((الأخطر من جذيه انه علياء غلطت من بين تلفونها وتلفون عبدالله(تلفونها وتلفونه كانن عدال بعض) وشلت ماله وهو شل مالها ما درت إلا يوم بغت اطرش مسج لأخوها أحمد عشان ايبلها آيسكريم من باسكن.بس الرساله ما طاعت اطرش..!!!! استغربت ليش يكتبلها لم يتم الارسال..!!!
قالت بشوف جان عندها رصيد طلع 2.43فلس واستغربت شو اللي عبره ..سارت اطالع المسجات المرسله حصلت كم مسج مطرش لرقم شيخه اختها .
علياء ( مستغربه ): عنبو شو اللي عبر الرصيد أمس معبتنه!
شيخه: شوفي المسجات يمكن حد لعب بتلفونج؟اكيد هاي ايمان يلست اطرش مسجات لتلفونها.....
علياء: والله صدقج...يمكن (فتحت وحده من الرسايل)
علياء(يالسه تقرى الرساله مكتوب فيها...+++فديت عمرج (......)وفديت قلبج فديييييتج (....) هذي الرساله من الشيخ عبدالله بن ......إلى أغلى وأحلى (.....)الشيخه (....).. طالعت لمنو اطرشت هاي الرساله لقت رقم اختها شيخه مكتوب الحب .
علياء (منصدمه وحاطه ايدها على ثمها ):: لاااااااااا لاااااااااا مستحيل.
.
.
.
.
.



(( سال الدمع ...عالخد دفاق..وأنا دريت الموت وآآنووح..خلي هجآآرني وناوي الفراق..وآآنا من الهجران مجرووح...اللي نسى عهده وميثاق..)).
.
.
.
.
.
.
.
.







شيخه: شو فيج عليووووه؟
علياء(((مضيجه...ومقهوره ))((بصوت عالي)) : لا أنا اختج ولا انتي اختي .
شيخه : شو بلاج شو سويتبج أنا ؟
علياء: لا حليلج ما مسويه(باستهزاء).
شيخه: هيه وا بويه أنا ما أحيدني مسويه شي.
علياء( باستهزاء ): واااااااااضح وااضح هالشي.
شيخه( عصبت): شو هالاسلوب هذا اللي ترمسيني فيه أنا أختج العووده واحترميني على الأقل
علياء: لو أحمد يدري بلي تسوينه جان عدم حد اسمه عبدالله.
شيخه: عليووووه شو ..شو هذا للي تقوولينه
علياء( دموعها اطيح على خدها بحراره )): تبين تعرفين اللي اقووله؟
شيخه : !!!!!!!؟؟؟؟؟
علياء: اندووج هالتلفوون واقري لي مكتووب وبعدين بتعرفين السالفه.
(فرت علياء التلفون بقوه على اختها ومسكته شيخه قبل لا يطيح..وخطفت علياء تربع وتصيح صوب حجرتها)
علياء في حجرتها
علياء تكلم عمرها: حراام عليه حرام ليش يسويبي جذيه ليش(تصيح)
(شيخه ادق باب حجرة علياء.).
شيخه: علياء فجي الباب.
علياء: خلوني اروحي ما با حد.
شيخه : علياء انت فهمتي غلط.
علياء: شو إللي فهمته غلط شوه؟
علياء(بصووت عاالي) : الله يلعن هالسالفه ويلعن اليوم اللي عرفت فيه ولد عم اسمه عبدالله..((( اسمحولي على السب)))

الساعه 12ونص الظهر

في مدرسة ال.......الثانويه للبنات
ايمان وموزه يتمشن بين الصفوف شاردات عن الصف كلهن في نفس الصف ويكرهن مس الانجليزي ...
وهن كانن يرمسن عن المسلسل التركي الاجنحه المنكسرة..
موزه:أقول يمنوه شفتي أمس الحرامي شريف يوم يتبع عائشه وشافتهم ناضلي وخبرت زينب.
ايمان: حرام فاتني المسلسل أمس راحت علي نومه.
وتوها موزه تبا ترد على ايمان شافت فوق مظلة الساحه فوقها صقر مربوط عليه حبل والحبل نازل ألين تحت أي واحد يقدر يمسك الحبل وصدت على يمنى وقالتلها ..
موزه: يمنوه شوفي شو فوق الساحه صقر روحنا انزخه من الحبل قبل ما أحد ايي شكله حلو أول مره أشوف صقر قدامي..
ايمان ( متروعه ): لالالالالا أنا أخاف سيري انتي .
وروحت موزه ومسكت ايمان من ايدها وسحبتها وياها وسارن صوب الصقر وموزه قصيره شوي ومارامت تمسك الحبل لفت على ايمان
موزه( تترجاها): يمنو تخيلج مسكي الحبل وعطيني اياه ما أوصله.
يمنو( خابفه) : لا اخاف والله أخاف ايني.
موزه: تراني ما بيكم اليوم والله بزعل منج تراني.
يمنو: خلاص كله ولا زعلج أعرفج انتي يوم تزعليين ما يرضيج شي.
وسارت ايمان توها تبا تمسك الحبل شافت 3شباب يايين من الاداره وشافوهن يبن يمسكن الصقر وواحد من الشباب قال بصوت عالي ليمنو..
الريال1:يابنت مسكي عن يطير الصقر ألين نييج.
ويوم وصل الريال1 عند البنات. قالهن :مشكورات يابنات لأنكن حصلتن الصقر من متى نحن اندوره (هالريال كبير شوي في الثلاثين ,,,,,معاه 2شباب وراه توهم واصلين عند البنات وكل واحد يطالع وحدة من البنات الريال الثاني اسمه سعيدوعمره 21 ويالس يطالع موزه لأنها كانت مظهره قصتها وحاطه جحال وجذبته عيونهاالكبار وغمازاتها يوم تضحك على يمنو لأنها سارت عنها بعيد يوم يو الشباب ويمنو كانت عند الصقر ماسكتنه عشان تعطي الريال 1..
والريال الثالث يالس ايطالع ايمان ومنعجب في جمال ايمان لأنها ماشاء الله عليها حلوه وانتبه على شعرها اللي ظاهر من تحت الشيله لأنها كانت معقصتنه ونست تلفه ماتدري انه شباب بيدخلون المدرسه واسمه الريال الثالث حمدوعمره 20 يلقبونه( كيكي) وهو مزيون وأبيض و معضل شوي وشعره ناعم وطويل لين آخر رقبته وظاهر من تحت السفره ولابس نظارات سوده شمسيه من ارماني وكندوره ألمانيه بيج وسفرة بيج نفس الكندورة وغادي طر وسار يبى يشل الحبل من ايد ايمان وهو يالس يطالعها في عيونها وهي ماتروم اجوفه اذا كان ياس يطالعها أول لا ومدت ايديها يوم شافته قريب منها هو بدال مايمسك الحبل مسك ايديها ومحد انتبه عليهم وحست بقشعريره وخوزت ايديها بسرعه وروحت وهو عطى الحبل لسعيد ويلس يطالع ايده مب مصدق انه لمسها بدى يحس بشعور غير أول مره يحسبه.
ويقول بخاطره: أنا شوياني ليش قلبي يدق بسرعه








ها شو رايكم بالبارت هذا ؟؟؟
وشو رايح يصير لعلياء بعد ما عرفت سالفة عبدالله واختها شيخه ...؟؟؟
وشو بصير مع ايما ن وموزه ؟؟؟؟؟
وها اللي اسمه حمد منو هو ياترى ....؟؟؟؟؟