ولا غيرك في هالدنيا فتني .. وحملني الثقيلات النوايب

#1 (**permalink**) 21-09-2007, 02:51 AM

ولا غيرك في هالدنيا فتني .. وحملني الثقيلات النوايب
للكاتبة: مزيونةالعين

الجزء الأول :
العنود : امايه .. وين ابويه ..؟؟
أم العنود .. ابوج معزوم عند عرب ...بغتيه في حايه ؟؟
العنود ... لا ..بس ناصر أخويه يسأل عنه ..

العنوود طالبه في الثانوية العامه .. الله ما وفقها في السنه إللي طافت ..وما يابت نسبة.. فقررت انها تعيدها .. العنود بنت حلوه .. وجسمها مالي ... وخدودها حمرا .. وعليها شعر للأرداف.. وسواده مثل ظلمة الليل.. هيه من قبيلة الأحبابي .. بس أمها ارميثيه.. عنود عندها 3 خوات .. شما ((26 سنه)) .. وفاطمه ((23سنه)) .. وبخيته ((21 سنه)).. وكلهن معرساات . وعندها اخوان اثنينه ..زايد ((27 سنه)).. ناصر (( 25سنه ..((

قامت العنود ودقت حق بنت خالها ... الريم ... الريم والعنود وايد مع بعض ...ولا وحده تخش شي عن الثانيه .. ريم ارميثيه ... وهيه من اهل زاخر ...
العنود : هلا ريوووومي ..شحالج مرت خيوو ؟؟
الريم : بخير فديتج .. واشحالج انتي .. واشحال عموه ..والكل ..
العنود : بخير .. كلهم بخير .. ويسلموون عليج ..
الريم : الله يسلمهم .. ويسلم من ياب السلااااام ..
العنود : غصبن عنج ..ههههههههه
الريم : لا والله .. اوكي عيل الله يسلمهم هم بس
العنود :ههههههههههه ..
الريم : وبعدين لا تقولين حرمة اخويه ..بعدنا على البر.. زايد ..ما نطق .. ولا قال ابا الريم
العنود: افاااا عليج ..خليه عليه ...
وتموا العنود والريم يسلفون إيي ساعه ..
العنود : اوكي ريموه .. بخليج الحينه .. تامرني بشي.
الريم : اوكي فديتج .. وسلمي عليهو .. باي

الريم ..اكبر من العنود ..عمرها 20 سنه .. وهيه تمووووت في العنود .. وعنود تعرف انه الريم تحب زايد.. بس زايد ولا يسأل .. وما يهمه غير شغله ..ونفسه ... ولا عمره نطق ولا قال انا ابا أعرس ...
زايد .. انسان طيب ..وشكله يجنن .. وهوه يوييل .. وما خذ جايزه في اليوااله ...وكل بنت تتمناه .. من زينه ... وجماله ...

لك في خفايا الروح برواز ...
حبك ولا يمكن ضياعه...
وعنك المتيم موول ما ياز..
اصبر ولا عندي استطاعه ...

الريم البجر في اخوانها ... وعندها اثنين .. ولد اسمه حمد ((13 سنه)) .. وبنت اسمها شيخة ((14 سنه)) .. الريم وااايد رقيقه .. وجسمها حلوو .. وعليها شعر ... يا زينه .... يضاهي الحرير من نعوومته .. وعليها اعيوون .. يتواصف بها الشاااعر ... كانوا اعيال عمها يتمنون انه الريم تكون من نصيب واحد منهم .... والعنود وامها يتمنونها لزايد ولا سلطان ..وهذي حال الدنيا

يمشي بخفه واعتدال...
لا لا بشر ..لا لا غزال ..
اوصفه لا والله محال ...
ماله شبيه اصويحبي ..

نرجع شوي لعنوود :
كانت العنود قاعده في الصاله .. وفجأه رن التلفون ...
ام العنود :العنود فديتج .. ردي على التلفون ..
العنود : ألو ..
......: السلام عليكم ..
العنود : وعليكم السلام ..والرحمه ..
.......: مرحبا الساااع ..
العنود : مرحبتين .. نعم اخويه . بغيت حد ؟؟
.......: هذا مب بيت سعيد الرميثي ؟؟
العنود : سعيد سالم الرميثي ؟؟
.......: هيه ؟؟ انتي الريم ..
العنود : لا أخويه هذا مب بيته .. هذا بيت اخته ..
........: اهااا ..آآسف ..بس مره الريم دقتلي من هذا الرقم .. وعبالي انه هوه ..
العنود : وانت منوه ؟؟ وشدراك بالريم؟؟..
........: انا خالد ولد خالتها ... المهم .. آآآسف ختيه ..بس ممكن تعطيني رقمهم ...
العنود : اوكي ..
وعطته العنود الرقم .... وسكرت .. ودقت حق الريم وخبرتها ..

خالد هذا ولد خالة الريم . عمره 24 سنه يدرس برا .. وما ايي البلاد إلا في الإجازات .. اهوه وأهله .. ساكنين في بوظبي ...
***************************STOP******************* *******
شوه تتوقعون خالد يبا ؟؟
والريم ش الحال عليها ؟؟

الجزء الثاني :
في بيت الريم ...
رن تلفوون البيت ..
أم الريم : ألو ..
خالد : السلاااام عليكم ...
أم الريم : وعليكم السلااام ..مرحبااا السااااع ..
خالد : مرحبا والله.. شحالج خالوه ..عساج طيبه .. وشحال عمي بو حمد ..والاعيال ...ربهم إلا بخير ..
أم الريم .. بخير فديتك .. انت اشحالك .. وشحال عربانك مناك ...
خالد : بخير والله ..يسرج الحال ..
أم الريم: إلا انت متى رديت من السفر .. من جمن يووم رمست امك ما قالتلي ...
خالد : البارح والله راد ... بس ما خبرتهم ... خليتها مفاجأه ..
أم الريم : هيه زين .. الحمد لله على السلااامه ..
خالد : الله يسلمج فديتج ..
أم الريم :يا مرحبا السااع والله ..
خالد : الله يرحبج على فضله ...خالوه نحن صرااحه نبا نيي صوبكم العين ...
أم الريم : مرحبابكم والله ... بتنوروونها العين ... وان ما شالتكم الأرض نحطكم في عيونا ..
خالد : تسلمين والله يا الغاليه ..خلااص عيل .. بنويه صووبكم أنا وأمايه ..باجر انشاء الله على المغييربان ..
أم الريم : يا مرحبابكم الساااع ... من زريتوااا لين وصلتوااا ...
خالد : تسلمين الغاليه .. خلااص عيل ..شي تامرون علينا ...
أم الريم : سلامتك ..وسلم على الأهل ربي يحفظك
خالد : يله فداعت الله ...
سكرت أم الريم عن خالد .. وزقرت الريم ...
أم الريم : الريم ..الريم ..
الريم : عووونج أمايه ...
أم الريم : فديت منطووقج .. حبيبتي .. قووم خالتج بيسيروون علينا باجر .. شوفوا شووه بتسوون ..
الريم تعرف تطبخ وبمهااره ..وما يغلبها شي في المطبخ ...
الريم : انشاء الله الغاليه من اعيوني ...انا بشووف شووه ناقص من المطبخ .. وبقولج ..
أم الريم : انشاء الله بس لا تبطين عليه ..
الريم : ليش امايه .. بتسيرين على حد خلاااف ؟؟
أم الريم : لا أمايه .. بس عمتج أم زايد .. وزايد بيونا خلااااف .. سوي فوااله وعشا
فز قلب الريم من سمعت أسم زااايد ...
الريم : انشاء الله امايه ..
أم الريم : ياا الله .. يعلني اشووفج عرووس .. يا ربيه ..
الريم : آمين .. وفي خاطرها .. ( حق زااايد انشاء الله (
أم الريم ما تعرف انه الريم تحب زايد .. وهيه في خاطرها ..انه الريم تكوون من نصيب ولد خالتها .. بس أختها ما رمست ...ولا نطقت ...

وعلى المغيربان ... وصل زايد وامه .. وقف زايد امه جدام مدخل الفله ... وخلاااف افتر بالسياره ..بيسير ايوقفها صووب القراجات .. وقف زايد سيارته.. والريم توها ظاهره من المطبخ ... الريم فز قلبها من شافت زايد .. وسارت صوووبه .. وسلمت عليه ..
الريم : شحالك بوو خليفه ....
زايد : بخير يسرج الحال ..
الريم في خاطرها ( يااااالله فديت منطوقك .(
زايد : انتي اشحالج ..
الريم : يسرك الحال ..عايشين في هالدنيا ...
زايد : عيل خاليه وعيووزه وين ؟؟
الريم : داخل أقرب ..
زايد .. اول مره يشووف الريم من جريب.. ويدقق في ملاااامحها ... لانهم يووم يلتقوون يكونون مع الأهل .. فيسلموون من بعيد .. ساار زايد صووب الصاله ..
زايد : هووود ..هوووود
أبو الريم : اهدااا ما حد غريب فديتك ..
دخل زايد .. وسلم على خاله ..وحرمت خاله ..وحمد ..وقعد ..والريم حطت الأفواله ..وساارت المطبخ تعاابل العشا.. وخلااااف عقب السوالف والرمسه ..حطوا العشاا ..وتعشووا وسااروواا

مره هالليله ما قدرت الريم ترقد .. وتمت تفكر في زايد.. وتفكر لين متى بترياااه .. وهوه متى بينطق.. عشاان اعرف احدد مستقبلي ... معاااه ولا معا غيره ...

اما زايد ..أول ما حدر راسه على المخده .. تخيل الريم .. وأذكر نظراتها له .. اعيوونها .. ..حس في عيوون الريم .. اممممم ... نظره غريبه ... يمكن حزن .. او .. اممممممم .. يمكن لاني أول ادقق فيها ..
زايد : لا ..لا .. أكيد أنا اتخيل ولا شي .. الريم بعدهااا يااهل .. ورقد زايد ..
****************************STOP****************** ***
شووه تتوقعون خالد يبا من خالته ..؟؟
وزااايد .. بدا يحس بالريم ... ولا ... بعده ؟؟

الجزء الثالث :
الصبح .. الريم وأمها قاعدات في الصاله يسولفن .. ويتريقن .. وأخوان الريم أرقود ..
أم الريم: الريم فديتج .. خالتج أم علي ما دقت تلفون ..
الريم : لا ..ما دقت ..
أم الريم : ما ادري شوه بلاها ... عسى خير ان شاء الله

أم علي يارت أم الريم .. أكبر عيالها أسمه علي.. علي عمره 26 سنه.. خريج جامعي من كليه إدارة واقتصاد .. طيب .. وحلو .. وأي بنت تتمناه من رحامته .. ابوه متوفي .. وأمه هي إللي ربته هو وأخوانه.. وهو من جبيلة العامري ..

في بيت ام علي :
أم علي : علي .. علي ..
علي : يعل يفدااااااااااج علي ..واهله كلهم ... لبيه الغاليه ..
أم علي : الله لا يخلااااااني منك يا ربيه ... فديتك بغيتك توصلنيه عند أم حمد ..
علي : وش أم حمد ؟؟
أم علي : حرمت سعيد الرميثي ..
على : ايه .. والنعم .. وبغيتيني أوصلج ؟؟
أم علي : جاااان ما عليك كلااااافه ..
علي : انشاء الله ...بس بسير اتسبح .. وبيج ...

ظهر علي .. وأمه ..صوب بيت سعيد الرميثي ...
وفي السياره ...
أم علي : علي .. أنا حاااطه بنت في بااليه ... بنت مزيوووونه والله ..
علي : جانهااااا من ذووقج يا الغاليه .. عيل أكيد مزيونه .. إلا بنت منوه هيه ؟؟
أم علي : بنت سعيد الرميثي .. الريم ..
علي : اهاااااااااااا .. (وبخبث) ... حلووووووووه ؟؟
أم علي : يا الله يا علي .. يا رحاااااااااامه عليهاااا .. تكفيك اعيوونهاااا ..
علي .. ابتسم .. : إللي تشوفينه يا الغاليه ...
أم علي : خلاااص عيل فديتك .. برمس ابووهاا .. جريب انشاء الله ..
علي : ما عليه يصير خير ..

وصلوا بيت سعيد الرميثي ... وقفوا جدام المدخل الرئيسي ... ودقوا هرن ..بس محد ظهر .. افتر علي بالسيااره ..لباب إللي وراا .. ونزل أمه ... وطلعت أم الريم ..
أم الريم : مرحباااااااا والله مليووووووووون
أم علي : المرحب لااااااهااااااان فديتج ...
أم الريم : قربي .. منوه يا يبنج ؟
أم علي : علي فديته ..
أم الريم سارت صوووب السيارة ... ونزل علي .. وسلم على أم الريم .. وكان كاااشخ ... والريم كانت توها ظااااهره من المياااالس .. إللي عند المدخل . وما شافت علي ..وهوه راااد يركب سياارته ... علي ركب السيااره ..وتوه بيشغلهااا ...إلا رن تلفووونه ...
علي : مرحباااااااا مليووووووون ببو عسكووووووور ..
سعيد : يااااا الله شووه هالحب إللي نزل عليك ..
علي : ههههههه .. والله ما فيك خير .. وانا ارحبك .. يعلني فاارقك ..
سعيد : ههههههه .. لا افااااااا عليك يا بوحسن ..انتوا نظر العيوون ...
علي : تسلم فديتك ..
سعيد : اممممممممم .. أنت وين ؟؟
علي : والله موصل الأهل ... ليش .. شي في خااااطرك ...
سعيد .. تخااوني ..دبي ..
علي : خلااااااص تم ..
وشوي انها الريم خاطفة عدااال سيارة علي .. وهيه ما انتبهت لووجود علي .. عباالها الدريول .. لانه السيارة ما تشتغل .. هنيه عاااد ..علي شاف الريم .. وعرفها.. لانه امه تقوول انهااا هيه البجر ... وقعد يطااالعهااا لين دخلت .. وكانت الريم معقصة سعرها.. وظاهر بره الوقاايه من طوله ماشاء الله .. الريم دشت خااااطر علي .. وعجبته .. من غير ما تكوون قااصده انها تخليه يشووفها.. لانه ان دراا ابووهااا ..يوييلهااااااا ..
ساار علي صووب دبي .. مع اربيعه سعيد .. سعيد اربيع علي ... من أيام الثاانويه ..

في صالة بيت الريم :
أم الريم : يا حي من لفا صوبنا والله ..
أم علي : الله يحيج غناتيه .. شحالكم ربكم بخير ..
أم الريم : بخير ونعمة .. إلا انتوا ما لكم شوف ..
أم علي : والله إلا في الدار ..
أم الريم : يا مرحبا الساع ..
وقعدن الحريم يسولفن لين الظهر .. وعقب استرخصت أم علي عنهم وسارت بيتها ..
**********************STOP**********************
شووه تتوقعون .. علي بيخطب الريم ؟؟
وخالد ..شوه يباا قااطع الدرااسه وراد البلاااااااد ؟؟
والريم ..شوه بتسوي مع علي وخالد ؟؟

الجزء الرابع :
على المغيربان .. وصل خالد وأمه ..
وسلموو على الأهل وقعدووا ..وخاااالد يطالع الريم .. والريم حاسه بنظراته .. وجنه بياكلها بعيوونه .. الريم ..ما تحب خااالد ..لأنه خقاااااااق وشايف عمره .. على الكل ... والريم ما ادااااني ..حتى طااريه ...
قعد خاالد شوي ..وتفاول .. وخلاااف ظهر مع ربعه .. وخلا أمه .. عند اختهااا...
أم خالد : أم الريم .. أنا ييتيه اليووم خاصه الصراااحه ..
أم الريم : مرحباااابج .. والله .. من زريتي .. لين وصلتي ..
أم خالد : الصرااحه .. انا ما بلف وبدوور .. خالد يبا الريم .. وخاطره فيها من يووم آخر مره راااد فيها البلااااد ... ورمسنيه ... وانا الحين ..يايه اطلبها منج وعسا ما اترديني ..
أم الريم: انشاء الله يا ختيه ما يستوي غير الخير ... بس نحن لازم نشاور أبوها .. ونشاور الريم يمكن ما تباه ..
أم خالد(( بنقمه)) : ومن متى نحن نشاور البنت في قريبن لها ... أنا خبرتج ترانيه ..
أم الريم : يصير خير .. خليني انزين أشاور ابوها ..
أم خالد : خلاص عيل.. شاوري وردي علينا خبر .. ويا ريت ما أطولون .. لأنه خالد يبا يسافر .. عنده دراسة تعرفين ..
أم الريم : الله يكتب إللي فيه الخير ...

وفي الليل في حجرة أبو الريم ...
أم الريم : يا بو حمد أختيه اليوم طلبت الريم حق ولدها .. خالد .. شرايك ؟؟؟
أبو الريم : والله هذي الساعة المباركة ... بس شوه راي الريم ؟؟
أم الريم : بعدني ما رمستها ..
أبو الريم : وأنا لازم أشاور أهليه .. جاد حد من عيال عمها ولا عمتها يباها ...
أم الريم : خلاص .. إللي يريحك سووه .. بنتك وانت حر ...
وسارت أم الريم صوب حجرة الريم ... دخلت أم الريم .. وسولفت هيه والريم ...وفي نص السوالف ..
أم الريم : والله وكبرتي يا بنتي .. ويوج خطاب ...
الريم فز قلبها .. ويا على بالها زايد .. ياااااااااللله فديييييييته ...
أم الريم : بلاااج سرحتي .. ما تبين تعرفين منوه ..؟
الريم (( بدلع )) : منوه ؟؟
أم الريم : خالد ولد خالتج ..
الريم .. انصدمت .. كانت تتوقع زايد ...
الريم : لا لا مابااااااااااااه .. أكره هالأنسان ... دخيلج أمايه ماباااااااه ..
أم الريم : بلاج .. انتي .... هذا ولد خالتج .. يعني سترج وغطاج ... وإذا على الحب .. بتحبينه عقب .. ما عليج .. من يحدر عليج الكوشه .. بيحدر قلبه عليج ..
الريم (( تصيح)) : أمايه .. فديييييييييتج .. لا تذبحني بهالزواج ..
أم الريم (( معصبه )) : جيه العرس صار ذبح الحينه ؟؟
الريم (( تصيح بشكل يقطع القلب )) : أمايه دخيييييييييييييييييلج ..
أم الريم (( بعصبيه )) : هذا ولد خالتج .. وما يعيبه شي ..وجان عيال عمج وعمتج ارخصووج .. لازم تاخذينه ..الريال مافيه عذرووب ..
وظهرت أم الريم عن الريم .. إللي يلست تصيح .. وفكرت أدق لعنوود .. وترمسها ...
الريم دقت لعنود من موبايلها .. أول شي دقت على موبايل العنود ما حد شله .. لانه العنود قاعده في الصاله تشوف الفلم .. فدقت على تلفوون الصاله ... وشله ناصر ..إللي كان تووه حادر البيت ..
الريم : ألـــــــو..
ناصر: مرحبا السااااع .. الريم ؟
الريم : هيه ... ناصر بغيت العنود ممكن تزقرها ..
ناصر (( حس انه الريم فيها شي .. بس ما يقدر يسألها )) : أنشاء الله ..
ناصر زقر العنود ..وسار حجرته
العنود : ألــو ..
الريم .. تصيح ومب قادره ترد على العنود ...
العنود : ألــو .. الريم ... ريم ... بلااااااااج ..خوفتني تراااج ؟؟؟؟ حد من هلج فيه شي ..
الريم .. لا .. أنا إللي فيه
العنود : شفيج فديتج ..؟؟
الريم : العنود هالسبال خالد .. خطبني ..
العنود (( انصدمت )) : متى .. وكيف .. ومنوه رمس ؟؟
الريم : اليوم ... هوه يا من بوظبي .. وحدر عدنا .. شوي .. وخلاف ساار .. وامه رمست امايه ..
العنود : وامج شوه قالت ؟؟
الريم : شوه بتقول يعني .. اكيد بترحبه (( الريم وتصيح بحرقه )) العنوود دخيلج ... انا اكره .. تعرفين شوه يعني أكره .. يعلني .. اموووت قبل لا أنزف عليه ..
العنود .. انكسر خاطرها على الريم .. بس ما تقدر تقولها شي .. أو تعشمها بشي . لانها تعرف أنه الريم تحب زايد .. بس زايد ...آآآآآآآآآه يا زايد ... مسكينه الريم ..
العنود : الريم فديتج .. انزين أهدي شوي .. وسيري ارقدي ... الحين .. ومن اصبح أفلح ..
الريم : أرقد ؟؟؟؟؟؟؟ .. أنتي إللي تقولين جيه .. وانتي تعرفين عووقيه ...
العنود .. سكتت .. وما عرفت شووه ترد على الريم ... الله يسااامحك يا زايد ...
الريم : العنود .. خلاص أنا ببند عنج ..
العنود : لا لاااا .. وين تبندين .. وانتي بالحاله ..
الريم .. عنود دخيلج .. خليني .. باي
العنود : باي ..
*******************************STOP*************** ***************
شوه تتوقعون بيستوي على الريم ...
بتتزوج خالد .. ولا زايد .. بيصحى .. وينتبه لحب الريم له ..
والعنود .. شووه بتسوي .. وبتقدر تساعد الريم ..ولا ؟؟

الجزء الخامس:
يا كيف نامت عيونك وانت ظالمني ... وانا عيوني تعاف النوم لو تزعل ...
في غرفة الريم .. ريم كانت تصيح .. طول الليل .. وأذن الفير .. وصلت ..وحطت راسها على المخده ورقدت من التعب ... وبعدين نشت على الساعة 7 الصبح .. ونزلت تحت .. وحصلت ابوها ...
أبو الريم : هلا والله .. هلا برووحيه
((الريم دلوووعة أبوها .. والكل يعرف هالشي ((
الريم .. ما ردت .. وأول ما اجدمت عند أبوها .. وباسته على راسه ....
أبو الريم .. خاف على الريم .. شكلها كان يبين أنها كانت تصيح .. ومب راقده ..
أبو الريم : ريم .. عسا ماشر ..بلااااج أبويه ؟؟
الريم : ماشي .. ما فيه شي ..
أبو الريم : الريم لو فيج أرمسي .. ليش الحلوو يضم عن باباته ؟؟؟؟
الريم .. صاحت وما قدرت تتحمل .. وفرت بعمرها في حضن أبوها ..
الريم : دخيلك أبويه .. مابا خالد ولد خالوه ..
أبو الريم .. ويمسح دمووع بنته : خلاص ما تبينه برااايج ..
هنيه دشت أم الريم ...وسمعتهم ..
أم الريم : سعيد .. هذا زواج مب لعبه .. وبعدين من متى نحن ناخذ راي البنات ...
أبو الريم : يا فاطمه الله يهداج ..
أم الريم (( وقطعت رمست ريلها )) :لا يا سعيد .. الريم ما تعرف مصلحتها .. وانت لازم تختار لها الخير .. مب قاعد مخلنها تتنقى و تتخير ..
الريم قامت عنهم .. وسارت حجرتها ..
أبو الريم : حرااام عليج ..يا فاطمه ... مب زين إللي تسوينه .. في البنت .. لو ياها شي ..لا سمح الله .. ما حد بينفعج ..
أم الريم : ما حد بيخاف على بنتيه أكثر عنيه ... وخلاص أنت شاور هلك ..ورد عليه ..عشان أرد على ختيه ..لأنه خالد مستعيل يبا يخطب ...
أبو الريم : انشاء الله .... يصير خير ...

في بيت يدت الريم ..
أبو الريم جمع العايله كلها .. من أخوانه وخواته.. وسال عيال عمها وارخصوها ...لانهم يعتقدون مثل ما فهمتهم ام الريم أنه الريم موافقه.. وهم ما يبون يخربون عليها.. بس منصور ولد عمها أعترض .. إلي هوه كبر الريم .. لكن ماحد دزله ويهه .. وقالو.. أهتم بدروسك ابرك ... سألوا ناصر .. وزايد .. وارخصوها بعد ..

وفي بيت الريم .. فالليل .. قاعدين العائله الكريمه كلها في الصاله ...
أبو الريم : الريم ... أنا سألت هلج كلهم .. واحد واحد .. من عيال عمومتج .. وعيال عماتج ..
أم الريم : هااااه ... وشوه ردوا عليك ؟؟
أبوا الريم : كلهم مرخصينها ...
الريم (( انصدمت )) : كلهم ؟؟؟؟!!!!!!!
أبو الريم : هيه بس ...
الريم : بس شووه ...
أبو الريم : بس منصور .. إللي اعترض .. لكن ابوه قاله انت صغير .. وبعدك تدرس .. لكن لو انتي تبينه بقول حق اخويه انج عادي موافقة على منصور ...
الريم .. سكتت شوي .. وبعدين قالت .: يعني خلااااص .. لااااااااازم آخذه ..
أم الريم : مالج غيره ..
راحت الريم حجرتها وهيه منقهره ..

يا خسارة حبنا فيكم حرام
واتظحلي معدنك على العموم
ما على حبك ولا شوفك ملام
الملامة هي على قلبي ألوم
لو نسيتك من حياتي والسلام
نعمة النسيان من ربن رحوم

ودقت لعنوود ..
العنود : ألو ..
الريم(( تصيح )) : هذا أخوج شووووه .. عديم أحساس .. مايحس .. عنبووه ... لو جماد جان حس فيه ..
العنود أنصدمت من كلام الريم
العنود : الريم بلاااج ؟؟؟؟؟!!!!!!!!!!!!!!!!!!
الريم : خبرت العنوود بالكلام إللي قاله أبوها ..
العنود : الريم ...أنا قتلج من قبل زايد ماكد رمس وقال .. وانتي عشمتي عمرج به ...
الريم : يعني خلااااااااااص ..انفرض عليه هالسباااااال ...
العنود : الله يعينج ..
الريم : العنود بخليج الحينه ...
العنود : أوكي غناتيه ..ربي يحفظج ...

مــــــــا فـــــــــاز قلبي فيك ما فـــــــاز
خســـــــــران من كثــــــــــــر القطاعه
والطيـــــــــف عــــن عيني فلا خــــاز
سرحـــــــان في وســــــط الجمـــــاعه
*******************************STOP*************** ***************
شووه تتوقعون بيستوي مع الريم ؟؟

الجزء السادس :
في بيت العنود ..
سارت العنود عند أمها ..
العنود : أمايه دريتي عن الريم ؟؟
أم العنود : بلاهااا الريم ؟؟
العنود : بيوزونها حق ولد خالتها ...خالد ...
أم العنود .. هيه أمايه سمعت .. أبوج خبرني البارحه ..
العنود : أمايه .. انا الصارحه كنت أتمناها حق زايد ... بس زايد ما تنطق ...
وفي هاللحظه دخل زايد الصاله ..
زايد : السلااااام عليكم ...
أم العنود + العنود : وعليكم السلام والرحمه ...
أم العنود : عمرك طويل .. تونا نطريك ..
زايد : هااااااااه .. في شووه ترمسوون ....
أم العنود : لا فديتك ما شي ...
العنود : لا شي .. زايد الريم بتعرس ..
زايد (( عادي ومب هامه الموضوع )) أنزين ادري ...
أم العنود : الصراحه يا زايد ..انا كنت اباها لك .. هيه بنت طيبه .. ورحيمه ..
زايد : أمايه ..البنت سارت لنصيبها ..
سار زايد حجرته .. والعنود لحقته ..
العنود : زايد .. متأكد أنك ما تبا الريم ؟؟
زايد (( مستغرب )) : هيه متأكد .. ليش !!!
العنود : خلاص يا زايد .. تراها بتعرس ..
زايد : العنود .. أنا عمري ما فكرت .. ولا يت على بالي اصلا ً .. فكيف بتمناها زوجه .. وبعدين أنا مب داق على بالي أعرس ..
العنود : والله كيفك ..
زايد : خلاص انزين ..صكي الموضوع .. شووه ماشي موضوع ترمسون فيه غير الريم .. انتي أخبارج ..
العنود : عايشين ..
زايد : يالله ..عقبالج يا الدبه ههههه
العنود : لا حبيبي .. انت شيبتنا ..لازم تعرس قبل ..
زايد : ههههههههه .. أنا شيبه ..
العنود : هيه عيل شوه ولد أمس ...
زايد : هههههههههه .. زين زين يا الياهل .. يالله قومي وجلبي ويهج .. وبندي الباب ..وراج ..
العنود : أجلب ويهي .. أوكي يا زيوووووووووود ..
زايد : جيه زيوود ..أصغر عيالج وانا ما ادري ..
العنود : لا أكبر شوابي ..ههههههههه
زايد :ههههههههههههههه
العنود : يله تصبح على خير غناتيه ..
زايد : وانتي من أهله فديتج ...

الصبح في بيت الريم ...
الريم في حجرتها .. وأمها في الصاله .. وشوي أنه التلفون يرن ...
أم الريم : ألو
أم خالد : مرحبا ختيه ..شحالج ؟؟
أم الريم : بخير يسرج الحال ... انتي شحالج .. وشحال هلج .. وتواليج ...
أم خالد : والله يسرج الحال ..
أم الريم : يا مرحبا السااااع ..
أم خالد : الله يرحبج على فضله .. هاااه أم حمد .. شوه ردكم علينا ...
أم الريم :مرحبااابكم الساع .. وان بغيتوها بوقايتها مره شلوووها ...
أم خالد : يالله فديتج .. وفديت عرووسنا .. عيل ببشر خالد ... وانشاء الله متى تبون الخطبه ...
أم الريم : والله إللي يريحكم ..
أم خالد : شوفي الريم .. وردوا علينا ..
أم الريم : تبين شوريه ... الخميس مب هذا إللي عقبه ..شرايكم ..
أم خالد : خلاص تم .. وأنا بكلم بو خالد ..وخالد .. والاعيال ... وانشاء الله هالخميس بيون الرياييل .. والخميس الياي ... بتكون الملجه ...
أم الريم : انشاء الله .. خلاص عيل الغاليه ببند عنج الحين .. أبو حمد بيخطف عليه الحين ..يبانا نسير على عرب..
أم خالد : خلاص فديتج .. سلمي عليه .. وعلى عروسنا بعد ..
أم الريم : أنشاء الله يبلغ .. يله فداااعت الله ..
أم خالد : ..ربي يحفظج ..
*******************************STOP*************** ***************
مر هالجزء .. وزايد ... راااقد في العسل ...
والريم ما تعرف شووه تسوي ..
شووه توقعاتكم بيستوي ..
والمجله بتم ..ولا ... شي بيستوي ..وبيعطلها

الجزء السابع
في بيت الريم ..
الريم كانت ترمس العنود في التلفون.. وعنود في خاطرها تقول حق ريم زايد شوه قال يوم رمسته العنود.. عنها.. وعن موضوع زواجها .. بس ما قدرت .. لأنها حست أنها بتجرحها .. والريم بروحها ما تزداد .. وإللي فرضته عليها أمها كفاية .. ويكفي أنها بتاخذ إنسان عاااايفتنه ...

ردت أم الريم .. من برا .. هيه وبو حمد .. وخبرته طبعا ً أنه الملجه راح تكون يوم الخميس .. وهوه ما قدر يقول شي .. لأنه لو رفض ..شوه بيقولون.. والريال ما ينعاب ... سارت أم الريم صوب الريم .. عشان تخبرها ..
أم الريم : ريم ..
الريم : لبيه أمايه ..
أم الريم : لبيت حايه أنشاء الله ... تعالي بغيتج في رمسه .. عندي في الحجره ..
الريم : أنشاء الله أمايه ..
سارت الريم جدا أمها ... وفي الغرفة ..
أم الريم : تعالي عداليه فديتج ..
يلست الريم عدال أمها .. وهيه تقول في خاطرها .. خير انشاء الله ..شو صااير ؟؟
أم الريم : أنا خلاص رديت على خالوتج .. وقلتلها .. و نحن ترانا اتفقنا .. والملجه انشاء الله بتكون الاسبوع مب هذا .. إللي عقبه ...
الريم .. ساكته وتسمع .. وخانقتنها العبره .. تبا تصيح .. تبا تصارخ ..
أم الريم : هاه مناااسب .. لا تبينا نأخر ..
الريم : خلاص تراج عطيتيهم كلمه من غير حتى ما تشاورينيه .. ما يكفي أنج بتذبحيني بها الزواج .. لا .. وبعد مستعيله عليه .. تبين الفكة ..
الريم مخنووقه .. وتكلم أمها ومب حاسه .. أنها قاعده تجرح امها بالرمسه ..أم الريم ساكته وتسمع .. وأول ما سكتت الريم ..
أم الريم : هاااي مصلحتج .. ونحن أدرابها .. وجان خاطرج في حد من عيال عمج .. ولا عمتج .. تراهم مرخصينج .. ولا واحد فيهم نطق غير منصور .. وانتي قلتي ما تبينه .. لين متى بتمين عندي في البيت.. أنا ما بدووملج دووم ...أنا وأبوج جان عشنا اليوم ... ما بنعيش لج باجر .. حبيبتي الريم .. شوفي مصلحتج وين.. وفكريبها .. وهذا كلامي لج .. ونصيحتي لج ... والملجه عقب اسبوعين .. وزهبي عمرج ..
الريم .. كانت ماسكه عمرها في حجرة امها .. بس أول ما وصلت حجرتها .. انفجرت الريم من الصايح .. وصاااااااااحت لي عيزت .. ورقدت ... ..

ويوم الخميس تولفوا الرياييل من عايلة خالد .. وأهل أبوه .. يخطبون الريم .. بعد تبيلغهم بموافقة أهلها ..
وتمت الخطبة الرسمية بين الرياييل .. والملجة بعد أسبوعين

يوم الجمعه . في حجرة الريم :
واول ما نشت .. يت على بالها العنود فأستأذنت من أمها وسارت صوب العنود .. دشت الريم الصاله .. وكانت العنود توها حادره من برا .. ويايه بتشل الدخون .. عشان أدخن الميالس إللي برا .. لانه من زمان ما دخنوهن ...فسارت الريم وياها صوب الميالس
العنود : هلا والله ..مرحبا ملاييين ولا يسدن ...
الريم: المرحب لاهان فديتج
العنود : حيا الله بنت الخال .. شحالج ريموه
الريم : حالي ..ههههههه .. أنتي وأخوج أدرى بحالي ..
العنود سكتت .. ما عرفت شوه تقوول .. حتى لو ريم مجروحه ..بس مب من حقها تجرحني .. أنا ما لي خص ...أنا ما قلت لزايد ..لا تاخذ ريم ... ولا إليه خص فيه ...
بعد سكوت بينهن هن الثنتين
الريم حست أنها ظلمت العنود ..
الريم : العنود ... حبيبي ..
العنود : هلا ..
الريم : حبيبي .. لا تزعلين مني .. بس انتي الوحيده .. إللي أقدر أكلمها براحتيه .. ومن غير قيود ..
العنود : فديتج والله ...
الريم : عنادي .. الملجه .. أقصد .. بداية خط النكد ... بعد اسبوعين ..
العنود : يالله .. الله يوفقج يا ربيه
الريم سكتت وما ردت ..
الريم .. بس أنتي الوحيدة إللي تعرفين أني ما أباه ..
وشوي أنه حادر عليهم الميالس ..............
***************STOP******************
شووه تتوقعون بيصير ؟؟ والريم خلااااااااااااص بتاخذ خالد ..؟؟ .. ومنوه إللي حادر الميالس صوبهن ؟؟

الجزء الثامن
العصر .. في بيت العنود ..
الريم والعنود قاعدات في الصاله يسولفن .. وشوي أنه ناصر أخو العنود ..و أهله حادرين الميالس ..
أم العنود : وايه ..فديتج ..شحالج ..غناتيه ..
الريم : بخير الله يسلمج عموه ..
سكتوا شوي ..بعدين أم العنود سألت الريم ...
أم العنود : الريم ..
الريم : لبيه فديتج ..
أم العنود : لبيتي حايه ..أقوول فديتج ..متى الملجه انشاء الله ..
الريم حست نفسها بتصيح ..هيه ما صدقت تنسا شويه ... أو خل نقوول تتناسا ..
الريم : عقب أسبوعين ...
أم العنود : مبروك انشاء الله ..
بعدين العنود والريم استرخصن من أم العنود ..وسارن صوب حجرة العنود.. إللي هيه آخر حجرة في الممر
وإللي قبلها حجرة زايد.. الريم وهيه خاطفه.. سمعت زايد يرمس في التلفون.. وايه فديت هالحس ...ومشن
بسرعه صوب جرة العنود بسرعه قبل لا يظهر زايد ...
واو ما دخلن الحجرة .. الريم طاحت على الشبريه
الريم : عموووه ذكرتني بالسبااااااال ... وانا احاول اتناسى الموضوع
العنود : ههههههه ..يحليلج بتاخذين سباااااااال ...
الريم : ههههههههههه .. الله ياخذ بليسج ...
العنود : الريم .. امممممممم ..ممكن سؤال ؟؟؟؟
الريم : ياااا ويلي على الأدب ..
العنود : ههههههههههههه ..الريم عاااااااااااد ..يله ممكن ..ولا اجلب ويهي ؟؟؟؟؟
الريم : لا .ممكن ونص .. هلا ..شتبين .. تسألين ...
العنود : امممممممممممممم ... بس لا تزعلين ..أو تضايجين ..جاوبني بصراحه وهدوووووء ...
الريم : انشاء الله .. بس عقي هالجوهره ....
العنود : هههههههه .. انشاااااااااء الله .... امممممممممم ..الريم ...انتي تحبين زايد ... و أنا اعرف هالشي .. بس .. أممممممممم ..يوم بتنخطبين .. بتنسين حبج له ؟؟؟
الريم : افااااااااااااااا يا عنود .. وهذا انتي إللي تعرفيني حتى اكثر عن نفسي .. وتعرفين همي قبل لا أشكيه.. العنود.. أنا احب زايد.. وأموووت فيه ..وحبي له ..مب من اليووم وأمس .. حبي له من سنين ..الحين .. ومستحيل أقدر أنسااااه ..لأني أحبه .. وحبه .. بيتم يسري في دمي لين اموووووت ...
العنوود تأثرت بكلام الريم .. وصاحن هن الثنتين ...
بس محد منهن كان يدري انه زايد.. سمع الكلااااااااااااام كله.. هوه كان واقف .. من لحظة عنود سألت الريم .. زايد يووم سمع طاريه ..شده الفضول .. وحب يعرف .. في شووه يرمسون ...
سار زايد ودق حجرة العنود ...
العنود : منووووه ؟؟؟
زايد : هووود .. هوووود ..
الريم بصووت خفيف .. وااااايه فديت هالحس .........
العنود ضحكت عليها ..
العنود : اهدااااااا ما حد غريب ...
((زايد كااااااان كااااااشخ آخر كشخه .. )) وعاد الريم ذابت من شافته ..ذابت
زايد : شحالج الريم ؟؟؟
الريم : يسرك حاليه .. شحالك انته يا بو خليفه ؟؟
زايد : والله الحمد لله ..عايشين .. سمحوليه قطعت عليكم ..
العنود + الريم : لا مسموووح ..
زايد : عنادي ..فديتج .. ما شفتي البارح ..وين حطيت انعاليه السووده (( يتحجج الأخ .. ما يباهم يحسوون انه سمع كل شي ((
العنود : هيه فديتك ..جدام المدخل .. الرئيسي ...
زايسد : اهاااااااا .. واان أدورها...عباليه دخلتها داخل ويايه .. أوكي السموووحه منكووو مره ثانيه ..شي في الخواطر ..
الريم في خاطرها تقول هيه ...
العنود : سلااامتك ..
زايد : هاه الريم ..ماشي في خاطرج ..
الريم : لا سلامتك ..ربي يحفظك ..
زايد : ويحفظكم ..فداعت الله ..
*******************************STOP*************** ***************
هااااااااه شووه تتوقعوون ..بيسوي زايد بعد ماعرف
بيأثر عليه كلام الريم ؟؟
ولا ..

الجزء التاسع :
يا حي من بين لي الشوق .. وانا شراته صرت مشتاق
وأنت الشراب وطعمي وذوق .. ولو في منامي صوبك أشتاق ..
في غرفة العنود ... بعد ما ظهر زايد عن الريم والعنوود ...
الريم : العنوود ..ضنج زايد يكون سمع كلامنا ؟؟
العنود : شوه سمع ..؟
الريم : كلااامي عنه ..
العنود : حتى لو سمع ..الريم ..انا بقولج الصراحه .. زايد مب حاطنج في خاطره ..
الريم أنصدمت من كلام العنود ... والعنود ..خبرت الريم بكلااام زايد ...يووم قالتله انه الريم بيملجوون عليها خلاااااص ..
الريم ماعرفت شووه تقوول .. أو شووه تسوي ... ويلست شووي ...وخلاااف سارت بيتهم .. وعلى طوول دخلت حجرتها.. وقعدت تفكر .. معقووله ... معقووووله ... احبه سنين .. وهوه مب داري ..لكن مب منه .. مني أنا إللي عطيته ويه .. والله ما أذل عمري .. حتى لو كان زواجي من خالد فيه تعاستي ...

21-09-2007, 02:52 AM

أما زايد .. فسار عند ربعه .. وكانوا مجتمعين .. في عزبة اربيعه حمد ... كان زايد في عالم ثاني .. سرحااااااان .. ويفكر في كلام الريم .. معقوله الريم تحبني ... وأنا ما أدري .. بس ... اممممم .. أنا ما احس تجاها بشي .. و امممممم .. ما ادري .. ما ادري ..
وشوي .. انه اربيعه سعيد يزقره ...
سعيد : بو خليفه .. بو خليفه .. هيييييييييييييي .. نحن هناااااااااااااا ...
زايد : هلا .. هلا .. وياكم ترانيه ..
سعيد : أي ويانا يا رياااااااال ... في منوه سرحان .. في غرشووب من بوظبي ولا العين ...
زايد : هههه ... لا يا رياااااااال ... تحيدني مب راعي هالسوالف ..
سعيد : المهم بتيول ويانا بااجر ... في عرس حميد المنصوري ...
زايد : منوه حميد بعد ..حميد بن زايد ؟؟
سعيد : هيه ..هووه ما غيره ..
زايد :خلاااااص انشاء الله .. بكوون عندكم على الساعه 5:00 العصر ..
سعيد : انشاء الله ..
وقعدوا الشباب يسولفووون .. لين أذن الفير ... وصلوا ..وكلن سااار بيته ..

رد زايد البيت .. وسار حجرته .. وأول ما انسدح على شبريته .. يت على باله الريم .. يالله ..شفيها تيي على بااالي ...هيه بيملجوون عليها الحين ...وبعدين هيه اكيد بتنسا .. اوووووووه . وانا شبا فيها .. الله يوفجها ..

في بيت الريم .. على الساعه 10:00 الصبح ..
زلت الريم عند أمها الصاله .. ويلسوا يسولفون .. وبعدين ظهرت الريم السووق مع أمها والعنود .. عشان تلحق الريم تخيط فستان الخطووبه .. الريم كانت رافضه خالد .. وما كانت تبا حتى تسوي حفله .. بس بعد ما عرفت رد زايد يوم درى انها بتملج ... داااست على حبها .. وعلى قلبهاااا ... والكل كان يعتقد أنه الريم حبت خالد ... بس العنوود هيه الوحيده إللي كانت تعرف عوووق الريم ..
*&* أناااا آآآسف إذا في يوووووم حبيتك *&*

والعصر ...
سارت الريم صوب العنود عشان تسير وياها السووق تكمل باجي أغراضها ... الريم ..توها داشه بيت عمتها .. شااافت زايد .. وكانت تعااامله بجفااااااااء .. مب ريم إللي هوه تعود عليها ...
الريم : السلاام عليكو ..
زايد : وعليكو السلام ..شحالكو ..
الريم : ما أعتقد يهمكوو .. المهم العنوود وين ..
زايد (( أضايج من رد الريم .. هوه في شوه غلط عشااان هاي المعامله الجاااسيه ..)) : العنوود فووق ...
سارت الريم صوب العنود .. من غير ما تنطق بكلمه زياااده .. وزايد ظهر وركب سيارته .. وهو يفكر ليش هالمعامله .. أنا في شووه غلط ..

سار زايد العرس .. وسارت الريم السووق .. وكل واحد منهم في واااادي .. الريم . أدووس على حبها لزاااايد .. عشان كرامتها .. وزايد يفكر فيها .. ويلووم نفسه .. لأنه يفكر فيها .. لأنه مب من حقه .. وخاصه أن خلاااااااص بعد جمن يووم بتصير على ذمت ريااال.. أنا مب نذل ..ولا حقير .. عشاان أفكر في حلاااااال غيري .. وشفيني أنا ...يووم كنت ...يووم كانت جدااامي كنت عاااادي ... والحين يووم بتصير حلاااال لغيري .. حلت في عيني .. أعووووذ بالله منك يا بليييس ....
*******************************STOP*************** ***************
شووه تتوقعوون ..
خلااااااص الريم مالها أمل في زايد ..
ولا القدر بيلعب دوور ... وبيغير مجرى الأحاث

الجزء العاشر
مرت الأيام بسرعه .. وانقضوا الأسبوعين ..بسرعة البرق ...
ويوم الخميس .. 20 / 6 / 2002 م ..
كان يوم ملجة الريم .. الصبح .. كان الكل مرتبش.. الريم سارت الصالون مع العنود .. وأختها شيخة ... وأمها سارت الخياط .. تقظي جمن شغله ...

في الصالون ...
العنود : ريموووه فرحانه ؟؟
شيخه : أكيييييد .. يعني .. شوه هالسؤال الغبي !!
الريم : العنود .. لا تفتحين اجرووحي .. بعدين انتي تدرين شووه احساسيه ...
شيخه : جيه تتكلمون بالألغاااااااز ؟؟؟ الريم ... أنتي ما تبين خالد ؟؟!! لو ماتبينه قوولي .. انا بخبر أمايه ..
((شيخة أخت الريم .. وما شاء الله عليها جريئة.. ودفشه شوي .. بس حلووه .. وتمووت في أختها .. وما ودها تشووفها حزينه ((
الريم : لا فديتج .. أنتي قلتيها .. حد ما يفرح ليله الملجه ...

المهم .. مر الوقت بسرعة .. وعلى الساعة 7:30 المغرب ..
بيت الريم صار مترووس من العرب .. ما حد تم مايا صووبهم .. تقوول جنه عرس .. والريم ..وصلت .. وسارت حجرتها .. وسارت العنوود وراها .. تساعدها في اللبس ..

علي ... كان يتمنى الريم تكوون من نصيبه .. بس الضروف ..والقدر ..لعب لعبته مع علي .. والريم ..

أما زايد .. فكاااان مضاااااايج ..واااااااااااايد .. بس ما يعرف ليش .. ومزااااااااجه كان متعكر .. وسأل العنود .. إيي عشرين سؤااال عن الريم.. والعنوود مستغربه .. من متى هالاهتماااااااام ..؟؟؟!!!!

وفي بيت الريم ..
أم الريم : وااااااايه فديتج .. الحمد لله يووم الله مد في عمري .. وشفتج عرووس ..
الريم : أمايه .. بعدنا على البر ..
أم الريم : قوولي الله يوفقنا .....يله حبيبتي .. الحريم برااااا .. اظهري ...
الريم : انشاء الله .. بس طرشيلي العنوود ..

العنود ماشاء الله عليها كانت تهبل .. حلوووووووووووه ..ماشاء الله عليها .. وأم علي ..ماتت عليها .. وقررت تخطبها حق علي .. قبل لا حد يسبق ويخطبهاااا .. لأنهااااما تباا تخسرهااا مثل ما خسرت الريم ..

زايد ..ماطاع يحظر الملجه ..
أم زايد : وابويه ... ما يصير فديتك .. خالك شوه بيقول عنا ..
زايد : أنا بستسمح منه .. بس ما اقدر احضر .. تعبااان ومضااايج شوي ..
ظهر زايد عن امه .. وركب سياارته .. وهو ما يعرف وين راااايح .. أنا شووه فيه .. ليش أحس بهالشي .. وين كاااااااان هالأحسااااااس .. قبل لا تنخطيبن .. آآآآآآآآآآه ..يا ريم ... ..ياااا ليتني ما سمعتج ... تم زايد يسووق لين وصل بوظبي .. وقف على كاسر الأمواج .. ورمى أهمووومه على البحر .. آآآآآآآآآآآه يا البحر ..
وبعدين سار صووب واحد من ربعه ..

أما الريم .. فكانت حالتها حاله ..الناس عبالها فرحانه .. وهيه قلبها من داخل مسوي عزاااااا ..بس كااااااانت لازم أدووس على قلبهاااا ..على حسااااااااب كرامتها ..

وانقضى هاليووم على خير .. وتمت ملجة الريم ..وخالد .. وخالد وأهله .. وأهل الريم فرحااانين .. والكل فرحاااان ..إلا الريم .. دخل خالد الصاله .. وكانت أمه وخالته والريم وخواته وشيخة (( أخت الريم ...((
خالد : السلاااام عليكم ..
الكل : وعليكم السلاااام ..
أم الريم : يا حيا الله المعرس ..
خالد (( بابتسااامه عريضه )) : الله يحيج يا الغاليه ..
أم خالد : سلم على حرمتك ...يا بويه ..
خالد ساار صووب الريم ((ما صدق الرياال ((
خالد : السلااام عليج الغاليه ..
الريم (( في خاطرها .. غاليه في عينك )) : وعليكو السلام .
خالد : شحالج ؟
الريم : يسرك ... الحال ...
خالد : ياعسااااه دووووم ..
خالد كان يحس أنه الريم مب طبيعيه .. بس قال في خاطره .. يمكن عشان مستحيه .. وأكيد مرتبكه .. يالله فديييييتهاااااااااااا ..
الريم قامت عنهم ..
الريم : انا بسير حجرتيه ..
خالد : وين الغاليه .. توه الليل .. قاعدين ..
الريم (( اطالعته بنظره)) : بسير ارقد .. تعبانه ..
خالد : أوكي الغاليه .. تصبحين على خير ..
الريم : وانتوا من اهله ..

الريم سارت حجرتها .. وتمت تصيح حالها .. آآآآآآآآآه يا زايد .. ليتك تحس .. فيني .. أكيد أنت متهني ...ولا على بالك .. وأنا هنيه أنكوي بنار الحب .. إللي فرضته على عمري .. الريم ...ما قدرت ترقد .. وتمت طوول الليل ... تفكر ..خلااااااااص ..يعني مالي أمل في زايد .. آآآآآآآآه يا قلبي ... ليت يوقف نبضك ..قبل لا أنزف لخالد ...

زايد ..كان بروحه في حال .. وقعد مع الشباب .. ونسى الريم ..ولا كنه صار شي .. ونسى حتى كلااااااامها ..وسولف وضحك .. وبعدين رد العين .. وساار صووب حجرة العنوود ...

الجزء الحادي عشر:
دق زايد حجرة العنود .. والعنود كانت قبل ساعة راده من عند الريم ..
العنود : مرحبا زايد .. ادخل فديتك ..
زايد : هلا والله عنادي .. شوه متى رديتي من عند بنت خالج ؟
العنود : من ساعة تقريبا .. كنت أبا أرد البيت قبل ... بس ريموه ما خلتنيه ...
زايد : ليش .. شو فيها .. شوه تبا .؟؟؟
العنود : اممممممم .. يهمك تعرف ؟؟
زايد :العنود انتي تعرفين أنها عمرها ما همتنيه إلا في حدود أنها بنت خالي .. ولو ما تبين تقولين برايج .. عادي ..
العنود : وخبرت زايد بحال الريم .. من الصالون .. إلين وقت الملجة .. بس ما بينت له أو قالت له أن الريم تحبه .. لانه الريم ما طلبت هالشي من العنود ... ولو بالتلميح .. بس زايد يعرف هالشي ...
زايد : وكل هذا عشان ما تبا خالد ؟
العنود :هيه .. هي ما تحبه.. وتكره بشكل ما تتصوره.. وتقول أنه انسان مغرور .. وشايف عمره .. على ولا شي ..
زايد : انزين ..انزين ..
وقعد زايد والعنود يسولفون ..
زايد : عنادي .. صح .. خلاص قررتي تعيدين الثانوية العامه ؟؟
العنود : هيه الغالي .. عشان أييب نسبه . . واسير الجامعه .. ويا ريم ..
زايد : أهاا .. الله يوفقج .. أنزين فديتج .. يالله تصبحين على خير .. سهرتج وايد
العنود : شسويبك .. غالي.. وما أقدر أردك
زايد :ههههههه .. تسلمين فديتج .. يله تصبحين على خير
العنود : وانته من أهل الخير ..
العنود تحس أن زايد بدا يحس بشي تجاه الريم .. بس هوه يكابر على احساسه .. وهيه ما تبا تقول حق الريم عن هذا التطور لأن الريم خلاص مملوج عليها ..

سار زايد غرفته .. وقعد يفكر في كلام العنود .. اووووووووه وبعدين يعني .. أفكر فيها ليش .. خل ارقد أخير ..

أما الريم ..فكانت حالتها حاله .. وما حد حاس فيها غير العنود .. وحدرت أم الريم أبو الريم صوب حجرتها ..
أبو الريم : ريم .. مبروك فديتج ..
الريم في خاطرها ( مبروك على شوه) : الله يبارك فيك أبويه ..
وقامت حبت أبوها على راسه ..
أو الريم : هاه يا بنتي عساها عيبتج الحفلة ..
الريم .. ما أتقصر أبويه ..
أبو الريم حس انه الريم مب طبيعية .. وأنها كانت تصيح ... بس هو قال في خاطره ..أكيد عشان الوضع يديد عليها ..
أبو الريم : انزين أبويه ..تصبحين على خير فديتج ..
الريم حبت أبوها على راسه .. : وانت من أهله الغالي ..

الكل رقد إلا العيون إللي عذبها الحب .. وأهلك حال صاحبها ..
وشوي رن موباييل الريم
الريم شافت الرقم غريب ..
الريم : منوه بيدق هالوقت ؟ وبعدين الرقم غريب ؟! ..
طنشت الريم الموباييل .. وتم كل ما يقطع يرد يدق . لين 5 مرات تقريبا ً ..
بعد تردد ردت الريم
الريم : ألــــــو..
.......: فديت هالحس يا ربيه ..
الريم ( بعصبيه ): أحترم نفسك أخير لك .. وخير شوه تبا داق ازعجتنا ؟
......: الريم فديتج بلاج ؟ ما عرفتينيه ؟
الريم : لا .. منوه ويايه ؟
......: انا .............
**************************STOP******************** *
منوه تتوقعون داق للريم ؟
وشوه يبا داقلها في هالوقت المتأخر ؟

الجزء الثاني عشر :
الريم : لا ..
.......: أنا خالد ريلج . ..ههههههههه ظحكتينيه يوم عصبتي عليه ..
الريم فخاطرها ( فرقت شيفتك يا السبال .. أن شاء الله اموت قبل لا أستوي حرمتك (
الريم : انزين خير .. ليش داق في هالوقت المتأخر ..
خالد : ليش وعيتج .. مع أنيه متأكد انج ما بترقدين من الفرحة .. فديتج والله ..
الريم في خاطرها ( فرحة ؟؟ هههههههه قول حزن .. موت .. كآبه ..(
الريم : الشيخ شوه في الخاطر .. أنا أبا أرقد .
خالد استغرب من أسلوب الريم الجاف معاه .. بس قال في خاطره .. أكيد مستحيه مني فديتها ..
خالد : ارقاد العافيه.. خلاص غناتيه ... تصبحين على خير ..وباجر الصبح أن شاء الله بدقلج تلفون .. اوكي فديتج ..
الريم : وانت من أهله ... باي ..
وسكرت الريم .. من غير حتى ما تتريا خالد يقول كلمة مع السلامة ..

خالد منسدح على الشبريه
خالد : يالله فديت حسج ..
وغمض عيونه .. وقعد يتخيل الريم .. ونسى كلامها الجاف معاه ..

الريم أغلقت الموبايل .. ونامت ..

الصبح في بيت العنود :
العنود حدرت الصاله .. وحبت امها أوبها .. على روسهم .. وصبحت على أخوانها ناصر وزايد ..
أم زايد : يالله يا عنادي ..عساني أشوفج عروس ..
العنود .. زوجي الشيوبه اول .. شعنه مستعيله عليه انا ..
الكل: هههههههههههههههههههههههههههههههههه
ناصر : نحن شيوبه يا العنز ..
زايد : هههههههههه عيل انتي يدوه ..
أم زايد : صدقها بنتي .. الريم أصغر عنكم والحين بتعرس .. وريلها أصغر عنكم ..
ناصر : والله أن جان عليه .. أنا أبا اعرس ومليت من العزوبيه .. وأبا حرمة تهتم فيه احم احم ههههههههه
أبو زايد : ههههههه هيه زين زين يا بو بدر ..
أم زايد : خلاص والحرمة زاهبه ..
ناصر : كيف جي ؟ ما يصير اعرس قبل أخويه العود ..
زايد .. وهم من يابوا طاري الريم وهو يذكر كلامها .. وشكلها .. يا ترى شوه خلا الريم تغيير معاملتها من صوبي .. يمكن عشان بتتزوج .. والله ما ادري ..
والعنود كانت تزقر زايد .. بس زايد ما يرد ..
زايد حضرته توه منتبه .. انه العنود ترمسه ..
العنود : حووووووووه .. عنبوه .. وين انت من ساعة ازاقر ؟
زايد : هاه هاه ... هنيه وياكم .. يعني وين بكون ... عله اليهال
العنود اتطالعه بنص عين وحاطه ايديها في خواصرها
الكل :هههههههههههههههههههههههههه
ام زايد : شعندج .. خليني ويا ولديه .. عقب اضاربوا ..
ناصر .. واااااااااااااااااااااككككككك حرااااااااااااام
العنود : اوكيك مب مشكله انا العاقل يا التيس
ناصر وزايد وأبو زايد : ههههههههههههههههههههههههه
وأم زايد معصبه عليهم : ايه أرمسكم انا ..جب يله جب
ناصر : اوووب حرجت عيوزنا ههههههههههههه خلاص السموحه وقام حبها على راسها ..
أم زايد : فديتك انا .. انزين حبيبي زايد .. ما تبا اخطبلك ويا اخوك ..
زايد : لا ما با الحين ..
أم زايد : خوك يبا يعرس ..
زايد : مرخووووص مره .. برايه ..
أم زايد عصبت : متى بتعرس ان شاء الله يوم بتصك الأربعين ؟
زايد .. تنرفز من رمسة امه ..
زايد : اوووه امايه خلاص يوم أبا بقولج أبا أعرس ..
ونش عنهم .. وسار صوب سيارته ..
العنود حست أنه زايد مب طبيعي .. وانه صاير يفكر وايد .. ويسرح وايد ..

في بيت الريم :
خالد حرق تلفون الريم .. والريم غالقة الموبايل ..
وطرشلها .. إيي عشرين رساله .. والريم ما ترد ..
ورن تلفون البيت ..
أم الريم : ألو ..
العنود : هلا خالوه شحالج ..
أم الريم : هلا والله بعنادي .. بخير فديتج .. اشحالج انتي وشحال أهلج ..
العنود : والله بخير يسرج حالهم .. خالوه ولا عليج امر .. بغيت الريم ..
أم الريم : ان شاء الله فديتج .. وسلمي على عيوزج وشيبتج ..
وزقروا الريم .. إللي كانت معتكفه في حجرتها .. ولا تكلم حد ..
الريم : ألو ..
العنود : هلا ريماني .. اشحالج ..
الريم : يسرج ..
العنود : بلاج ريماني ؟؟ شوه فيه صوتج ؟؟؟
الريم : انتوا ادرى بحالي ..
العنود : امممممممممم الريم .. حال زايد ..صاير أخس عن حالج ..
الريم (تبا تبين أنها مب مهتمه ): انزين شوه اسويله ..
العنود ( مستغربه .. وهي تعرف شكثر ريم تموت على زايد ) يعني ما يهمج ؟؟؟؟؟؟؟؟؟!!!!!!!!!
الريم : لا ما يهمني .. وشوه يخصنيه فيه .. جيه حرمته .. و.......
العنود ( مب متسوعبه .. قطعت رمسة الريم ) الريم شوه بلاج انتي اليوم ؟
الريم : ما بلاني شي .. ليش شوه قالولج ينيت ؟
العنود : بسم الله عليج .. بس تعالي .. بتخبرج ..
الريم : هلا آمري ..
العنود : تلفونج ليش مغلق ..
الريم : بس جيه .. أغلقته ..
العنود : الريم .. امممممممم .. ممكن سؤال ..
الريم ..هيه تفضلي ..
العنود : رمستي خالد ؟
الريم : خبرتها باللي استوى فليل ..
العنود :ههههههههههه يحليله .. عشان جيه مغلقه التلفون يعني ..
الريم : تراه سبال .. وما فيه عليه ..
العنود : حووووه شوه سبال .. هذا ريلج الحين ..
الريم : اففففف فكيني من هالطاري . المهم بخليج الحين عقب برمسج ..
العنود : اوكي غناتي ..

زايد كان قاعد عدال العنود ..وكان يسمع رمستهم ..بس طبعا ما سمع العنود وهيه تخبر الريم عنه .. وهو يريد يسأل العنود عن الريم بس متردد..
زايد : عنادي .. اخبارها العروس ..
العنود : ههههههههههه أخبارها .. والله انها تضحك
زايد في خاطره يبا يطمن ريم بعدها تحبه ولا خلاص
زايد : ليش ؟؟
العنود : كلمت المعرس ..
زايد : اهاا .. انزين خلاص خلاص .. انا بظهر ..
العنود استغربت من ردة فعل زايد ... وهيه من بونها مستغربه من ردة فعل الريم
العنود : زايد ... زايد .. زيووووود ..
بس زايد ظهر .. وما رد على العنود
ركب سيارته .. وهو ما يعرف وين يروح من القهر ...
**************************STOP******************** **
شوه تتوقعون ..
زايد.. بدا يحب الريم ؟
خالد .. شوه بتكون ردة فعله على تصرف الريم ؟
العنود .. بتعرف شوه بلاهم الريم وزايد ؟
ولا كل واحد منهم ..بيحتفظ بهشي لنفسه ؟
هذا كله بنعرفه في الأجزاء اليايه

الجزء الثالث العشر :
خالد مسكين حالته حاله .. يحاتي الريم .. ومهب عارف شوه يسوي .. يا ترى شفيها ؟؟ وشوه صاير ؟؟
هل هي معمدة تغلق التلفون ؟ .. ولا نسته !!
امممم .. ما عرف .. خل أدق على بيتهم .. وان شاء الله تشله هيه ..
والريم طبعا ً كانت توها مسكره عن العنود.. وقاعده في الصالة .. وأمها وأختها في المطبخ .. يعابلون الغدا ..
وأبوها واخوها ظاهرين .. يسيرون على ريال في المستشفى ..
رن التلفون ..
الريم: ألــــوو
خالد : مرحبا الساااااااع وسهلاااااا..
الريم(في خاطرها اففففف شوه هالبلوه .....): هلا
خالد : هلا ريماني شحالج ؟
الريم : بخير ونعمة ..
خالد : امممم ليش تلفونج مغلق ؟
الريم : السموحه نسيته من البارح ..
خالد : اهاااا .. هميتني عليج ..
الريم (بسخريه ): وليش تهتم يعني ؟
خالد : افاااااااا يا الريم .. أفااااااا والله .. اوكيك السموحه على الإزعاج .. باي ..
الريم حست أنها جرحت خالد .. وهو ماله ذنب . حرااااام .. وبعدين هيه تعرف أن الحب من طرف واحد عذاب .. لأنها جربته .. وتلومت في خالد ..
قامت الريم ودقتله ..
الريم : ألـــــــوو ..
خالد : ألـــــــوو .. هلاااااا ...
الريم حست أن خالد زعلان بس خالد ما يقدر يزعل لأنه يحبها .. لكنه يتغلى ..
الريم : امممممم
خالد : بلااااج ؟؟ شي في الخاطر الشيخه ؟
الريم : أنا آسفة ...
خالد : على شوه ... أنتي ما غلطي !!! المهم .. أنا ببند عنج .. مشغول شوية .. السموحه باي ..
الريم : ربي يحفظك .. باي ..
الريم : اففففففف بعد هذااا .. أنا إللي فييني مكفيني ..

مرت الأيام .. وخالد حاس أن الريم .. قلبها قاسي .. من صوبة ... مع انه يحبها .. ووده برضاها .. ويسوي المستحيل .. عشان يرضيها .. بس الريم.. مب قادره تبادله هالشعور .. حبها لزايد .. بعده ساكن في قلبها ..
ولو أنها صارت .. ما ترمس عنه.. بس هذا كله عشان كرامتها .. وصارت أجافيه .. وتعامله معامله جافة .. وزايد مسكين ما يدري .. أنه العنود خبرتها بكلامه ..

ومرت الشهور بسرعة .. وأخيرا ً وصل موعد سفر خالد .. خالد كان يخفف عن الريم.. يوم يشوفها مضايجه .. ويموووووت فيها .. ويوم درت الريم أنه بيسافر .. صاااحت .. لأنه هو الوحيد إللي يهتم فيها .. بعد أمها ..وأبوها

في بيت الريم الصبح
الساعة :10:30
الكل كان مجمع .. أهل زايد كلهم.. وأهل الريم كلهم ..
شوي .. ودخل خالد عليهم الصاله .. وأول ما حدر سلم على الرياييل .. وزايد كان قاعد في الكرسي إللي عدال الباب .. فطبعا ً هو أول من سلم على خالد .. ويت عين زايد على الريم ..واستسمح منهم وظهر.. الريم لاحظت حركت زايد .. بس مب من حقها ترمس .. إكراما ً لخالد لأنه ما غلط عليها ..حتى لو كانت تكرهه ..
خالد : أنا الصراحه ياي .. أسلم عليكم .. طايرتيه الساعة 6 العصر ..
أم الريم : وااايه فديتك .. عيل يلس تغدا عدنا ..
خالد : لا السموحه خالتيه .. الشباب يرقبوني ..
أم زايد : يالله عيل يا بوية ... ربي يحفظك ..
خالد : تسلمين خالتيه ..
أم الريم (تصيح ) : فديييتك .. ربي يحفظك .. وهالله الله في عمرك ..
خالد : أن شاء الله يا الغاليه ..
خالد كان يبا الريم ترمس .. أو تنطق بكلمة .. ولو مع السلامه .. بس الريم .. ما تكلمت .. وشوي ودق تلفون خالد .. خالد أستسمح منهم .. وظهر في الليوان ..
خالد : يالله فديت هالحس ..
......: حبيبي .. بتسااافر خلاص ؟
خالد : هيه نعم ..
......: بتوله عليك واييييد ..
خالد : ونحن أكثر فديتج ..
((هاذي .. أخت خالد .. وإللي هيه نورة .... وهيه متزوجه ... وساكنه في دبي .. هيه أكبر من خالد .. وهيه إللي مربيتنه ... وتعتبره مثل واااحد من عيالها .... )) وتم خالد يسولف مع نورة ...

وقف خالد شوي .. يفكر في الريم .. الله يسامحج يا الريم .. حتى كلمة ربي يحفظك .. ما حقيتي تقولينها لريلج ..
وخالد يفكر .. أنتبه أنه زايد واقف عند الزراعة إللي في بيت أهل الريم

طبعا ً زايد سمع بداية مكالمة خالد مع نورة .. فعلى باله .. أنه خالد يرمس وحده ..
خالد : هاااااه بو خليفه .. ما تبا تساافر ويانا ... تتكشت .. نحن بندرس .. وأنت بتغير جو .. يومين ..
زايد ( ويشوف خالد بنظره ): لا الشيخ .. خلينا السفر لكم ..
واستسمح زايد من خالد .. ورد الصالة ..
خالد : بلاااه هذا يرمسني من طرف خشمه .. !!!!!!!

زايد سااار داخل .. عندهم وهو مقهور ..
والعنود والريم سارن حجرة الريم فوق ..
العنود : الريم .. جيه ما ودعتي ريلج ؟؟!
الريم : عنود أنا ما أحبه .. وما يهمني ..
العنود : عيل كنتي تصيحينه من يومين ..
الريم : ما أصيحه .. بس هو يسأل عني .. ولكنه هاليومين شي شاغلنه .. فأستوى عادي عندي .. ولأني من قبل كارهتنه ..
العنود : عيل كيف بتعيشين وياه طول عمرج .. وانتي كارهتنه ؟!!!
الريم : خليها على الله .. وأن شااء الله ما بعيش لين ذاك اليوم ...
العنود (بعصبيه ): الريم ... شوه الرمسه ؟؟؟؟؟؟؟؟؟
الريم : خلااااص خلاااص أنزين .. خلينا ننزل تحت
العنود : اوكيك ..
وردن تحت عندهم .. وكملوا سوالف لين الليل .. وبعدين كلن ساار بيته .. والعنود باتت عند الريم ..

الجزء الرابع عشر :
في بيت أم علي الصبح :
كانت أم علي قاعده مع علي في الصاله
علي : أمايه متى بتخطبيلي عاااااد .. ولا أسير أخطب روحي ..
أم علي : وايه فديتك ..إلتهينا شوس بعرس بنت عمك ..خلاص بخطبلك ... وبرمس أهل البنت باجر أنشاء الله ..
علي : اوووووه وبعدج بدورين ... ويعني برقب شهر ..وعقب بخطب ..
أم علي : عوذ بالله بلاك ملغوث على العرس .. لا ما بتتريا .. العروس جاهزة ..
علي : منوه ؟؟ تراها الريم وانخطبت ..
أم علي : العنود بنت عمت الريم .. حلوه وطيبه ..
علي (( يت على باله الريم يوم شافها صدفة ذاك اليوم )): تشبه الريم في الحلاه !!
أم علي : هههههههه هيه حلوه .. وتقول للقمر قم وانا بقعد مكانك ...
علي : هههههههههه .. خلاص عيل الغاليه ليش باجر الليله ..
أم علي : ويدييييه عليك .. شوه الليله ... خلها باجر ..
علي (( بغباء )) : لا الليله .. سيري عند أم الريم .. وسيروا صوب أهل العروس .. مااااابااااااا ..
أم علي : لاااا حوووووول .. انزين خلني قبل بعلم أم الريم الليله .. عشان تخبر أهل العنود .. وباجر نحن بنسير.. ما يصير يا ولديه نسير للعرب بدون لا علمن ولا خبر ..
علي : امممممم خلاص عيل تم باجر ...
قامت أم علي ودقت حق أم الريم وخبرتها ..
أم الريم : والله الساعة المباركه .. والعنود بنت مزيونة ..
أم علي : الله يبارك فيج عاد بغيتج تخبرين أهلها .. أنه باجر بنسير صوبهم على المغيربان ..
أم الريم : خلاص فديتج .. بعلمهم ..
وقعدن يسولفن .. وشوي دخلت الريم .. والعنود على أم الريم .. وكانت توها مسكره عن أم علي ..
أم الريم : ها العرايس نشيتن ..
الريم + العنود : ههههههه هيه ..صباح الخير ..
أم الريم : صباح النور والسرور ..
وحبت الريم والعنود أم الريم على راسها ..
الريم : أمايه وين أبويه .. ما اشوفه ؟
أم الريم: سار صوب عمتج اليازيه .. يسلم عليها ..
الريم : اهاا .. ليش بلاها ..
أم الريم : ما بلاها شي .. بس توها راده من السفر ..
العنود : هيه صح .. أنا سمعت امايه تطريها ..
أم الريم : على طاري أمج .. هزرج بحصلها في البيت الحين ؟..
العنود : هيه ليش خالوه .. عسى ماشر ؟. ..
أم الريم : ما شر فديتج .. بس بغيت أسير عليها .. ..وانتن تريني هني ..
الريم : امممم امايه شلينا وياج .. مدام محد في البيت ..
وسارت الريم .. والعنود .. وأم الريم .. بيت ام زايد (( أم العنود ((
وسلمن عليها .. وقعدن .. وطبعا ً أم الريم صرفت الريم والعنود .. عشان تقدر ترمس أم العنود عن سالفة أم علي ..
أم العنود : يا مرحبابهم والله ..
أم الريم : خلاص عيل .. انا بخبر الحرمه ..وبني صوبكم باجر ان شاء الله ..
شوي .. وانه زايد داخل من برا .. والريم والعنود نازلات من فوق ..
زايد : السلام عليكم ..
الكل : وعليكم السلام ..
قعد زايد .. وقعدت الريم والعنود .. أم العنود وأم الريم سارن داخل يكملن السالفة ..
زايد يبا يسأل الريم بلاها عليه بس العنود موجوده.. وهوه ما يبا يبين للعنود اهتمامه المفاجأ بالريم .. خاصة بعد ما صار مملوج عليها الحين .. بعدين شوه بتقول عنه ..أكيد بيطيح من عينها ..
القدر ساعد زايد ..
رن تلفون الصالة . وسارت العنود وشلته .. وأنها بنت عمها .. وقعدن يسولفن .. ونست عمرها ..
زايد : الريم
الريم (في خاطرها : عيون وروح الريم ) : لبيه ..
زايد : لبيتي حايه .. بغيت أسألج إذا ممكن؟
الريم : تفضل !!
زايد : أنتي بلاج متغيرة عليه ..
الريم (ما تدري أن زايد يعرف انها تحبه) : ما تغيرت ولا شي الشيخ ..
زايد : يعني كل هذا عشان خالد ؟
الريم (عصبت من كلام زايد ) : أنا بظهر .. بسير المطبخ السموحه منك ..
زايد : أنا في شوه غلط؟ .. الريم لحظة ..
بس الريم ما ردت عليه .. والعنود سكرت ولحقتها .. بس الريم ما قالت لها شي .. والعنود أصلا ً ما سألت .. لأنها ما أنتبهت ..
زايد حاير معاها .. يخبر العنود عشان تساعده .. ولا ينسى السالفة .. بس هوه مب قادر ينسى .. هوه حب الريم .. صح أنه متأخر .. ومتأخر وااايد بعد .. بس شوه يسوي ... القلب وما يهوى
**************************STOP******************** ****
شوه مصير زايد والريم ؟؟
وزايد بيخبر العنود ولا بيكابر ؟؟

الجزء الخامس عشر :
الوداد إللي جمعته وأنثر .. كيف ألمه وأنته عني في بعاد ..
مرت الأيام والشهور..
زايد ساكت ويـألم .. والريم تتألم ..
العنود أنخطبت لعلي .. إللي مات عليها وعلى جمالها .
..وفتحت الجامعة .. والمدارس .. وعنود عادت الثانوية العامة ..
.. والريم ثالث جامعة .. وخالد يدرس برى ..
.. وزايد وناصر في شغلهم ..

...

مرت الأيام والشهور بسرعة ..
وفي نص السنة ..
في الإجازة ..
خالد رجع .. يبا يعرس.. ومحتشر على أمه ..
والريم ما تبا .. أم الريم .. ما يمشي عليها دلع البنات ..
قررت أم الريم ... تزوج الريم حق خالد .. في يوم الخميس ..16/1/2003 ..

الريم زعلانة .. وقطعت الأكل .. وصارت عيشتها .. العصير.. والماي ..

وقبل العرس بأسبوعين ..
في بيت الريم ..
العصر ..
أم الريم : شيخة .. أبوية الريم وين ؟
شيخة : ما اعرف من الصبح ما نزلت ..
أم الريم : ولا شفناها الصبح .. سيري شوفيها ..
أم الريم بدت تخاف على بنتها .. الريم قاطعة العيشة .. وما ترمس حد .. ودومها تفكر وسرحانه ..
سارت شيخة .. ودقت على الباب .. بس ما حد يرد ..
ودقت ودقت .. ويوم حاولت تبطل الباب .. لقته مفتوح .. حدرت حجرة أختها .. ولقت الريم .. طايحه على الأرض .. وييها أصفر ..
شيخة ظهرت تربع برى تصارخ : امااااااااااااااااااااااايه . لحقي عليه ..
أم الريم قامت تركض ما تعرف شالحال على بنتها .. ويوم ساارت تفااااجأت أم الريم .. كانت ريم صفرة صفرت الموت .. وكاان جسمها بااارد ..
بسرعه طلبوا الأسعاف وشلو الريم
أم الريم .. وأبو الريم .. كانوا يصيحون .. وشيخة بتتخبل من الصااايح .. والعنود تصيح حبيبتها ..والإنسانه الغاليه عليها.. زايد وناصر وخالد وأبو زايد وأمه.. كلهم واقفين يتريون أي كلمة من الدكتور أطمنهم على بنتهم ..
طلع الدكتور من غرفة الريم ...
كلهم ربعوا صوبه ...وبصوت واااحد : هاااااه دكتور طمنا .. ؟؟؟!
الدكتور : والله لو ما لحقتوها ... كانت البنت راحت فيها .. البنت عندها إلتهاب حاد في الكلية اليسار .. وهذا الإلتهاب المزمن.. سبب فشل كلوي للبنت.. والحين لازم نعمل لها عملية .. وخلال يومين أو أسبوع بالكثير .. ولا بنخسرونها.. وللأبد .. أنتوا شوفوا مين منكم حيتبرع لها .. ويروح بسرعة لغرفة الكشف .. يس بشرط يكون خالي من الأمراض .. وغير مدخن طبعا ً ..
أبو الريم : انزين نقدر ندخل عليها الحين يا الدختور ..
الدكتور : أيوه ..بس حضرتك كمان .. حالتها النفسية .. مش كويسه .. هيه مالها .. وانتوا منزعلينها في حاقة ولا إي ؟؟ ..
أبو الريم : لا سلامتك .. يمكن من الدراسة . ولا شي ...
وساروا كلهم ودخلوا .. على الريم .. وسلموا عليها ..
واتحمدوا لها بالسلامة .. وبعدين ساروا الشباب .. والشواب .. عشان يكشفون للكلية ..
وأول واحد دخل أبو الريم .. بس مارضوا لأنه أبو الريم فيه السكر .. وروحه تعبان..
وثاني واحد حدر .. أبو زايد .. بس ما رضوا لأن فصيلة دمه A+.. والريم فصيلة دمها O+.. وهذي الفصلة تعطي كل الفصائل .. بس ما تاخذ غير من فصيلتها ..
الثالث كان ناصر .. وبعد نفس أبوه ..
الرابع .. كان خالد .. بس ما رضوا لأن كلية خالد .. رايحه فيها .. لأنه انسان مدخن ..
وأخيرا ً حدر زايد .. وهو الوحيد إللي تناسب مع الريم .. وقرروا أنه زايد هو إللي راح يتبرع لريم ..
أول ما عرفت الريم .. ما طاعت.. وأحتشرت ..
الريم ما كانت تبا شي يعور زايد .. ولو شوكه .. فكيف كلية ..
وزايد يبا يوصل لقلب الريم مره ثانيه .. بس مب قادر .. يبا يخبرها .. أنه بيتبرعلها .. لأنه يحبها .. ولو طلبت رووحه .. ترخصلها .. آآآآآآآآآه يا الريم ....

::
ياحي من بين لي الشوق .. وانا شراته صرت مشتاق ...
::

قاموا كلهم بيردون البيت.. وسار زايد وصلهم .. عشان يرجع للمستشفى .. ويجهز .. أم زايد كانت محتشره .. عشان ولدها ..
المهم .. وزايد رادنهم البيت .. العنود نست شنطتها .. وهيه ناازله ..
زايد أنتبه لها.. وشل الشنطة .. وفجأة ردن الموبايل .. دور .. يتحراه موبايله ... بعيدن أنتبه أنه مبايل العنود .. وظهر الموبايل .. شاف (( أماية يتصل بك ((
رد على أمه .. وخبرها انه العنود نست الشنطه في سيارته ..
وبعدين قعد يشوف رسايل العنود .. وعادي هو متعود أنه يشوفهن ..وشاف رسالة من عند الريم .. وخطر على باله ..يشل رقم الريم .. ويدق لها .. وخاصه أنه محد عنها الحين .. غير أمها ..
خذ الرقم .. ونزل الشنطة .. وعطاها العنود .. وسار حجرته .. وجهز شوية أثياب حق المستشفى .. وسار
في السيارة .. زايد دق حق الريم .. والريم قانت قاعده بروحها .. لأن أمها سارت تسير على وحده من أهلهم مرقده .. عدالهم ..
رن تلفون الريم .. الريم طبعا ً حافظه ..رقم زايد (( تراه رقم الحبايب *_^((
الريم أستغربت ليش داق ..
الريم : ألــــــو ..
زايد : مرحبــــا
*******************************STOP*************** **************
شوه ظنكم زايد بيقول حق الريم .؟
وشوه موقف الريم من كلامه
وخالد .. شوه موقعه من حياة الريم ؟؟

الجزء السادس عشر :
الريم : ألـــــو ..
زايد : مرحب .. شحالج الريم ..
الريم (مستغربه .. وفرحانه في نفس الوقت ) : بخير دامك بخير ..
زايد : اممممممم ..الريم .. في خاطريه رمسه ... وأبا اقولج إياها .. بس ........
الريم : بس شوه يا بوخليفه ؟؟ أرمس بللي في خاطرك ..
زايد : أخاف تفهميني غلط..
الريم : لا .. تكلم .. وان شاء الله بفهمك صح .. شوه في خاطرك ..؟؟..
زايد : اممممممم الريم .. انتي تحبينيه صح ..
الريم سكتت وما عرفت بشوه ترد عليه .. لأن هالسؤال فاااجئها وايد ..
زايد : أنا أدري بهالشي .. بس والله سمعته صدفه .. إنتي يا الريم .. عمرج ما حسستينيه بالهحب ..
الريم ( عصبت عليه ) : كيف يعني أحسسك ؟ أسير اقولك مثلا ؟؟؟؟؟؟
زايد : لا .. مب جي قصدي .. بس على الأقل لو خليتي عنود توصلي هالشي .. جان ماصار هذا الحال .. الريم صدقيني أنا أحبج.. والله أحبج .. ويوم قررت أتبرع بكليتيه لج .. لأني أحبج .. وشي يسعدنيه أنه عضو من أعضائي أوهبه لج.. وكنت أدعي ربي أنه ما تناسب كلاويهم لج .. عشان أعطيج قطعه مني ..
الريم ..تمت ساكته ..
الريم : بس يا زايد.. المفروض أنته تحس بالحب .. عنبو ما لاحظت إهتمامي بك .. مالاحظت كل تصرفاتيه ..
قعدت الريم تصيح ..
الريم : زايد .. والله أحبك .. واموت فيك .. وأحب التراب إللي تمشي عليه .. وأنا ما وديه تعورك الشوكه .. فكيف تبانيه أخليك تسوي عمليه ..
زايد قلبه يدق: .. يالله فديتج يا الريم .. حتى أنا احبج .. وانا إليه الشرف .. أنيه أعطيج شي من عنديه .. وبعدين لا تخافين .. ببلاش ..
الريم تمت تضحك
وقعدوا يسولفون ونست الريم خالد ..
زايد نسى أن الريم مملوج عليها ..

الإنسان إللي نسوه.. خالد .. كان عند الباب ... من قالت الريم .. زايد .. والله أحبك ......وسمع كلامها كله ..
وعقبها . ما قدر يحدر على الريم .. ورد سيارته ..
ظهر خالد .. وقعد يفكر .. شوه سبب خيانة الريم له ؟؟
يا ترى شوه السبب ؟؟؟؟؟
بس ما عليه خل تظهر من العمليه بخير ان شاء الله .. وانا بعرف كيف أتصرف

مرن اليومين ..ويا موعد العمليه ..
وشلوا الريم وزايد غرفة العمليات..
وبعد 7 ساعات .. خلصت العملية ..

زايد قدر يرمس عادي .. ويتحرك شوي .. بعد أسبوع من العملية ..
بس الريم بعدها .. يبالها شوي .. وكان في غرفته .. في المستشفى ..

زايد دق حق الريم ... على الموبايل ..
الريم : ألـــــو ..
زايد : فديت هالصووت يا ربيه ..
الريم ( استحت ): فديت روحك ..
زايد : حبيبي ..
الريم : لبيه ..
زايد : أحبج ..
الريم : الله لا يحرمني منك يا رب..
زايد : حبيبي ..
الريم : عيوني ..
زايد : شوه صحتج الحين..
الريم : الحمدلله أخير عن البارح ..
وتمت الريم تسولف مع زايد .. وما شافت إلا زايد داخل عندها الغرفه .. وكانت معاها العنود أخته ..
الريم : هههههههه عيل شعنه تخسرني يوم تقدر تتحرك ..
زايد : والله مب من كدج بنت سعيد
الريم + العنود : هههههههههههههههههه

شوي حدر عليهم خالد .. هو .. وخالته ( ام الريم ) .. وأمه .. وسلموا عليهم .. وزايد يشوف خالد بنظرة أحتقار .. والريم حاسه بذنب كبيييير أول ماشافت خالد .. لأنه مبين على خالد ما يرقد .. عيونه من تحت سود .. وويهه مصفر ..
الريم متلووومه في خااالد بشكل كبير
وزايد حاااس بحقد كبير على خالد
وخالد يبا يفهم الريم .. ويبا يعرف شوه سبب الخيانه
ويبا يعرف ..شوه دخل زايد بينهم في النص
*******************************STOP*************** ***************
يا ترى .. شوه بيصير بعد هالإعترافات ..
بين زايد والريم ؟؟
وخالد : شوه ردت فعله على هذا كله

الجزء السابع عشر :
يت ام الريم وخالتها .. وخالد .. ويسلمو عند الريم .. يسولفون .. وزايد قعد شوي وخلاف قام وظهر عنهم .. وخالد تم يالس بس ما نطق بكلمة ..
الريم (بصوت واطي ) : شحالك خالد ؟؟؟؟
خالد : الحمدلله يسرج حاليه بخير ما نشكي بااااس ..
ام خالد : لا مهب بخير.. والله يا بنتيه طول الليل والنهار يهاذي بج.. وما فلسانه غير الريم والريم .. لا رقاد شرات الناس .. ولا عيشه شرات الناس
الريم كانت منزله راسها .. ويوم سمعت رمسة خالتها .. رفعت راسها تشوف خالد.. شافته سرحاااااااان .. ويوم انتبه انها تشوفه.. لف ويهه عنها.. من غير حتى ما يبتسم لها .. الريم انقهرت منه .. يعني شوه عباله أني ميته عليه ..
خالد قام عنهم .. وظهرت امه وياه
أم الريم : عنادي فديتج ختج تبا ثياب من البيت.. عاد أنتي يلسي وياها .. وانا بسير البيت .. وبرد إلكن ان شاء الله .. وزايد تراه اهنيه .. ودقوله يوم تبونه في حايه .. لا حد ياكم ..
العنود : ان شاء الله خالوه .. ربي يحفظج ..
ظهرت ام الريم .. ورى خالد .. وأمه .. وخالد وصل أمه .. وخالته البيت

وعلى انغام اغنيه (( عيضه المنهالي ((
مالك عذر لو تعتذر ما عذرناك .. يكفي رجا لا ترجي من يجافيك
إن كانت الفردوس في كف يمناك .. القلب صار أبعد من قلوب أياديك
اتجه خالد بسيارته للدختر .. وهو في باله ألف فكره وفكرة .. وصل خالد .. وعلى طول ساار غرفة الريم .. ))وطبعا ً هو مالج عليها فمن حقه يقعد معاها .. ((
خالد يبا يعرف .. إذا هي تحب زاايد .. عيل ليش خذته ؟؟؟؟؟؟؟؟؟؟؟؟؟؟؟؟؟؟؟ وهو شوه بالنسبه لها ؟؟؟؟؟؟؟؟
وقف خالد عند باب حجرة الريم .. وسمع صوت الريم ترمس مع العنود ..
العنود : ريموه .. اشوفج مب على بعضج بلااااج ؟؟؟
الريم (( إللي كانت سرحانه )) : هاااه ..ماشي ما بلايه شي ..
العنود : انا من الصبح ازقرج .. وانتي في عالم ثاني ..
الريم : ما اعرف .. بس افكر في خالد ..
العنود : بلاه خالد ؟؟؟؟؟؟؟ وغريبه أول مره تقولين أفكر في خالد ؟؟؟!!!!!!!!
يوم سمعها خالد تييب أسمه رد على وراه .. هو كان ناوي يرمسها عن كلامها هيه وزايد .. بس يوم سمعها تقول أفكر في خالد ... ظهر
والله احترت في امرج يا الريم .؟؟؟؟؟
ما عرفت تكرهيني ولا تحبيني ؟؟؟؟؟؟
وما اعرف انا شوه في حياتج ؟؟؟
وزااايد شوه في حياتج ؟؟؟؟؟؟؟؟؟
بعدين تخيل الريم في يد زااايد
لا يا الريم .. ما اباااج تخونيني ونحن على البر بعدنا ولو بفكرج .. لايا الريم .........................
وخالد وهو يفكر ...

21-09-2007, 02:53 AM

عزم يرد الدختر .. وينزل ويسأل الريم .....
بس سمعها تقول للعنود : عنادي أنا فرحانه لأني حسيت أني أحبه ..
العنود : لا والله
الريم : هيه والله .. حسيت أني فعلا ً أحبه .. ما اعرف .. بس الشعور إللي قبل كنت أحس فيه إللي كنت أعتبره حب.. كان حب من طرف واااحد.. وبعدين مااات .. بس الحين أحس أنه رد مره ثانيه .. أحس اني بطييير من كثر ما أفكر بالهشي ..
العنود (( بابتسامه حلوه )) : الله يهنيج

آآآآآآآآه يا الريم .. انا شوه سويت فيج عشان تكريهني .. وتحبي نغيري .. الله يسااامحج .. بس استحيل أخليج .. أنا لازم أتصرف .. لازم أسوي شي ....
وفجأه .. ألتفت خالد .. ويشوف زايد ياي فالمرر .. جان يدق الباب ...ويحدر على الريم
زايد شاف خالد .. ودخل عقبه حجرة الريم ...
خالد : السلام عليكم
الكل : وعليكم السلام ..
قعد خالد .. وسولف شوي مع ريم .. وشوي مع خالد .. وبعدين
خالد : امممممم دااامكم انتوا كلكم هنيه ..وما حد غيرنا .. بغيتكم في رمسه
الريم : خير يا خالد ..
زايد : رمس بليي في خاطرك الشيخ .
خالد : شوف زايد .. انا عرفت كل شي .. وأنتي يا الريم ..انا مهب سبال عندج .. ولا سبير .. يوم ما قدرتي على زايد .. رديتي عليه .. يوم أنج ما تبيني .. ليش وافقتي عليه ؟؟؟؟؟؟؟؟؟؟
زايد : خالد ثمن رمستك .. أول شي .. وبعدين لا تخلني أظهر إللي عنديه من صوبك
الريم : خالد .. بلاك ..وشوه عرفت ؟؟؟؟؟؟
خالد : هييييييييييه ..انتيي .. شوه عبالج انا لعبه عندج .. انتي شوه بدون احساس ؟؟؟؟؟؟.. قالب ثلج ؟؟؟؟؟
الريم تمت تصيح .. وزايد قلبه عوره عليها ..
زايد : البنت تعبانه .. اسكت الحين وعقب بنتفاهم
خالد : لا ما بسكت ... ومب انت إللي اتحدد الوقت .. وهذي حرمتيه ..وانا حر ..
زايد : انا سكت لك وااايد .. ..خالد ..شوه تقول عن إللي كنت تودعها يوم كنت بتسافر .. والريم على ذمتك ..الريم على الأقل كابرت على شانك .. بس انت ما تستاهل هالشي .. عبالك الريم وحده من خايساااتك ..
خالد : شووووووووه ... انت تتكلم عن شوه بالضبط ؟؟؟؟؟؟؟؟
زايد : تتحسبنيه ما اعرف .. ربك خلاني أسمع كل شي .. عشان لا تنظلم الريم معاااك ..
خالد : قبل لا تفر رمسك خل يكون عندك الدليل أني كنت أرمس وحده ... ولو كنت أرمس حد.. ما بودره عشان خاطرك .. بودره عشااان خاطر الريم .. إللي حبيتها من كل قلبي .. بس للأسف ما بادلتيه هالشي ....
ظهر خالد عنهم وهو معصب .. وسار بوظبي ..
الريم ..قعدت تصيح واااااااايد .. وزايد والعنود يهدونها ...
الريم بدت تحب خالد .. وإللي كانت الريم ترمس عنه قبل لا يدخل خالد ..هو نفسه خالد ...
وما توقعت أن خالد عرف انها كانت تحب زايد ..
ليش ياربي .. ليش يستوي بي جذي ..
ليش يا خاالد ...؟؟؟

الجزء الثامن عشر :
خالد ظهر من الدختر .. وسار بوظبي وهو مسرع ...
والريم قعدت تصيح وعقب ناامت .. وباتت عندها العنود
زايد ..ظهر من الحجره بعد ما صرخت عليه الريم .. وطردته ....

على انغام اغنيه (( حمد العامري ((
مسموح ابعد عن هواي ما اقدر أجامل وأخدك .. واسمحلي لو تلقى سواي غيري ترى ما ينفعك

خالد قعد يصيح .. وحس في لحظه أنه مكسوووور فعلا .. انت من وين ظهرت إليه يا زاااايد؟؟؟؟؟؟؟ .. وليش دشيت عرض عليه ؟؟؟؟؟؟؟؟

ظهرت الريم الصبح من المستشفى .. وردت البيت
أبو الريم :نورتي البيت فديتج ..
الريم : منور بوجودكم الغالي ..
وقعدوا في الصاله يسولفون.. وبعدين ظهرت الريم حجرتها . وأول ما غفت عينها
دق تلفونها .. تعايزت تشله .. وقالت ما برد عليه
رد مره ثانيه ..يدق التلفون ..
ومره ثالثه .. وهالمره شلته الريم .. وكانت نوره (( اخت خالد ((
الريم : مرحبا نورة
نورة : هلا ريم شحالج
الريم : بخير الحمدلله.. انتي شحالج ..
نورة (( صاااحت )) : انا مب بخير يا ريم .. مب بخير
الريم ترووعت : خير نووره بلااااااج ؟؟
نورة : خالد يا ريم خالد
الريم : بلااااااه خالد ؟؟؟؟؟؟؟؟
نورة : خالد سوى حادث .. والحين هو في العنايه ..........
الريم ماحست بالدنيا .. معقوله خالد يروح مني بعد ما حبيته .. لا يربي لااااا...
نورة تزقر الريم .. والريم مب في حاله ..
سكرت عن نورة .. ودقت على تلفون خالد
))إن الهاتف الذي طلبته مغلق .. او خارج نطاق الخدمه حاليا ً ..يرجى الإتصال في مابعد ((
وتمت الريم أدق وأدق .. وبعدين صرررخت ...وقعدت تصيييح
اربعت تحت .. خالتها .. خالتها عندهم في البيت
اربعت لحظن امها :اماااااايه .. خالد بروووح مني امااااااايه
أم خالد : هههههههه بلاج يا بنتي .. خالد يحبج وين بيروح
أم الريم : اسم الله عليج يا بنتي .. بلاااج ؟؟؟؟؟؟؟؟؟
الريم : امايه خالد سوى حادث .. خااالوه خالد بيروح مني بعد ما حبيته .. دخييييييلكم
أم خالد (( انصدمت )) : الريم انتي تتكلمين صدق .. ولا تسولفين ؟؟؟؟؟؟؟؟؟
أم الريم )) تصيح )) : صلي على النبي يا أم خالد .. وأذكري الله ....
طاحت عليهم أم خالد ... واربعت الريم أدق على أبوها .. وأتصلت بالاسعاف
وشلو أم خالد المستشفى ....
ويت العنود عند الريم
الريم (( تصيح )) : العنود مابا أخسره بعد ما حبيته مابااا مااااباااااااا ..
العنود (( كااااسره خاطرها الريم )) : الريم فديتج لا تسوين جذي .. ان شاء الله ما عليه شر .... صلي على النبي وقولي اللهم لا اعتراااض
وتمت هذي حال الريم..

وبعد أسبوع
ظهر خالد من العنايه .. وكان عنده نزيف داخلي .. لكن الحمدلله كان خفيف .. ووقف ..
بس ظهر عنده كسر في ريله.. وشوية رضوض ..

بعدها ساااافر خالد .... وخلا الريم .. وما طلقها ..
وأختفى ولا حد يعرفله دار .. والموبايل 24 ساعه مغلق ..
حاولت الريم اتزوره في الدختر .. بس ماكان يبا يشوفها .. ومنعهم يخلونها تدخل ..

وصلنا للصيف
والريم خلصت 3 سنه جامعه
والعنود يابت نسبة .. ونجحت .. وتحدد موعد عرسها..
زايد مب عارف راسه من ريوله ..ويتريا ظهور خالد .. عشان يمكن يطلق ..

الكل يبا زايد يعرس .. مع العنود .. في نفس اليوم .. وهو ما يبا .. وما حد يعرف ليش كل هالتأجيل .. إلا العنود ..
أم العنود : زايد فديتك أنا رمست عرب رميثات من اهلنا .. وحيرت بنتهم لك ..
زايد (( عصب على أمه )) : وليش تسوين جيه .. أنا ما طلبت منج ...
أبو زايد : صح .. شوه الزواج مب غصب .. بعدين مهب زين منج .. شوه هو بياخذها يومين وبيطلقها !!..
أم زايد : اسكت انت .. وأنت يا زايد .. شوف البنت وبعدين أحكم ..
زايد : مابا أشوفها ولا غيره .. والبنت انا ما أبها ..ولا تخليني افشلج جدام الناس .. تسوين العرس .. يدورون المعرس ما يلقونه ..
العنود :هههههههههههه وبعدين أيي ابوي وياخد البنت بدال زايد ..
أبو زايد : هههههههههههه .. هيه والله .. وعاااد ياااااا حلااااتها .. لو كانت صغيره وغرشوووب ..
أم زايد أطالع العنود وأبو زايد بنقمه
الكل :هههههههههههههههههههههه
دخل ناصر عليهم ..
ناصر : السلام عليكم
الكل : وعليكم السلام
ناصر : هاه عروسنا أخبارج .
العنود : بخير .. وانت متى بتعرس ..
ناصر : خلي الشيبه يرخصلي ..
زايد : مرخووووص مليون مره قتلك مرخوووووووووص ..
أم زايد : ناصر انا حصلت بنت غرشووب .. واخوك ما يبا يا خذها .. يقول ما يبا الحين
ناصر : والله جانها حلوه ومن عرب أبها .. وابا عرسيه يكون مع العنود وعلي ..
أم زايد : هيه انا خبرتهم .. بس لازم يسيرون الريايل رسمي ..
ناصر : هاه أبويه شرايك ؟
أبو زايد (( وكان مشغول بالأخبار)) : خلاااص تم عنيه افداك .. ونحن من باجر عندهم ..

الجزء التاسع عشر :
سار ناصر مع أبوه وأهله كلهم وخطبوا البنت
وأتفقوا على كل شي
وتحدد العرس في تاريخ 31/7/2003

وفي صباح يوم 31/7
العنود : أمايه انا بخطف على الريم وبنسير الشوق
أم العنود : خلاص فديتج .. بس منوه بيوديكن ؟؟
العنود : زايد هو قال بيودينا
ام العنود : بس لا أطولين عقب بنسير بيت خالج .. عشان رايعة الصالون بتيكن هناك ..
العنود : ان شاء الله الغاليه

زايد طبعا ً تبرع يشل العنود مب لسواد عيونها .. لأنه الريم تغيرت من صوبه 180 درجه .. من باعد ما قالته أنها تحبه .. ومن بعد حادث خالد .. الريم مب في حاله ... فزايد حب يكلمها .. ويعرف .. عشان يرسي نفسه على بر..

ظهروا العنود وزايد وخطفوا على الريم.. وشلها معاهم .. وطبعا الريم كانت مستأذنه من أمها ..
زايد :: امممم الريم
الريم : نعم
زايد : خالد ... ما دق تلفون ولا شي ؟
الريم : لا والله ما اتصل .. والتلفون 24 ساعه مغلق .... اعديبه من ذاك اليوم .. ويوم نتصل كله مغلق
زايد : اممممم انزين لو رجع خالد تردين له ...؟؟
الريم : زايد .. السموحه .. بس يمكن لأن خالد بعيد عني .. وانت إللي جدامي أنا حبيتك .. بس من بعد الحادث . لو أنا تخليت عن خالد .. الناس كلها بترمس ..
زايد : شووووووه ؟؟؟ وحبج لي ؟؟؟ وحبي لج ؟؟؟ هذا كله ما اعتبرتيبه ؟؟؟؟
الريم : زايد يمكن حبي لك .. ماكان حب .. يمكن كان اعجاب بشخصيتك .. لأن ماحد كان جداميه غيرك.. انت إللي كنت تلعب معايه.. وانت إللي تمسح دمعتيه وانا اصغيره إذا ضربني ناصر .. يمكن الشعور بالأمان معاك وانا صغيره خلاني أتوهم أني احبك ..
زايد :هذا آخر كلامج يا الريم
الريم : هيه نعم ... وربي يوفجك في دربك وفي خطاك وومشاك .. وتلقى إللي تستاهلك أكثر عنيه
سكت زايد ...
وتم يسوق وهو ساكت .. ما يعرف شوه يقول ... يفكر .. يمكن لأني ما حسيت فيها من قبل .. ويمكن حب خالد صحى فيها الحين .. ولا يمكن شفقه على خالد ... ولا يمكن ..ولا يمكن ....................................
تم زايد يفكر ...
ووصل الريم والعنود السوق.. وخلاف ردهن صوب بيت الريم .. وقعدن يترتبن .. ويتلبسن .. لين الساعه 9:55 فليل ..

في خيمة الرياييل
على وناصر مرتبشين . مب مصدقين .. اما أبو الريم .. وأبو ناصر ... والباجين .. كانوا يرزفون .. وأيولون من الخاطر .. وزايد ظهر كله الغصه إللي فيه .. باليوااله .. تم أيووول لين الساعه 12 ...

اما العنود وفاطمه (( حرمة ناصر ((فكانن متوترات .. وخاااايفاااااات .. بس ظهرن قمر ما شاء الله عليهن .. كل وحده تقول الزووود عندي .. والريم قاعده عدالهن .. واتجنن ما شاء الله عليها ..

زايد هو إللي كان بيدخل العنود .. ومتفق من قبل.. بس بعد كلام الريم اليوم في السيارة.. ما طاع يدخل وياها ..
دخلوا العنود قبل ...
ودخل علي .. كان علي جريئ .. والعنود ميته من المستحى
أول ما حدر علي .. وهو يشل الطرحه عن ويه العنود
علي(( يغني بصوت واطي )) : شيلي الطرحه عن الوجه السموح ..
رفعت العنود عينها عليه .. ابتسمت له ابتسااامه اجنن .. وبعدين نزلت عيونها ..
علي : آآآآآه يا ويلي انااا .. متى بنظر يله
وامه وااقفه عداله هيه وأم العنود
علي : عمتيه أشل حرمتيه ويايه مب لااازم نقعد
أم العنود : يالله بالستر .. أصبر بلااااك جذي مطفووق
علي: ما كنت مطفووق يا غير بنتج سلبت عقلي
ولف على العنود وابتسم لها ابتسااااامه حلوه
ام علي :ههههههههه أشهد انك ذااايب من الخاطر يا علي
العنود يحليهااا ميييييته مستحى ....
عقب ردن ام علي .. وأم العنود تحت يسلمن على الحريم وجذي
علي .. يبا يسمع صوت العنود
كيف يخليها ترمس .. كيف ؟؟
شوه سوى
جان يشوف وحده .. وهيه من أهله
ابتسم ابتسامه خبيثه
علي: عنادي شوفي شوفي هناك
العنود صدت أدور
علي : لا مب هناااك ..شوفي هناااك هذيك إللي لابسه العنابي .. الله عليها .. اشهد انها طررر
العنود لفت صوبه ... وشوي بتصيح من القهر : لاا والله .. في معرس في ليلة عرسه عداله قمر ..ويطالع للنجوم
علي : ههههههه لا مافي .. وخاصه لو هالقمر مثلج .. والله يا عمري ما قصدت شي ... بس كنت أبا اسمع صوتج ..
العنود استحت منه .. ابتسمت ونزلت راااسها : يا ويلي من خباله
عقب احتشر علي .. وناصر برى يتحرطم عليهم مسكين ..
ظهروا العنود وعلي

ودخلوا فاااطمه
حدرت فاااطمه وكااانت ملااااك اتجنن
وشوي ودخل ناااصر
يركض ما يمشي
خاصه أنه ما شافها ولا مره
وصل عندها .. وشل الطرحه .. وتم مبهت وفاج عيونه .. يالله شهالجماااااااااال ... شالنعووووووومه يا ويلي اناااا
ناصر طبعا ً يستحي حيله مب جريئ مثل علي .. فما خذ وعطا وياها وايد
وظهروا العروسين الساعه 12 من القاعه ...
واول ما وصل ناصر وحرمته للغرفه .. زااايد ما قصر أزعجهم من الخاطر
نااصر: ما عليه يا بوخليفه يا يينك الدور .. وشوف شوه بسوي
زايد : هههههههههههه شوه اللغثه انزين يا خوك لااااحق انا بسير عنك.. بس هيه بجابلها العمر كله
ناصر : اووووه زايد تراني بشوفك عقب خلاص عاااد
زايد : ههههههه انزين خلاص بخليك مع عروسك .. لا تدعي عليه الحين .. باااي
ناصر : هههههههه باي

وبجذي أنتهى هاليوم بأجمل عروسين
العنود وعلي
وفاطمة وسلطان ..

الجزء العشرين :
عقب العرس بيومين ..سافروا ناصر وحرمته.. وعلي وحرمته .. ماليزيا .. يقضون اسبوعين ..
مرت الأيام .. حلوه على الكل .. إلا على الريم .. وزايد .. إللي كانوا كل واحد فيهم ذاق المر وساااكت .. خالد مساافر وما رد للحين ... وأهله ما يعرفون عنه شي .. زايد .. ما يعرف شوه يسوي فهالدنيا .. ويحس انه انسان ضاايع بلا هدف .. وقرر أنه يركز في شغله ..وينسى كل شي ....

وفي يوم من الأيام .. كان زايد قاعد في صالتهم ...
وكانت الريم يايه صووب بيتهم ... تشوف العنود .. بعد ما عرفت أنها يايه زياره لأهلها ..
لقت الريم زايد في الصاله
وزايد أول ماشافها ظهر
زقرته الريم : زااايد
زايد صد عليها : لبيه يا الريم
الريم : لبيت حايه .. زايد بغيت منك خدمه ..ولا تردني
زايد : آمري يا بنت خاليه
الريم : زايد .. اباك أدور على خالد
زايد : شوووه ؟
الريم : ابااااك أدور على خالد .. انا ما اشوف حد تحرك وسأل عنه .. وانا ما إليه حد أشكيله ... وما لقيت غيرك
زايد تم سااااكت ..
الريم : ما بتساعدني؟
زايد : بسااااعدج .. وبشري يا بنت خاليه .. ما برد .. إلا يديه بيد ريلج
الريم : مشكوور خالد .. وتأكد عرووسك ماحد بيتقناها لك غيريه
زايد أبتسم : ان شاء الله بس خلنا نرد ريلج قبل
ظهر زايد .. وهو يفكر كيف ممكن يرد خالد للريم ..
زايد صح كان يحب الريم .. بس بعد ماافكر.. وفكر .. قرر أنه ينساها .. دام هيه تحب ريلها ... الله يوفقها .. ويسعدها..

سار صوب بيت ريل أخته
ودق له تلفون .. وظهر له علي .. وقربه في الميلس
وعقب ما يلسوا يسولفون وجذي
زايد قرر يخبر علي عن خالد .. يمكن يساعده
زايد : خالد ولد حمد راعي بوظبي تعرفه ؟
علي : هيه هذا الريال أعرفه .. واعديبه من أيام الثانويه .. وعقبها أفترقنا .. بس من بينا تلفونات
زايد : امممممم يعني تعرف وين ممكن أحصله الحين
علي : اعتقد بنحصله في بيت سعيد .. في بوظبي .. هم ربع وااايد .. وأكيد بيكون هناك ..
زايد : نسير عيل الحينه ..؟
علي : على راحتك متى ما تبى ..
زيد : يله عيل سرينا الحين
سار زايد وعلي بوظبي
وصلوا عند سعيد .. ولقوا خالد عنده .. لأنه عقب ما رد من السفر .. قبل اسبوعين .. ما كان يفكر يرد البيت الحين .. وقرر يقعد جم عند اربيعه .. وعقب يرد البيت
زايد وعلي .. سلموا على الشباب .. وشلوا خالد معاهم في السيارة .. وكانوا ساكتين طول الوقت ... وبعدين وقف علي عند المقهى ونزلوا ...
خالد : خير يا بو حسن .. عسى ماشر .
(طبعا ً خالد ماخذ موقف من زايد ... من عقب ما سمع كلام الريم معاه (
علي : كل خير يا بو الوليد .. خالد .. نحن نبا انرمسك عشان حرمتك الريم ..
خالد : شبلاهاا ؟؟؟
زايد : الحين ما يصير يا بو الوليد .. بتكملون سنه ونص .. وانت صارلك أشهور مختفي .. وما تدري عن هوى دارها ... البنت مسكينه مب في حاله .. من يوم تعوقت لين هذا اليوم ..
خالد : هيه والمطلوب منيه أتركها الحين .. واطلقها .. عشان أخليها لك يا قيس
علي استغرب من الرمسه
زايد : انا ما قلت جذي .. بس
خالد : شوه تبا تقول بعد أكثر عن إللي قلته أنت وياها .. بتخبرك بس .. انت ترضاها على نفسك
زايد : خالد خلني أفهمك السالفه ...
خالد : تفضل

زايد خبر خالد بكل شي .. وبكل الكلام إللي دار بينه وبين الريم .. من لحظه ما ملج عليها خالد .. لين دخلت المستشفى .. وخبره عن حالها يوم تعوق في الحادث .. وخبره يوم يت لي عنده .. تطلب منه أيدور لها على خالد

خالد تم ساااكت
زايد : والله يا خالد أن الريم تحبك .. وانا قولك هالشي ... وأنامتأكد مليون بالميه من كلامي
خالد : خلصتوا إللي عندكم ؟
زايد : خلصنا ..بس ما عرفنا ردك
خالد : بتعرفه عقب .. اترخص منكم
ظهر خالد من عندهم ...
علي : زايد شووه سالفة قيس؟؟؟
خبر زايد علي بالساالفه ......
ومن عقبها ركبوا سيارتهم سارين صوب العين
ودق زايد حق العنود عشان تخبر الريم باللي صار معاهم مع خالد ..
والريم فرحانه .. ووخاايفه من ردت فعل خالد .. لأنها ما توقعت يكون سمعها !!

الجزء الواحد والعشرين - الاخير:
قعد خالد يفكر.. ويفكر بكلام علي وزايد ..
وزايد رد البيت ..وحصل أهله.. حب أبوه على راسه .. وحب أمه بعد
وخلاف قعد .. ويلسوا يسولفووون
أم زايد : هااه فديتك ما مليت من العزوبية ؟
زايد : امايه جريب أن شاء الله بقولج أخطبي لي .. صبري عليه شوي
أم زااايد :: وااااااااايه فديت رووحك .. ان شاء الله بصبر
ناصر : ههههههه مستعيله العيوز
أم زايد : هي والله .. كل عيالي عرسوا .. إلا بكري ما طاع يعرس ... أبا اشوف عياله قبل لا اموت
زايد : الله يطول في عمرج يا الغاليه .. وتشوفين عيالي وعيااال عيااال عيالي
أم زايد + أبوزايد : ان شاء الله
واسترخص عنهم زايد .. وسار غرفته تسبح ورقد
وعلي ساار عند العنود ..
ونااصر ما يدري بإللي يصير

هاليومين مرن ثجال على الريم .. جنهن جبل ..
الصبح وهم قاعدين في الصاله يتفاولون
الريم كانت قااعده وسرحااااااااااااانه
أم الريم : الريم .... يا بويه شفيييج
الريم : نعم أمايه شوه تبين
أم الريم : مابا شي يا بنتيه ..بس انتي حالج مب عايبني أمره بلاااج يا بنتيه
الريم : ماشي يا الغاليه ما شي
أم الريم : لا وين ما فيج شي .. الريم وغلااااااااااااااااات أمج في قلبج ترمسين
الريم : ماشي أمايه ..بس أفكر متى بيرد خالد طول الغيبه
أم الريم : هيه يا بنتي صدقتي .. نحن ما عرفنا وياه راسنا من ريولنا .. امره قطعنا من عقب ما تعوق .. بس ان شاء الله بيرد ..لا تحاتين
الريم : ان شاء الله

وفي بيت زايد الصبح
زايد قاعد يتريق مع أمه
وشوي دق له علي تلفون يباه يظهر
وظهروا مع بعض بالسياره
زايد : هاااه يا بوحسن خير ... ان شاء الله رد عليك خالد
علي : الريال خلااااص
زايد : شووه خلاااااااااااااص ؟
علي : انزين شوي شوي عليه خلني أرمس
زايد : انزين انت ترمس جن الرمسه تنسحب منك .. ياخي رمس
علي : ههههه انزين ... الريال اليوم بيي صوب بيت أهل الريم وبيحدوون موعد العرس
زايد : الحمدلله

وعلى العصر كان خالد وأمه واهله عند أهل الريم ...
وعقب ما تفاااولوا العرب
أم خالد : والله يا ختيه ما أعرف وين أودي ويهي منج ..
أم الريم : لا ما حصل إلا الخير عنيه افداج .. وأهم شي أنه رد بخير وسوالم
وحددوا الريال العرس بتاااريح 28/8/2003

وفي بيت زايد :
زايد داخل من برى يزاااعج
أم زايد : هاااه يااابويه انا هنيه شعندك
زايد : امايه أبا رفيعه
أم زايد : شوه رفيعه ؟؟
زايد : ابا رفيعه اخت علي ... هيه الوحيده من خواته بعدها ما عرست . وانا ابا ناااسبه
أم زايد : وايه فديتك هاااي الساااعه المبااااركه .. والله أنيه كنت أباها لك
زايد : يله قومي عيل .. شلي عباتج
أم زايد بطلت عيونها : الحيين ؟؟
زايد : هيه هيه يله عااااااااد لا أغير رايي الحين
أم زايد : زين زين عووذ بالله ..مسوي لنا ولا اشربي ولا العصى
زايد : ههههههه فديتج يا الغاليه
وسارت بالباجر أم زايد عند أم علي .. وخطبت رفيعه إللي وافقت على زايد ....

وكان عرس الريم وخالد .. وزايد ورفيعه يوم الخميس بتاريخ : 28/8/2003
الساعه 9 مساءا ً.. زايد حرق تلفون العنود ..
زايد معصب : يله عاااااااد .. نزلوها .. مب حاله هذي
العنود : هههههه انزين بلااااك
زايد : أباهااا يله بسررررعه
ونزلت رفيعه .. وكاااانت فريده في جمالها .. في مشيتها .. في دلالها .. في بسمتها ... سلبت عقل وقلب زااايد
وعقبها .. شلها زايد .. وساروا الفندق ....

ومن عقبهم .. نزلوا الريم .. إللي كانت فعلا ً ريم بجمال عيونها .. بدلالها .. بهيبتها .. برقتها .. وابتسااامتها الدلووعه .. سلبت قلب خالد .. أول ما طاعت عينه عليها يوم رفع طرحتها... مب بس خالد.. إلا سلبت قلب كل الحضوور ..
خالد : فدييييييتج يا الريم .. والله بتخبل لو ما خذتج
الريم بصوت واطي : بسم الله عليك يا عيون الريم ...
خالد : يااااااااااااااويلي اناااا ..
وسار خالد عند أخته وطلب من المغنيه تغنيلهم أغنية هزاع المنهالي / أغار عليك
http://www.dubaimoon.com/songs/arshef/a3ar-3laik.ram

ومن عقب ما قصوا الكيكه .. وتصورا في الصااله .. ماطاع خالد يرد ويقعد .. واستعيل في الزفه .. وزفوهم

وفي الغرفة :
صورتهم المصورة إللي ماتت عليهم ..
وقالت : العروس والعريس بيعأدوا كتير
ظهرت المصورة
وقعد خالد مجابل الريم إللي كانت قاعده على الكنب
خالد رفع راس الريم : حبيبي
الريم مستحيه : لبيه ..
خالد : ياااااااااويلي .. والله أحبهااااااااااااااااااااا يا ناااااااااااااااااس
الريم ذاابت خلااااص مستحيه ما تعرف شوه تقول
خالد : حبيبي ..
الريم : عيونها ... وقلبها .. لبيه
خالد ابتسم لها : والله أحبج ريم .. والله ...
الريم ابتسمت له ابتساااامه حلووه .. حس منها أن الريم تقول له .. وانا امووت فيك يا خالد ...
ما نطقتي يا ريم .. بس ابتسامتج .. وعيونج .. وصلن إللي أستحيتي توصلينه ...

النهااااااااااايه

ما بعد النهايه
===========

في بيت الريم وخالد :
خالد : ياااريم وين سعيد ... يله أبا ألحق على صلاة العيد
الريم : انزين هااذوه الحين بينزل .... صبر بس أعدل طربووشته ....
الريم حبت ولدها سعيد إللي عمره 4 سنوات: يله بابا سير عند ابوك يترياك برى
سعيد إللي يشبه الريم في كل شي : ان ساء الله ماما الحلوه (( إن شاء الله ((
الريم : فديييييييييت الحلو انا .. يله حبيبي

في بيت زايد ورفيعه :
رفيعه : زااااااااااااااااااااااااااااااايد .. يله قووم حبيبي ... يله عاااااد ترى والله تعبت من كثر ما أوعي .. حد يرقد لين الساعه 8 في العيد
زايد : هااااااه حبيبي .. بس 5 دقايق بس 5 دقايق والله
اليازية : ماما يله بيي تعيد ((سعيد)) الحين ..ابا اتووفه ((اشووفه)).. وابا اكون أحلى من تعوود ((سعوود ((
رفيعه : انزين ماماتي .. بس هذا بابا كسلاان ما يقووم
اليازية : بااااااباااااااا يله عااااااد أنت واااااايد تنااااام قوووم عيب .. العيد بينا الحين ..
زاايد : ههههههههه قفلوا الباااب عنه وخلوني ارقد
رفيعه : اففففففف زايد انا بروح تحت.. الحين بيون الريم وريلها ... وناصر وحرمته والعنود وريلها .. وقوم خالك .. وقوم عمتيه .. واماااااايه ... يله عاااد قووم
زايد : زين زين هاااااه قمت شووفي ..
ويربع زايد للحمام يتسبح ..

في بيت ناصر وفاطمه :
فاطمه : يله حبيبي انا بترياك هنيه سير صل وتعال..عشان نسير عند قوم أهلك .. ونخطف على أخوك والأهل
ناصر : ان شاء الله يا أم بدر
فاطمه وعيونها فيها دموع : ووينه بدر .. الحين بنكمل 5 سنوات .. وبدر بعده مايا؟
ناصر : حبيبي الله قااادر على كل شي .. ولو ما يا بدر .. انتي رووحي وأنتي وأمي وأنتي أبوي .. وأنتي بدوور..
فاطمه ما قدرت تتحمل وصاحت : الله لا يحرمني منك يارب
ناصر : ولا منج يا عيون نااصر

في بيت العنود وعلي :
علي يوعي عياله التووم (محمد + عاشه (
علي: قوووم محمد .. حموووود بابا قوووووم .... عوااشه يله حبيبي قوومي حبيبت بابا أنتي ..ما احب حمود انا كسلااان
محمد يبطل عيونه شوي شوي : لااااااا انا حبيب بابا عواشه لااااااااا
عواشه : لا انا عشان انا تسبحيت شووف انا أموووله (( اموره ((
محمد : انزين ماما في الحمام
علي : العنووووووووووووووووووووووووووووووووود
العنود حليلها تروعت وظهرت بسرعه من الحمام : هاااه علي بلاااااااك ؟
علي: هههههههههههه شكلج يضحك وانتي خايفه .. مافيه شي يله بتسبح انا وحمود .. انتي وعواشه خلصتن نبا نسبق زيوود الكسلااااااان
العنود :ههههههه بتحصله راااقد الحين أعرفه انا اخويه .. لو أدق الطبل على راسه ما يقوم

النهااااااااااااااايه

وفي النهاية
لا يسعني إلا أن أشكر كل من تابع قصتي.. من قريب أو من بعيد .. .. الشكر لكل من نقش حروفه الرائعة في صفحتي المتواضعة وبين كلمات قصتي ..
ألف شكر لكم .. على التشجيع
وأعذروني لو بدر مني أي تقصير تجاهكم
ولو زليت بكلمة في حق حد منكم ..
وأنتظر انتقاداتكم .. ونصائحكم إن وجدت
وألف شكر لكل من يمر ..
ولا هنتوا