يالله يامنشى من الغربى خيال=سيّل على صدرى وقلبى وشريانه
اغفر لعبد(ن) يشكى النفس والحال=خايف وراجى عفو ربه وغفرانه
ضاقت به الدنيا وذنوبه جبال=ساجد لرب(ن) فاتحٍ دوم بيبانه
خايف سجل(ن)ممتلى قيل(ن) وقال= وقلّة ذكر ربه وهجرٍ(ن) لقرءانه
ويرجى من الله رحمته وطيبة الفال=ونفسه على الفردوس ترجى وهيمانه
ماينفعك ياصاحبى كثرة المال=ولا الولد واتباع نفسك وشيطانه
ولا عقاراتك ولا ابراج(ن) طوال=الرابح اللى زوّد الله بإيمانه
اغنم حياتك والنفس تو مازال= وسارع لمغفرة(ن) من الله وسلطانه
وتزود بدنياك.. ليوم الاهوال= حظه سعيد اللى رجح فيه ميزانه
واهل المعاصى صابهم ضيقة البال=رغم الأغانى نفوسهم دوم طفشانه
حياتهم فن وطرب..حظهم مال=وقلوبهم عشعش بها ابليس واعوانه
ياناسي(ن)ربك عش ضيقة احوال =حق على الله نافذ(ن) فيك برهانه
افتح نوافذ قلبك لنور الاشعال= يمحى الذنوب اللى على الصدر خويانه
واهجر صديق السو واحذره لاينال= من توبتك يوردك نيران سعرانه
ماينفعك جدّك وعمّك ولا خال= تمشى الصراط اليوم بعيون عميانه
هذى خواطرنا ..فيها الفكر جال= ابغى بها ربى وبيوت عمرانه
وصلاة ربى عدّ ماهلّ همّال=على محمد هادى نفوس حيرانه

المشاركة الأصلية كتبت بواسطة علي الحامد شاعرنا ومشرفنا / سلطان الشتيلي صح لسانك حتى ترضى أقف إحتراما لشخصك ولهذا النص الديني المفعم بالكلمات الإيمانيه الموجهه والذي أتى بعد طول غياب عن جواهر شعريه دمت بكل الخير ودام قلبك النابض بالإيمان وحرفك المثري للمكان

المشاركة الأصلية كتبت بواسطة نخوه العتيبي اللهم صلي وسلم على سيد المرسلين صح لساااااااااانك أخوي سلطان قصيده مفعمه بالإيمان والعقل والحكمه أسأل الله أن يهدينا ويثبتنا على الحق نعم السعاده الحقيقيه هي في طاعه الله والقرب منه وبمناسبة هذه القصيده أهدي لك أخوي سلطان ولجميع من مر هذه الصفحه أنشودة ( السعاده ) للمنشد الرائع سمير البشيري : http://media.islamway.com/several/228/03.mp3

مشكور أخوي سلطان

بالنسبه للرابط اتبع الخطوه التاليه :

اضغط بالماوس على (كلك يمن ) ثم (حفظ الهدف باسم )

هكذا يعمل معي وأن شاء الله يعمل معك