بيدك قطعت الوصل لكنه الشوق جابك=الحب ما هو غصيبه الله ييسر أمورك
لا تعتقد أني بذل نفسي بجيك لعند بابك=و لا تظن أني بعد اليوم يهمني شورك
ذليتني و أوهمتني أني من أعز أحبابك=انقلبت الآية واليوم للمذلة صار دورك
رخصت لك بكل شي بس أنول إعجابك=جازيتني بالهجران يا الله يا كبر جورك
عطيتني أعذار و يا كثرها كانت أسبابك=مارست معي لعبة الحب إرضاء لغرورك
بس تراني مب مثلك و بطول في عذابك=أنا بخليك للزمن ينتقم لي من شرورك
أنسى يوم أني كنت أقولك يا مرحبا بك=يلي مشيد (ن) على حطام قلبي سرورك
من اللي خلاك تصدق أنه يهمني عتابك=والا في حياتي قلبي بيفرح عند ظهورك
قلبي يا ابن الناس اليوم ما عاد يرضابك=سير دور على اللي يصفق لأقوال زورك
أما قلبي قفلته و حطيت عليه سلك متشابك=ممنوع دخولك واللي شرواك ومن طورك
ما يهمني من الشوق والحب وش صابك =ولا عاد يهمني منك غيابك أو حضورك
الله لا يعيدها أيام فيها قلبي لو كان تهنا بك=يوم قلت لي تحبني و أنت كاذب شعورك
هذا يا الخاين يلي على الآخر بس درينابك=وانتظر منك الرد هذا لو كان في مقدورك