بسم الله الرحمن الرحيم ..

اتمنى ان تعيبكم القصه و تحبون شخصياتها .. وتعيشون معاهم افراحهم واحزانهم ..
لاتعتقدون انها كلها حزن من العنوان بالعكس فيها وايد اشياء حلوووه ووناسه
بس طلب واحد بغيته منكم ..

ردووا و شجعووني عشان اتحمس اكمل .. اوكيك .. ويلا اخليكم مع الشخصيات ..

#عائلة عتيج ((بو عبدالله )) __في العين :-
* الاب : عتيج ((بوعبدلله )) عمره 59 سنه .. وهو شديد وعصبي وياوليه اللي يكلمه وهو معصب ..
واللحين هو متقاعد لكن عنده عزبه ومزرعه ..
* االام : موزه ((ام عبدالله )) عمرها 55 سنه وهي القلب الحنون في العاايله ومركز الدفاااع
#الابناء :
• لطيفه : البنت الاكبر لبو عبدالله ولين اللحين مب متزوجه ..عمرها ((25سنه )) مخلصه جامعه وتشتغل ..ما تحب سوالف البنات وما تتعدل وتتكشخ .. ((وبتعرفون ليش هي جي )) ..مع انه فيها جمال
• عبدالله : اصغر من لطيفه بسنتين عمره 23سنه ويدرس شريعه وقانون في جامعه الامارات ..
• علي : عمره 20 سنه ..في التقنيه .. ومحير بنت عمته شما ..
• مهره : عمرها 17 سنه .. وايد كووول وتحب تسولف ..وايد كشخه .. تدرس في ثالث ثانوي علمي وتحب ولد عمتها ((سعود)) .
• روضه : عمرها 16 سنه طبعها نفس مهره لانها وايد متعلقه فيها .. طبعا كشخه وتحب السوالف ..تدرس في ثاني ثانوي ادبي ا ..
• احمد : اخر العنقود .. عمره 15 سنه يدرس في اول ثانوي .. وهو اكثر واحد قريب من امه ..

# عايلة محمد ((بوخالد )) ______في بوظبي .
• الاب : محمد عمره 47 سنه يشتغل وعنده شركه خاصة .. وايد طيب ويحب عياله..
• الام:صبيحه عمرها 45 سنه . اخت عتيج ((من العين ))طيبه وحبوبه
• الابناء :
خالد: الابن الاكبر متزوج من بنت عمه مبارك (فاطمه)وعنده بنت وحده ((ظبيه)) وعمره 27 سنه ..
• فهد : عمره (25 سنه ) متزوج من اخت ربيعه واسمها عفرا وهي حامل حاليا ..
• شما : عمرها 20 سنه تدرس في كلية الامارات ومحيره لولد خالها ((علي ))
• سعود : 17 سنه .. يدرس في ثالث ثانوي ادبي ويحب بنت عمته مهره ..وايد كووول ويحب يسولف..
• مريم وحمده :توام ويدرسن في ثاني ثانوي علمي (16 سنه )
• عليا : اصغر وحده وعمرها 14 سنه ....

عايلة مبارك (بو جاسم ) : ..........بوظبي
• الاب : مبارك .عمره (45 سنه ) يشتغل مع اخوه محمد في شركته الخاصه ..
• الام : عاشه وهي من غياثي وايد طيبه وتحب يمعة الحريم وسوالفهن ..
• الابناء :
• جاسم : عمره 28 سنه متزوج من وحده من معارفهم واسمها شرينه وعنده بنتين ولد (ميثه ومي و خليفه )
• فاطمه : عمرها 27 سنه متزوجه من ولد عمها خالد وعندها بنت ((ظبيه )) ..
• راشد :19 سنه يدرس في التقنيه ..
• امل : 15 سنه اخر العنقود ..تدرس في اول ثانوي ..

عايلة بوسيف (صالح )
*الاب : صالح عمره 44سنه, طبعه هادي ويحب يسولف ويمزح (اخو محمد ومبارك )
الام :ونيه :من بوظبي طبعها شديد وعصبي وتغاااار وايد على ريلها بس مع عيالها حنونه
الابناء :
• سيف : عمره 22سنه ويدرس في مصر (في جامعة عين شمس ) طب ...... من ثلاث سنوات ..
وما يرد البلاد الا في الاجازات والمناسبات
• ميره : البنت الوحيده لبوسيف ..وطبعا هي دلوعة البيت عمرها20سنه .تدرس في جامعة زايد ..
• حمد : عمره 21سنه ,يدرس في كلية الشرطه .
• سهيل : عمره 17سنه يدرس في ثالث ثانوي علمي ..يحب يسولف وينكت ودمه خفيف وايد ..

الجزء الاول :

في بيت بو عبدالله (العين) :-

العصر الساعه 4ونص كانت روضه راقده لانه توها راده من المدرسه وتعبانه .فكانت مهره توعيها عسب تقوم تصلي العصر .
مهره : رواضي .. قومي ..قومي
روضه : شو يعني محد يروم يرقد ..
مهره : روضوه قومي والله بجب عليج ماي بارد ..
روضه : افففف . ياربي مايسوى علينا رقدنا كم دقيقه .
مهره : شسوي بابوج يعني هو اللي قايلي اوعيج عشان ما تسهرين فليل ..
روضه : انزين .. بقوم
مهره : يلا قومي .. وصلي ونزلي يحليهم الشواب الا ارواحهم ياسين خلنا نروح نغلس عليهم شوي
بعدين بنقنعهم يودونا بوظبي عند عيال خالي تولهت عليهم ..
روضه : تولهتي على منو ؟؟
مهره : امممممم .. على البنات ..
روضه : مهرووووووه ..البنات ولا ........... ؟
مهره : اقووول روضووووه بسج من الهذره يلا صلي وانزلي ..
روضه: طاع اونه استحت .. يلحليلها ..
مهره : افففف .يلا انزلي ..
طلعت مهره وسكرت الباب ونزلت وصلت روضه ولحقتها تحت ..
روضه : السلام عليكم والرحمه ..
بو عبدالله وام عبدالله :وعليكم السلام والرحمه ..
ام عبدالله:وشو مرقدنج اللحين ..ولا حق السهر فليل ..
روضه : والله يامايا ييت من المدرسه تعبانه وحطيت راسي ورقدت ماحسيت بعمري ..
ام عبدالله:انزين ماعليه اخر مره اللحين بسامحج ..
مهره: اقوول ابويه نبا نسير بوظبي عند بنات خالي من زمان ما شفتهن ..تولهت عليهن ..((وهي طبعا في بالها سعود بس بعد تولهت على بنات خالها )) ..
بو عبدالله : لالا ماشي سيره اللحين ..مب وقته..
مهره : ابويه الله يخليك.. من زمان ما شفناهم ..
بو خالد : خلاص انزين مب مشكله سيرن ويا امكن وخلو واحد من خوانج يوديكم انا مب فاضي وراي عزبه ومزرعه ..
ام عبدالله: يا بو عبدالله انا اقووول .نتريا لين ماتربي حرمة فهد وبنسير لهم وبنبات عندهم يومين .. ما بقى شي ..
مهره : خلاص انشالله .. طبعا هي قالت بنبات واذا ساروا لهم اللحين ما بيباتون ويمكن تشوف سعود ويمكن لا لكن اذا باتوا اكيد بتشوفه . .
فعشان جذي وافقت ..
بو عبدالله : انزين يلا بخليكم اللحين ..بسير الميلس ..
في هالوقت نزلت لطيفه وهي مستانسه .
لطيفه : السلام عليكم
الكل : وعليكم السلام والرحمه
ام عبدالله : بلاج مستانسه وتتضحكين ..
لطيفه : توها شما تصلت وقالت انه عفرا حرمت فهد ربت ..
طبعا مهره استانست ..
ام عبدالله : والله يحليله فهد اكييييد اللحين مستانس الا شو يابت حرمته ..
لطيفه : يابت بنيه .. متى عاد بنسير لهم .؟
ام عبدالله :اكييد بنسير باجر عاد هذا فهد ما يستوي انا اللي مربتنه ..
استانست مهره زياده وقالت : اما يا انزين انا بعد با اسير ((صادف انه كان الخميس وبتبات الخميس واليمعهوالسبت بيردون )
ضحكت روضه لانها فهمت شو السالفه .. مب عشان شي تبا تسير بوظبي
ام عبدالله : انشالله كلنا بنسير .يلا سيرن اتجهزن وجهزن اغراضكن . وسارن فوق يسون اللي قالتلهن عليه امهن .
ونشت هي عسب تتصل لاخوها وتبارك له .
ام عبدالله الو السلام عليكم ..
بو خالد: وعليكم السلام مرحبا باختي .ِشحالج الغاليه ؟
ام عبدالله : يسرك الحال .شحالك انته ؟
بوخالد : بخير وسهاله .
ام عبدالله : مبروووك ما ياكم ..تستاهلون سلامة عفرا ..
بو خالد : الله يبارك فيج .. ها عاد متى بتونا ..من زمان ما شفنا كم .؟
ام عبدالله : انشالله باجر بنيكم انا والبنات وبنبات عندكم يومين ..
بو خالد : مرحبا بكم والله العين اوسع لكم من المكان ..
ام عبدالله : يلا عيل بخليك اللحين ووصل السلام عليهم وبارك لفهد وحرمته ..

في بيت بو خالد ....(بوظبي) .
# كان الكل في المستشفى عند حرمة فهد , ومحد في البيت غير البنا ت . (عليا ومريم و وشما وحمده )
كانت عليا تدرس في الصاله ومريم وحمده يطالعن التلفزيون .. رن التيلفون .. ويسن يتعازمن منو اللي بترد على التيلفون
في الوقت اللي كان يرن فيه التلفون دخل سعووود ..
سعود : شو ضاربنكن صمخ ما تسمعن التيلفون يرن شحقه ما تنش وحده منكن ترد عالتيلفون ((ورد هو عليه ))
سعود : الو السلام عليكم
بو خالد : وعليكم السلام شحالك ابويه ؟؟
سعود : بخير وسهاله يسرك حالي ..
بوخالد : اقووولك ابويه قول للخواتك يرتبن الحجر ويسون عشا لانه عمتك وبناتها بيون من العين وبيباتون عندنا ..
(( استانس سعوووووووود )) لانه بيشوف ال LOVE
سعود: خلاص انشالله بقولهن ..
بو خالد :يلا فوداعة الله ..وسكر عنه سعووود وسار يقول لخواته ..
سعود وهو ميت من الفرح : مريوووووم وعلاي قومن رتبن الحجر عموه وبناتها بيون وبيباتون عندنا ..
(( وسارن يسون اللي قالهن عليه اخوهن وسار سعود يزجر شما عسب تزهب الفواله وتسوي العشا .
وهو ساير فوق لقا شما نازله وقالها تسوي العشا..
دخل حجرته ويلس يفكر معقووووووله بيشوف مهره عقب كل هالفراق .. من زمان ما شافها بس كان يتذكر ايام الطفوله يوم كانوا يلعبون ويا بعض في الحاره ..

في بيت بو عبدالله (عتيج ) ......(العين )
كان علي واقف عند الدري ويزجر خواته لانه هواللي بيوديهن بوظبي . وهن تاخرن وهو بروحه يبا يسير عسب يشوف شما..
بس خواته ياسات ويتعدلن شو يسون لازم خصوصا مهره بس لطيفه خلصت بسرعه شو عليها لبست جلابيه خفيفه وشيله وعباه ساده ونزلت ..
علي : ها لطوووف وين خواتج ؟؟
لطيفه : مجبالات المنظره ويتعدلن جنهن سايرات عرس ..
علي : يلا زجريهن مب وقته ورانا درب ..
سارت لطيفه صوب حجرتهن عسب تزجرهن وظهرت ام عبدالله من حجرتها
ام عبدالله : يلا علي ورانا درب ..
علي : شو تبين اسوي بناتج هن تاخرن ..
في هالوقت نزلن روضه ومهره ولطيفه .وساروا صوب السياره ..
في الطريج : :
روضه : امايا ما يستوي انسير لهم جي ايدينا فاضيه لازم نشتري لهم شي ..
ام عبدالله : هي صدقج والله انا بعد نسيت .. شو نسوي اللحين
علي : مب مشكله بوديكم الجيمي مووول بس لاتتاخرن ..
في الجيمي مول :
اول ما وصلوا سارن البنات وامهن فوق في واحد من المحلات بتشرن .. وعلي دخل تهاني الخليج ويلس يطالع الاغراض , شاف قلب ومكتوب عليه حرف S شده هالشي واشتراه وغلفه وحط عليه بطاقه كتب فيها : IMISS YOU ..
TO : S FROM : ALI

اتصل للخواته وقالهن ينزلن ويركبن السياره ونزلن وركبن السياره وكملو طريجهم وكل واحد في باله شي ..

في بيت بو سيف
الام ونيه كانت يالسه تطالع التلفزيون(الاخبار) وسهيل حاط راسه على ريولها دخلت ميره عليهم ..
ميره : هلا امي شحالج؟
ام سيف : بخير الحمدلله وينج انتي ؟
ميره :ا كنت راقده ودقتلي مريوووم بنت عمي تقوول انه اهل العين بيونهم ..
ام سيف :انزين عيل بنسير لهم نحن بعد . قووم امي سهيل زجر الدريووول خله يشغل السياره..
ميره: انزين امايا وانا شو ايلس اسوي هني بروحي بسير وياج عند بنات عمي..

ام سيف : انزين يلا سيري تلبسي بس لاتبطين .. وسارت تتلبس ..

__________________________________________________ ______________________________

في بيت بوخالد
كانوا بيت بو جاسم واصلين وهم فاطمه وامل وامهم وراشد وابوه في الميلس عند الريايل
وكانت فاطمه وامها يسولفون ويا ام خالد وحرمة فهد ..
في هالوقت وصلت سيارة هل العين .

واول ماسمعوا السياره ظهرت ام خالد تستقبلهم ومعاها ام سيف والبنات يلسن داخل ..
شما كانت ما تدري ان علي هو اللي يايبنهم وكانت مطنشه السالفه لانها ماتبا تتعلق فيه زياده .
البنات سارن فوق وشلن وياهن امل اما فاطمه وعفرا دخلن حجرة عفر ا بعدين بيسلمون. وتمت شماا بروحها في في الصاله تتريا عمتها وبناتها
دخلوا البيت وسلموا على شما ويلسوا .
شما يلست عدال مهره .
شما : شحالج مهرووووه ؟
مهره : بخير وسهاله .شحالج انتي ؟
شما : يسرج حالي دام اني اشوفكم اقووول الا منو يايبنكم ؟؟
مهره فهمت ان شما تولهت على علي فقالت لها : اممم ما بقولج ..
شما( طبعا بصوت واطي كانن يرمسن ): مهروووه والله بصفعج منو يايبنكم ؟؟
ترفقت مهره بحال شما وهي بروحه تحس بنفس الشعورتجاه (سعود) . .
مهره : علي اخويه يايبنا ..
استانست شما . شما : حياه الله بيبات هني هووو ؟؟
:
مهره : هي لانه هو اللي بيردنا العين ..
في هالوقت وصلن ام سيف وبنتها ميره ..
سلمن عالبنات والحريم ويلسن عقب دقايق سارن البنات فوق وشلن ميره وياهن عسب يسلمن عالبنات الباقيات في حجرة مريم وحمده لكن لطيفه ما سارت وياهن ((ما تحب سوالفهن ))
شما : ها وينكم من زمان ما تيمعنا هاليمعه ..
ميره : هيه وا لله انا اخر مره شفت فيها مهره وروضه كان في عرس فهد ..
ويلسن يسولفن وضحكهن واصل لين اخر الممر يلسن لين وقت الغدا وعقب نزلن يتغدن ويا الحريم كانت اليمعه حلوووه من زمان ما تيمعن جذي . يلسوا لين العصر عقب ترخصن ونيه وبنتها ميرره وروحن وفاطمه وامل وامهن بعد نفس الشي .. ما بقى حد فالبيت غير اهل العين ..

في مصر ..
كان سيف توه مخلص من محاضراته وحاط تيلفونه عالسايلنت قرر ان يروح يتغدى في واحد من المطاعم القريبه وفي
المطعم طلب اللي يباه ويلس يتريا ظهر تيلفونه عسب يشوف اذا في حد متصله ولقى 3 مكالمه لم يرد عليها وشاف انه من اخته ميره ورد يتصل عليها ..
رد ت ميره : الو السلام عليكم ..

سيف : وعليكم السلامه . هلا باختي شحالج؟
ميره : يسرك الحال. شو من صوبك ؟

سيف: والله بخير وسهاله . الصراحه تولهت عليكم ..
ميره : عااااااااد فاتك اليوم ا لصراحه ..

سيف :ليش شو استوى من ورايه ؟
ميره : لالا بس فهد يته بنت وتولفنا كلنا هناك في بيتهم ..
سيف: لا والله ..مبرووك يستاهل ما ياه شو سماها بنته ؟
ميره: سماها حصه على ام حرمته الا انته متى بترد البلاد تولنها عليك .
سيف : والله مادري بس متى ما القى فرصه بيي انشالله ..
ميره :انشالله .. يلا عيل بخليك اللحين .. في وداعة الله ..

سيف : يلا مع السلامه سلمي عليهم كلهم ..

في بيت بوخالد الساعه 8 المسا ...في غرفة شما
كانن مهره وشما ياسات يسولفن مر الوقت وكل وحده منهن تظهر سالفه يديده شو يسون من زمان ما شافن
بعض .. عقب قررن انهن ينزلن تحت ..

مهره : اقوولج خلنا ننزل تحت نيلس وياهم شويه ..
شما : يلا انزين عشورج بس اتريني شوي يابت لها شيلة بيت وحق مهره بعد وظهرن وهن نازلات سمعن صوت
سعووود .(ذابت مهرره) لاحظت شما عليها هالشي ..
فجأه حصلن سعووود في ويهن سلمت عليه مهره ..
سعود : هلا والله ..

مهره : هلا سعود شحالك ؟؟
سعود : بخير وسهاله وهو بروحه مب عارف شو يقولها ..يبا يقوول لو كلمه او اي شي
بس يبا يظهر اللي في خاطره ..
سعود : زين يوم ييتونا خليتونا نشوفككم تولهت عليكم والله . . طبعا هو قصده تولهت عليج . .
حست شما ان اخوها قام يعق رمسه وبيمصخها تعرف انه اذا حب حد يتم يغلس عليه ..
دزت شما مهره : يلا يلا مهره بننزل ..

سعود في خاطره : ماعليه شمووه مسوده الويه ما خليتنيا نتامل شوي
..
مهره ارتاحت لانها اجتازت هالمرحله اللي كانت خايفه منها ..ويلست تفكر في الكلام اللي قاله سعود وبالاخص : تولهت عليكم حتى هي بعد عندها نفس الشعوور (( تولهت عليه ))..

نزلن تحت وكانت الساعه 11.30 فليل حصلن العيايز ياسات وحريم العيال (فاطمه . عفرا ) والبنات ..

ام خالد : حمده امايه سيري قوليلهن يحطن عشا تاخرن ..
الكل يسولف الا شما بعدها تحاتي اللحظه الحاسمه وهي ((اللقاء )) يعني (لقاء علي )

حـبـيـبـي والله مـتـولــه عــلــيــه وخــاطــري بــشوفته
قــلــبــي مــتــولع بــه ويــفــز لا حـــد يــاب طــــــاريــه

×××

اذا شافته شو بتسوي وكيف بتبدأ معاه ..
المهم تعشوا وخلصوا وقررن البنات يشوفن فلم في الصاله اللي فوق تمن يجلبن الافلام ما حصلن فلم مناسب ..
مهره : اقولكن بسير ابدل ثيابي وبرد ..

وسارت حجرة شما اللي بتبات فيها لبست جلابية رقاد كومها قصير بس بتلبس شيله طويله . .
ويلست تفجج شعرها . طبعا ما شالله طويل يباله وقت ..

وهن هناك في الصاله لين اللحين ماحصلن فلم يطالعنه في هالوقت دخل سعوود عليهن .. تاكد انه
مهره محد لانه هي الوحيده اللي تستحي منه والا الباقي عادي يعني روضه والباقي خواته .

شما : تعال سعود الله يابك ..
سعود : خير شو تبن ..
شما : عندك فلم حلووو new
سعود : طبعا .. يعني يوم انا ما عندي بتحصلين عند منو عيل ..
شما : زين عيل هاته لو سمحت ..
سعوو د: بس على شرط ما بعطيكن اياه بلاش بيلس اطالع وياكن ..
شما : انزين المهم انته هاته . .
سعود : الله ياخذ بليسكن انشالله نسيتني الريال واقف هناك ..
شما : اي ريال .. فهمت انه قصده علي بس تستهبل ..
سعود : علي بيخطف سكرن الباب عليكن . .
شما : انشالله وهي مستانسه انه بيكون قريب منها وخصوصا انه حجرتها مجابله حجرة سعود ..
وسار هو يسوي درب لعلي ..
ونفس الوقت ايبلهن الافلام ..
دخل حجرته ومهره ظهرت عند البنات في الصاله ..

شما : مهرووه عدلي شيلتج سعوود بيي..
مهره : وين ايي ؟؟
شما : بيب لنا فلم وبييلس يطالع ويانا ..
مهره : حياه الله ..
دخل سعود الصاله واتفاجىء بالي شافه مهره هني (يتحسبها رقدت )
سعود : هايبتلكن هالافلام تشاورن عواحد وحطنه
شما: وانته وين ساير ؟
سعود : بسير الحمام وبرد والا ما تبيوني اشوف الفلم وياكن ..
روضه : افا شو ما نباك تيلس ويانا حياك الله ..

سعود يتريا مهره تتكلم يحاول يلفت انتباها باي طريقه ويوم يأس سار الحمام
وهو راد سار صوب المطبخ حط صينيه جدامه ويلس يحط فيها جبس وكاكاو وعصير هذا كله بس
عسب يلفت انتباه مهره .. ومن بين هالحلاوه لقى ((المصاص اللي على شكل قلب ..الاحمر)) ..
واحد ما شي غيره دسه في مخباه ..
دخل عليهن الصاله لقاهن ياسات يترين سكر الليت ويلس اليلسه كانت كالتالي "
لتوضيح : الكراسي داير مدار الصاله كانو سعود وعليا وحمده ياسين
علارض تقريبا منسدحين وروضه ومهره وشما ومريم فوق
عالكراسي ok

ياب سعود الصينيه وحطها جدامه مدت عليا ايدها تبا تاخذ حلاوه
ضربها سعود علي ايدها وقالها : صبري الكبار اول ..لووول .. عن اللقافه
سأل بدون ما يحدد : شو تبين ؟حلاوه ..عصير .,. جبس ..
شما : ابا جبس . .
سعود ": يالله تطولج ياروح .. منو كلمج انتي ..
شما : والله انته ما حددت اسماء شو اسويبك بعد ؟
سعود : يعني انطمي واسكتي مهره شو تبين ؟
مهره استحت (لكنها يوعانه ) لالا مشكوووور ما با شي ..
سعود : افا ..لالا شو يعني ما يستوي وظهر المصاص من مخباه وعطاها اياه ..
عاااد مهره ما رامت ترده تموت في المصاص وخذته .. بس خلته عدالها ماكلته تستحي تاكله جدام سعود
عليا : والله شمعنى مهره يعني تعطيها القلب ..
شما: القلب للقلب ..ههههههاي

اتطالعلتها مهره بنص عين وسعود نفس الشي شو هالخوات المتخلفات ..
المهم شافوا الفلم لين النص وغفت عين عليا ..
سعود : مريوووم قومي وعي علاي خليها تسير ترقد فحجرتها ..
سحبتها مريوووم لين حجرتها وهي بروحها تبا تسير ترقد ورقدت .. عقب خمس دقايق ملن
البنات الباقيات صح ان الفلم حلوو بس ناشين من وقت ويبن يسيرن يرقد
ما بقى حد في الصاله غير سعود وشما ومهره عيبهم الفلم ويسوا
مهره يوم شافت ان سعوو د مندمج في الفلم بطلت المصاص ويلست تمص
انتبه لها سعوود وضحك بصوت واطي لانه شكلها ما تبى حد يشوفها ..
شما : وقفوا الفلم شوي بسير اييب ماي وبرد
سعود : سيري انزين ويبيلي وياج خذي راحتج .. هو بروحه يبا الفكه منها
مهره في خاطرها : وين بتسير هالغبيه وبتخليني ..

سارت شما ..
سعوود : اقوووول مهرره نقزت مهره من الروعه
مهره : هلا
سعوو د: حلووو طعمه المصاص .
استحت مهره : هي حلووووو ..
سعود : انزين ما بتعطيني امص شوي ؟ ؟
قفطت مهره : تبا المصاص وفي نفس الوقت تستحي ترده عطته مص شوي وهو يطالعها وعينه ف عينها اللي من المستحى ما تعرف وين تحطهم
ابنسم ابتسامه فرت قلب مهره ورد عطاه اياه .. سعود : يلا كملي اللحين ياويلج اذا فريتي ..
مهره يلست تطالع المصاص وف خاطرها تقول : ياربي شو ها مصه ويباني اكله من وراه ..
سعود :لايكون اتجززززين ؟
مهره : ها لالا عادي ..عاد مهره اكبر جزازه في العالم لكن كيف تجز سعوود
وكملته دخلت شما فرت عليه ماي وعطت مهره وهي خذت ..
شما : ها يلا ردوا الفلم
سعود : تامر الشيخه شما ..
شما : احم احم طبعا شيختكم كلكلم ..
سعود :جب يلا اونه صدقت عمرها محد شيخه غير ........... ؟قصده مهره بس ماكمل فهمت مهر ..
قفطت مهره شو بلاه هذا اليوم ؟

كملوا الفلم طبعا الفلم وايد طويل عقب 5 دقايق اتصل علي لسعود يدوره يوم
سمعت شما اسم علي يلست تتسمع .
سعود : هلا علي
علي : اهلين وينك اتنه ؟
سعود : انا في الصاله اطالع فلم ويا الينيات
علي : اي ينيات ؟

سعود : لالا ينيه وحده هي والثانيه يبا يقول ملاك بس تذكر ان اللي يكلمه اخوها ..
شما ومهره ..
عصب علي شو تسوي مهروووه ويا سعود ..
علي : انزين بيي اطالع وياكم ..
سعود : انزين يلا تعال ..
دخل علي الصاله واستانس يوم شاف شما ( ( محلوه عن قبل ))
علي: السلام عليكم ..شحالج شما ؟
شما : وعليكم السلام . بخير شحالك انته ؟؟
علي : يسرج الحال . قطع عليهم سعود : حياك علي تعال ايلس
المهم شافوا الفلم وخلص والكل سار حجرته ..
وما استوى اي شي بين شما و علي
في حجرة شما ..كانت مهره ياسه وشما شبه راقده بطلت شما عيونها : بلاج مهره ليش مارقدتي ؟؟
مهره :لالا ما فيه رقاد .. رقدي انتي
خلتها شما على راحتها وهي رقدت ..
ظهرت مهره تشوفلها شغله تسويها . .
وفي حجرة سعوود بعد نفس الشي سعود ما رام يرقد.. يفكر لازم يقول لمهره على اللي في خاطره
ما يستوي تروح وهو ما قالها ..

مهره دخلت المطبخ صبتلها عصير حست انه حد وراها صدت وشافت سعود بوزار و فانيله قفطت لانه شكله كان عذااااااااااب ...
مهره :سعووود شو تسوي ليش مارقدت ؟؟
سعود : صبيلي عصير وياج وتعالي بكلمج ..
استغربت مهر ه من هالطلب المهم صبتله عصير لكن ترددت في الطلب الثاني لكن فضوول تبا تعرف
شو يبا منها ..
عطته العصير . سعود : انزين تعالي برا الحوش بكلمج ..
مهره : لالا اخاف حد يشوفنا ..
سعود : لا على ضمانتي منو بينش اللحين الساعه 3 ..
مهره : انزين يلا انسير بس لالاتاخر ..
ظهروا برا ويلسوا على الحشيش ..
مهره : شو بغيت سعوود ؟؟
سعود: ابا اقولج شي بس اباج تفهميني وتتريني لين ما اخلص كلامي .
مهر: انشالله بس يلا بسرعه اخاف حد ينش ..

سعود بروحه مب عارف كيف يبدأ لكنه تشجع ..
سعود : انتي يمكن اول بنت اشوفها وتدخل بالي .. من زمان ابا اقولج عن هالشي بس
كنت خايف انج تكونين مب متقبلتني ..
قفطت مهره ..

سعووود :بس ابا اقولج كلمه .................... ……………………….

I love you

وقفت مهره بس سعود مسكها من ايدها ويلسها ..
سعود : يلسي انا ما خلصت كلامي ...انتي بعد عندج نفس الشعور ولا لا؟
قفطت مهره : اي شعور ؟؟
سعود : do you love me ??
مهره وبخجل و عيونها لزقن بالارض : مالك خص . ههههههههه
سعود : مالي خص انزين ما عليه مهرووووه . .

بس فهم شو قصدها ..
نشت مهره وهي قافطه وسعوود تم يالس في مكانه و قلبه و عيونه صوبها.. .. وارتاحت وسعود بعد نفس الشي ارتاح .. وساروا
يرقدون براحه .

كيف ما أحبك وأسمك
في داخلي مكتوب ..

كيف ما أحبك وصوتك
لا طرا قلبي يذوب ..

يوم الجمعة الصبح كلهم نشوا الساعه 9 بس مهره وسعوووود بعدهم راقدين ..
كانوا اهل العين يتجهزن لانهم بيروحون عقب الغدا ..
ام خالد وام عبدالله ويا البنات كانن ياسات في الصاله ..
ام عبدالله : قومي روضه امي وعي اختج ورانا درب..
سارت روضه توعيها وردت ..
فوق كانت مهره طالعه من حجرة شما تلاقت ويا سعوود
حتى هو كان توه طالع من حجرته ..
ابتسمت له مهره وهو بعد نفس الشي بس للاسف ماراموا يرمسون
علي كان وراهم ..
نزلت مهره سلمت عليهم ويلست والشباب راحوا الصلاه ..
عقب ما ردوا تغدوا واتجهزوا هل العين للسيره
عند الباب سلموا على بعض وقبظوا طريجهم ..

في بيت بو سيف . .
حمد وامه وميره كانوا ياسين في الصاله يشربون جاهي عقب الغدا
رن تيلفون حمد وكان المتصل سيف (( اللي في مصر ))
حمد : الوووو السلام عليكم .. شحالهم هل مصر ؟؟
سيف : وعليكم السلام ..بخير هل مصر يسلمون عليكم هههه شحالك ؟؟
حمد: يسرك الحال شو مسوي في الدراسه ؟؟
سيف : نشقح والله المهم ما بطول عليك بس لاتخبر حد خلها سوبرايس ..
حمد : شو هي السوبرايس ؟؟
سيف: تروم تيني مطار بوظبي الساعه 9فليل اليوم ..
حمد : افا عليك انشالله .. (( بس ما قال شي ثاني عسب ما يوضح لهله ))
سيف :تمام عيل مثل ما تفقنا لا تخبر حد ..سلم عليهم ..
حمد : انشالله ..مع السلامه ..

ام سيف : شحاله اخوك ؟؟ الا ما قالك متى بيرد ؟؟
حمد : بخير الحمدلله يسلم عليكم ..بيرد انشالله عقب شهرين .. ((خرييييط الا عقب 5 ساعات ))

ميره : الله يعينه والله فدييته تولهت عليه ..

وصلوا هل العين بيتهم الساعه 5 وكانت مهره مستانسه من الخاطر وطول الوقت تفكر في كلام
سعود ..
سارن يتسبحن وعقن بعمارهن ورقدن ..

الساعه 9 الاربع وصل حمد المطار عسب يستقبل اخوه (سيف ) وصل سيف الساعه 9 ونص سلم
على اخوه وروحوا البيت ..

في البيت كانت امهم يالسه في الصاله وياها ميره وسهيل وابوهم اتصل حمد تيلفون وردت
عليه ميره ..
حمد :: الو ميروووووووووه اقولج بسرعه ويايه ضيوف جهزوا العشا . ورتبوا البيت
وخصوصا حجرة سيف لانهم بيباتون فيها ..
ميره : انشالله بس منو هم .؟؟
حمد :.. مب وقته اللحين بعدين بتعرفين المهم سون اللي قتلج عليه ..
ميره : انزين خلاص كليتني ما قلت شي .. يلا باي ..

سارت وخبرت امها ويلسن يرتبن الميلس وحجرة سيف .وزادن العشا ..

وهم يترقبـــــــــــــــــــــــون هالضيف

منو بيكون ؟؟

وصلوا حمد وسيف البيت بس دخلوا من الباب اللي ورا عسب محد يشوفهم من الدريشه..
دخل حمد البيت وخلى سيف يترياه برااا وتم يزاجر ..
حمد :: امايه امايه وينج وصـــــــــــــــلوووووووووووووووا ..
ام سيف : يلا نزين سير دخلهم الميلس ابوك واخوك هناك ..
حمد : هي انزين انتي ما بتين ؟!
ام سيف: وين ايي عند ربيعك ؟؟
حمد : ههههههههه حليلج امايه تعالي وزجري ميرووه وياج ..
ام سيف : انزين يلا بني وبنشوف اخرتها وياك . وسارت تزجر بنتها عسب تدخل وياها ..
دخل حمد الميلس وزجر سيف وياه ..

المهم سلموا وقبـــــل ما صدقوا في هالوقت دخلت ام سيف ويا بنتها ..
ميره : امايا تعالي ريال غريب هني ..
غبيه ما عرفت اخوها
ام سيف : خسك الله يا حمد جانك زاجرنا عند الريايل ..
وكلهم يطالعون ام سيف وميره ويضاحكون الا سيف كان صاد ويه الصوب
الثاني ..
صد عليهم سيف: ماما ازيييييييييييييك يا ماما ههههههههههه....
ام سيف : سوووووووواف كيف يييت ؟؟ وحضنت ولدها وسلمت عليه وميره بعد
نفس الشي ويلسوا يسولفون لين عقب..

في العين في بيت بو عبد الله ..الساعه 11..
عقب ما تعشوا وخلصوا كل حد سار حجرته ((في حجرة روضه ))
كانت روضه ياسه تسحي شعرها وادهنه عسب ترقد وراها مدرسه بالباجر .. دخلت عليها مهرووه ..
مهره : روضوه ما رقدتي ..
روضه : لالا ياسه اسحي شعريه تبين شي ؟؟
مهره : هي اباج في سالفه .علقت روضه عيونها على مهره ومهتمه بالسالفه .
روضه : ها شو السالفه ؟؟
مهرة : تحيدين يوم كنا البارحه نشوف الفلم ويا سعود عقب ما خلص ما ياني رقاد
ظهرت المطبخ ............وقالتلها السالفه واللي استوى ..
روضه : حلفي .. ما اصدق ..قالج love you I..
مهره: والله العظيم..
روضه: انزين شو شو كان شعورج ؟؟
مهره : ييييييي عااااد رووضوه محد يقولها شي ..
روضه : انزين خلينا نستفيد من خبراتج .. ههههه
مهره : جب يلا رقدي ودري عنج هالسوالف ..
المهم انه هي فضت اللي في خاطرها..
_______
اليوم اللي عقبه ((الاحد ))
نشت مهره ووعت روضه صلن وتلبسن حق المدرسه ونزلن
سلمن على امهن وابوهن وروحن ..

والكل راح للدوامه وشغله ..
في مدرسة مريم وحمده كانت مريم يالسه مع ربيعتها ((صديقة الطفوله )) نهله يسولفن..
نهله ماشالله عليها حلوووه جمالها ما ينوصف بس فووووق هذا بنت متربيه وحشيم ومتواضعه اللي يشوفها
يقول انها خقاقه وجي لكنها بالعكس .. نهله واااايد قريبه من مريم لدرجه ان اسرار كل وحده عند الثانيه .

مريم : اقوول نهلووووه من زمان ما ييتي بيتنا ..يلا انا اليوم عازمتنج ..
نهله : انا ما ارووم اردج لكني بشاور امي وانشالله برد عليج ..
مريم : على خير انشالله .
في هالوقت دخلت عليهن حمده ..
حمده : ها اشوفكن منقعات فيه خيانه خليتني بروحي ((دومها رزه .. انزين خلي اختج ويا ربيعتها في كل شي مشاركتنها )) ..
نهله : حياج تعالي يلسي ..
حمده :لالا بستوي ثجيلة دم جي بروح احسن (( زين يوم عرفتي عمرج ))
مريم : طالع هااي ..حمدوووه يلسي وين سايره ..
حمده :اوه اوه اونه ما يرضون على زعليه هههههههههاي .. لالا بسير ويا ربيعاتي ..
كانت مريم ربيعاتها غير عن حمده صح انهم توأم لكن كل وحده صفاتها غير ..
مريم : هاديه وحبوبه ..
حمده :عكسها ربشه وحشره ..مزعجه ...

عقب ما خلص الدوام كل حد رد بيته ..

في بيت بو خالد
ام خالد وبناتها كانن ياسات يترين الشيبه ايي عسب ياتتغدن ..
دخل عليهن بو خالد : ها يلا بناتي دورن تغدن ..
يلسن كلهن االا شما تعذرت اونها تعبانه من الدوام ..
بس مب هذا السبب كانت مضايجه من الخاطر يا ترى ليش ؟؟

الساعه 5
اتصلت نهله لمريم وقالتلها انها بتي يوم الاربعا..

في حجرة شما ..
كانت يالسه تفكر ((علي ليش ما كلمني يوم يا هني شفته اكثر من مره ..
شوو يعني هو ما يحبني ..يلعب علي .. بعدين هو ما قال ولا مره انه يحبني ..
مجرد انه كان يطالعني بنظرات اعجاب .. يمكن كانت مراهقه واللحين خلاص ..
بس اللي كنت اسمعه من اهلناااا انه علي لشما وشما ل علي
افففف قهر ..بنيت احلامي على انسان توهمت انه يحبني ويموت فيني ..
_
لكن علي مستحيل يسوي جي في شما يموت في الارض الي تمشي عليها
بس شو يسوي هو طبعه جذي اذا حب ما يبين .
عقب طفح الكيل عند شما ما قدرت تتحمل هالافكار اللي توديها وتيبها انفجرت
من الصايح بصوت ينسمع ..

في هالوقت كانت مريم سايره صوب حجرتها لكنها يوم سمعت اختها سارت لها
بطلت الباب ودخلت لقتها راقده على بطنها وتصييح ..
مريم : شموووووه شو بلاج تصيحيين ؟؟
شما: مافيه شي ..
مريم : لا فيج شو ما فيج شي وتصيحيين جي ؟؟
شما : قوموا عني خلاص ما ابا اشووف حد قوموووا ..
خلتها مريم على راحتها لين ما تهدا شوي وبعدين بتردلها ..
ومر هالاسبوع ويا يوم الاربعا

في بيت بوسيف ..

ميره كانت يالسه في حجرتها ملانه مب عارفه شو تسوي .. رن تيلفونها المتصل كانت حمده بنت عمها ...

ميره : الو السلام عليكم ..
حمده : وعليكم السلام شحالها الحلووووه ؟؟
ميره : بخير تسلم عالغاويه ..
حمده : هههه ما بطول عليج اقوول ترومين تطرشين لي الفلم اللي اشتريته الاسبوع اللي طاف وقالتها كمن شي تباه تطرشلها اياه ..
ميره : خلاص انا يمكن اييكم عقب .
المهم تمن يسولفن شوي وسكرت عنها . .
سارت ميره صوب حجرة سهيل ..

ميره : اقول سهيل شو عندك اليوم ؟؟
سهيل : ما شي والله يمكن اسير صوب بيت عمي محمد ..
ميره : زين عيل بسير وياك ok
سهيل : انزين يلا انا بسير عقب ساعه ونص ..
سارت ميره و طلعتلها تنوره ورديه ((فووشي)) مع تي شيرت نص كوم ابيض و فيه فصوص صغيره فوشيه و حطتلها جحال و قلوس وردي وطالعه بااااربي ماشالله عليها خخ
في بيت بو خالد ((محمد )) الساعه 6 اتصلت نهله لمريم وقالت لها انها بتي ويا امها بما ان ام نهله ربيعة ام
خالد .. ((بيون الساعه 7))..
الساعه 7 وصلت نهله ويا امها ((وديمه )) لبيت ام خالد .سلمن على بعض وسارن البنات الميلس
وتمن الحريم في الصاله ..
كانن البنات يسولفن عن المدرسه وسوالف البنات ..
مريم : نهلووه عقي عباتج محد هني ..
نهله : لالا اخاف حد يدخل علينا ..
حمده : لالا منو بيدخل يعني اخواني كلهم معرسين وما عندنا حد وسعود ما بيرد اللحين ..
سمعت كلامهن وعقت عباتها وشيلتها ..
وكانت لابسه تنوره زرقااااا و عالجسم و بودي ابيض مع ازرق جناااااان .. ولافه شعرهاااا البني بطريقه خربطيشن بس ناايس و كم خصله نازله ع ويهااا << شكلها جنان ..
الساعه سبع ونص وصلوا سهيل وميره بس طبعا الدريول هو اللي يا يبنهم لانه سهيل ما عنده رخصة سواقه ..
شافت ميره ليتات الميلس مفتوحه قالت لسهيل يدخل لانهم ضارين الشباب يلسون في الميلس هالوقت ..
وهي سارت الصاله ..

في الميلس ((بعده سهيل ما دخل ))
من السوالف نسن يضيفن البنيه انتبهن لعمارهن ونشن ..
تمت نهله بروحها كانت يالسه عكس الباب ((يعني عاطيه الباب ظهرها ))
دخل سهيل ..
نهله يحليها ما انتبهت ياسه تلعب في تيلفونها و اتلف خصلتها ع صبعها

وهو يتحسبها مريوم ,,هو عادي عنده يدخل عليهن متحجبات مب متحجبات عادي متعود عليهن
رابي وياهن وهن بعد نفس الشي يعتبرنه اخوهن ..
تجدم شوي وتقرب من عندها ......

نهاية البااارت الاول ..

شو رايكم ف البااارت الاول .؟
شو تتوقعون يستوي ...؟؟

شو تتوقعون يستوي بين سهيل ونهله ؟؟

شما & علي ؟؟

مقاااااااااطع من الجزء الثاني ..
ِ

سهيل :الصراحه هي ..

علي : انزين في اي مستشفى هي ؟؟

عليا : عيل بقولج فكينا من حشرته وخذي رقمه وطلعوني انا من السالفه

رووووووووعه × رووووووووووووووووووعه ^_^ تسلمين الغلا عالبارت الاول ..وترياا البارت الثاني ^_<

يتبع

مهره : روضووه شو بلاج ..منو متصل ..

روضه : لطيفه ........اهىء اهىء ..............سوت حادث .
انفجرت مهره من الصايح ..
ونزلت عند امها واول ما شافتها طايحها تمت تزاعق على اخوانها اللي سمعها علي ..
علي :شوبلاج مهروووه ,, وطاحت عينه على امه .. شوفيها امايه ..تكلمي ..شو استوى ؟؟
مهره: لطيفه سوت حادث واول ماسمعت بالخبر طاحت ..
علي : انزين في اي مستشفى هي ؟؟
مهره : مادري والله رد اتصل على الرقم اللي توهم متصلين منه وسألهم ..
علي : انزين هاتي قطعة شكر يمكن السكر نازل عندها .. سارت مهره ويابت ويوم عطوها نشت ..
ام عبدالله : ودوني عند بنتي ؟؟
علي : انشالله امايه .. وطبعاً عقب ما تأكد انها في مستشفى زايد العسكري ..
بعد ربع ساعه وصلوا المستشفى سألوا عن مكانها وقاللولهم انها في قسم الحوادث ..
وعلى طوول راحوا لها ..
وصلوا عندها وعلي سار يستفسر عن حالتها عند الدكتور فقاله الدكتور بأسف انه العمود الفقري متحرك ويباله عمليه ..
فقرر انه يسفرها برع للعلاج .. وهو طالع من حجرة الدكتور شافهم يسحبون واحد ((على السرير)) تأمل شوي فويهه ..
علي : هالويه مب غريب ..............حامد .............مبلا هذا حامد

((عقب بتعرفون شو سالفة حامد هذا )) ..
سالفته سالفه .. المهم كملوا وبتعرفون ..
^
^
^
^
^
^
^
^
^
^

انتشر الخبر هذا في العايله والكل حزن على هذا الخبر.. الشئيم ..حليلها لطيفه ما تستاهل
لطيفه يوم الواحد يشوفها من اول مره يحس انه فيها غرورو تكبر لكنها عكس هذا تماماً
بس هي جذي لانها مرت بظرووووووووووف واااايد صعبه .. في بداية شبابها ..
بتعرفونها عقب شووووووووي ..
يوم اليمعه لصبح ساروا لها المستشفى
علي وامها وروضه ومهره..
علي شاف اخوحامد في الممر فقرر ان يروح له .
علي : امايه .ا.نتوا دخلوا عندها وانا اللحين بيي ..
دخلهم هم وهو سار عند اخوحامد ((اكبر منه ))
علي : السلام عليكم ..
عامر : وعليكم السلام والرحمه .
سكت علي شوي ..
علي : ما عرفتني عامر ..؟
عامر قعد يفكر ..
عامر : لاوالله بس ملامحك مب غريبه عليه ......منو الريال ؟؟
علي : وياك علي عتيج عبدالله ..
عامر :يا مرحبا والله وينك من زمان ما شفناك ..
علي : والله شو نسوي الدنيا تلاهي وكلاً لهى بعمره .. الا عسى ماشر شو تسوي انته هني ؟؟
عامر : والله اخويه حامد مسوي حادث وانته شو عندك ؟؟
علي : والله حتى انا الرضيعه مسويه حادث وهي راده من طريج دبي ..
عامر :الله يكفينا شر الحوادث ..الا تعال قرب ..
علي : قريييييييييب انشالله ..
عامر : افا علييييييك حياك ..
ودخل علي غرفةحامد سلم عليه وعرفه على عمره لانه من زمان واكيييد ناسنه وسأله علي كيف سوى الحادث (( ظهر عنهم عامر .))
حامد : والله مادري كنت ياي من طريج دبي مسرررررررررع ودعمت وحده طالعه سيارتها بينز رصاصيه من اللفه وكمل علينا تاكسي والله ما يندرى بالبنيه شو استوابها..
علي : سيارتها بينز رصاصيه ........تعرف منو هاذي ..
حامد : لا والله ماعرفها ..
علي : هذي لطيفه اختي ..
انصدم حامد الله يادنيا لطـــــــــــــــيفه ..
لطـــــــــــيفه
لطيـــــــــــــــفه

^
^
^
^
كملوا سوالف وحامد بعده مصدووووم وعقبهها ترخص منه علي وسار صوب حجرة اخته ..
في غرفة لطيفه ترخصن عنها امها وروضه لانه عبدالله يا وشلهن عسب البيت فاضي ما فيه حد بس تمت
عندها مهره اختها ..
دخل عليهن علي سلم على لطيفه ويلس ..
علي : اقوووول لطيفه .. شو نوع السياره اللي دعمتج ؟!
لطيفه وهي مب قادره تتكلم من شدة الالام اللي فيها :
اكس فايف بس حتى هو لف عليه تاكسي وادعمه
عقب ما تأكد علي ان حامد هو اللي داعمنها
علي انتي تعرفين منو هذا اللي داعمنج ..
لطيفه : لاوالله مادري ..
علي : هذا حامد بن مبارك عرفتيه ؟؟
لطيفه : حامد ؟ ودمعت عينها لانها تذكرت سالفه كانت تحاول تتناساها لكن كيف وهالقصه ضيعت احلا سنين من عمرها
وجزء كبير من حياة لطيفه لكن شو تسوي مب ذنبها اللي استوى ؟؟
يا ترى شو سالفة حامد مبارك هذا ؟؟
\
\
\
يلس علي وياهن شوي وعقب روح عنهن ..عند الدكتور



في بيت بوجاسم . .
ماتكلمنا عنهم وايد لانه اشخاص هالعايله مب وايد .. محد في البيت غير راشد وامل وامهم وابوهم والباقي معرسين
كانت عليا بنت بوخالد عند بنت عمها امل ياسات يسولفن وراشد يالس في الصاله تحت ..
عليا : اموووول تدرين لطيفه بنت خالي سوت حادث ..
امل : جذابه..............حرام يحليلها .. ما تستاهل ..
ويلسن يسولفن ومن بين هالسوالف ..
عليا : بقولج شي بس لاتفهمين غلط ..
امل : قولي ما بفهم غلط ..
عليا : احمد ولد خالي قالي انه ............................ههههههه .............استحي ..
امل : شو قاااااااااااااااااااااال ..
^
^
^
^
عليا : اونه يحبج .. حشرني . كل ما يشوفني يسألني عنج والله مرات يتصل الساعه 12 فليل ع البيت اونه شحاالها غناتي ..
يهذيبج ..
امل :تبين الصراحه يعني احمد يعيبني حتى انا اميل له
عليا : عيل بقولج فكينا من حشرته وخذي رقمه وطلعوني انا من السالفه ..
امل : نعم نعم شو اخذ رقمه بعد هاي ؟؟ لالا مابا ..
عليا : عادي شو يعني ؟؟ انا بدقله اللحين وبشووفه
امل : اتخبلتي انتي شو بتقولين ؟
عليا : صبري اللحين بتعرفين ..
واتصلت حق احمد ..
عليا : الو ياااا مرحباااا
احمد : مرحبتين
عليا : انا عند امووله ..
احمد : حلفي حلفي سلمي عليهاااااا
علياااا : اييه اجلب ويهك انته شو مستويه مطراااش بينكم
احمد : يااابوج تراج انتي الواصل اللي بينا
عليااا : يالغبي خذ رقمها عندها موباايل ترى ورمسهااا
احمد : اممم انزين اخاف اسبب لها مشكله
عليا: لا ما عليكم انتوو يالخواااافين
احمد : جلبي ويهج مب خواف انزين بس عن اسويلها مشكله ويا اهلها ولا شي
عليا : لا عادي عقب ما تكلمك بتمسح الارقام هي
احمد : خلاص شورج وامرنا لله ..
عطيني الرقم
عليا :اوكيك **********
وسكرت عنه ..
امل : والله اخاااااف اخواني يشوفوونه ولا يعرفون بيذبحوني

عليا : لالا انتي عقب ما تخلصين امسحي الارقام اوكي ..
امل : خلاص اوكي ..
عليا :الله بتستوي عندنا قصة حب يديده ..
امل : هههه الله بسنستوي روميو و جوليت .

^^^^
من صدقج انتي ويااااااااهاااااااااااااا


عند لطيفه في المستشفى الساعه 4 يالسات هي ومهره .. بس
مهره : اقووووول لطيفه منو حامد هذا اللي يقول عنه علي ..
سكتت لطيفه شوي وهي اتطالع اختها بنظرة حزن كانها تترجاها سكري الموضوع لكن لازم اتطلع اللي في قلبها ..
لطيفه : حامد سالفته طويله هم نسوها لكن انا اللي ما نسيتها انا اللي كل ما اتذكرها اتالم ..
على قولتهم الصافع ينسى والمصفووووع عمره ما ينسى . . ونزلت دمعه من عينها وقعدت تتذكر اللي استوى
كانه شريط وينعاد ..
مهره : شو سالفةحامد ؟؟

لا تستعيلون اللحين بتعرفون كل شي من لطيفه ..

لطيفه :ابو حامد كان ربيع ابويه وايد ماكانوا ربع وبس كانوا اكثر من اخوان . عنده ولدين عامر وحامد عقب ما توفى بو عامر بسنتين عرست امهم وخلتهم بروحهم كان عمر عامر 16 سنه وحامد 14 يعني كان في نفس عمري خذاهم ابويه
عنده ورباهم معانا يمكن انتي ما تتذكرين لانج كنتي صغيره المهم كبروا وخلص عامر ثانويه وسافر يدرس برااا وخلا
اخوه معانا وكان وقتها عمره 16 سنه حامد حبني وانا بعد نفس الشي وكنت اكلمه من وراهم وكان هالحب يزيد كل يوم
اكثر عن اللي قبله ما تتخيلين كيف كنا ..
بس كان الحب اللي بينا مجرد حب ما يتعدى ع الشي هذا واقسم بالله العظيم انه ماستوى اي شي بينااااا
ويوووم درا ابويه بالسالفه طرد حامد من البيت عقبها باربع سنوات يا حامد واخوه عسب يخطبوني من ابويه
بس ابويه الله يهديه فهمهم اني انا اللي رافضتنه عقب ما طلعوا من البيت اتصلبي حامد يهددني ..
ان ماوافقتي بفضحج تفهمين باتبلى عليج ..
طبعا انا ما بيديه شي وصلهم الرفض لللمره الثانيه ومن غيض حامد تم كل ما يشوف حد يرمس عني
برمسه مب زينه ويتبلى عليه .. نقعت لطيفه من الصياح ..
قامت مهره وحضنت اختها بالقوووو..
مهره :ما تستاهلين حبيبتي ..
.................................................. .

علي عند الدكتور ....

علي : يعني ما شي امل
الدكتور : لأه ما تأوولش كده يا استاااااز الأمل لسه موقوود
علي : يعني نسفرهاااا برااا
الدكتوور : ايووه ازااا بتاأأأدر باااسرع ما يمكن
علي : انشالله بطرش اورااقها انااا
علي طلع من عند الدكتوور و الدنياااااا مسوووده ف عيونه تلاقى وياااا عامر
عامر : شو بلاك ياا علي شكلك تعباااان ..
علي : الله يسلمك الدكتور قال انه الرضيعه يااهااا شلل و اللحين ما بترووم تمشي
عامر : لا حول ولا قوة الا بالله واللحين شو بتسوي
علي : بسفرها انشالله باقرب فرصه
عامر : انزين انا طرشت اوراق حامد المانيا اعرف واحد من السفاره وانشالله بيسهل الاموور تباني اطرش اوراقها ..
علي: والله تسوي خير يااا خوويه ..
عامر : افااا عليك لا تقوول جي احنا اهل ..
على : مشكور و ما تقصر ..
عامر : افااا عليك بس انته لا شكر على وايييب ..
ترى حامد استوى عنده كسر بسيط ف الراااس و ايده انكسرت ورضوض ف ريووله ...
دخل علي عند لطيفه و مهره ..
لطيفه رااقده .
مهره : هااا علي شو قال الدكتور
علي و يحاول ما يبين شي : لا لا كل خير انشالله و بتظهر من المستشفى قريب انشالله ..
مهره تطالع علي بنظرة استغراااب وبصووت واطي : اكييييد
علي طالعها وقالها تعالي شووي ..
وقفووا عند البااب ...ويرمسوون بصووت واطي
مهره : شوو مستووي ..؟!!!!!!
علي : ياابوج ماعرف شو اقوول بس مابا لطيفه تدري اللحين
مهره : خوفتني شوو صااااااااير شو قالك الدكتوور ..
علي : انشلت يااا مهره انشلت لطيفه انشلت ...
مهره وتعلي صوتها : شوو شوو تقووول يعني ما بتمشي
علي :شووووووووووووووش وطي صووتج ماباااها تسمع اناااااا
مهره ودمووعها تطيييح : فديتهااا والله ما تستاااااااااهل ما تستااااااااااااهل
علي : خلاص انا قررت اني اسفرها وباااقرب فرصه انشالله ..
مهره : انزين طرش اوراااقها اللحين ..
علي : عطيت اورااقها عامر وهو يعرف حد ف سفاارتنا اللي ف المانيا وطرش اوراق اخوه واللحين بيطرش اوراق لطيفه بس ادعولها انتوو
مهره :بس الله يستر امي شو بيستوويبها يوم بتعرف ..
علي : تحملي تخبرينها ما نبااها تدري
مهره : عيل كيف بتسفرها وامي ما تدري
علي : ما عليه بقوله اني بسفرها تعالج عن كسر ف ريلها ..
مهره : خلاص اوكيك تعاااال داخل عن تنش وما تحصلنا
علي : يلا عيل
دخلووا ولقوا لطيفه واعيه وتمش دمووعها ..
علي : شو بلاج .؟؟؟!!!
لطيفه : هااا لا ول شي بس حلمت بكابووس ..
علي : بسم الله عليج ..
لطيفه : شو قال الدكتوور ؟؟!!
علي : هاا.... لا كل الخير كل الخير وبتظهرين قريب ..
مهره : يلا عاد لطووف شدي الهمه وخذي دواج عدل عسبة تظهرين بسرعه
لطيفه : علي اناااا مب ياااااااهل عشان تقصوون علي
علي : فديتج شو نقص عليج ؟؟
لطيفه : ادري يا علي ادري وانا ايمااني بالله قووي و راضيه باللي يصير ..
مهره :شو تدرين ؟!!
لطيفه : اللي قالج عنه علي ..
علي : شوو قلت لها انااا ؟!!
لطيفه وبابتساامه : اني نشليت وما بروم امشي ..
علي : فديتج ابدا لا تحاتين و انشالله بتساافرين قريب و عامر بيطرش اورااقج اليوم ..
لطيفه : ما عليه وما تقصرون انا الحمدلله راااضيه بقضاا ربي ...
يت مهره صوبها وحضنتهااااااا ..
لطيفه : بس دخيلكم لا تحسسوني بالعجز حسسوني اني انساااانه عااديه ..
علي : وفعلا انتي انسااانه عااااااديه ..بس اللي نبااه منج انج ما تخبرين امي ..
لطيفه : وهذا اللي انا اباااااه ..

في بيت بو عبدالله ...

عبدالله ياااالس ويا امه و روضه واحمد وابووهم ..
دش عليهم علي و وياه مهره ..
ام عبدالله :ما ظهرووها اختك ؟!!
علي : انشالله بيظهرونها قريب ..
مهره : شحالك عبدالله ..
عبدالله : بخير وسهاله شحالج انتي ؟؟
مهره : الحمدلله ع كل حال ...
علي طالعها بنظره يعني ماله داعي تحسسينهم انه في شي
علي: تراااني بسفر لطيفه تتعالج ..
ام عبدالله : ويدي شبلاهاااااااااااااااااا بنتي ؟؟
بو عبدالله : يا بنت الحلال صبري خلينا نفهم السالفه ..
علي : لا يااا امي ما فيها شي بس كسر ف ريلها وبنوديها المانيا لانها ما بتروم تمشي ع ريلها المكسووره
بو عبدالله : هييي بس يااابويه يعالجوون عن الكسوور هني ..
ام عبدالله : هييي ليش ما تعالجها هني ..
علي : لالا هناك اضمن وخلاص انا طرشت اورااقها ويا عامر ..
بو عبدالله : عااااااامر !!!!
علي : هيي عامر ترى حامد اللي داعمنها .. وهو لف عليه تكسي ودعمه و صاابته كسوور و بيسير المانيا ويانا ..
بو عبدالله : هذااااااااا متعمد ..
علي : لا ياااا بووي هو اصلن ما يدري انها لطيفه ..
بو عبدالله : وانته شدرااك ..؟؟
علي : ترى هوو قالي دعمت بنت وما دري عنها شي
رووضه واحمد شراات الاطرش ف الزفه ..
بو عبدالله : حصل خير .. ومنو بيسافر وياها منكم .؟!!
علي : انا بسير ويااهااا .. و عبدالله ترى بدت الاجازه مالت جامعه الامارات و كليتنا ..
ام عبدالله : ياااااا ولدي شلوني ويااكم خلوني اطمن عليها ..
عبدالله : لا اماااايه والبنات منو بيلس وياهن ؟
ام عبدالله : ما عليهن شر انشالله ابوهن هني ..
بو عبدالله : لالا ماعليه خلي اخوانها يسيرون بس ..
مهره : هيه ياا امي وبعدين اناااا ماروم ايلس بروحي بدوونج ...
روضه و احمد : هي حتى نحنا ما نرووم ..
ام عبدالله : خلاص امري لله شو اسوي بعد ..مع انه قلبي نا غزني احس انكم خاشين عني شي ..ونشت تزهب فوالة العصر ..

بو عبدالله : ابوويه علي قوول الصرااحه شو بلاها اختك ؟!
علي : يااا بووي بقولكم بس امااااااانه ما توصلوون السالفه لامي تفهم ياا احمد ويا رووضه ..
احمد + روضه :انزين ما بنقولها .
عبدالله : علي بلاها خوفتناااااا ؟
علي : لطيفه نشلت ..
نزل عليهم الخبر و الكل تيبس ف مكااااااانه منصعق و روضه تمت تصيييح
عبدالله : وهي درت ؟؟
علي : هيه سمعتنا بس ماشالله عليها ايمانها بالله قووووي ..
بوعبدالله : ماشالله عليها ..
علي : روويييييييض سكتي عن تسمعج امااااياااا ..
روضه تنااااشق: انزين شو يعني نشلت ؟كيييف ؟؟!!!
احمد : يوم انج ما تعرفين شحقه تبااااغمين ؟
روضه : افففف انزين اعرف انه شي مب زين ..
عبدالله : افففف مب وقتكم انتوو بعد
ونش سااار حجرته ..
رووضه : اهئ اهئ اهئ حرااااام والله حرااااام
ودخلت ام عبدالله : ويدي شبلالالالالالاج تصيحين ..
مهره : ماشي بس احمد فر عليها كم كلمه ..
ام عبدالله : احمدووووووه وشو قلت حق اختك يعني انته ما عندك غير المغاااايض تشووف وقته اللحين ..
احمد : لا والله الل,...
قااطعته مهره : لا تيلس تستهبل مره ثاانيه لا تيلس تغااااايض و تفر بلواك غيرك فاااهم .
ام عبدالله : تراه شرات اليهال مادري متى بيعقل ..
و علي وبو عبدالله ناقعين من الضحك ع شكل احمد ..
احمد : استغفر الله العظييييييم اففففف
ام عبدالله : يعني مصفع اختك وبعدك اتنااافخ ..
علي : خيييبه سووه مصفعنهاااا
مهره : هي روويض رااوي امي وين ضربج ..
رووضه : اهئ اهئ امييييييييييييييييييييي ضربني هنييييييي
ام عبدالله تشل النعال واحمد يربع : تعالل هني تعال اقوولك ..
احمد : ههههههههههههههههههههههههههههههه
ام عبدالله : بعد تضحك يا مسوود الويه ضااربنها وبعد تضحك
وتم يربع وهي ورااه و فجأه تخرطفت العيووز
الكل : ههههههههههههههههههههههههههه
ام عبدالله : ماعليه ياللي ما تستحون
بو عبدالله : وانتي شو مربعبج قري مكااااااانج خخخخخ
احمد : زين عشاان مره ثانيه ما تربعين وراااي ..
رووضه : اففف والله انكم متفيجين وسااارت حجرتها و رقعت بالبااااااب ..
علي وهو ينشش امه من الارض : اماااايا مره ثااانيه لا تربعين ما فينا بعد تكسرين
احمد : تراااها تبا تسير المانيا وتبا تسوويلها سالفه ..
ام عبدالله : اسكت انته يامسود الويه ..
احمد: انزيييين وصد صوب مهره : انتي دوواج عندي ..
مهره : والله شو اسوي ما لقيت غيرك .خخخ

ومر هالاسبووع بدون اي احدا ث مهمه .. والكل حاله من الدوام لين البيت و يسيرون عند لطيفه في المستشفى . .. والخبر ماظهر من بيت بو عبدالله ..ولا حتى عند ام عبدالله ..

نسير صوب اهل بووظبي ..
يوم الاربعااا
ام خالد ياالسه وحاطه بنت فهد ع ريوولها و فااطمه و عفرا يسولفن ..
ظبيه : يدووه انتي ليش تشلين حصوه وتلاعبينها وانا لا ..
ام خالد : هههههه
فاطمه : عمووه ترى بدت الغيره خخخ
عفرااا: ههه ترى محد غيرها كان وماخذه الدلع
فااطمه : اقول عموة شحالها لطيفه بنت عمي عتيج ..
عفرا : هي والله حليلها غامضتني ..
ام خالد : توني مرمسه ام عبدالله ياويل حالي عليهاااا بيسفرونها تعالج برااا ..
فاطمه : يحليلها متى بتساافر .؟!!
ام خالد : بتسااافر عقب يومين (( اليمعه ))
عفرااا : هيه ياا حليلها ..
ام خالد : عااد لازم نسير نسلم عليهم لانه الكل بيتيمع هنااك ..
دخلت شماااا : وين بتسيرون ؟!!
ام خالد : بنسير العين بيت خالج ..
شما : شو يمعة الاهل ؟!
ام خالد : هي الكل بيكون هناك عسبت نسلم على لطيفه واخوانها ..
شما باستغراب : ليش ؟!
ام خالد : ترى علي و عبدالله بيشلون لطيفه يعالجونها المانيااا ..
شما والعبره خانقتنها : وكم بيلسون هناك ؟!!
ام خالد : والله علمي علمج يا بنتي بس اكيد مب اقل عن اسبوعين او 3 اسابيع ..
شما : هيي حليلها لطووف .. متى بنسيرلهم انشالله ..
فاطمه تيلفونها يرن ..
فاطمه : الوو هلا والله بالوالده ..
ام جاسم : هلا بالغاليه ..
وعقب السلامااات ..
ام جاسم : عمتج عدالج ..
فاطمه : هي امي هذييه .. عموه امااايه تبااج ف التلفووون ..
ام خالد : عطيني ايااها وخذت عنها الفون
ام جاسم : ياهلا يا مرحبا
ام خالد : يا مرحبا بج زود شحالج الغاليه
ام جاسم : يسرج حالي وشوو من صوبج ؟
ام خالد : ما نشكي بااااس
وعقب السلامات ..
ام خالد : ما بتسيرون ويانا باجر بيت اخويه ف العين ..بنسلم على عياله بيسافرون
ام جاسم: والله خاطري بس بنكلف عليهم ..
ام خالد : لالا ما عليج هي بروحها ام عبدالله عازمتنكم ..
ام جاسم : خلاص عيل انشالله بنظهر ربااعه ..
ام خالد : هي انشالله تزهبووا عقب الغدااا
ام جاسم : انشالله ..
ام خالد : يلا عيل ف وداعة الله نتشاوف باجر
ام جاسم : ع خير انشالله ..
وسكرت عنها ..
ام خالد : اميي عفرااا دقي ع بيت بو سيف
شما : ليش اماااايه .؟؟
ام خالد : بنشوفهم جان بيون ويانا لانه ام عبدالله عازمتنهم ..
شما : هيييي
ودقت عفرا ع بيت بو سيف ..وردت ونيه ..
ونيه ((ام سيف)) : ياا مرحباااا ..
ام خالد : يا مرحبيتن
ام سيف : شحالج ؟؟
وعقب السلامات ..وجي
اتفقوا ع اساااس انهم يسيرون اليمعه لانهم ما بيباتون ..
يوم الخميس الكل عقب الدوام تزهب ..
وركبوو سياراتهم كالاتي :
عايله بو خالد :: سيارة خالد ومعاااه (( فاطمه وبنتها و شماوبو خالد وام خالد وعلاياااا )) ..
سيارة فهد( عفرااا و بنتها و مريوم وحمدوه و سعود ))
عايله بو جاسم ::
سيارة جاسم (( شرينه وامل و ميثه بنت جاسم ))
سيارة بو جاسم (( ام جاسم + بو جاسم + راشد + مي و خليفه عيال جاسم ))

واتجهووا كلهم جدااااا دااار الزين ..

نهايه البارت ال 2 ..

شوو تتووقعون بيستوي .. ؟
في انتظاركم عشان انزل اللي بعده