سميت حالي والسمسم بحالي انسم
من يعصر السمسم وبه سم قتال
دمدمت دمي والعنا بدمي اندم
واش ارتجي بالدم لو صار قتال
سلسلت لك سلسال بالهم محزم
واش حيلتي لا صار همي لي سلال
ظلمت لليلي والظلام اعتم وعم
كل الحياه وصار لي شي مازال
همهم ولو هميت الهم ما هم
يهمني هم الليالي و الامال
زلزلت زلزال القصايد ولا الزم
من فيض قلبي وصافي اعيونه ازلال
كفكفت كف وكفي لكفه اسلم
واعطيته الميثاق ما اميل لو مال
دقدق ودق الخافق ودقته علم
يعطي اشاره شرها حل واحتال
وتمتمت في رده ولا اتممت لو تم
كل الكلام وجرح قلبي له شلال
حلحلت حلي لو تحلحلي احلم
اني ملكته وصار لي حل واحلال
زم زم وزم ولا تلزم ولا انزم
كنه يقول الزين كلي ومازال
عم عم على كل العموم او تنعم
في دم شرياني ولا هو بسيال
علعل عليل من عنى وقته أعتم
ماقد شفى من علته وقتها طال
هفهف ووهفت هفوته خاطرا ضم
كل المشاعر وكل ماهو له بحال
كم كم وكم ما اعدها لو سال كم
بكيت له من جرح ولا هو بعييال
قل قل وقلل والسهم حط به سم
واقتل فلا باقي سواك انت قتال
ريان العسيري