يااللي تقول ان الحلا في حليمه=بالله عسى ربي من الشوف يعميك
عمرك سمعت ان الحلا في بهيمه=بهيمة في شكلها الشوف مغويك
وين الحلا فيها ووين الحشيمه=الله بلاها بالخساسه وباليك
قولت حلا فيها تراها ظليمه=والزين له ناسه عسى الله يهديك
الزين في بنت الرجال الكريمه= اللي على حق الشرف ما تخليك
اللي تسمى بالشهامه.. شهيمه=من دون مكياج بها الزين يكفيك
بناتنا يا جعلهن للغنيمه=احلى بنات الكون والحق يرضيك
نحمل لهن بقلوبنا كل قيمة=حنا ذراهن يوم خاب الرجاء فيك
في عزهن يالله طلبتك نديمه=واستر شرفهن دام كل شيء بيديك
وانا نويت اللي رضخ للهزيمه=اسمع كلامي زين من قبل لا انهيك
ماظنتي عقلك وعينك سليمه=يحتاج منهو في كلامك يربيك
سقيم لا قالو مدح له سقيمه=حتى كلامك صار مثلك يوطيك
لحظة نبي نرجع عصور قديمه=بقول لك شي يهزك..يبكيك
شيء يهز أهل العقول الفهيمه=ما كل شيء بالمسمى يسميك
تدري من اللي تستحق الحليمه=ام الرسول اطهر حليمه وتكفيك
العين تبكي من كلامك وضيمه= لكن عسى ربي بفعلك يجازيك