يا صاحبي عَزّمتْ ما أكتب قصيد=متى القصيد يقال في مدْح الذّبابه؟
كلٍ طبخ والطّبخ ما هو الا عصيد=وكلٍ عوى تشبيــــه يا غـدْر الذّيابه
مثل الصّـعيد ... العـذر يا أهل الصّعيد=واحــــد غبـــــي سبّبْ غبــــــاوة كـــــــلْ لابــــه
الإيد قالوا ما تصـفّق دون إيد=الا تْصَفّـقْ فــــي زمــــــنْ كــــــلّه غـــــــرابــــه
لا ادّور اللّمعـة وهو أصلك حديد=والذّيـــــب عمـــــرهْ مــــــا ارْتــــــدى الا ثيــابه
الإعْلام صوّر منتحـر بأنّه شهيـد=وانْ الأمـــانـــي نبعــــــهــــــا زودْ الكـــــــآبــــه
حتّى البليد فعصرنا أصبح شديـد=متربّعٍ عــــــرشـــــه ومــــا حـــــوله خــــــرابه
لو الحقايق تنكشف ذاب الجليد=وما ردْ محتاجٍ فــــــــوجـــــــهْ الخيــــرْ بــــــابه
ما أقـول أنا مــن بينهم شاعـر فريد=لا والله الا نـــــــيــــــزكٍ هـــــــــذا شـــــهـــــابه
أضحك مـع العـالم ولو ماني سعيد=أدْري بـــأنْ نفــــــوسْ خَلــــــــق الله غــــــــابه
نستعبـد أضعفنا وحـنّا الا عبيـد=فــي مجتمــــعْ أحزابـــــه الأنْصَفْ عصــــابــــه
وعبيد صادق إن مشى في درب زيد=واللّي عِكـَــــــــس سيره تخوّنه بهْ ركـــــــابه
واللّي رضى بالحال والعيش والزّهيـد=ياتيــــه كلـــــــب الــــــــذّل يتســــايــــلْ لعــــابه
يا أمّـةٍ ما تستفيد ولا تـفيـد=هذا كتابــــي يـــــــا زمـــــن صــــون الكتابـــــه
الله يستـر يا الرّبع وش هو الجـديد=باكـــــر يجـــــــي شاعــــــرْ يلوّن لـّـــــي غرابه
يا ساحة الشّعـار ما نبغي المزيـد=يكفــــي قصيـــــدة قيــــلـــــتْ بسبّـــــتْ ذبـــــابه
عَـزاي يا ساحة شعـر طبخ وعصيــــد=انْفرك خشم العروبه في ترابه