| ||
| مشاهدة نتائج الإستطلاع: ما رأيك بالقصة؟؟ | |||
| ممتازة.. |     | 24 | 88.89% |
| ضعيفه.. |    | 3 | 11.11% |
| المصوتون: 27. أنت لم تصوت في هذا الإستطلاع | |||
 | |
| | أدوات الموضوع |
|---|
| ||
| مشاهدة نتائج الإستطلاع: ما رأيك بالقصة؟؟ | |||
| ممتازة.. | | 24 | 88.89% |
| ضعيفه.. | | 3 | 11.11% |
| المصوتون: 27. أنت لم تصوت في هذا الإستطلاع | |||
| |
| | أدوات الموضوع |
|---|
30-10-2009, 12:41 PM
| |||||||||
| |||||||||
 جرب تسافر واسافر***نختبر شوق المشاعر***والي يرجع فينا الاول***يا حبيبي يعني خاسر العنوان: جرب تسافر وأسافر نختبر شوق المشاعر والي يرجع فينا الاول يا حبيبي يعني خاسر اليوم إن شاء الله رح ابدأ قصتي الأولى وأتمنى إنها تعجبكم وحتى تكون حافز عشان اكتب قصص ثانية..انا الكاتبه(دلوعة ابوي) أول شي رح ابدي وأعرفكم على أبطال قصتي : البارت الاول: البطلـــــــــــــــه ( ريم.. ريم الفلا عمرها 17 من عايلة غنية بين 3 بنات وولد دلوعة البابا حلووووة وايد جمالها مو طبيعي يخبل كل من يشوفها يصلي ع النبي عيونها كبار ووساع ما شاء الله ورموشها كثيفات وطوال وهي طولها مناسب مع جسمها..وبعد عليها شعر طويل ولونه اسود..اما بالنسبه لشخصيتها فشخصيتها مميزة وايد عصبية ودلوعه والي تبيه يصير وما تخاف احد ولسانها طويل كله ولا أحد يغلط على ابوها ولاقبيلتها..ورح تعرفون عنها الكثير في القصة..) البطـــــــــــــل (عمر.. عمره 18من عايلة غنيه بين ولدين وبنتين شخصية حلوة وايد وهو ما شاء الله عليه حلو ويهبل كل البنات وراه عليه شوي عضلات وهو طوله مناسب على جسمه شعره يوصل للرقبة وطويل وحلو يحب ينكت واايد والكل يحبه من طيبته وكرمه بس يوقف مع الحق ويحب اخوانه واايد وما يرضى أحد يغلط عليه) والحين نبدأ ف القصة.. في امتحانات نهاية صف الحادي عشر عند البنات شلة المافيا تتكون من 5 بنات والشله كانت مجتمعه وتخطط لشئ ما بإستثناء ريم كانت متأخره عن الدوام والشله كانت تخطط للإنتقام من بنتين لان الشله والبنتين في تضاد من بداية السنه وحبت الشله الانتقام من البنتين بس في البدايه اعرفكم على شلة المافيا طبعا الزعيمة كما سموها البنات في المدرسة هي ريم وباقي الشلة (مروج بنت طيوبه وتحب الشله وايد وهي البنت الضحوكة في الشلة والكل يحبها تحب تسوي مقالب للبنات)(فاطمه بنت حلوة بس مو احلى من ريم طيوبة تحب تضحك إذا ضحكت مروج وهي بطبعها هادية إذا ما شافت الشله)(سبأ اطول وحدة في الشله حبوبة ومرحة وكشخه الكل يحبها وتحب تساعد الكل بس كلامها على طرف لسانها وايد تزل بالحكي)(بسمه بنت شطورة طبعا كل الشله شاطرة وهي حبوبه حيل وتحب الاطفال وتموت في شي اسمه جلكسي) بخبركم شو سوت الشله طبعا الفكرة فكرت مروج وقالت:بنات شو رايكم اليوم انا جايبه معي جبن وليمون علشان نسوي الجبن ف طاولة سويرة والليمون ف طاولة هالوة . البنات:وااااااو حماااس الفكرة تجنن سبأ:بس متى نسوي بسمه:احسن قبل الامتحان فاطمه: يللا الحين نروح نبتدي بالخطة مروج:بس خلونا ننتظر ريموه فاطمة:فديتها هي اليوم ليش تاخرت سبأ:تلقونها للحين بسابع نومه بسمه:بس ما في وقت خلونا نروح نبتدي بالخطة وبعدين نخبر ريم بكل شي وراحن البنات الكلاس ونفذوا الخطة من دون ما حد يدري ..عند وصول ريم كانت الشله تنتظرها خارج الكلاس.. ريم:هاااايااات فديتكم شخباركم؟؟ سبأ:ريم الدبه ليش تأخرتي ريم:والله راحت علي نومه مروج:تعالي حطي أغراضج بنخبرج شي ريم:اوكي لحظة.. ريم:انا رجعت هاا شو صاير بسمه:انتقمنا من سويرة حطينالها جبن ف الطاولة فاطمه:وبعد حطينا ليمون بطاولة هالوه ريم:حلفوا؟؟ البنات:والله العظيم ريم: ههههههههههههههه (من الضحك ما قدرت تمسك نفسها وطاحت ع الارض) البنات:ههههههههه ريم:والله يستاهلون أكثر هههههههه سبأ:ريموووه بسج عااد الحين بننكشف هههه بسمه:يللا قوموا رن الجرس وبالمرة نشوف موقف السخيفات البنات: يللا وفي الصف سارة للحين مو واصله..وهالة كانت خارج الصف وما انتبهت لليمون الموجود على الطاوله سبأ:الحمدالله بعدهن ما عارفات بشي فطوم:اوكي كل وحدة تجلس مكانها.. وعند وصول الاستاذه.. الاستاذه:الكل يجلس بمكانه وطبعا بهالوقت دخلن باقي البنات واكتمل الكلاس سارة:واااااااااي استاذة دخيلج بروح اجيب لي طاوله شوفي طاولتي كلها جبن البنات وباقي الشله:نقعوا ضحك عليها الاستاذة:مافي وقت انا بوزع الاوراق جلسي مكانج سارة:بس استاذة كيف اكتب الاستاذه:يللا جلسي وبلا دلع الجبن يابس وما رح يضرج.. سارة:وهي تصيح بس انا اعرف من كذا مسوي هاي اكيد ريم وشلتها,, الاستاذه:لا تتهمي البنات وجلسي ريم: وااااي استاذه شوفيها هاي علي إذا استوى شي كله تقول من ريم انا الحين واصله والجبن يابس يعني من ساعه الجبن محطوط الاستاذه:بس ريم حبيبتي لا تهتمي الكل يعرف انج مو انتي هاله:بنات حد عنده كلينكس لان طاولتي فيها ماي(طبعا هي مو عارفه انه ليمون) الاستاذه:انتي بعد خلصينا هاله:اوكي وبعد دقايق من الامتحان هاله:استاذه هذا مب ماي هذا ليمون شوفي الورقه لزقت الاستاذه:وانتي ليش حاطه ليمون بطاولتج ما عليه كتبي وخلصينا هاله:انا عارفه كل هذا من ريم وشلتها ما حد يكرهنا بالصف كثرهم ريم:واااي استاذه شفيهم علي الحين كل شي ريم فطوم:يغاروا منج حبيبتي لانج ملكة جمال المدرسه البنات:هيه صح ريم:واااي زدتوا من غروري اقصد اخجلتوا تواضعي البنات:ههه وخلص الامتحان البنات:واااي فكة اليوم آخر يوم.. والكل فرحان هاله وسارة راحن عند مربية الفصل يخبروها ايش صار وطبعا الاستاذة ما قدرت تسوي شي لان ها آخر امتحان ريم:بنات انا اليوم جايبه بالونات بسمه:امشوا خلونا نسويلهن ماااي مروج: ونروح نضربهن فشكل سارة وهاله سبأ:واااي الفكره جنان امشوا عند الماي البنات خلصوا ملو البالونات ماي ولما شافوا ساره وهاله خارجات من عند مربية الفصل راحت الشله ورمت عليهن البالونات ريم:سوري بس مجبورين نسوي جذي ههههه البات:هههههههههههه فطوم:امشوا سارة:اه يا الحقيرات كله منج يا ريموه ريمlوهي تسوي حركه بأنها تسكت ساره) لا تقولي حقيرات عيب لا الحين تستوي معركه هنا مروج: يستاهلون هاله:ما تقدروا تسويوا شي فطوم :انا براويج يا الكلبه ريم:لا فطوم خليج (وهي ما سكتنها)لا توسخي ايدج بالحثالة سارة:حثالة ما حد غي.. ريم(قبل لا سارة تكمل الكلمة) الا تعطي سارة بكف محترم هاله بغت تطير بس باقي البنات مسكوها وبدت المضاربة وتجمعن البنات والأستاذات شافوا الموقف بس ما قالوا شي قالوا هاي آخر سنه ورح تشتاقوا لبعض وراحن البنات بعد ما بهدلوا سارة وهاله قدام كل المدرسة راحن كل وحدة تودع صديقتها وركبوا الباص على أمل اللقاء..    |
|
30-10-2009, 12:43 PM
| #2 (permalink) | |
|
عضو مجتهد 
 |  في نفس الوقت عند الشباب عمر كان رايح المدرسة بالسيارة لان عنده ليسن وآخر يوم ما حد يقوله شي وسيارته رينج اسود خبال لما وصل دخل القاعه وسلم ع الشباب وجلس وبدأ يحل ف الامتحان وخلصوا الشباب عمر:مبروك شباب خلصنا حادي عشر نتلاقى في ثاني عشر الشباب:ان شاء الله محمد(صديق عمر الروح بالروح وفي نفس الوقت ولد عمه ومع بعض كل يوم) يالله عمروه خلينا نروح عمر: لا تقول عمروه شو انا آخر عيالك...يللا طوف قدامي محمد:ههههه يللا وهم بالشارع بالرينج محمد:عمور شوف ها باص البنات خلينا نمشي وراه عمر: والله انا مب فاضي لهالسوالف محمد:يا أخي خلينا نرقم عمر:اليوم ان شاء الله نروح السيتي ورقم على كيفك محمد:صدج عمور؟؟ فديتك انا عمر:هي صدج تجهز ساعه 7 الليل.. محمد:بس دخيلك الحق الباص بس هالمره عمر:اوكي خلاص لا تحن بس نشوف هالبنت الي تنزل الحين (طبعا وقف الباص علشان تنزل ريم وكانت تنزل عند الشارع) ريم:يللا بنات بببااااي البنات:باي ريموه والله نشتاقلج ريم نزلت من الباص وكانت سيارة عمر تنتظر البنت الي تنزل كان عمر وجهه الصوب الثاني ما يريد يشوف محمد:عمر لا يفوتك شوف الغزال عمر:ما اريد اشوف شوف انت اشبع محمد:والله عمر لا تفوتك شو هالزين الحين بيطلع قلبي عمر شاف ع البنت وانبهر بجمالها وقال:الله يخليها لأهلها يللا نروح محمد:ما اريد اروح.. اريد ارقمها عمر:شكلها بنت محترمه خلينا نروح محمد:لا تغار وقف عمر:ماشي البنت محترمه ما اوقف محمد:عجبتك عمر:عاااادي محمد:لا تكذب علي انا اعرفك عمر:يعني هيه.. بس عاااد لا تحن محمد:اول مره اشوفك تنعجب ببنت عمر:هههه يمكن لانها غير عن البنات محمد:كيف يعني؟؟ عمر:يمكن لانها ما انتبهت لنا وما عبرتنا او يمكن انها ما شافتنا من الاساس ولا شافت الرينج محمد:هيه صح احنا كل البنات ورانا عمر:ايوا بس هاي ما جات ورانا شكلها بنت خير محمد:الله لا يحرمني منها عمر: انت شو فيك محمد:ياخي دخلت براسي وانت ليش تعصب عمر:طلعها من راسك احسن ولا بتتعب ويللا ها وصلنا بيتكم انزل وتجهز بالليل علشان نروح السيتي محمد:غربال طردة مباشرة كله هالبنت سوتلك جذي ههه...اوكي سي يو عمر:انزل يللا قال البنت قال..ببباي | |
| |
|
30-10-2009, 12:46 PM
| #3 (permalink) | |
|
عضو مجتهد
| ريم وصلت البيت وعلى طول دخلت وسلمت على امها وجلست وخذت التيليفون تدق لأبوها ريم:السلام عليكم يبا الاب:وعليكم.. ريم الفلا متصله أكيد تبا شي ريم:لا يبا سلامتك ما ابا شي بس انا اليوم خلصت امتحان(وجلست تخبر ابوها ويش صار بالمدرسه) الاب:هههههه زين تسوي فيها طالعه على ابوج الام:شو سويتي يا مسودة الوجه ريم:ماشي يما بس مزاح..ها يبا اليوم اتفقنا انا والبنات نروح السيتي الاب:اوكي فديتج خلي الدريول يوديكم ريم:اوكي يبا...بس يبا انا ما عندي فلوس الاب:الحين بحول على حسابج لا تحاتين الام::ليش وين راحوا فلوسج قبل يومين محوليلج ريم:يما كليتهم يعني وين راحوا بعد..(تطنز) (وسكرت ريم من ابوها)(وراحت تكتب مسج للشله تخبرهم وكل الشله وافقت) الساعه 6 ريم:تكتب مسج للشله تتجهزوا انا الحين جايه بعد ساعه والكل رد عليها اوكي واتفقوا يلبسوا عبايات وشيله الكل نفس الشي ريم عطت الشله كل وحده عبايه وطبعا الكل نفس الموديل لوووول سوتها مفاجأه للكل هديه منها لما كانت راجعه من الامارات تجهزت ريم ولبست وحطت جلوس وكحال وكانت طالعه جنان من دون مكياح طبيعي ريم:وهي نازله من الدرج الام:يا سلام شو كل ها أخاف باكر يجيوا يخطبونج اعرفكم على عايلة ريم الاب(اسمه حمد طيوب عنده شركات وايد وهو رجل اعمال ويحب اولاده وايد وخاصة ريم) الام(اسمها جميله وهي اسم على مسمى تحب كل اولادها وبالاخص الصغيرونه مها) مها(آخر العنقود حبوبه وايد وهي بنت سنتين وكله تصيح وتحب محمد اخوها وايد) جنى(اكبر وحده عمرها 19 اكبر عن ريم بسنتين تدرس بجامعه بالسلطنه هي وايد كيوت وحبوبه لكنها دبه بس قلبها ابيض) مزن(عمرها 15 بالصف التاسع حبوبه تحب تهتم بشعرها وكل يوم تلقونها عند المرايا تشوف نفسها وتغني) محمد(عمره 10 سنوات يحب كل خواته وايد بس كل يوم ضرابه مع ريم لانها دلوعة البابا وهو يغار) نرجع للقصه ريم:بس يما استحي. مزن:ياويلي خذيني معاج ريم:انشبي وروحي مع صديقاتج انا بروح مع صديقاتي يللا باي الام:الله يحفظج وسلمي على صديقاتج وايد مزن:يما اريد اروح الام:اوكي باكر انتي روحي وعند وصول البنات السيتي كانوا عمر ومحمد واصلين وعند المطاعم محمد:عمر اليوم البنات كلهن حلوات من ارقم عمر:والله كيفك انت فاضي محمد:ياويل حالي شوف هاي تغمزلنا عمر:عطيها طاف ما تستحي هاي تشوف علينا محمد:يللا خلينا نقوم نرقم عمر:لا انا ما اروح جالسين مروا بنات من جنبهم ....:وااااي شوفوا فديتهم هايل الشباب حلوين ...2:الله امشي نجلس عدالهم ....:امشي وراحوا البنات وجلسوا ويشوفوا على عمر ومحمد وصلت الشله عند المطاعم ريم كانت الانظار عليها من جمالها بس هي مو مهتمه لأحد ريم:امشوا نجلس هناك فطوم:هيه تعبنا من كثر ما نمشي بسمه:اوكي يللا بس نتعشى ونروح الموناليزا سبأ: اوكي بس بسرعه لا نتأخر مروج:واااي كل الناس تشوف علينا امشوا بسرعه نجلس راحت الشله وجلست وكانت ريم قدام محمد وعمر معطنها ظهر محمد:وااااي شوف عمر البنت الي اليوم شفناها واااي فديتها غزال عمر التفت لورى علشان يشوف وشاف ريم عمر:يا محلى الصدف محمد:القلوب عند بعضها عمر:استح على وجهك لا تغازلها لا الحين اروح واخليك محمد:وانت ليش تغار انا كيفي عمر:عندك بنات وايد.. بس الا هاي..هاي دخلت راسي | |
| |
|
30-10-2009, 12:50 PM
| #4 (permalink) | |
|
عضو مجتهد
| محمد::اواواو اول مرة الاخ ينعجب عمر:بس عاد لا تحرجني عند البنات ريم:ها من يروح يطلب لنا مروج:انا وفطوم نروح مكدونالدز سبأ و بسمه: وإحنا نروح كنتاكي ريم:يعني انا ابقى لحالي اوكي ما عليه بس لا تتأخروا البنات: اوكي وراحن البنات وبقت ريم لحالها الا يتقرب منها شاب الشاب:سلام ريم:... الشاب:قلنا سلام ريم:خير شو تريد الشاب:ياويلي ما اقدر انا لا تطالعيني كذا والله بموت ريم:صدج انك حقير روح من هنا لا الحين ابدي اصرخ والم الناس عليك الشاب:لا والله انتي خلصي ما في روحه الا معي ريمlوبديت تصرخ)تخسي الا انت وبعد عشرة من امثالك محمد:شوف شوف في واحد عند الغرشوبه يكلمها عمر:يمكن أحد من اهلها محمد:لا شكلها معصبه تعال اجلس جنبي وشوف عمر انتقل وجلس جنب محمد الشاب لا تصارخين يا قمر انا بصراحه معجب (ومسك ريم من ايدها) ريم:وخر عني يا النذل ولا تلمسني محمد:شوف شوف الحقير يمسكها عمر قام من مكانه من دون احساس وهو معصب محمد:عمر وين خليهم ويش تريدلهم عمر....طاف وراح صوب ريم ريم:والله لو الحين ما وخرت لألم عليك الناس الشاب:بس انا ولد.... ريم:ما يهمني إذا كنت حتى ولد الوزير... وتقرب عمر الشاب:بس انا اريدج والله بتزوجج بس انتي امشي وياي عمر:وين تمشي وياك الشاب:انت منو ريم بقت واقفه مكانها وهي مو عارفه ويش تسوي ومن هالولد الحلو عمر:انا من أهلها الشاب:ضحكتني قول انك واحد من ربعها ريم عطت كف قوي للشاب الشاب بغى يرد الكف بس عمر مسك ايده وبدأ يضربه وتجمعوا الشرطة وأخذوا الشاب وجطوه خارج السيتي الشباب بعد ما شافوا الموقف ولا واحد قدر يشوف على ريم وكانن البنات يشوفن كل شي من بعيد ريم:مشكور عمر:لا شكر عل واجب ريم:والله اني ما اعرفه من يكون عمر:وليش تقوليلي انا ما سألتج من يكون.. ريم:لا بس عن تاخذ عني فكره عمر:( في قلبه لا فديتج ما أخذ عنج فكرة) لا لا تخافي ما رح اخذ عنج فكرة ريم:مشكور لو لاك كان صفعني كف عمر:افا عليج دام انا موجود ما حد يقدر يصفعج ريم:(ريم بقلبها واااي فديتك غرشوب) ريم سكتت واستحت عمر:يللا انا الحين اخليج إذا احتجتي شي( ويأشر) هاك طاولتي بس انتي سويلي حركه ريم:اوكي وراح عمر بس البنات تقربن من ريم وبدوا يضحكوا على موقفها محمد:وبعد تقولي بس اعجاب هذا مو اعجاب الا حب من اول نظرة عمر:امشي خلينا نروح وفي نفس الوقت البنات راحن كل وحده بيتها,,,, توقعاتكم حول القصه اريد مشاركات علشان انزل التكمله.. وصدقوني التكمله بتكون حلوة وايد؟؟؟ وكيف ريم تشوف عمر مرة ثانيه؟؟ووين بالضبط يشوفها؟؟ | |
| |
|
06-11-2009, 03:05 AM
| #6 (permalink) | |
|
عضو مجتهد
| البارت الثاني: عند وصول عمر البيت راح لغرفة اخته عليا لان سنهم متقارب من بعض وهو يحس ان هي تفهمه لانهم بنفس العمر تقريبا وصل عمر عند الباب وهو يدق الباب دق دق دق اعرفكم على عليا(بنت حبوبة ونعومة واصغر من عمر بسنه ريم تحب عمر وايد لان سنهم متقارب وما تخش عنه شي) عليا:من؟؟ عمر:انا عمر علايه ادش؟؟ عليا:ايه دش عمر:شو جاعده تسوين عليا:ما كو بس كنت جالسه ع النت والحين طلعت..خير تريدني فشي عمر:ويش عرفج.. عليا:انت نسيت اني اعرفك قبل لا تتكلم..يللا خلصني شو تريد متشوقة اعرف شكله الموضوع حلو عمر:بس ما اقول هونت ما رح اخبرج عليا:لا عمر بليز والله حلفت انك تخبرني عمر:اوكي فكينا من صوتج وسمعي..إحنا اليوم انا ومحمد كنا(.........وجلس يخبرها السالفه من البدايه لحد ما وصل عند السيتي... عليا:وبعدين لما قالتلك انها ما تعرفه ويش قلتلها عمر:قلتلها انا ما سألتج إذا تعرفينه ولا لا عليا:وبعدين شو قالت عمر:ولاشي قالت لا بس عن تاخذ عني فكره مو حلوة عليا:يا حليلها شكلها محترمة..ولا انت شو رايك يا أخي العزيز؟؟ عمرlوهو سرحان يتذكر الموقف) عليا:(وتحط ايدها عند وجه عمر وتحركها على فوق علشان ينتبه لها)هي هي نحنا هنا وين سرحت عمر:لا بس كنت اتذكر الموقف عليا:شو اعتبره حب عمر:والله ما اعرف انتي تعرفيني انا ما احب البنات احس انهن كلهن نفس الشي خاينات بعد سالفة صديقي والبنت الي خانته وكيف تعذب عليا:بس يا عمور لا تنسى ان اصابعك مو كلها نفس الشي كا انا قدامك وما عندي صفة الخيانه كلش عمر:شو انتي تحبين علشان تخوني عليا:لا ما احب بس مو شرط الخيانه في الحب فديتك..بس والله على حسب ما وصفت البنت لي تشوقت علشان اشوفها عمر:لا لا تتشوقي ولا تحلمي اصلا لان خلص البنت راحت من دون ما اعرف اسمها ولا حتى عنوانها أو رقمها والله حسافه عليا:اوووووو لا شكلك متولع وخالص عمر:شو انا فرن علشان اتولع عليا:هههههه لا تنكت وبعد الي يشوفك يقول انك مو بس متولع الا الشرار يطلع بعد وفي نفس الوقت ريم وصلت البيت وعند وصولها شافت الكل جالس بالصالة ريم:السلام عليكم شحالكم؟؟ الكل:وعيلكم السلام الاب:ريم الفلا راجعه من السيتي من وقت لا اكيد صاير بالدنيا شي ريم:لا يبا بس اشتقت لك وااايد الام: عن العيارة اكيد صاير لج شي ريم:لا حشى ما صار شي بس زحمه اليوم علشان كذا رجعنا من وقت الاب:تعالي حبيبتي جلسي يمي اشتقت لج وااايد ريم جلست يمب ابوها ريم:الا وين جنى ما شفتها اليوم كلش مزن:بدارها الحين وصلت من الجامعه تعبانه يا حليلها ريم:امشوا خلونا نروح نطفربها الاب:حرام عليج يا الفلا أكيد راجعه تعبانه جنى ريم:ما عليه يبا اهي اصلا من تشوفنا تنسى التعب محمد:ياللا ريموه امشي ريم:لا تقول ريموه شو انا اصغر عيالك يا مسود الوجه الام:هههههه عيل قولها عمتي ريم محمد:اوكي امشي عمتي ريم ريم:أي خليك محترم يا الدودة مزن:يللا بلا مناقر كل اليوم هالمناقر ما تشبعون انتوا ريم:اعصابج يا شطورة لا يطلع منج عرق الحين..اقول سكتي الي يسمعج تتكلمين بيفكر انج اكبر عني يا العجوز مها:ليم(تقصد ريم) ريم:عيون ريم الاب:تسلم عيونج خذوها معكم فوق عندي كلمه مع امج مزن:كلمه ولا فقرة ههههه ريم:هههههه ما يضحك يا البايخة محمد:عيل ليش ضحكتي ريم:انت جب وخلي الحبايب يتغزلون وانتوا يا اليهال امشوا معي يللا مزن وراي ومحمد ورى مزن الام:للامام سر ريم:قولوا معي 123 الاخوان:123 ريم:ريم يا حلاتها الاخوان:ريم يا حلاتها وبعد وصولهم عند دار جنى ريم:اوس سكتوا خلونا نطفربها مزن:يللا دشي وفتحي الباب بالقوة ريم وهي تفتح الباب بالقوة جنى:بسم الله الرحمن الرحيم انتوا شفيكم انتوا ما تعرفوا الادب ما علموكم بالمدرسة الادب يا عيال المدارس مزن:لا يا الجامعيه ما علمونا جنى:والله الي اتذكره ان اسم الوزارة وزارة التربيه والتعليم يعني الاول التربية يا مخديه ريم:اوووووووس بلا مناقر كأنكم ديك ودجاجه محمد:ما حد غيرج ديك ودجاجه يا ريموه اقصد عمتي ريم ريم مسكت مخدة ورمتها على اخوها كان يطلع من الغرفه ركض ريم:ديدا ديدا ديدا وصمخ ديدا:هااا ريم شو تريدي جالس تصرخ كذا واجد ريم:لا والله بعد روحي يبي معج خيزران تعالي طجيني يا الكلبه انا كم مرة اقولج لا ترفعين صوتج علي خذي مها وعطيها مدام لا الحين اكفخج ديدا:سوري ماما ريم والله انا ما اقصد ريم:ماما حبوتج يللا انقلعي من هني طلعي وطلعت الشغاله جنى:حرام عليج انتي ليش كل يوم تتناقري وياها مزن:تستاهل هاي كلبه والله محد يعرفلها غيرج يا ريم وامي ريم:بس عااد لا تفتحولنا ملف يوميات الاميرة ريم والشغاله..وتعالوا اقولكم شي البنات:ويش ريم:(....وخبرتهم كل السالفه) جنى:وهو حلو مزن:اكيد حلو ولا كان سوتله هو الثاني سالفه ريم:آفا عليكم عاد ما جمال الي فيه يخبل مزن:وخذيتي رقمه ريم:انتي شفيج جنيتي انا من متى اخذ ارقام الشباب انتي تعرفيني عدل انا ريم حمد مو حيالله جنى:وليش عصبتي ريم:لاني مو انا الي اخذ رقم واحد..وحتى لو هالواحد ساعدني جنى::خلص كليتينا | |
| |
|
06-11-2009, 03:07 AM
| #7 (permalink) | |
|
عضو مجتهد
| ريم:ياللا بونوي بروح انام مزن:خذيني وياج جنى:ريموه على طول نوم باكر وراج مدرسة مو تجلسي ع المسن ريم:ريموه حبوتج..ويا الذكيه احنا اليوم خلصنا امتحانات ماكو مدارس يا السخيفه جنى:وانا شعرفني يا الملسونة(وكان تاخذ المخده وتحذفها على ريم) ريم رجعت الضربه وراحت دارها تنام.. وفي الصباح: الاب:يللا يا جميله انا بروح تامرين على شي جميلة:لا تسلم فديتك الاب:عيل انا بروح اشوف ريم الفلا إذا تريد شي الام:لا اهي الحين نايمه واكيد ما تريد شي الاب:والله ان ما رحتلها بتسويلي سالفه طويله الام:عيل روح لا تجيك الشركة والله تسويها بنتك وانا اعرفها الاب:(وهو يصعد الدرج وكانت جنى نازله علشان اليوم محاضراتها تبدأ الساعه 8) جنى:صباح الخير يبا الاب:صباح النور حبيبتي جنى:ها وين رايح الاب:وانتي شدخلج يا كونان جنى:اكيد رايح عند ريم الاب:أي رايح عندها جنى:هههه والله انك حركات يبا تخافها الاب:لا ما اخافها بس هاي دلوعتي هاي ريم الفلا جنى:آفا يبا ليش أحنا وين رحنا الاب:حتى انتوا يا عيالي بس هاي شيختكم يبا لا تنسين جنى:أي والله شيختنا ولو ما شيختنا كان ما تعلق صورها بالغصب في غرفنا كلنا الاب:هااا يعني حتى انتي تخافيها جنى:لا يبا انا ما اخافها بس انت تدري لولا ريم إحنا كلنا بملل حتى لما تروح المدرسة واحنا بالبيت احس ان البيت ناقص والله كل الي بالبيت يحبها ما عدا الشغالة الاب:وليش ما تحبها ان شاء الله شو ريم ماكله من قدامها والله باكر بنسفرها جنى:لا يبا امزح معك. الاب:يللا روحي جامعتج الحين تتأخرين جنى:اوكي سي يو الاب:سي يو تو وصل الاب غرفة ريم وكسرت خاطرة كيف كانت نايمه كانت متكورة على نفسها من البرد بس ما حد يقدر يسكر المكيف لانها بتسوي له الحرب العالميه الثالثة اهي كله ولا احد يسكر عنها المكيف راح الاب وغطاها عدل وأخذ ورقه وكتب عليها ريم الفلا بابا انا رايح الدوام آسف لاني ما وعيتج بس كسرتي خاطري كيف نايمه شكلج البارحه كنتي سهرانه ع العموم انا رايح الدوام وإذا بغيتي شي طرشيلي بالفاكس أو الايميل أو حتى مسج وأخذ الاب الورقه وعلقها على مرايه طويله يعرف الاب ان ريم من تجعد سيدة على المرايه الطويله تشوف نفسها... بيت ابو عمر نعرفكم على العايله: الاب(سلطان يحب عياله ورجل غني ما يحب الغلط) وعياله (سعد سنه ثالثه بالكليه عمره 23 خاطب بنت عمه وهو طبعا حلو)(سعد حلو مغازلجي بس يحب وحده وعمره 20 سنه ثانيه بالجامعه)(عمر وعرفتكم عليه*)(عليا وبعد عرفتكم عليها)(رغد بالصف الخامس آخر العنقود تحب اخوانها مصلحجيه) الاب :شو يا ام عمر عيالج للحين نايمين ام عمر:هيه والله انت تدري ان امس العيال خلصوا مدارس عمر وعليا ورغد خلصوا و سعد وماجد بالكلية الله يحفظهم الاب:هااا أي والله نسيت ان خلصوا مدارس عيل روحي قومي عموور بوديه معي الشركة يتعرف عليها ام عمر:حرام عليك خله نايم بعده اليوم بس بدت الاجازة الاب:الا اقول عزمتج ام محمد على عرس اختها الام:هيه عزمتني وقالتلي ان العرس بيكون بيت امهم يعني قريب من بيتهم الاب:زين زين حتى إحنا معزومين للملكه خلي عيالج كلهم يتجهزوا طبعا الكل يروح الام:بس انت تعرف عمر ما يحب يروح الملكات الاب:ههههه لا ما عليه قوليله بعد الملكه بنروح بيت العروس وهناك شي فرقه ويروح الام:هي والله لما يعرف ان في فرقة موسيقية ما بيقول لا هو موته هالاشياء اغاني ورقص الاب:عيل قوليلهم يتجهزوا من وقت الام:ان شاء الله وفي بيت جميله(الساعه 3 ظهر وجنى الحين راجعه ودشت غرفتها وراها على طول مزن) مزن:جنى انتي شو تلبسي ما شفتج شنو اشتريتي جنى:ما بخبرج مزن:حرام عليج قوليلي وعن الملاقه جنى:هههه البس صوري وانتي؟؟ مزن:وانا بعد البس صوري جنى:خيبه ليش مفصلة مثلي انا اريد اكون مثل حد اريد اكون مميزه مزن:ما حد يكون مميز غير ريم لان لبسها فضيع جنى:وشنو لبسها مزن:ما بخبرج لووووول جنى:ما عليه بنشوفها لما تلبس يللا روحي تجهزي الحين بنروح بيت خالي وعقب نروح الصالون (ريم وهي توها صاحية من النوم) أأأأه كم النوم جميل (وراحت صوب المرايه الطويله وشافت الورقه الي ابوها كاتبنها لها) يا حلوك يا ابوي الغالي والله انك نشمي ههههه خبصت الكلام فوق حدر ديدا:وتوها تدق الباب لريم) تك تك تك ريم:منو؟؟ ديدا:هذا انا ماما ريم مدام يقول جومي الحين يريد يروح ريم:ويه ليش كم الساعه الحين ديدا:ساعه سلاسه دهر(3ظهر) ريم:خيبه كل هااا انا نايمه ديدا:شو ماما ريم:ما كلمتج يللا قلبي وجهج ريم:خليني اروح الحمام اتسبح واصلي فاتتني الصلاة وبعدين اجهز اغراضي وبتصل لابوي فديته اشتقت له وااايد وبعدها طلعت ريم من الحمام مزن:تك تك تك تدق على باب ريم ريم:منو؟؟ مزن:انا مزن امي تقول يللا بنروح بيت خالي ريم:انتوا روحوا انا بعدني ما مخلصه تجهيز مزن:ومن بعدين يجيبج بيت خالي ريم:بخلي ابوي يجيبني انا وديدا خلوها معي مزن:يا حليلج يا ديدا ريموه بتاكلج بتمو بروحكم بالبيت ريم:شو قلتي اقول انقلعي برا انتي ما تنعطين وجه بدل ما تقولين اهي الي تاكلني انا باكلها آخر زمن شو من قل الاكل انتي ما علموج بالمدرسة اكل لحم البشر حرام مزن:ابوي كليتيني ادري بس قلت اطفربج ريم:وانا وحده ما اطفر مزن:والحين شنو اقول حق امي ريم:انتي ما تفتهمين قوليلها الي قلتلش عليه مزن:اوكي لا تعصبي الام: حشى كل هاا تنادي اختج من فوق 20 ساعه انتي لو طرشتج المريخ متى بترجعين مزن:ما ادري على حسب الصاروخ الي اروح فيه الام:صاروخ يركب ظهرج شو وينها ريم مزن:هههه قالت انتوا روحوا لانها هي للحين مو مخلصة وبيمر عليها ابوي لما يطلع من الدوام | |
| |
|
06-11-2009, 03:09 AM
| #8 (permalink) | |
|
عضو مجتهد
| الام:ومن ان شاء الله بيجلس معها بالبيت مزن:من بعد اكو غيرها ديدا الام:والله ريموه بتنعش فيها مزن:تستاهل هااي شغاله كي لسانها طويل يريدله قص الام:اوكي يللا روحي انتي السيارة وانا بنطر جنى ليما تنزل مزن:اوكي جنى:هاا يما انا خلصت امشي إلا وين البنات الام:مزن بالسيارة وريم ابوج يجيها عقب جنى:وليش عااد احنا رايحن ليش ما تروح الحين الام:تقول للحين مو مخلصه ترتيب اغراضها جنى:بس كذا رح تتأخر على الصالون الام:لا ما تتأخر بعد ساعه تقريبا ابوج يطلع من الدوام ويوصل ريم بيت خالج وبعدين نروح من هناك جنى:اوكي امشي إلا الشغاله ما تروح الام:كيف بتروح واختج من يقعد معها جنى:جاك الموت يا تارك الصلاه الام:ليش عاااد جنى:خلاص يما جهزوا الكفن والمقبرة اليوم آخر يوم بحياة ديدا الام:استغفر الله الحين كل هاا تسويه ريم الرقيقه جنى:رقيقة معنا بس مع الشغالات مافي ادفش عنها الام:يستاهلون يللا نمشي عند ريم الوضع مكركب ريم:اف اف اف تعبت وين حطيت الشنطة السودا ديدا ديدا وصمخ ديدا:نعم ريم:مستويه محترمه اليوم مو كأنج قبل شوي كان لسانج طويل ديدا:لا ريم انا والله واجد زين انت ما يعرف ريم:اوووووه اليوم تتكلمي بهدوء أكيد صاير شي(ريم المسكينه ما تعرف ان الشغاله خايفه منها لان ما في حد بالبيت شي طبيعي الشغاله تخاف على عمرها لوووول) ريم:وين الشنطه السودا مالي الي جايه مخمل ديدا:انا حطي بالدولاب ريم:انا حطي بالدولاب تعالي طلعيها وخلصينا ريم وهي تجلس على السرير منسدحه وتتصل على ابوها ريم:هلاوي باباتي الاب:هلا ريم الفلا ريم:يبا وينك تأخرت الاب:ليش حبيبتي بعد نص ساعه اطلع ريم:بس يبا انا ما رحت مع امي انطرك تجي وتشلني بيت خالي الاب:من عيوني غناتي تجهزي الحين انا طالع ريم:ثانكيو يبا اوكي انا جاهزة يللا تعال الاب:ويلكم ماي دوتر ريم:سي يو الاب:سي يو تو ريم:وحاسب على نفسك وانت تسوق الاب:ولا يهمج الغلا ريم بعد ما خلصت تلفون مع ابوها لبست عباتها وشيلتها وطلعت اغراضها من الغرفه وحطتهم بالصاله وبعد حوالي نص ساعه وصل الاب وأخذ ريم والشغالة بيت خالهم وعند وصولهم ريم:وهي تدخل من الباب السلام علييييييكم الكل:وعليكم السلام هلا ريم اخبارج ريم:تمام شو اشوف الكل متجمع هيا:ننتظرج يا البرنسيسة ريم:وااااي فديتني برنسيسة ما عرفتكم على عايلة خالي(الاب:احمد حنون على اولاده وااايد وهو دوم ف الشركه مع ابوي) (الام:شيخة حبوبه وطيوبه وكل الحريم يستانسن لما تجلس معهم وعندهم بنتين ولد) (هيا وسجى تؤام وحلوين واااايد وطيوبين والكل يحبهم وهم قد جنى بالعمر) (معتصم حليو ما شاء الله عليه ابيض وجميل شوي فيه من ريم وهو كبر مزن بالعمر ونفس الصف وتقريبا في علاقة بينهم وهو بالصف التاسع) سجى:يللا ريموه جهزي الاغراض الي تشليها الصالون معج ريم:مجهزه كل شي امشوا نروح مزن:بس ما تكفينا سيارة وحدة ريم:لو جنى ما سقطت بالترايات عشرين مره كانت شلتنا بس ويش نسوي كل يوم تسقط الكل:هههههههه جنى:لا والله ريموه نشوف من بيطلعج معي ريم:اصلا انا باخذ الليسن قبلج واتحداج الكل:بنشوف ريم:الا وين معتصم فديته جنى:لا تقولي فديته بس بعض الناس تفداه مزن:يما شوفي بناتج الام:عادي يما ما قالوا شي شيخه:يللا يا بنات النص يركب مع دريولنا والنص الثاني مع دريول جميله ريم:الا وين خالتي شما فديتها جنى:بعدها ما مخلصه وقالت نتلاقى ف الصالون ريم:اهاااا اعرفكم على شما (آخر العنقود خالتي بس هي كبري وما اقولها خالوه وصديقتي الروح بالروح وما اخبي عنها شي وحتى هي ما تخبي عني شي) ريم:عيل يلا خلونا نروح الصالون بيت ام عمر الام:هااا يما عمر اليوم انا كلش ما شفتك وين انت؟ عمر:شدعوى يما انتي تعرفي الحين انا اسوي رياضة كنت نايم ولما قعدت رحت اسوي رياضة الام:عموووور اليوم ابوك يباك تروح معه ملكة اخت زوجتة رفيجه عمر: يااااي يما تعرفين ولدج عدل ما احب اروح ملكات الام:لا وبعدين بنروح الحنا وشي فرقة عمر:حلفي يما الله وناسه يعني اليوم انا ارقص الام:أي ترقص اصلا ابوك من زمان كان يبانا نتعرف على رفيجه بس الظروف ما سمحت عمر:عيل بروح اتصل حج حموود علشان يروح معنا واخواني يروحوا معنا الام:عليا ورغد عمر:سعد وماجد الام:اعتقد لا عمر:اهاااا زين يلا بروح اتجهز شو متى الملكه بعد صلاة العشا الام:هي فديتك عمر وهو يصعد داره واخذ التلفون ويتصل لمحمد عمر:هلا حموووود محمد:هلا عمووور شو اليوم متصل عمر:لا والله انا كل يوم اتصل بس انت الي قاطع محمد:هههه انا القاطع ولا انت من لما شفت البنيه وسويت نفسك طرزان ما حد شافك عمر:لا تنكت وتفتح الجروح ....المهم اليوم معزومين على ملكه وبغيتك تروح محمد:لا ما اصدق عموور يروح ملكه عمر:لا يا الغبي بعدين بنروح بيت اهل العروس وشي فرقه محمد:هههه والله عرفت ان السالفه فيها شي اوكي ولا يهمك بروح بعد صلاة العشا عمر:أي تجهز والحين قلب وجهك محمد:أي صفحه | |
| |
|
06-11-2009, 03:11 AM
| #9 (permalink) | |
|
عضو مجتهد
| عمر:السادسة محمد:ضايعه هااي الصفحه عمر:ليش ما طلعتوا بدل فاقد محمد:لا والله ما عندنا الجواز عمر:مو كأني عطيتك وجه وايد يللا روح اريد اتجهز اليوم في رقص محمد:هههه اوكي باي والبنات خلصن من الكوافير وطبعا الملجه خلصت وكان العرس في البيت لان حناء وشي فرقه البنات في البيت في الغرفه يتلبسن ريم كانت احلى وحده مكياج ثقيل و كانت مختلفه في اللبس كانت لابسه ظفاري وطبعا فيه شيله بس يحطوها ع الراس جنى كانت لابسه صوري وطبعا المكياج خفيف بس حلو عليها مزن مكياجها مكياج اطفال وكانت شيك ولابسه صوري شما لابسه صوري مع العلم ان البنات ما عارفات كل وحده منهن مفصله نفس الشي بس تفاجئن لما جهز لبسهن وكانت شما حلوه سجى وهيا بعد لابسات صوري وكانن بكل شي نفس الشي وكانن حلوات خلصن البنات لبس ونزلوا تحت والجو كان مرتبش كان عمر مسوي جو ويرقص هو ومحمد واهل المعرس والعروس وكل البنات عينهن على عمر ريم وهي ماسكه كاميرا فيديو علشان تصور وفجأه تشوف عمر وهو يرقص ريم:شموه تعالي بخبرج شي شما:ويش ريم:تشوفي الي لابس عماني من دون كمه الي جالس يرقص شما:أي والله انه غرشوب شو فيه ليكون حاطه عينج عليه ريم:لا يا الغبيه هذا الي شفته بالسيتي شما:الله يغربل العدو حليو صوريه ريم:اوكي انا بروح البيت بعدل شيلتي وبرجع خذي الكاميرا صوري شما:اوكي لا تتأخري طبعا كان العرس في ارض فاضيه جنب البيت مباشرة ريم وهي راجعه البيت شافت عمر يمشي في نفس الطريق بس هي ما اهتمت راحت البيت ولما رجعت كانت تشوف على تيلفونها وفجأة انصدمت ف عمر ريم:اوبس سوري عمر:وهو يلف يشوفها وفي قلبه(واااي فديتج انتي ويش تسوي هنيه) لا عادي ريم:هذا انت عمر: لا انا هذاك ريم:لا تنكت بااايخ(هذي كلمة ريم بس ما تقصد فيها تجريح تستخدمها كالدعابه) عمر:انا بااايخ افا ليش ويش سويت ريم:سوري بس هذي كلمتي عمر:هههه لا عاادي بس وااايد متغيره محلوه ريم:شكرا اصلا انا من الاول حلوة جمال طبيعي فديتني عمر:الله ع الغرور بصراحه يحق لج ريم:اوكي انت تعرف احد هني عمر:لا بس واحد اسمه حمود عازم ابوي هو صديق ابوي ريم:والله شوف الصدف هذا ابوي عمر:والله يا حليله حبوب وطيوب ابوج ريم:اكيد لانه ابوي فديتني بس حتى انت متغير وف نفس الوقت يجي سامي(سامي 18 صف 12 يحب ريم وايد وبعد يحب اختها جنى ف نفس الوقت) سامي:ريم ويش تسوي هنيه ومن هذا؟ ريم:هلا سامي اعرفك هذا ولد صديق ابوي عمر:اسمي عمر ريم:وهذا ولد عمتي سامي:واسمي سامي وانتي ليش واقفه معه؟؟ ريم:لا بس كان يريد مااي قلت اروح اجيبله سامي لا انتي روحي العرس انا بروح اجيبله وانتهى العرس والكل رجع البيت عمر: وصورة ريم ما راحت من بال عمر كان يفكر فيها ةااايد معقولة يكون يحبها لا مستحيل اصلا يمكن هذا بس اعجاب بس مو معقوله كل هذا اعجاب اكيد حب وقعد يفكر ليما نام ريم:نفس الشي اول مرة يلفت انتباهها شاب وهو غير عن كل الشباب بس من كثر التعب نامت وما فكرت وااايد توقعاتكم حول القصه واريد مشاركات صراحه ماشي تشجيع منكم ابدا:: اريدكم تشجعوني علشان انزل بارت احلى وانتظروني الاسبوع الجاي ان شاء الله ومشكورة اختي TaTaLy GiRl على مشاركتج الحلوة | |
| |
| |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| kkkhmn | الــــــكتبي | قسم الروايات والقصص الطويلة | 3 | 05-06-2008 04:32 PM |
| 000 | الــــــكتبي | المواضيع المكررة | 0 | 07-08-2007 12:41 AM |
| قصه مضحكة عن حيااة قزم (( قصة قصيرة )) | قرموشة عيناوية | قسم القصص القصيرة | 2 | 28-07-2007 10:03 PM |
