23-06-2010, 11:04 PM
| |||||||||
| |||||||||
 يكفي وجودك ياحبيبي عن الناس والناس ماتكفي ابد عن وجودك السلام عليكم ورحمة الله وبركاته شحالكم .. شخباركم..؟ طبعا جفتو نكي ادلع عيناوية محطية رواية ..!! الصراحة ماقدرت اقطع واهد الكتابة عندي افكار ابي افجرها خخخ هاي روايتي الثانية من بعد رواية :- انا مااقدر على فرقاك ولا ظني بدونك دنيتي حلوة ( ميرة + منصور ) اذا عيبتكم هالرواية ان شالله بكملها لكم وان شالله تحصلون تقدم مني عقب هاييج الرواية واذا في نقد لا تخشون اي شي ملاحظة : راح تتعرفون على الشخصياات بمرور الاحداث احداث القصة فراس الخيمة اي شي مب مفهوم ومبهم خبروني ^^    الجديد قريبـآآ على منتدى فزآع للمرة الثآلثة على التوآلي تعرف اني يوم أشوفك اشعر برآحة وامآن وآسآل ظروفي وظروفك وين انته من زمآن  |
|
23-06-2010, 11:06 PM
| #2 (permalink) | |
|
عضو متميز 
 | (( البـــــــــــأرت الاول )) صوب كورنيش القواسم كنا نتمشى نورة : تعرفين ان ليلى امس قدمت اوراقها لجامعة زايد عواش : نويييير اخ لـأ تذكرييني والله من عقب ماااتخرجت صابتني حالة اكتئاااب ملل ملل محد حاس فيني نورة : هههه يعني انا اللي حسو فيني عواش : لا هم راضين يخلوني اسافر ولا اشتغل شسوي يعني في البيت اجابل الصغارية والله محد غيرهم مونسني نورة : كل اللي تخرجو حصلو لهم واسطات واشتغلو والا انا وانتي حتى ولا خطيب يانا ههههه عواش : هههههه هيه والله صدقج نورة : شو رايج تيين ويايه البيت اميه مسوية لج هاك العشى اللي مابترومين تنشين منه عواش : يالله سرينا عقب سرنا بيت خالوه ام نورة عواش : السلام عليكم ام خليفة : هلا هلا والله حيــــــأأج عويش اقرربي وسلمت عليها وعقب حدرت حجرة نورة صلينا ونزلنا تحت نورة : عواش انتي صدق بتيلسين فالبيت عواش : انتي شو رايج وين اسير يعني مب راضيين اشتغل وانا صراحة مالي خاطر اتناقش وياهم نورة : انا بحاول اقنع خليفة بقوله ابا اشتغل نقزت لنورة : يا ويييلج ان خونتي واشتغلتي وتميييت اناا يالسة فالبيت نورة : هههه ان شالله تبيني استوي شراتج اسمحيلي والله عواش : اووووف جفتي عاد حكم القوي على الضعيف خليفة : احم احم الله الله تعذبت ياوييلي ,,, فديت انا هالصووت خليفة : السلام عليكم نورة وعواش : عليكم السلام والرحمة خليفة : انا جفت بيتنا مظلم بس ماعرفت شو السالفة حتى فكرت انه مش بيتنا عطيته نظرة : اسير يعني ..!! يمكن يرد النور لبيتكم خليفة يلس : هههههههههههه اسولف والله يت ام خليفة ويلست حذاله :اكيد خبلت ببنت خالتك ماتيوز عنها ,, اووف حتى انا مخبل بي وصل 33 وبعده ماايووز من سوالفه خليفة : هه اميه 32 مب 33 لا تكبريني ام خليفة : اكبر واحد وماعرست واخوك اللي اصغر عنك عرس الا انته ماادري شو عايبنك بالعزوبية خليفة : ماحصلت بنت الحلال اللي تناسبني وتطالعني ارتبكت : بنات الحلال وايدات وفبيوتهن ميلسات بس يترين ولد الحلال اللي ايييهن خليفة : خل اخلص واخذ شهادة الماجستير والدكتوراة بعدين بتفررغ للعرس نورة : وهاي ان شالله جم سنة يبالها خليفة : انا باجي لي 3 شهور وان شالله يايينكم الدكتور خليفة ام خليفة : يعني بتسيير بلاد الغبر 3 شهور بعدك خليفة : هيه اميه شو تتحرين هالشهادة لعبان نورة : الا ويينهم محد فالبيت غيري انا وخليفة ام خليفة : اخوج سعيد محد مدري وين ارضه واظني عبدالله ويا حرمته وعقب 10 دقايق حطوا لعشا وسرت انا البيت دخلت البيت طبعا هادي من طبايعه بس اول ماحدرت الصالة استلمتني حرمة اخويه شيخة : وين كنتي .؟ عواش : الناس تقول السلام عليكم .. وبعدين من تكوني عسب تساليني وين اكون شيخة : لا والله انا حرمة اخوج واكبر عنج وافهم عنج عواش : انا مابرد الا للي يستاهل الرد وعطيتها طاف وسرت حجرتي عواش : اوووف انا ليش اتلاسن وياها بعدين احمدوه بييني يوااجعني ناقصة انا امل : هااااااااي عواش : بسم الله زيغتيني دقي الباب انزين امل : ههه ماصار شي . شو تسوين .؟ عواش : تووني حادرة الحجرة خير بغيتي شي امل : بسوولف وياج بسم الله علينا كفاية مااجوفج غير بالويكند وكله بالجامعه | |
| |
|
23-06-2010, 11:11 PM
| #3 (permalink) | |
|
عضو متميز
| احمد فتح الباب بسرعة : عواااااااااااااااش اكيد خبرته هذا اذا مازادت رمسة من عندها احمد : شعنه متلاسنة ويا شيخة انا جم مرة مخبرنج احترميها والا انتي ماتعرفين الاحترام عواش : اعرف بس شكلها هي ماتعرف احمد : عواااش من احيينه اخبرج اذا يتني شكوة مرة ثانية منها ياويلج تفهمين وصكرر الباب بقوة عواش نزلت راسها : اووف شو هالعيشة امل : انتي ليش ترمسيها اصلا هاي جاهلة عطيها طاف عواش : والله اني ماقول لها شي بس هي تالف رمسة من عندها , تخيلي كل يوم فالليل ايي يهزبني لانها مجرجتنه عليي الصبح اليوم اللي عقبه عواش وامل وامهم ام احمد يالسات يتريقن ام احمد : انتي متى بتزهبين اغراضج امل : زهبتها امس بس اتريى ولدج ينش ويودييني عواش : اميه ليش ماترمسين ابويه قوليله خليني اشتغل اميه والله طفرت من يلسة البيت ام احمد : نحن مانخلص من هالسيرة قالولج لا خلاص يعني لا عواش : انزين ليش اميه والله البيت ملل محد حاس فيني ام احمد : عوااش انتي مول ماتسمعين قلنا لج لا يعني لا ماشي شغل قهرررتني رمستها وفرييت عمري طلعت للحدييقة تمييت اصيح: ليش كل شي اناا لا لا من انولدت وكله اسمع كلمة لا شو هالعالم اللي مايحسون ..................... : حتى انا مااحس فيج صديت لورا اجوف منو ها : خليــــــــــــفة ..!! خليفة : عواش حطي عينج بعيني تمييت اتطالع عينه وانا كلي احساس ويقين اني برتاح ,, محد حاس كيف خليفة يريحني من الهم اللي انا فيه صح بيننا 9 سنين بس انا واايد متعلقة فيه , خااطري اطييح بحظنه ,, هاللحظاات اللي اجوف عينه فييهاا تنسييني انه هو اختار الغربة علي تم يدررررررس 8 سنين برع وانا كلي امل ايي يخطبني ارتبكت ونزلت راسي وقلت : انته شو تسوي هني .؟ خليفة : ياي ازوور بيت خالتيه فيها شي .؟ ضحكت وقلت : لا مافيها شي بس اكيد شي مناسبة خليفة : باجر بسير بلادي جيمت وعقب فترة قلت : بلادك ها .؟ اكييد جايف حد هناك اكيد اكييد يالله قوول قوول ههههه خليفة : ههههههههههههه محد بس 8 سنين مب هينه عواش : حياك اقررب وحدررنا الصالة عند قوم اميه شيخة في الحديقة : ههههههه العاشق والعاشقة لقاءهم اليوم بالحديقة معليه يا عويش ان ماخليت خليفة يكره وحدة اسمها عواش ماكوون بنت اميه بو احمد : الا جم باجي لك خليفة : 3 شهور وان شالله مخلص بو احمد : شد حييلك ها خليفة : افاا عليك مبيض الويه ان شالله اوني بسوي لي شغلة قلت خلني انا بقدم العصير خخخ وسرت لهم الصالة سرت صوب الوالد اول شي بو احمد : سيري عند الضيف اول سرت صوب خليفة وماحسيت الا الصينية احتاست وكل القلاصات انجبت فوق كندورة خليفة عند حظنه عواش : انا اسفة والله اسفة وتمييت اشل القلاصات بو احمد : عمية انتي عمية فضحتيييييييينا عند الرياال اذلفي عن ويهي لا ابرركة فيج ام احمد : جم بعلم اناا جم بعلم الله ياخذ الساعة سيري المطبخ خليفة : عادي عمييه مااكانت تقصد البنت الا الصينية روحها احتاست هي مالها خص سار الحمام ( عزكم الله )غسل كندوورته اللي كلها عصير خليفة : وين سارت يحلييلها طيرو حمامة فوادها فدييت العصير جان انه انجب من عندج كل شي يهون بو احمد : اسمحلناا اسمحلناا ياا ولدي هااي مول مااتعرررف شي | |
| |
|
23-06-2010, 11:18 PM
| #4 (permalink) | |
|
عضو متميز
| خليفة : بالحل عمي حصل خير حصل خير ,, يالله انا ياي اسلم عليكم ومروح وركب سيارته وسار وتم ابويه اميه يواجعوني وكان بيضربني ابويه بس اتدخل اخويه علي بو احمد : ان جفتج داااخلة المطبخ مرة ثانية ياويلج موول لا تحطيين ايدج بشي فااهمة لييش يهزبووني انا مالي دخل شوو هالعايلة والله بكل افتخاار اقوولهاا انه تخلف شيخة حادرة المطبخ : اظني السيد خليفة حرم انه يجرب منج عقب هاي السالفة هههه كرهتج ويا هالويه اكتفيت بنظرة وسرت عنها بيت ام خليفة خليفة : انتي خبريها والله حرام فشلوها جدامي نورة : انزين انزين بخبرها وسلم على اهله كلهم وبعد الوداع الحار سار بعد نص ساعة نورة : ههههه والله هو خبرررني عواش : انزين جاان حطه بلساانه وسكت نورة : ها يزاه الحينه يعتذر عواش : ليش يعتذر المفروض انا اللي اعتذر منه فشلة والله فشلة ,, هااي اكييد من عين شيخوووه نورة : شخصها وحليلها عواش : بلاج ماتعرفيني خليني ساكتة هاي الحية تخاف منها نورة : هههههههههه قصوورها مريوم تستوي جي عواش : الـأأ قولي حرمة محمد نوال كل النفاق بعيونها احيانا وياي واحيانا ويا الساحرة شيخوه نورة : عواش عواش : عيونها نورة : انتي تحبين خليفة .؟ عواش : ماتبيني احبه نورة : لـــــأ بالعكس بستانس لو تكونين حرمة اخويه بس خليفة وايد عود عليج عواش : ليش الحب يعرف عمر وبعدين انا مب صغيرة عمري 23 يعني عاقلة بعرف اتصرف وياه نورة : هههههههه برايج انا مايخصني فيكم عواش : متى بيخلص ويخطبني وافتك من هالاهل نورة : هههههههههه بخلييج حرمتي انا مب حرمة خليفة عواش : انتي حبيبتي اللي مااتخلى عنج اليوم اللي عقبه نوال وشيخة بالصالة هاذيلا يوم ييلسن رووحهن تخوز الملائكة وتحضر وياهن الشياطين والله يستر على شو يتناقشن ,, يلست وياهم و مسكت الرمووت ويلست افرفر بهالقنوات شيخة : ردي اللي كان محطوط من اول عواش : والله الرمووت صار ويايه انا بحط اللي يعيبني شيخة : والله بخبر بج احمد عواش : خبريه بقوله انا ماسويت شي غلط شيخة : معليه تتحديني يعني وصعدت فوق عواش : نوال انا قلت شي غلط .؟ نوال ساكتة اشتهتج الارض يانوالوووه عندها هي ترمسين وياي انا صاخة مالت عليج عادي مااستفيد منج احمد نازل من الدري ووراه شيخة وبعيونهم الشر احمد على طول زخ شعري وتم ايره احمد : وصلت فيج تسبيني وتسبين عيالي وتسبين حرمتي ويين يالسين نحن لهالدرجة كره عواش : والله ماقلت شي والله ماقلت شي حتى اسال نوال هي كانت ويانا ,,, نوال ارمسي دخيييييييلج نوال تتطالع شيخة وتتطالع عواش واحمد ولا عارفة شو تقول عواش : نوال دخيييلج قوولي قوووولي عائلة بو احمد احمد وحرمته شيخة محمد وحرمته نوال علي امل وبطلتنا عواش عائلة بو خليفة خليفة عبدالله وحرمته مريم عنود ومتزوجة سالم سعيد نورة شو راح تقــــــــــــــــــــول نوال .؟ شيخـــــــة شو بتســـوي من بيــــني وبين خليفـة .؟ انـا ليــش يعاملــــوني جي .؟ وهل مشـــــأعر خليفة لي حب ام اشفــــــــــأق .؟ طبعــأأ هذا مب كله بتعرفوه ببـأارت واحد مع البارتات الياية اذا عيبتكم ان شالله بكملها واوعدكم انها مليئة بالاحداث مفرحة ومحزنة ومشوقة وتصدم الشخص | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| ديوان الشيخ حمدان بن محمد بن راشد ال مكتوم | حلا السعودية | أعمال فزاع | 17 | 16-11-2010 12:02 AM |
| kkkhmn | الــــــكتبي | قسم الروايات والقصص الطويلة | 3 | 05-06-2008 04:32 PM |
| ** (( ذاك شهر يغفل عنه الناس ..؟؟ )) ** | $*الخليجية*$ | قسم فزاع الإسلامي | 2 | 26-08-2007 08:49 AM |
| 000 | الــــــكتبي | المواضيع المكررة | 0 | 07-08-2007 12:41 AM |
