فيصل البيت وصعد بيروح غرفته وانتبه لصوت من غرفة ليلى فقال في نفسه خل اخرعها..ودز الباب ودخل طبعا لمياء كانت واقفه تعدل مكياجها عند المنظره ... فيصل: بوووووووووووووووووووو.. وطاح الروج من يدها من الخرعه... فيصل: خرعتج... جمدت لمياء بمكانها ولاقدرت تتحرك او حتى ترد عليه.. فيصل انتبه انها ترتجف وبطل عينه يوم شافها عدل وبسرعه طلع من الغرفه ودخل غرفته.. لمياء اللي صارت حمرا لبست عبايتها وبسرعه طلعت ورجعت بيتهم.... في غرفة العروس... هيا: سعاددووو حلو؟ سعاد: اي يهبل بس سكتي خل تخلص المراه شغلها.. هيا: احس انه مب حلووو.. الكوافيره: بعدك ماشفتيه ... شو احس وما احس.. سعاد: هيا بسج دلع..انا راسي عورني منج بروح البس .. هيا: اوووووووووه...لا تتاخرين..وشوفي امي وينها؟ سعاد: اوكي,, الام: السلام عليكم,.,, سعاد: هلا وعليكم السلام تعالي يما شوفي بنتج ترى جننتني..انا بروح البس.. الام:شصاير؟ هيا: يما حلو مكياجي؟؟ الام:بعده ماخلص ..خل تخلص واقولج حلو او لا..بس كووشتج تجنن هيا: شفتيها؟؟ حطوا الورد نفس ما ابي؟؟ الام: اي كل شي حلو مرتب..بس انتي خلج بنفسج,, سعاد: المصوره وصلت..خلصي يلا عشان تلبسين وتتصورين شوي.. هيا: انزين... ووصلت لمياء البيت ودخلت غرفتها وسكرت الباب وقعدت على السرير تلوم نفسها..احراااااااج انا شلي خلاني اوقف واعدل عمري ..والله احراااااااج..ومن فيصل لو علوي اهون بس فيصل ياربي شالاحراج...شراح يقووول عني الحين ... في بيت بوجاسم.... قعد فيصل على الارض في غرفته مب مصدق اللي صار..وصورة لمياء ماتغيب عن خياله..ويقول في خاطره :ياحلاتها اول مره اشوفها..لا شفتها من قبل بس كأني اول مره اشوفها..عمري ماتوقعتها بهالحلاه..شلون راحت عن بالي وفكرت في غيرها وهي موجوده وبهالحلاه وفوق هذا بنت عمي يعني اقرب لي..يوووووووه انا شلي خلاني ادخل غرفة ليلى والله احراج لي ولها..بس ماشالله حلووه وايد (وقف يطالع المنظرة ويقول) حلوه وايد..حلوه وايد جاسم اللي واقف عند الباب: حمدلله والشكر..حمدلله والشكر شفيك؟ خلاص استخفيت؟ فيصل: هااااا..لا الا عقلت جاسم:انت هني وانا ادورك...وبعدين من اللي حلوه وايد؟؟ فيصل: ما راح تصدق لو قلت لك... جاسم: الا بصدق قوول... فيصل: عروسة البحر....حلوه وايد,, جاسم: اقول انا استخفيت..اي عروسة بحر اي بطيخ..قوم اجهز ترى بس تجي امي بنروح.. فيصل: ان شاء الله..بس ترى صج حلوه وايد,, جاسم: حمدلله والشكر.. وخلص العرس على خير ....وفي اخر الليل في بيت بوجاسم... علي : صدق اللي قال العروسه للعريس والجري للمتاعييييس...فيصل يعني انا وانت هههه فيصل: هههههههههه بايخ....بعدين من قال لك انا متعووس بالعكس انا هذا احلى يوم بحياتي وبما انا كلنا مجتمعين فانا بقولكم قرار خطيررررررررررررر الاب: خير ياولدي قول؟؟ الام: قول يما ... عيسى: الله يستر يا فيصل من قرارت اخر الليل... فيصل: انا قررت اتزوج...شرايكم.. الكل: اوووووووووووووو.. ليلى: حرام عليك خلنا نرتاح شوووي...تونا مزوجين جاسم.. فيصل: ليش وانا قلت اخطبوا لي الحين وزوجوني بكره شفيج؟؟ الام: ماعليك منهم ...انا اللي بدوور لك من بكره ان شاء الله... الاب: يلا من قدك...امك بدور لك ومن بكره بعد.. عيسى: ليش ما تسالونه بالاول يمكن حاط احد في باله يوم قال ابي اتزوج .. فيصل: فديتك والله محد مافهمني الا النسيب... ليلى: اهاااا..يعني في حد في بالك...من؟؟نعرفها؟؟ حلووه؟ فيصل: شوي شوي..اي تعرفونها ..وحده منا وفينا... علي على طوول فهم ولف على فيصل: يالخاااااااااااين....لالالا لا تقول انها لمياءءءءءءءءء فيصل : لا بقوول امبلى لمياء... الاب: يازين ما اخترت يافيصل ..لمياء بنتنا وتستاهل.. الام: اي والله لمياء خووش بنت وتجنن.. ليلى: ماعتقد لمياء تناسبك وبعدين ماخلصوا البنات يعني.. عيسى: ليلى شالكلام؟؟ علي: اي ترى لميا بنت عمنا شفيج انتي؟ ليلى: انا ماقلت شي عنها..بس ما تناسب اخوي .. فيصل: ليش؟؟ ليلى: بدون ليش... الام: مايصير يما بدوون ليش؟؟ وانتي كنتي اقرب وحده لها ...يعني المفروض تفرحين انها تصير زوجة اخوج.. ليلى: لا ما افرح ولا ابيها تكون زوجة اخوي...وانا افضل انه نروح نرتاح ونتكلم بهالموضوع بعدين.. عيسى: خلاص يا جماعه احنا نستاذن .... وراحت ليلى مع زوجها.. فيصل: شفيها يما؟؟ الام: مادري عن اختك...يلا انا بروح ارتاح بعد وبكره نتكلم براحتنا...يلا بوجاسم انت هذي قعدتك من الصبح.. علي: ماعليك منها ترى لمياء خوش بنت وكفايه انها بنت عمنا.. فيصل: اي لازم دافع عنها مب هي الحب مالك,,,, علي: هههههههههههههههههههههههههههههههههههه والحين بتصير حرم اخوي ... فيصل: ان شاء الله هههههههههههههههههههههههههههههه علي: بس الله يعينك على حنة ليلوووووووووووووووو فيصل: اي والله ليلوووووووووووووووووووو صج الله يعين..بعدين شنو ليلووو عيب اختك الكبيره.. علي: وليش انا بس انت بعد اختك الكبيره هههههههههههههههههههه فبصل: بس عيب ههههههههههههههههههههههههههههههههههه علي: يلا انا بروح انام بعد ...وانت شكلك بتسهر تغني على الاطلال ... فيصل: اماااااااااااااا...انا بموت انام اي اطلال اي بطيخ..تصبح على خير.. علي: وانت من اهل الخير... الجزء الخامس عشر – والأخير رجع خالد في الليل متاخر مثل كل يوم...يروح يقعد عند البحر ويدخن لين يخلص له علبه سجاير وبعدين يرجع,,طبعا امه تعبت من كثر ماتقوله وتنصحه انه ما يسهر ولا يدخن بس هو كل يوم يوعدها ويخلف وعده....دخل البيت وراح لغرفته ينام. مريم: توالناس,,, خالد:انتي بعدج قاعده؟ شمسهرج؟ مريم: قلت انتظرك ونسولف شوي... خالد: مريم مالي خلق كلش..تعبان حدي وابي انام.. مريم: شالجديد انت كل يوم تعبان..وانا مب محصله وقت اقعد معاك فيه...وامي تعبت منك... خالد:اذا عندج كم نصيحه وفريهم لج...ترى تعبت من هالنصايح... مريم: انا بس ابي اعرف عاجبك حالك؟؟؟؟ خالد: اكيد لا..بس شتبيني اسوي..؟؟؟ مريم: خالد تقدر تسووي واايد..غير في نفسك شووف حياتك ومستقبلك...لين متى يعني بتم جذي؟؟؟ خالد: انتوا ما يعجبكم شي؟ اذا سافرت قلتوا مخلينا ومسافر وماتدري عنا واذا قعدت معاكم بعد مب عاجب..شسوي؟؟ مريم: احنا نبي مصلحتك..مب تكون معانا وبس...لازم تشوف نفسك وتشتغل وتعدل من حالك ..امي تبي تخطب لك هي تتمنى تشوفك معرس وتشل عيالك.. خالد: ليش انتي ما تتزوجين..هي تتمنى تشل عيالج بعد...وناصر ماتلاقين احسن منه... مريم: خلك مني الحين...انا اتكلم عنك انت.. خالد: انا محد له شغل فيني..شتبون مني..ترى مليت..شكلي برجع المانيا .. مريم: ماعندك غير الهروب صعب تواجه مشاكلك وتحلها..صعب وايد تغير من حالك.. خالد: اووووووووووو ..هروب .هروب مليت منج ومن كلامج.. في بيت عيسى... كانت ليلى سهرانه وتتذكر شي من الماضي... لمياء: يلا يا كسووووووووله قووومي... ليلى: مممم..خليني ابي انام ...نسيتي اني مريضه.. لمياء: شووية زكام عن الدلع يلااااا ليلى: لميووو وخري عني... لمياء: قووومي شوووي عندي مفاجأة لج... ليلى: ممممممممممم...مره ثانيه اذا نمتي عندي ياويلج.. لمياء: معليه قوومي الحين... ليلى: وااااااااااااااااااو...شالورد هاي كله من جابه؟؟؟ لمياء: اناا وانا وانا... ليلى: فددددددددديتج يا لمياء ليش الورد كله؟؟ لمياء: عشان ليلى اختي وحبيبتي قالت خاطري بووورد.. ليلى: الله لايحرمني منج... لمياء : ولا منج يااارب ليلى: يااارب ..ويجي اليوم اللي اجيب لج هالورد بعرسج ان شاء الله ولا انا اللي اسوي لج المسكه شتبين بعد؟؟ لمياء: مابي شي غيرج انج تكونين معاي دووم.. ليلى: ان شاء الله ماطلبتي يالغاليه... مسحت ليلى دموعها يوم حست ان عيسى قعد من نومه ...وحاولت تنسى هالذكريات... عيسى: ليلى..شفيج؟؟ليش الدموع؟؟ ليلى:مافيني شي...ارقد لاتحاتي.. عيسى: لا مب راقد ...ليش تصيحين؟؟؟ ليلى: تذكرت شي وصحت.. عيسى: قوليلي شصاير؟؟ ليلى: لمياء يا عيسى اذا خذاها فيصل انا (وصااحت) عيسى: انتي شفيج؟؟ ليلى: انا ما راح اقدر اسوي لها شي...انا وعدتها اسوي لها وايد بعرسها الحين شلون لو صارت زوجة اخوي والقهر اني ماقدر اسوي لها شي.. عيسى: ليش؟؟ هذي بنت عمج قبل كل شي.. ليلى: مب بنت عمي وبس لمياء كانت في فترة من حياتي كل شي فيها او حياتي كلها.. عيسى: ماسولفتي لي من قبل عنها...شرايج تسوولفين لي الحين.. ابتسمت له ليلى: ان شاء الله...كنت كله احن على امي اني ليش ماجابت لي اخت لين بدت لمياء بنت عمي تتقرب لي ..ماكنت حاسه فيها..بس كثرت جياتها علينا وبدينا نطلع مع بعض اكثر وشوي شوي صرنا اكثر الاوقات مع بعض ناكل ونشرب ونطلع وندرس صارت ماتفارقني ولا انا بعد..يعني لقيت فيها الاخت اللي كنت ابيها..عطيتها اسراري وعطتني اسرارها ..بس عيسى: ياااااااااااه هالكثر كنتي معاها ومتعلقه فيها..بس ليش الحين لا ..؟؟؟ ليلى: واكثر صدقني كانت تفهمني وتعرف شلي في خاطري من غير ما اقوول..اذكر تمينا مره شهر مع بعض ماتفارقنا فيه دقيقه وكانت ترقد عندي لين جاء عمي وقال لي لازم تعدلون يعني مايصير كله ترقد عندج ارقدي انتي عندها ..الحين مادري شقولك..الاقدار فرقتنا اختلفنا في شي كبير وماقدرت انساه لها .. عيسى: يعني مايصير اعرف؟؟ ليلى: يصير..بس انا مابي اعور راسك ..لانها مشكله كبيرة وبيطول شرحها... عيسى: على راحتج..بس حاولي انج تسامحينها ..طالما بينكم هالذكريات الحلوه..وترى محد معصوم من الغلط...انا ياما غلطت بحقج وانتي ياما صبرتي علي وسامحتيني يعني قلبج كبير يا ليلى وتقدرين تسامحينها صح؟ ليلى: اي صح.. عيسى: يلا عيل نامي وارتاحي ...تصبحين على خير.. ليلى: وانت من اهل الخير... في بيت ام خالد... بدى صوت مريم وخالد يعلى شوي شوي.. مريم : تقدر تقوولي لين متى بتم تفكر في هالبنت؟؟؟ وتوقف حياتك عشانها؟؟ خالد: مادري...ماقدر انساها...افهميني يا مريم.. مريم: لازم تنساها وتنسى اي شي يذكرك فيها..لازم تبعد عنها...وتفكر بحيااتك ونفسك.. خالد: شلون قوليلي اشلون انسى؟؟وهي وين ما اروح اشوفها...شلون والاقدار لين يومج تجمعني بكل شي يذكرني فيها.. مريم: هذي اوهامك...مافي شي يذكرك فيها..الكلام هذا مرت عليه سنين يعني خلاص مفروض تكون نسيت من زمان... خالد: هذي مب اوهام...واقدر اثبت لج...تبين؟ مريم: اي اثبت لي... خالد: لمياء..اكبر دليل على ان ليلى صار صعب تطلع من حياتي ..ومثل ماتقولين بعد كل هالسنين اجي والاقيها رفيجة اختي ولا تروح وتجي عليهم ...شلون انسى قوليلي,.,,, مريم باستغراب: خالد شعلاقة لمياء بالموضووع؟؟؟ خالد: مافهمتي...لمياء بنت عم ليلى..هذولا الاثنتين كانوا ولازالوا جزء كبير من حياتي...وانتي او القدر جمعج فيها عشان ما انسى واتم اشوفها دوووم قدامي فهمتي؟؟ مريم وهي مب مصدقه: مستحيل...مستحيل ياخالد...الحين عرفت سبب تهرب لمياء مني من اليوم اللي شافتك فيها...بس شالصدف الغريبه... خالد: شفتي انه صعب اني انسى.. مريم : لا بعد مب عذر لازم تكون اقوى وتنسى او تصلح غلطتك وتحل مشاكلك معاهم..على الاقل تخليهم يذكرونك بالخير..مادري شقوولك بس عمري ماتوقعت ان لمياء هي البنت اللي تكلمت عنها..صراحه صج حسافه انك خسرت هالناس..انا عرفت من فتره وايد طيبييين..خسااره يا خالد خساره.. خالد: بس كفايه انتي قاعده تعذبيني وتزيدين همي... مريم: خلاص خذ لك موقف ...وابدا من جديد او انك تصلح اللي خربته بس عشان تخليهم يذكرونك بالخير.. خالد: مابي اسوي شي..انا مرتاح جذي بس اسكتي عني.. مريم: ليش تعيش عيل؟؟ بذمتك مرتاح؟ اللي مثلك مفروض ما يعيش لان اليأس سيطر عليك خلاص.. خالد: اي صح..انا طالع وان شاء الله اروح وما ارجع واموت وافتك من كل شي.. مريم: خالد...خالد...وين رايح؟؟ اووو انا شسوويت..ماقدر اكلمه يعني كللش... ام خالد: خالد يما وين رايح؟؟؟ خالد: بطلع اتمشى يما ...انتي شمقعدج هالحزه؟ ام خالد:مابقى شي على الصلاه..تعال اقعد معاي ابيك بسالفه.. خالد: ضايق يما وابي اطلع اتمشى.. ام خالد: اسمع الكلام السالفه اللي بقولها بتودي الضيقه... خالد:آمري يما.. ام خالد: انا قررت اخطب لك.. خالد: لا يما انا مابي اتزوج...الله يخليج... ام خالد: ياولدي انا ابي اشووف عيالك...بعدين انا اخترت لك بنت لو تلف العالم كله ماتلاقي مثلها بنت ناس وتهبل ما شالله عليها.. خالد: يا يما افهميني مابي اتزوج... ام خالد: اعرف من هي اول.. خالد: مابي مب فارقه معاي البنت..الزواج نفسه.. ام خالد: تعرف لمياء رفيجة اختك...شرايك فيها؟ انت شفتها هذاك اليوم... خالد اللي انترست عيونه بالدموع ولاقدر يرد على امه وطلع من البيت والدنيا صاكه فيه ..... ناصر : بس يا خالد الله يخليك قطعت قلبي... خالد: كانت هذي اخر مره شفتها فيها يا ناصر ....وحشتني... قصرت معاها وايد.. ناصر: لاحول ولاقوة الا في الله..وانا كل ما اجي اطمن عليك تتذكر وتصيح... خالد: شسوي ..غصب عني ...احساسي بالذنب متعبني..هي ما استحملت خبر الحادث اللي صار لي ..راحت ولا شفتها .. ناصر:هذي اقدار يا خوي ولاحول ولاقوة الا بالله...انا بمشي الحين واخليك ترتاح ..تامرني بشي؟؟ خالد: سلامتك ...بس قول حق مريم اني اشتقت لها.. ناصر: يووصل يالغاللي..ماطلبت....مع السلامه.. طلع ناصر من مستشفى رميله اللي كان يروح لها 3 مرات شهريا طوال العشرين سنه اللي مروا ولا تاخر ولا اخلف ولا مره.. يروح يطمن على خالد ويزوره رغم انه ما كان يتحمل يشووفه بهالحاله لين تعود خصوصا وان خالد ماعنده احد غيره..بس اللي يتعبه هو ان كل ما زاره تذكر خالد اللي صار ويرجع للماضي و يصيح ....سرح ناصر وبدا يتذكر شي من الماضي..... تذكر ليلة الحادث والتليفون اللي قعده الساعه 4 ونص الفجر..... مريم: ناصر...ناصر.. ناصر: هلا مريم..شصاير؟؟ مريم: خالد اخوي سوى حادث انا بالمستشفى امي طاحت علي ..ناصر تعال بسرعه انا مع امي ومادري شصار على خالد.. ناصر: لاحول ولاقوة الا بالله..يلا اا جاي...بس اهدي ان شاء الله خير... مريم: ها ناصر شصار تطمنت عليه؟؟؟ شفته؟؟ ناصر بحزن: امي شصار عليها؟؟ مريم: حاطينها بالعنايه ولحد راضي يطمني عليها.. ناصر: من قال لها؟؟ مريم: اتصلوا على البيت وقالوا لها..انا قعدت على صياحها ...اللي اتصل قال انه مات وسكر ورجع اتصل عقب قال انه راح للمستشفى...بس امي مادرت لانها سمعت اول مكالمه بس... ناصر: زين اهدي...الله يخليج اهدي لاطيحين علي بعد ..روحي قعدي وارتاحي... مريم: قولي اول شصار على خالد...قولي ناصر ارجووك؟؟ شفته؟؟ ناصر: شفته..الحمدلله بخير.. مريم: لا ..تقص علي ..خالد راح ...راح صح؟؟ قوولي ناصر ناصر: لا يامريم لا ..خالد بخير..انا تطمنت عليه صدقيني... مريم: احلف..احلف... ناصر: والله انه حي ...اهدي الله يخليج... وجاء خبر وفاة الام مثل الصاعقه على مريم ... مريم: لااااااااااا..امي....يما لاتخليني ...ارجوووج تخليني لمن انا مالي غيرج...يماااااااا ناصر: تعوذي من ابليس اذكري ربج...لاحول ولاقوة الا بالله...بس يامريم.. مريم: راحت وخلتني ماعندي غيرها...يما ارجووج قوووووووووووومي.... ابعد عنه هالذكره الصعبه ووقف سيارته ومسح دموعه عشان يدخل البيت... في بيت بوجاسم ....اليوم خميس وكعادتهم مجتمعين كلهم... علي: اووووووووو..من قطع الفيشه علي... جاسم:شفيك تصرخ؟؟ علي:سلوووووووووووم وووجع زين...ليش تشل الفيشه هااااااا لمياء: لاتقول حق ولدي شي لو سمحت... علي: شلي ولدج عن فيشة التليفون ماتشووفووني اتكلم يعني .. جاسم: من تكلم المدام؟؟؟قولها ترجع وبسها دلع.. علي: مب شغلك زين..على الاقل قاعده تدرس مب مثلكم قاعدين فاضيييييين ومخلين عيالكم يأذوونا.. ليلى: السلام عليكم.. علي: بس كملت وصلت ام التوائم ...كملت الحفله....اووووووووووووف زين فيصل: شفيك علوووي؟؟ كأنك عيوز بايقييين عشااها...شفيك ماصارت دكتواره تحضرها زوجتك..بعدين بدل ما تصرخ علينا رووح لها وفكنا... علي: لو مب هالدوام كان رحت من زمان وانا اللي افتكيت وقعدت معاها بدل اخوها..اووف زين الام: بس يا يما ...لازم كل خميس نفس الهواش ..خلاص ياعلي.. علي: اي لازم دافعين عنهم..لو ابوي الله يرحمه هني كان دافع عني.. الام: الله يرحمه.. جاسم:روح لا اجي اكسر هالتليفون على راسك ما صارت ترى.. لمياء: سلوم حبيبي لا تشل الفيشه على عمك زين.. سالم: موووبي...امبلى بشلها..عمي علي خذا البيبسي مني ..ماحبه فيصل: يعني انت اللي متسبب عليه وتهاوشه ..صراحه زين يسوي فيك.. علي: الشره علي خايف على ولدكم ...ومابيه يشرب بيبسي... هيا: يلا يا جماعه تفضلوا الغدا جاهز.... عيسى: ليلى يلا تعالي... ليلى:دقيقه بس معاي بشاير بسكر واجي.. عيسى: اوكي.. ليلى: انزين شكنتي تقوولين.. بشاير: اقوولج انا جايه الدووحه على اخر الشهر..يما شالازعاج اللي عندج.. ليلى: حياج الله تنورين الدووحه...جيبي اليهال معاج.. بشاير: لا انا وسعود نبي نجي بروحنا سفرة راحه بخليهم عند امي.. ليلى: حرام عليج...جيبيهم ..يستانسوون.. بشاير: خلاص بشووف شيصير وبقولج...يلا حبيبتي مع السلامه ليلى: الله يسلمج في بيت ناصر... ناصر: فطووومه حبيبتي...فددديتها حبيبة ابوها... فطومه: بابا جبت لي حلاوه؟ ناصر: اكيد جبت لج احلى حلاوه حق احلى فطووومه.. مريم: ناصر جييييييييت... ناصر: اي...وين علي وخلووودي؟؟ مريم: تلاقيهم بالشارع ..متى يسمعون الكلام هم اصلا..روح جيبهم وزفهم انا بنجب الغدا,,, ناصر: ان شاء الله... مريم: ناصر..شخبار خالد اخوي؟؟ ناصر: الحمدلله بخير...سأل عنج وااايد... مريم: ان شاء الله بروح له معاك المره الجايه.. ناصر: ان شاء الله.. مريم: تدري... ناصر: خير.؟؟ مريم: الله يسامحه..عند معانا بموضوع الاطراف الصناعيه كان الحين قاعد بينا ... ناصر: اي يا مريم هالكلام صار له سنين..بعدين هم الدكاتره ما عطوه امل كبير ...وهو بعد الله يهديه عاند من الزين..واختار انه يتم وحيد نسيتي محاولاتنا معاه انه يجي هني.. خلاص اقدار ولاحول ولا قوة الا بالله.. في مستشفى رميله... جلس خالد وحيدا....عند النافذه ينظر للخارج ...وضع يديه على رجليه المبتورتين ودمعت عيناه فاغلقهما وبدا يتذكر شي من الماضي.... خالد: انا معجب,,,تقدرين تسميني معجب ليلى: انا ماعندي وقت حق هالخرابيط وباي.. خالد: لحظه لحظه...انتي ليش جذي عصبيه...ترا انا ماحب حد يصارخ علي وانتي هاي ثاني مره تصارخين علي... ليلى: انت من تكون عشان تحب او ما تحب..بلا سخافه وباي.. خالد: اسمعي بقووولج...انا اللي كنت بدعمج في مواقف الجمعيه تذكرين؟؟ ليلى: اي ذكرتك انت العمي اللي كنت طاير بسيارتك... خالد: ماشالله ذكرتيني عدل,,, ليلى: زين شتبي ؟ ومن عطاك رقمي؟ خالد: تعبت لين حصلت رقمج...بس اهم شي حصلته.. ومن بعد هالمكالمه كثرت المكالمات وتعلقت ليلى بخالد مثل ماتعلق هو فيها .... وقتها حبيتها صج وتمنيتها لي ...لين ظهرت لمياء كنت اسمع عنها بس واغار منها ومن تعلق ليلى فيها كانت تبديها علي بكل شي ...لين شفتها...تعمدت اشوفها كانت مثل الملاك ..طفلة برئيه ..شي فيها جذبني..حبيت اعرف شنو سر هالطفله ولقيت نفسي اكلمها واتقرب لها بدون ما احس..يوم اكتشفت اني اكلم بنت عم حبيبتي كان متاخر وايد كنت خلاص تعلقت في لمياء ولاقدرت اتركها وهي بعد تعلقت فيني وحبتني.. ناصر: خالد اصحى انت شتقووول هذي بنت عمها؟؟؟ خالد: ادري بس انا تعلقت فيها... ناصر: انت شفيك؟؟مب صاحي..تحب ليلى ومتعلق في بنت عمها..خالد غلط اللي قاعد تسوويه ترى بتخسر الاثنتين .. خالد: لا مستحيل ليلى لي وبتم لي هي تحبني كثر ما احبها...وبنت عمها مرحله وبتعدي.. ناصر: انت مب صاحي والله مب صاحي...لو درت ليلى ..توقع راح يعجبها هالوضع...راح تخسرها ياخالد.. خالد: شلون تدري....اذا بنت عمها ماتدري انا من ..خلاص ناصر انا بتصرف..لاتخلين اتحسف اني قلت لك.. ناصر: كيفك ..انا نصحتك.. فتح عيونه ومسح دموعه وهو يكلم نفسه ليتني سمعت كلامك يا ناصر ليتني...نفس ما قلت بعدها بشهر واحد تحسفت وخسرت ليلى.... ورجع يتذكر.... خالد: هلا لمياء...شصاير؟؟ لمياء:ما صاير شي...ليش؟؟ خالد: لا ابد طرشتي مسج وقلتي ابي اشوفك ضروري خفت قلت صاير شي.. لمياء: طرشت مسج...انت اللي طرشت مسج.. خالد: اناااااااا .. وهنا احس خالد بضيق وجات ليلى على باله والتفت يبحث عنها حتى يبعد عنه هذا الاحساس ان ليلى لها علاقه بالموووضوووع.... جك جك جك جك جك ... ليلى: برااافووووو..ماشالله عليكم لمياء: ليلى.. خالد: ليلى...حسيت والله حسيت.. لمياء: شسااالفه ...؟ ليلى: خلص دووورج المسرحيه خلصت...كفايه تمثيل..لعبتي دور الهبله واايد ما مليتي...؟ لمياء: مب فاهمه شي..اي دور واي مسرحيه....فهمووني شسالفه... ليلى: انتي اقرب وحده لي ...ليش؟؟ شسويت لج؟؟ لمياء: ليلى مب قادره افهم ومب قادره استووعب (والتفت على الشخص اللي حبته ووثقت فيه( قوول شي فهمني...قووول شي.. ليلى:اكرهكم كثر ماحبيتكم كرهتكم...وبتم عمري كله اكرهكم,,,, لمياء: ليلى شتقوولين؟؟ خالد: لالا ليلى عطيني فرصه اشرح لج..في لبس في الموضوع انتي مب فاهمه.. ليلى: مب فاهمه..انا عمري ما فهمتك يا خالد مثل هاللحظة ...حسافه والله حسافه.. لمياء وبصوت عالي: خاااااااااااااااااالد... ذهبت ليلى وهي تبكي ولم تنتظر لاتسمع لاي منهم... لمياء بدت بالبكاء: شسالفه؟؟ خالد...يعني شنوو...انت سعود منو خالد؟؟ خالد بنظرة كلها حزن وبؤس: صدقيني ماقصدت كل شي صار غصب عني.. لمياء: شنو كل شي...يعني انت خالد ؟؟ رد علي؟؟ خالد: ....................... لمياء وهي تصارخ: انت خالد...؟ انت خالد؟ خالد: اي ولا تصارخين... لمياء: قووم ليش قعدت..قووم قولها اني مادري قوولها انك سعود بالنسبه لي..قووم خالد: متأخر وايد ما راح تسمع لا لي ولا لج...خلاص صعب انها تسمع او تصدق... لمياء: انت شتقوول؟؟ ليش؟؟ ليش سويت فيني جذي ليش؟؟وليش انا ؟؟ وليلى حرام عليك..حرام عليك..حسبي الله ونعم الوكيل...انا احب ليلى مستحيل أذيها..ليش سويت جذي ليش؟؟؟؟ عاد الى عالمه الحزين ...ومسح الدموع واخذ يحدث نفسه.......... سامحوني...سامحيني ياليلى وسامحيني يا لمياء انا غلطت بحقكم ....وجزاتي اني بدل ما احصل وحده منكم تحبني خسرتكم انتوا الاثنتين... ما اصعب هذا الماضي....   |
 |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
