القصه الي ما يدخلها بتفووته

#1 (**permalink**) 12-09-2007, 08:04 PM

غاليه واغلى ومن الغلا اغلا .غاليه وتغلى وحيل القلب يغليها

السلام عليكم و رحمة الله

شحالكم يا عرب ربكم إلا بخيرر ؟؟؟؟؟؟؟؟؟؟؟؟؟؟؟؟؟؟؟

بسم الله الرحمن الرحيم

حبيت أنقل لكم هذي القصة

وان شاء الله تعجبكم وان شاء الله ماتكون معيوووودة

غاليه ...... واغلى ومن الغلا اغلا
غاليه وتغلى وحيل القلب يغليها

في بيت بو شذى

شذى : يا ربي والله تعبت هب حاله هاي الصراحه أف ... ترن ترن
...:: السلام عليكم
شذى : وعليكم السلام .. هلا والله شحالج اليازية
اليازيه ( صديقة شذى من الثانوية ، وهن ربع وايد. وأمهاتهن ربع )
اليازية : الحمدلله يسرج الحال الغاليه ،، شو اخبارج .. علومج
شذى : والله متبهدله من الصبح احن على ابويه
اليازيه : و حليلج بعده ما وافق على الامريكية
شذى : والله يقول يصير خير .
اليازية : الله يعينج ترا ما بقا شي بيخلص التسجيل
شذى : شو اسوي قوليلي ؟؟؟
اليازيه : المهم حبيبتي لا تحاتين بدشينها بخلي امي ترمس خالو وانشاالله بيرضى عمي .
شذى : الله يسمع منج .
اليازيه : اوكي بخليج وبشوف شما شو صار معاها ..؟؟
شذى : اوكي عيل باي .. و خبريني بالتطورات .
اليازيه : تامرين امر الشيخه باي .
شذى : باي
شذى : اف والله حرام يعني بيفرقوني انا واليازيه ولا بعد شمامي اف والله قهر
ام شذى ( ): شذى شذى وينج تعالي ابوج يزقرج من الصبح
شذى : يايه وهي تنزل من الدري ... الله يستر ما ادري شو بيقول الحين ... يا رب يوافق
ابو شذى : هلا والله ببنيتي
شذى : اهلين بابا شحالك وتسير تبوسه وتبوس امها
ام شذى : حبتج العافيه .. ها شو اخبار الجامعه
شذى : اي جامعه بعدني اتريا الوالد ( تنغز ابوها ) .
ام شذى : ليش ما خبرج ابوج ؟؟
شذى : شو يخبرني .. وتصد على ابوها .. بابا شو بتخبرني خير انشاالله
ابو شذى : خلاص فديتج سجلتج في الجامعه ... ولا بعد قبلوج
شذى ( وهي تناقز ): الله احبكم احبكم بروح الامريكيه الله بروح اتصل في يزوي .
ابو شذى : هههههه حليلها من متى حاطه هاي في خاطرها .
ام شذى : بس محمد ترا درب من دبي لين الشارجه كل يوم !
ابو شذى : والله انا فكرت فيها بس بحطلها دريول بس عسب يوديها الشارجه ويردها دبي
ام شذى : والله برايك يا محمد .
******** شذى في غرفتها ********
شذى : يزوي والله وناسه .. الله بكون معاج
اليازيه : انا قلتلج اصبري بيوافق عمي بس انتي ما طعتي
شذى : هيه والله صدقج اصلا بابا ما يحب يكسر بخاطري ،، بس تعالي شمو شو صار معاها ؟؟؟؟
اليازيه : والله انا اتصلت ووو..............
شذى : لا لا تقولين ما رضى ابوها ؟؟
اليازيه : لا ما رضى اونه جامعه مختلطه
شذى : انزين عادي هي رايحه تدرس هب رايحه تغازل ولا تعاكس
اليازيه : انتي تعرفين ابوها ما يحتاي اخبرج هو كيف
شذى : حرااااااااااااام ما اكتملت وناستي ._.
اليازيه : ههههههههههههههههه
شذى : بلاج بسم الله
اليازيه : قصيت عليج هيه مسجله من متى ... هههههههههه .. ولا بعد اونها بتسويها سبرايز
شذى : الله يخس بليسج .. والله انا بعد على الخط مصدقه .. تقهرين تراج
اليازيه : بس صخي لا .. اقول بروح ارقد من متى وانا اسولف معاج .. مليت الصراحه
شذى : شو يا الخايسه .. اصبري بس انتيي يوم بشوفج بكفخج
اليازيه : باي باي وتسكر التلفون
شذى : الله اليوم برقد وانا مرتاحه ما بفكر في الجامعه .. ايه بس تعالو شو البس للجامعه . لازم اخبر ماما ابغي اروح اشترى لي ثياب .. باجر انشاالله ..
( اونها ما بتفكر )

(أثناء ذلك )
في بيت بوطحنون

ام طحنون : يا مرحبا الساع
... : يامرحبا ملايين ولايسدن شحالج خالو
ام طحنون: بخير يسرج الحال ، انتي شخبارج وشخبار امج فديتها والله من زمان مارمستها
.. : والله الحمدلله كلهم بخير ، وتراها امي بعد تسأل عنج
ام طحنون : والله شو اسوي هاي عويش مأذتني كل يوم و بتروح مكان
..: ههههه هب مصدقه حليلها ، المهم خالو وينها عويش
ام طحنون : في حجرتها روحيلها
...: اوكي
عويش في حجرتها تجهز للجامعه
يدقون الباب عليها
عويش : منو ..شو تبغون بعد
..: السلام عليكم
عويش : نجوله حبيبي ، وعليكم السلام
نجلا وعاشه ( ربع من الاعداديه.. وهن مثل الخوات ... عويش : وايد صريحه ودفشه في بعض الاحيان ... شخصيه صراحه ولا احلى ( عند البنات ) ... خوافه وجبانه وخجوله ( مع الشباب ) ... نجلا : حساسه زياده عن اللزوم .. وخجوله ...
نجلا : خيبه الحين في حد يستقبل ربيعته جذه
عويش : سوري والله رشود ملعوزني
نجلا : هذا بعده يحط دوبه في دوبج
عويش : هيه فاضي لا شغل ولا مشغله .. يحب يستفزني .. يقهر
نجلا : المهم شو تجهيزات الجامعه
عويش : والله كل شي ترتوب .. الا تعالي انا بروح ميغا يوم الاربعا
نجلا : انا بروح معاج بس بشاور امي عقب
عويش : لا عاد اذا بتشاورينها بتوافق ... الا تعالي انتي ما قلتي انتي بتروحين عند ابوج ( نجلا ابوها وامها مطلقين ... وترووح تقريبا في كل ويك اند عند ابوها )
نجلا : لا انا قايلتله اني ما بروح عنده لنه منشغله في تجهيزات الجامعه .
عويش : هيه تعالي على طاري خربطيشن الجامعه ... اسوم تبغي تطقم في اللبس
نجلا : هب حلو ...شو نحن هب يهال
عويش : شو عرفني هيه حليلها بعدها تتحرانا في المدرسه .
نجلا : شكلها . اقول انا طولت بروح البيت
عويش : مسرع توج يايه
نجلا : شو توني يايه من الصبح ميلسه مع خالو
عويش : انا اقول ليش اتأخرتي
نجلا : انزين قوووووووووومي ( وهي تسحب عاشه ) يلا وصليني البيت .
عويش : انزين صبري ........ يا ربي خليني ألبس شيلتي وانتي انزلي انا بلحقج
نجلا : اوكي ( وهي ظاهره من الحجره تنصدم في راشد اخو عويش عمره 23 سنه .. وهو واحد يحب يغصص على عويش )
راشد : السلام عليكم
نجلا ( تتحجب عدل ) : وعليكم السلام .. وتروح نجلا عنه
راشد ( والله وكبرتي يا نجول ... وحلويتي بعد ... والحبيب سرح في نجلا ... )
عويش : ايه رشوووووووود ( وهي تصرخ ) وين رحت ؟؟؟
راشد : خيبه تخيبج .... بلاج انتي ما عندج اسلوب ... الحين الجن لو سمعوا صوتج بيشردون من الفريج هب من البيت .
عويش : قول ما شاالله بلاك ماتذكر الله ... باجر لو حسي اختفى ياويلك سواد ليلك ...
راشد : روحي لاه .. سيري عند شيختج
عويش : منو هاي؟؟؟؟؟
راشد : نجول ( هو يغايضها )
عويش : تخسي إلا انته .. اصلا انا شيخة البنات كلهن
راشد : صخي لا ( ويرقع باب حجرته في ويها )
عويش : شوفوا الخايس ... براويه ... اوي صح نسيت نجول
( وهي تنزل من فوق )
عويش : نجول .. نجول ( تصرخ )
ام طحنون : بلاج تزاعقين ... نجلا راحت بيتهم
عويش : لا ليش راحت مستعيله هاي
ام طحنون : والله انتي تحيرتي على بنت الناس .. شو تبغينها تترياج
عويش : هي عيل تروح بدون ما تخبرني ... وسحبتني سحب من الحجره عسب اوصلها ... والله مره ثانيه مابسويلها سالفه .
ام طحنون : عواش .. تراج مصدقه عمرج ... تعالي فديتج يلسي حذالي .
عويش : ها ييت ( وتيلس بحضن امها ) امي لا تنسين بروح الميغا بعد باجر ونجول يمكن تروح معاي
ام طحنون : يصير خير لين الاربعا ... هب شكله ابوج طول في الرده
عويش : ما ادريبه يمكن عند الغيرل فرند ماله
ام طحنون : شوووو بعد ها غيل فلند
عويش : ههههههههههه حلوه .. امي هاي تعني حبيبته
ام طحنون : لا بسم الله عليه ... ابوج ما عنده هاي السوالف
عويش : امي كل الرياييل عندهم غيرل فرند ... اكيد بابا عنده .. وبعدين انتي عيوز لا زم نوديج امريكا عسب تسوين عميلة تجميل .
ام طحنون : هيه انتي علقي هذا إلي فالحه في انتي .. هيه الله ياخذها امريكا ولديه هناك عندهم ... مختطفينه الله يلعنهم من قوم
عويش : هيه والله حمدانو اكيد انحرف
ام طحنون : بلاج انتي اليوم تدعين وتفاولين علينا كلنا ..
عويش : ما قلت شي .. اقول انا بروح ... غود نايت .
ام طحنون : تصبحين على خير ... والله هاي البنيه متمنكره ( الله يعينه إلي بياخذج ويعين اهله )

راشد ( في حجرته يفكر بنجلا ) ماشاالله عليج والله وصرت حرمه ... ولا بعد تستحي ... استغفر الله الحين انا يالس افكر ببنت الناس .. عوذ بالله من الشيطان .. وراح وانسدح على شبرتيه .. لين ما غفى ورقد

يوم الأربعا في بيت بو طحنون

راشد : حمود بسك هياته والله البارحه كنا ظاهرين .
حامد ( ربيع راشد ... هو معاه في الجامعه .. ومن ايام الجامعه وهم ربع )
حامد: اخبرك تراك غادي شرات امي ... بسك هياته وبسك هياته .
راشد : اوهو شو يعني غصب لازم اظهر معاك .. والله هب متفيج
حامد : افا .. يابوسنيده تردني ؟؟
راشد : شكلك بتذل اخلاقي ؟!
حامد : ابوي خلاص برايك اذا ما بتظهر بدور لي حد من الربع ... مع السلامه
راشد : مع السلامه .
حامد : والله انه سخيف ...شو بعد ما يبغي يروح ... دومه ينكد عليه مشاريعي الحلوه .. الحين شو اسوي ؟؟؟ .... هيه صح سواف خلا اتصل فيه
سيف : يا مرحبا الساع ... هلا والله شحالك الشيخ ؟؟
حامد : ههههه مرحبا مليون ... والله يسرك الحال
سيف : والله توك طريت على بالي .. كنت بتصل فيك ...
حامد : شفت عاد ... المهم شو تسوي ؟؟
سيف : والله كنت ابغي اشوف فلم معروض في السينما .. بس الربع مشغولين ..
حامد : والله عيل خلاص ... بعزمك على السينما ... وبعد العشا عليه انا .
سيف : وين انزين نسير ؟؟
حامد : الستي تراه قريب منك .. بمر عليك و بنروح السينما ..
سيف : خلاص .. بروح اتلبس يلا نتلاقى .
حامد : باي
سيف في حجرته يتعدل ويتعطر
...: سواف
سيف : هلا والله بيزوي ما شفتج اليوم ؟
اليازيه ( اخت سيف وهي اصغر منه عمرها 19 وسيف 23 سنه .. و طبعا هي دلوعة سيف مثل ما يسمونها )
اليازيه : اهلين ... والله كنت مشغوله رحت برجمان اشتري لي بدل للجامعه
سيف : هيه شو خلاص قبلوج ؟؟
اليازيه : اكيد .. اصلا امريكية الشارجه متستانسه لأنها بتستقبلني
سيف : هههههه وايد مصدقه عمر ج انتي .
اليازيه : اكيد انا بنت علي يرفضوني ... يخسون هم .. إلا تعال وين رايح ؟؟؟
سيف : بظهر مع حمود
اليازيه : اوكي عيل ... ابوي لا تروحون تغازلون هناك ... عيب والله .. تراه هذا حامد لو امي تعرف سواياه ما خلتك تظهر معاه .
سيف : اوكي ...انشاالله تآمرين على شي ؟؟
اليازيه : سلامتك الغالي
سيف : الله يسلمج .. باي
اليازيه : باي
سيف ( وهو نازل من فوق يمر بغرفة امه ) : هلا امي
ام سيف : اهلين الغالي .. تعال اقرب
سيف : هلا الغاليه .. شحالج اليوم .. شو ريلج ؟؟
( ام سيف .. حليلها في هشاشة عظام والدكتور قايللها ما تمشي وايد ولا تيلس وايد )
ام سيف : والله الحمدلله ما نشكي باس .
سيف : فديت امي .. ( ويرفع يديه ويدعي ) اللهم رب الباس اذهب الباس عن امايه.
ام سيف : هههههه شو هذا الدعاء ... الله يوفقك ..
سيف : هذا دعائي ادري سبيشل .
ويرن تلفونه
سيف : ها نازل نازل اصبر
حامد : اوكي ما قلت شي .
يظهر سيف من البيت ويركب بسيارة حامد ( نيسان اسود )
سيف : شحالك ؟
حامد : تمام .. تعرف قلت لرشود تعال معانا ما طاع اونه هب متفيج
سيف : حليله انزين يمكن عنده ظروف الريال
حامد : اي ظروف الله يخليك ما وراه حرمه ولا عيال ؟
سيف : بتتعوض انشاالله ..
حامد ( يحط شريط ميحد اغنية طير الحمامي .. وسيف يعشق هاي الاغنيه ويطول عليها ويغنون هم الاثنين )

في دبي تحديدا بيت ( شذى )

ام شذى :اقول محمد ( ابو شذى) ترى ناس اليوم يسألوني عن شذى
ابو شذى : خير انشاالله ؟
ام شذى : لا بس شكلهم بيخطبونها حق حد من اهلهم
ابو شذى : ليش هم فاتحوج في الموضوع ؟؟
ام شذى : والله الحرمه قالت لي هم يدورون بنيه لولد اختها
ابو شذى : اها تحريت رسمي خطبوها
ام شذى : الله يسمع منك ... والله البنت كبرت ولازم تزوج .. ابغي اشوف عيالها
ابو شذى : بس هيه بعدها صغيره وبنتي ما بياخذها حد عني
ام شذى : شو يعني بتتمسك في البنت طول حياتك
ابو شذى : والله بنتي وابغيها وانا صراحه قايل هيه ما بتاخذ واحد غريب
ام شذى : انته جذه استويت .. وهم ما خطبوها عيل اذا خطبوها شو بتسوي
ابو شذى : اقول طبي السالفه الحينه .
( ويروح ابو شذى الغرفه وهو يفكر ببنته .. وانه مجبور في يوم من الأيام انا يتخلى عن بنته , وهو هب متقبل فكرة انه شذى بتروح عنه بعيد , بس بعد لازم يفكر فيها وانها بتنظلم اذا قطع نصيبها )

شذى : يزوي شو تسوين ؟
اليازيه : والله يالسه على المسن .
شذى : ليش ما تخبريني ؟
اليازيه : توني يالسه بلاج ؟؟.
شذى : منو معاج ؟؟
اليازيه : شموه ( شما ربيعت اليازيه وشذى .. وهن الثلاثه من دبي .. وبيروحون الجامعه نفسها ... شما امها متوفيه و)
شذى : اوكي عيل بخليج سلمي عليها .
اليازيه : تعالي ليش ما بدشين المسن .؟
شذى : لا الوقت متأخر .
اليازيه : الساعه 9 ومتأخر يا الديايه
شذى : اقول باي باي ( وتسكر التلفون )

اليازيه : هاي بلاها ؟؟
وترد ترمس شما على المسن .
شما : يزوي وينج ؟؟؟
اليازيه : موجوده بس شذى .. شكلها زعلت مني .
شما : ليش بعد ؟؟
اليازيه : ما ادري والله .. المهم شو الحين جهزتي للجامعه ؟؟
شما : هيه وخلصت بعد .
اليازيه : اكيد مخلصه .. تعرفين اي جامعه بتسيرين قبلنا .
شما : ليش انتي ما خلصتي ..؟؟
اليازيه : لاء اليوم رحت برجمان بس ما حصلت بدل حلوه .
شما : اها تعرفين وين تروحين ؟؟
اليازيه : وين بعد ؟؟؟
شما : سيري الشارجه ميغامول
اليازيه : شو تهقين عندهم بدل حلوه ؟؟
شما : هيه انا رحت شريت من السيتي وميغا بعد .
اليازيه : خلاص بس بشاور امي وابوي
شما : خلاص عيل انا بظهر .. باي
اليازيه : باي
وتسكر المسن والكمبيوتر وتروح تنام

في بيت بو طحنون ( الشارجه )

راشد : شوشه شوشه تعالي بسرعه
عويش : هلا شو بغيت ؟؟
راشد : روحي تلبسي بنظهر
عويش : الله اوكي بتلبس وبرجع
راشد : اسألي اول وين عقب .. ما تصدقين انج بتظهرين من البيت
عويش : اف ... انزين وين بنروح ؟؟
راشد : بروح اشتري لي عشا
عويش : اوكي ( وتروح حجرتها تتلبس )
راشد : ما تصدق هاي البنيه انها بتظهر ... ههههههه .. حليلج يا عواشي الله لا يحرمني منج
ام طحنون : آمين يا رب الله لا يحرمني من عيالي كلهم .
راشد : امايه .. خوفتيني ...( ويروح يبوس امه ) شو ابويه وين ؟؟.
ام طحنون : توه راد من الميلس
راشد : بروح عنده شويه
ام طحنون: خلاص عيل بجهز العشا حقكم
راشد : لا لا تجهزين انا بتعشى برع مع شوشه
ام طحنون : برايكم عيل انا بروح اسوي لي شاهي
راشد ( يدق الباب على غرفة ابوه .. غرفة ابوه وامه تحت ... وغرفته هو وطحنون و حمدان وعواشي فوق )
ابو طحنون : منو ؟
راشد : ( يفج باب الغرفه ) انا رشودي
ابو طحنون : هلا والله بولدي .. شو وين بتروح ؟؟
راشد : بروح مع عواش بنتعشا .
ابو طحنون : هيه وينها اختك ؟؟
راشد : سارت تتلبس .. ابويه إلا شخبارك ؟؟
ابو طحنون : الحمدلله تمام .. بس تعبان شويه
راشد : عسى ما شر ؟
ابو طحنون : اشغال الشركه ما تخلص . ( ابو طحنون عنده شركة محاماه )
راشد : هيه .. عيل خلاص بس بغيت اطمن عليك بروح اتلبس .. يلا مع السلامه
ابو طحنون : مع السلامه .. بس تحمل على اختك .. ولا تسرع
راشد : فالك طيب الشيخ ( ويظهر من الحجره ويلاقي عويش )
عويش : ها اشوفك ما خلصت ؟؟؟؟ وهي معصبه
راشد : كنت ارمس ابويه
عويش : هيه تعال ما شفته اليوم روح انته تلبس وخلص بس بسرعه
راشد: لا بعد تتشرطين
عويش : روح لاه
راشد : خلاص هونت ما بروح ..
عويش : لا حرااااااااااااااااااااام ( وهي شويه وبتصيح )
راشد : ما ابغي خلاص
عويش : رشوووووووووووودي ( بدلع ) يلا خلنا نتعشى .. انته يوعان
راشد : هههههههههههههههه انزين خلاص رضيت بروح اتلبس وبرجع
عويش : تفتح باب حجرة ابوها ) بابا وتنط عليه
ابو طحنون : عواشي الحلوه شحالج ؟؟؟
عويش : تمتوم .. انته شحالك وشخبارك وعلومك ؟؟؟
ابو طحنون : ههههههه شوي شوي عليه
عويش : اقول تراني بروح مع رشود .. بنتعشى
ابو طحنون : هيه ادري خبرني ...
عويش : بابا تدري اليوم انته حليو وصراحه فنان
ابو طحنون : قولي كم تبين خلصيني ؟؟
عويش : ههههههه كيف عرفت اني ابغي بيزات ؟؟
ابو طحنون : بنتي واعرفج .. يودي خمسميه
عويش : واااااااااايد .. انا عندي بيزات من البارحه
ابو طحنون: برايج خلاص ما تبغينها
عويش : لا( وتسحب البيزات من ابوها) ابغيها ههههههه .. عسب اترس بوكي
ابو طحنون : خلاص عيل .. ها لا تضاربين مع رشود
عويش : لا شو انا هب ياهل
ابو طحنون : خلاص عيل انا بروح ارقد
عويش : تصبح على الطاعه .
ابو طحنون : وانتي من اهل الشفاعه .
عويش ( تظهر من الغرفه ) وتركب سيارة راشد
راشد ( يفج باب السياره.. سيارته طوارق بيضا ) : خيبه بلاج هب مصدقه ؟؟ وبعدين من سمحلج تشغلين السياره ؟؟
عويش : كيفي .. وبعدين فلت بوفر عليك الوقت
راشد ( يركب السياره ) : ها وين تبغين تروحين ؟؟؟
عويش : صحااااااااااااااااااااااااااااااااااااااااااارى
راشد : لا ما بروح صحارى
عويش : عيل وين ؟؟ ( بزعل )
راشد : ما ادري بنروح دبي
عويش : اممممممممممممممممم ... ( تفكر )
راشد : شو رايج السيتي ؟؟
عويش : اوكي المهم اظهر
راشد : خلاص نحن رايحين لدبي

وفي دبي ( سيتي سنتر )

حامد : الصراحه الفلم عجيب .
سيف : هيه وايد .. إلا اقول وين بنتعشا ؟؟
حامد : ما ادري ؟؟
سيف : شو رايك في (اونوز)
حامد : يلا عيل
( سيف وحامد يدشون المطعم .. ويتناقشون في الأكلات الموجوده في المنيو )

نرجع لراشد وعاشه
راشد : اقول عويش شو وين بتتعشين ؟؟
عويش : ما ادري ما اذكر اسم المطعم إلي رحتله مع طحنون
راشد : اوكي خلينا نسير صوب ردهة المطاعم يمكن تذكرينه
عويش : اوكي .. بس اذا انته في خاطرك مطعم غيره عادي
راشد : لا والله اصلا ما اعرف شو باكل ؟
عويش : اوكي يلا خلنا نسير ( ويدشون المطعم*اونوز* .. ويختارون طاوله بعيده شويه عن طاولة سيف وحامد )
الغرسون : هلو غود ايفنغ ( هاي مساء الخير )
راشد و عاشه : هاي غود ايفنغ
راشد : شو بتطلبين شوش؟؟
عويش : ما ادري شو رايك باستا ولااا اممممممممممم؟؟
راشد : ولا شو ؟؟
عويش : ستيك ؟؟
راشد : باستا
عويش .. بس محد يظبطها مثل لونا روسا
راشد : ما ادري جربيها هنيه
عويش : اوكي بطلب باستا .. وانته ؟؟
راشد: اممممممممم ( يرن موبايله ) الو
حامد : الو شحالك ؟؟؟
راشد : تمام .. شو الفلم
حامد : والله اوكي .. انته وين حشره عندك ( يستهبل )؟؟
راشد : انا في السيتي
حامد : لا والله هب قبل شويه كنت تقول هب متفيج ؟؟
راشد : شو اسوي مودي تغير
حامد : هيه مع منو انته ... لا تقول مع سهيل؟؟
راشد : لا مع الأهل .. انته وين ؟؟
حامد : انا في المطعم إلي انته فيه
راشد : وينك ... هيه شفتك .. منو معاك ؟؟
حامد : سواف .
راشد : اصبر الحين بسلم عليكم .. باي ( ويسكر الموبايل )
راشد : عواش انا بروح اسلم على ربعي وبرجع اوكي .. اطلبي لي بيتزا
عويش : اوكي ( وتتصل في نجول )

طاولة سيف وحامد
راشد : السلام عليكم والرحمه
سيف و حامد : وعليك السلام
راشد : شحالك سيف ؟؟
سيف : بخير يسرح الحال .. إلا انته شحالك .. وليش ما ييت معانا؟؟
راشد : انا تمام .. بس ما احيد الأخ حامد خبرني انك بتكون موجود معانا ( ويشوفونه سيف وراشد بنظره)
حامد : اصلا انا ما كنت ادري انه سيف بيكون موجود ( يبغي يتهرب من الاجابه )
سيف : اها عيل جذ السالفه .. تعال مع منو ياي ؟؟
راشد : مع الأهل
حامد : اي اهل اكيد حبيبته ما يبغي يخبرنا عنها
سيف : ههههههههه ما حيدك راعي سوالف بنات بو سنيده ؟؟
حامد : انا ادرى بحاله .
راشد : ايه احترموا نفسكم شو شايفيني انتوا
سيف : افا يا ريال ..ز رمسنا وحبينا وحده قلتوا الريال راعي سوالف
حامد : منو هاي إلي حبيتها ؟؟؟؟ ( والفضول بيجتله)
سيف ( يغمز له و يهمس له ) : اقص عليه يا ريال لا تخرب
راشد : بلاكم ؟.؟؟
سيف : ها ولاشي روح ورح طولت تراك
حامد : هيه لا تخليها تحاتيك
راشد : والله ان ياي مع الأهل .. اوكي الحين ما بطول عليكم يلا كملو عشاكم
حامد : قصدك ما بتطول على حبيبتك ... ويضحكون على راشد
راشد : يلا فمان الله
سيف وحامد : فحفظ الرحمن
( يروح عنهم راشد )
سيف : يعني لازم تفشل الريال انته
حامد : صراحه منقهر منه .. ليش ما بغى يسير معاي
سيف : احمد ربك اني وافقت , وإلا انتحرت
حامد : هيه والله خلنا نتعشى يا خي

على طاولة راشد وعويش

( عويش ترمس نجلا في الموبايل )
عويش : نجول والله المهم سلمي على اسوم وقوليلها نتلاقى في الجامعه ..
نجلا : اوكي الله يسلمج .. باي
عويش : باي
راشد : ها خلصتي ؟؟
عويش : هيه قلت انته بتطول اتصلت في نجول
راشد : شحالها ؟؟
عويش : متحمسه للجامعه .. تعال انته بتوديني الجامعه ؟؟
راشد : لاء ما اقدر اتأخر عن الشغل
عويش : عيل منو بيوديني ؟؟
راشد : طحنون ولا الدريول
عويش : اوكي عيل خلنا نتعشى يعت

( عقب العشا طبعا وهم في الدرب )
راشد : تعبت من الأكل
عويش : انا بعد .. بس عسب الطلعه تكتمل ابغيك تمر على باسكن
راشد : هب توج تقولين تعبت من الأكل؟؟
عويش : انزين انا مشتهيه اسكريم وبعد لا تنسى خذ لطحنون
راشد : انشاالله تامرين على شي بعد الشيخه
عويش : سلامتك برذر
راشد : الله يسلمج
( المهم ياخذ لها اسكريم ويرجعون البيت )

في بيت محمد ( شذى )
شذى : امي ... ابغي اروح اشتري لي ثياب للجامعه
ام شذى : شاريلج درزن ثياب ما يكفونج ؟؟
شذى : لاء بعدين لازم ما اعلق على نفس الثياب
ام شذى : يصير خير باجر انشاالله
شذى : اوكي ... بروح اتصل في يزوي
شذى : الو يزوي
اليازيه : هلا وغلا شحالج ؟؟
شذى : اهلين .. تمام .. اقول باجر بروح اشرى للجامعه بتين ؟؟
اليازيه : لا ما اقدر
شذى : ليش ؟؟
اليازيه : لازم اشاور ابوي وامي
شذى : انزين شاوريهم عقب
اليازيه : بشوف
شذى : اوكي باي
اليازيه : باي
( اف ليش تأخر سواف )
سيف (يدش الصاله ) : السلام عليكم
اليازيه : وعليكم السلام ..شو غازلتو ؟؟؟
سيف : شو رايج ؟؟
اليازيه : اكييييييييييييييييييد
سيف : اووكي عيل .. تعالي ليش ما رقدتي ؟؟
اليازيه : اترياك
سيف : حبيبتي والله ... لو ادري ما تحيرت
اليازيه : لا عادي .. كنت اشوف مسلسلي
سيف : اها قولي جي من الصبح
اليازيه : ها تراني قلت
سيف : اوكي انا بروح ابدل وانام .. تصبحين على الطاعه
اليازيه : وانته من اهل الشفاعه
( ويروح سيف غرفته ... وعقبه بشوي تروح اليازيه حجرتها ... وينامون .. طبعا . .. بس خلنا نشوف سواف)
سيف : ههههههههههه انزين شو اخبارج الغاليه ؟؟
...: تمام
سيف ( الله يغربلها تملل بالواحد) : اقول انا الحين برقد باي ويسكر في ويها
....: هذا بلاه ؟؟ دفش
سيف : خلني ارقد احسن من هاي السوالف التافهه
وقبل ما يرقد يرن موبايله
سيف: الو
حامد : بسم الله بلاك ؟؟
سيف : ها لا بس كنت ارمس الغبيه بدورو
حامد : هيه .. تعال الا اخبرك منو هاي إلي حبيتها ؟؟
سيف: نعم نعم اصلا ما عاشت من هي تيب راس سيف بن علي
حامد : إلا كنت اتحراك حبيت من وراي
سيف : مستحيل شل هاي الفكره من راسك
حامد : ابويه في آخر المطاف مردك بتحب
سيف : اقولك انسى هاي الفكره
حامد : يوم بتحب بذكرك برمستك
سيف : وبكون عند كلمتي ... لا تتحداني يا حمود
حامد : خلاص اوكي ... مع الأيام بنشوف من هاي الغزال إلي بتيب راسك
سيف : اوكي .. ازعجتني صراحه . خلني ارقد
حامد : يلا تصبح على خير
سيف : وانته من هل الخير
( وسيف يرد يفكر برمسة حامد ... وفجأة يغفي ويرقد )

في بيت بو طحنون

عويش : طحنون شحالك ؟؟
طحنون ( اكبر اخوان عاشه وعمره 25 ... وهو دومه في الشركه .. محامي ... ووايد يحب عاشه )
طحنون : تمام ... صباح الخير اول
عويش : صباح النور .. تريقت ؟؟
طحنون : لا .... وانتي شكلج توج ناشه ؟؟
عويش : يس .. خلاص بروح اسوي لنا ريوق
طحنون : اوكي ..
( وتروح عويش تسوي ريوق لها ولطحنون )
راشد : هلا طيطو
طحنون : احترم نفسك .. اخوك العود انا
راشد : ادري .. لاتنكد عليه يومي .. ( يقلده ) اخوك العود انا
طحنون : رشووووود ( بدا يعصب )
راشد : خلاص اوكي .. وين شوش؟؟
طحنون : راحت تسوي ريوق
راشد : بروح عندها بخليها تسويلي انا بعد ( ويروح لها المطبخ )
( عويش صاده عنه وعاطتنه ظهرها .... فجأة )
راشد : بوووووووووووووووووو
عويش : ( تفر عليه البيض ) الله يغربل بليسك ... يا الخايس رشود
راشد: ههههههههههههه خيستيني
عويش : دواك يا الطفس
راشد ( يغسل كندورته بالماي ): سويلي ريوق
عويش : نشاده عنك انا
راشد : افا ... خلاص عيل ما بظهرج مره ثانيه
عويش : خلاص خلاص ... بسويلك
راشد : اوكي .. مشكوره ... وصليه الصاله عقب
عويش : طرار ويتشرط

في الصاله

طحنون : شو بتطبخلك ؟؟
راشد : اكيييييييد ..
طحنون : كيف اقنعتها ؟؟
راشد : بطريقتي الخاصه
طحنون : لا تقول قلتلها ما بطلعج ؟؟
راشد : كيف عرفت ؟؟
طحنون : بعد ربك
عويش : يلا تريقوا ...
طحنون : تسلمين الغاليه
راشد : مشكوره على ها الطبيخ الحلو
عويش : العفو ... تعال طيطو
طحنون : ( بعصبيه ) شووووووووووووو
عويش : اااااااااااااا طحنون
راشد : ههههههههههههه خوفوها
عويش: صخ عني انته
طحنون : نعم ؟
عويش : ابغي اروح الميغا وصحارى
راشد : ليش ؟؟
عويش : انا رمستك انته ؟؟
طحنون : ليش ؟؟
راشد : شفتي انا اعرف طحنون
عويش : بشتري لي بدل
طحنون : انا ما اقدر بتلاقى مع ربعي اليوم ... روحي مع امايه
عويش : يعني انتوا موافقين ؟؟
راشد : انا لا ... شو بعد تروحين صحارى بالخميس( معصب )
عويش : طحنووووووووووووون شوفه
طحنون : ليش انتي متى ناويه تروحين ؟؟
عويش : بعد اذان المغرب
طحنون : ماشي
راشد : تستاهلين
عويش : ليش انزين ؟؟
طحنون : تعرفين كيف صحارى بالخميس زحمه زياده عن اللزوم
عويش : انزين انا بروح اشرى .. ما بتحوط
طحنون : ( يصارخ ) قلتلج ماشي تفهمين
عويش .( تسكت من الزيغه )
راشد : شو بعد هالمنكر بروح صحارى اونه
عويش : انزين بروح الحين اول ما يفتح
طحنون : مع منو انشاالله ؟؟؟ ( هو شويه وبيكفخها )
عويش : بروح مع نجول واسوم
رشد : اي تراج وايد ماخذه راحتج
عويش : شو بعد ؟؟
طحنون : اذا قبل الغدا اوكي .
عويش : الحمدلله اخيرا طعتوا ... ها الأخ راشد شو رايك ؟؟
راشد : اوكي روحي
عويش : بتصل في نجول واسوم

عويش(في حجرتها تتصل في اسما ونجلا طبعا عقب حنه ورنه وافقت نجلا )

في صحارى
اسما( ربيعت عاشه ونجلا من الاعداديه ... و بتكون معاهم في نفس الجامعه )
نجلا : اخيرا خلصنا
عويش : هيه تعبت صراحه
اسما : انا يعت ابغي آكل
عويش : ههههههه كله تاكلين
نجلا : الحين في ذمتج انتي ما يعتي ؟؟
عويش : بلى
اسما : عيل خلاص .. الغدا على حسابي .
نجلا : وين بتتغدون ؟؟
عويش ( بما انها حافظه صحارى بكبره ): امممممممم شو رايكم في باستا ؟؟
نجلا : هب البارحه كنت ماكله باستا
عويش : بلى .. بس شو اسوي احب الباستا
اسما : اوكي يلا ..
( وعقب ما طلبوا يلسو على الطاولات إلي على تحت )
نجلا : اقول عواش
عاشه : هلا
نجلا : شوفي هذاك الولد كيف يطالعج
اسما : متفيجه تراج نجول
نجلا: والله شوفي اكيد معجب
عويش : ههههههههه اكيد اصلا
اسما : ههههههههه حلوه
نجلا : شوفي السخيف
عويش : نجول لا تشوفينه
نجلا : ما اقدر تعرفيني كيف انا
اسما : انزين بس حشمي نجول
نجلا ( زعلت ): اوكي خلاص ...
عويش : زعلت الحبيبه
اسما : سخيفه تراج
نجلا : صخي عني .. كملي غداج
عويش : فشلتونا الصراحه بس خلصوا
( عقب ما خلصوا سوالفهم و غداهم )
اسما : اقول هذا بعده موجود
نجلا : من الصبح اقوللكم
عويش : خله يولي
نجلا: اوكي ( وهن صاعدات الدري .. طبعا اول وحده كانت عواش )
...: الشيخه سجلي الرقم
( عواش جبانه يعني اذا واحد تحرش فيها تخاف وايد ... وتظهر ملامح الخوف عليها ... وهنه بدت تخاف عقب ما كانت مشجعه )
نجلا : عواش تحركي يلا
...: الشيخه عاشه سجلي الرقم دخيلج
عويش : الله يخس بليسج يا نجول عرف اسمي
اسما : تحركن بسرعه يلا هو وراي
عويش : نجول هو بعده ورانا
نجلا : هيه هب طايع يروح
اسما : اقول ابغي آخذ لي سنبون
عويش : وقته انتي بعد يلا بسرعه خذيه
( ويروحن عند محل السنبون... ويقرب الولد منهم .. وطبعا كلهن ميتات من الزيغه )
نجلا : اسوم يلا بسرعه
اسما ( ببرود): انزين اصبري يالس يحطه في البوكس
عويش: يا ربي هذو يا صوبنا
...: اقول الشيخه ما بهدكم لين ما تاخذين الرقم وو تتصلين عليه الحينه
نجلا ( بصوت عالي ): شووووووو
عويش : قصري حسج نجول
...: انا ما اقصدج انتي اقصد عاشه
عويش(بعصبيه و خوف) : يا ربي روح فشلتنا جدام العالم
...: انا قلت ما بروح لين ما تاخذين الرقم وتتصلين
اسما : خذي عويش فكينا من حشرته
....0 يتدخل واحد من الشباب إلي كانو موقفين حذالهم تقريبا)
...2: السموحه اختي شو المشكله
اسما : شوف هذا صراحه هب طايع يخلينا بحالنا
...: انته منو اخوهم
...2: هيه
..: (مرتبك ) آسف اختي ما كان قصدي
(ويروح )
...2: خلصتوا ؟
اسما : نعم اخويه
...2: اذا خلصتوا بوصلكم لي السياره عسب ما يتحرشون فيكم الشباب
نجلا ( زل لسانها ): هيه دخيلك وصلنا
عويش (ترمقها بنظره... وتقول لها بذبحج )
( الولد يوصلهم لين السياره ( سيارة اسما) )
اسما : مشكور اخويه
...: العفو .. تأمرون على شي
اسما : سلامتك
( يركبن السياره )
عويش ( محتشره ) : انتي وياها ما تخيلن تدقون سوالف مع الريال
اسما : احمدي ربج خلصج من الولد
نجلا : هيه ... يوم انج معصبه عليه ليش ما رمستي وقلتي له ما نبغيك توصلنا
عويش : الحين لو اخوي شافني
اسما : انتي ما سويتي شو غلط
عويش : اف خلا ص انزين

في السنتر
...: شو فصول وصلت البنات ولا ؟
فيصل : هيه .. اكيد ...إلا عبد العزيز وحده فيهن انا اعرفها
عبد العزيز : نعم...و كيف ؟؟
فيصل: ما ادري بس هي مألوفه
عبدالعزيز : اها اتحرا بعد
فيصل : شو بعد
عبد العزيز : لا ولاشي

يرن تلفون فيصل
فيصل : هلا والله بحمدان
حمدان : اهلين شحالك فصول ؟؟
فيصل : تمام .. انته اخبارك واخبار الدراسه ؟؟
حمدان : تمام ... شحال الاهل ؟؟
فيصل: الحمدلله كلهم بخير
حمدان : اقول ابغيك تتصل في راشد اخويه
فيصل : ليش ؟؟
حمدان : لا بس قوله خلهم ينظفون حجرتي
فيصل : بترجع البلاد ؟؟
حمدان : هيه
فيصل : خلاص بروح البيت عندهم اليوم فليل
حمدان : اوكي برذر سلم عليهم .. باي
فيصل :باي
عبد العزيز : منو حمدان ؟؟
فيصل : هيه بيرد البلاد
عبد العزيز : وحليله اربع سنين برع البلاد.. اخيرا
فيصل : اقول برجع البيت انا لأني بمر على بيت عمي
عبدالعزيز : خلاص عيل مع السلامه
فيصل : مع السلامه

في بيت بوطحنون

راشد : هيه انا في البيت
فيصل : خلاص بمر عليك
راشد : اوكي نتلاقى باي
فيصل :باي
عويش : ها شحالك
راشد : تمام شو رديتي ؟؟
عويش :: شو رايك ؟
راشد : هههههههه انزين قولي لأمي خلهم يجهزون الفواله
عويش : ليش ؟؟
راشد : فصول بيمر البيت
عويش : اوكي . ( تفكر ... من زمااااااااااان ما شفتك يا فصول الحين تذكرنا )
راشد : وين سرحتي ؟؟
عويش: ها اوكي
( عقب اذان العشا )
عويش : راشد فيصل في الميلس
راشد: اوكي
( في الميلس )
راشد : يا مرحبا الساع
فيصل: مرحبا مليون .. شحالك ؟
راشد : تمام .. شو وينك عن الدنيا ؟؟
فيصل : موجود ... إلا اقول شخبار عمي ؟؟
راشد : تمام ... اصبلك شاهي
فيصل : لا والله مشكور بس بغيت اخبرك انه حمدان اتصل وقال جهزوله غرفته بس لا تخبر عمي ولا حرمة عمي اونها سبرايز
راشد : اها ... اوكي ... تعال اقرب داخل البيت ... امي تبغي تشوفك
فيصل : يلا
( يدشون الصاله ) .. وطبعا كالعاده عواش ميلسه عند التلفزيون تتطالع مسلسلاتها
راشد : هود هود
عاشه : هدا هدا اقرب
راشد وفيصل يدشون الصاله

راشد : عويش روحي زقري امايه
عويش : اف روح انته وهي طبعا مندمجه في المسلسل
راشد : اقول فصول اقرب بروح ازقر امايه وبرجع
فيصل : اوكي
( ومن الفضول فيصل يبغي يعرف منو هاي البنيه ... ومن يشوفها !!!!!!!!!!!!!!!!!!!)
عويش : (تنقز من على الغنفه ) انته هني ؟؟؟؟؟
فيصل : السلام عليكم
عويش : وعليكم السلام .... شو تبغي ؟؟
فيصل : اممممممممممم انتي شو تسوين هني
عويش : هذا بيتنا
ام طحنون : فيصل ابويه شحالك
فيصل : عمو بخير يسرج الحال ... وهو عيونه على عاشه
راشد : عويش سلمتي على فيصل
عويش : فيصل (باستغراب ) ااااا شحالك
فيصل ( ميت من الضحك ) :تمام .. انتي شحالج ؟؟
عويش: بخير ( تذكرته هذا الولد إلي وصلنا للسياره .. اوي بيخبر رشود اكيد عن إلي صار .... واي شو اسوي ...)

13-09-2007, 01:19 AM

حلوووووووووووووووووو

بس مب جنها مب كامله

13-09-2007, 01:58 AM

ههههههههههههههههههههه

يسلمو

13-09-2007, 10:18 AM

ههههههههههههههههههههههههههههههه
تسلم

15-09-2007, 01:17 AM

الله يسلمكم

و خيتوو شاعرة حلوة ترا هي مب كامله

بس أنا كل مره بنزل بارت

بس فهالشهر الفضيل بوقف بعديين بكمل

و الحيين بنزل بارت وبس و أخليكم معاه

15-09-2007, 01:22 AM

وهاذي التكمله أخليكم معاها

الجزء الثاني

راشد وفيصل يدشون الصاله

راشد : عويش روحي زقري امايه
عويش : اف روح انته وهي طبعا مندمجه في المسلسل
راشد : اقول فصول اقرب بروح ازقر امايه وبرجع
فيصل : اوكي
( ومن الفضول فيصل يبغي يعرف منو هاي البنيه ... ومن يشوفها !!!!!!!!!!!!!!!!!!!)
عويش : (تنقز من على الغنفه ) انته هني ؟؟؟؟؟
فيصل : السلام عليكم
عويش : وعليكم السلام .... شو تبغي ؟؟
فيصل : اممممممممممم انتي شو تسوين هني
عويش : هذا بيتنا
ام طحنون : فيصل ابويه شحالك
فيصل : عمو بخير يسرج الحال ... وهو عيونه على عاشه
راشد : عويش سلمتي على فيصل
عويش : فيصل (باستغراب ) ااااا شحالك
فيصل ( ميت من الضحك ) :تمام .. انتي شحالج ؟؟
عويش: بخير ( تذكرته هذا الولد إلي وصلنا للسياره .. اوي بيخبر رشود اكيد عن إلي صار .... واي شو اسوي ...)
ام طحنون: هلا والله .. توه نور البيت
فيصل : منور بأهله ... إلا شحالج عموه .. شخبارج ؟؟
ام طحنون: والله الحمدلله بخير .... عويش روحي امايه خلهم ييبون الفواله
عويش : ( وهي طبعا سرحانه )
راشد : شووووووووووووش .. ما تسمعين
فيصل : لا والله عمو ما يحتاي ... بس بغيت اسلم عليج ... اترخص الحين
ام طحنون : لا شو بعد تترخص .. عوشه روحي ييبي الفواله
عويش : اااا انشاالله امايه ( وتروح تيب الفواله )
ام طحنون: شحال امك .. من زمان ما رمستها .
فيصل : والله الحمدلله ماتشكي باس ...
راشد : تعال شو اي جامعه انته ؟؟
فيصل : انا في الامريكيه
راشد : والله من متى ؟؟
فيصل : من سنتين وهاي السنه الثالثه
ام طحنون: ماشاالله عليك كبرت .. شو شاطر ولا مثل رشود ؟؟
راشد : امايه شو بعد مثل رشود بلاني ؟؟
فيصل: لا انا اشطر ..هههههههههههه
راشد : ههههههه تضحك اونه
فيصل : ضربتك على ايديك عشان تضحك ؟؟
راشد: سخيف
فيصل: انا ولا انته ؟؟
ام طحنون: بعدكم تضاربون .. احيدكم كبرتوا على هاي السوالف
راشد : هذا فصول السخيف
عويش (يايبه الفواله ): يلا اقربوا
فيصل : تسلمين ... إلا اقول من وين طلعت الشمس اليوم ؟؟
راشد :هههههههههههههه
عويش : ليش انشاالله ؟؟
فيصل : ما احيدج تعرفين تضيفين الناس
عويش : اقول ... كل احسلك بلا سخافات .
راشد : عويش .. اصطلبي
فيصل : خلها انته بعد ... اقول انا هاي عويش إلي اعرفها
عويش ( تيلس على الغنفه المجابله لفيصل) : اف ليش ياي بيتنا شو تبا ؟؟
ام طحنون( معصبه ): عويييييييييييش .... اذا ما بتحترمين الموجودين روحي غرفتج
عويش : احسن بعد
راشد : والله بذبحها هاي البنيه
ام طحنون : انا بعد بروح اشوف الطباخ شو سوى في العشا
راشد : فصول اعذرني ياخي
فيصل : على شو ؟؟ ... اذا عن عويش عادي ... ليش تتحراني بسكت عنها
راشد : والله انك متفيج
فيصل : اقول وين طحنون ؟؟
راشد : ما ادري والله هو قال بيواعد ربعه
فيصل: اها
راشد: اقول بروح المطبخ وبرجع
فيصل : ههههههههه شو لا يكون انته الطباخ ؟
راشد : ههههههههه لا تسخف عليه
فيصل : روح روح انزين
راشد (يروح المطبخ )

تنزل عويش من فوق

عويش : امايه امايه
فيصل : في المطبخ
عويش : انا رمستك
فيصل : لا بس قلت حرام اخليها تصرخ مثل الهبله .. اشفقت لحالج
عويش : سخييييييييييييف
فيصل: سخييييييييييييييييفه
عويش ( تيلس حذال الغنفه إلي حذال فيصل تقريبا ): اقول فصول
فيصل : اصغر عنج تقوليلي فصول ؟؟
عويش : اف انزين خلاص فيصل
فيصل : نعم ؟
عويش : لا تخبر رشود اخويه عن السالفه ( سالفة صحارى والولد إلي تحرش فيهن )
فيصل: ليش انتي سويتي شي غلط ؟
عويش : لا اكيد لا بس لأنه رشود اذا درى بيخبر طحنون وما بيخلوني اظهر
فيصل ( يبغي ينرفز بها ): والله انا خبرت رشود وهو عقب بيرمسج
عويش : لااااااااااااااااا حرام انا شو سويت لك ؟
فيصل : ما سويتي شي بس ابغي اخرب عليج طلعاتج
عويش : والله حرام الحين ما بظهر
فيصل(يضحك):هههههههههه لا ما خبرته
راشد : شو تخبرني ؟؟
عويش ( ترتبك .. وتطالع فيصل بنظرة رجا انه ما يخبره )
فيصل : لا اخبرها عن سبرايز حمدان فتسأل اذا خبرت عمي
عويش ( براحه ... هي مش فاهمه السالفه ): هيه اذا خبر بابا بيخرب على حمدان
راشد ( وهو حاس بشي مب طبيعي ): اها هاي السالفه عيل
فيصل : هيه اكيد ... شو وين العشا
راشد : بلاك مستعيل الحين بييبونه
فيصل : والله يوعان .. هاي عويش اختك يوعتني
عويش : لا والله .. المهم مشكووووور( لأنه ستر على السالفه )
فيصل : هيه والله .. والعفو
راشد : بس لا ه.. دوم تضاربون ...
فيصل : اختك هاي هب انا
عويش : انته إلي بديت
راشد : اف والله بكفخكم انتو الاثنين
عويش : ها سكتنا
( المهم تعشى فيصل ... ورجع البيت .. وحست عويش براحه لأنه ما خبر راشد )

في غرفة عويش
التلفون
عويش : تدرين انه ظهر ولد عمي
اسما : وافشلتاه .. شو سويتي عاد انتي ؟
عويش : تفاهمت وياه بطريقتي الخاصه ( امحق طريقه "كلها ضرايب")
اسما : اااااااااااه الحمدلله ... المهم الحين انا بخليج اوكي
عويش : باي
اسما باي

في بيت ( احمد...ابو اسما )
اسما : ابويه .. اليوم رحت اشتريت للجامعه
ابو عبدلله:هيه زين ...
ام عبدلله : هي انته هذا إلي تعرف تقوله
ابوعبدلله : بلاج ..شو قلت ؟
ام عبدلله : الحين البنيه سارت بروحها
ابو عبدلله : اسووووووووووووووووم ؟
اسما : لاااااااااا ما رحت بروحي عواش ونجلا كانن معاي
ابو عبدلله : شفتي البنت ما ينخاف عليها
ام عبدلله: والله في هذا الزمن بنخاف من كل شي حتى الذبابه
اسما: والله ما صار شي ( وتروح تحضن امها ) بعدين اذا صارت مشكله تعرفين اني دوم اخبرج عنها
ام عبدلله( تصيح ): الله يحفظج
ابو عبدلله( يمزح ): اسما زين سويتي صيحتي امج
اسما : شو اسوي هي حساسه
ام عبدلله : الحين وقته تعلقون عليه
ابوعبدلله : جبريت .. من قلنا شي .. تحرطمت
اسما : هههههههههه وحليلها امايه ... انا بروح ارقد يلا تصبحون على الطاعه
ام عبدلله وابو عبدلله : وانتي من اهل الشفاعه
اسما (تروح غرفتها ... بس تمر على غرفة اخوها "سعيد" اصغر عنها عمره 17 .. ثاني ثانوي )
اسما: سعووووود
سعيد : اسوم شحالج ؟
اسما: بخير .. إلا اخبرك دوم اشوفك مجابل الكمبيوتر شو تسوي ؟؟
سعيد: شو يعني اقص على كم وحده ... هههههههههه
اسما : عيب إلي تسوي يا سعيد
سعيد: اقول خليني اعيش حياتي .. باجر نكدي عليه يومي
اسما : كيفك ( وتظهر من غرفته .. وتروح تنام )

يوم الجمعه يعدي على خير ... وطبعا البنات منشغلات في التفكير بالجامعه

يوم السبت
عويش : امايه قولي لرشود يوصلني
( راشد .. نازل من فوق )
ام طحنون : والله سألي اذا طاع زين يسوي
راشد : انا ما اقدر بتأخر ... عووووش لا تزعلين يوم ثاني . اوكي
عويش : اوكي ... بس توعدني
راشد : وعد ... يلا باي
ام طحنون: ربي يحفظك ...... ولاااا...
( يظهر من البيت )
عويش : لا تحاتين ما بيسرع .. هههههههههه
ام طحنون ( معصبه ): انا قلت شي يضحك ؟؟
ابو طحنون ( يقاطعهم ): بلاكم من الصبح صريخ ومناجر
ام طحنون: شوف بنتك ... ما ادري ليش تضحك ؟
عويش : والله شو اسوي مستانسه
ابو طحنون : حليلج يا عويش ... كبرتي والله
عويش : اكيييييييد ... وانشاالله اييب ذيج الشهاده ... وبتحدا حمدان ( حمدان اخو عويش ... مسافر امريكا للدراسه .... وهو تخصصه طيران ( طائرات حربيه ) عمره 21)
ام طحنون : انشاالله
ابو طحنون : شو الحين منو بيوصلج الجامعه ؟؟
عويش : ما ادري بروح اشوف طيطو ( طحنون)
طحنون (واقف وراها ): منوووووووووو طيييييطو ؟؟؟
عويش ( تناقز من الخوف ): بسم الله خوفتني ... الحين لو يتني جلطه منك
ام طحنون : بسم الله عليج ... اول مره اشوف بنيه تدعي وتفاول على عمرها
طحنون : امي ما تنلام شاربه 3 ريدبول البارحه
ابو طحنون : عويش كم مره قايل لج لا تشربينه ؟
عويش : انزين كنت ابغي اجهز للجامعه ... بس فيني رقاد ... عسب جذه شربته
ام طحنون : منو شارلج ؟؟
عويش : رشود حبيبي
ابو طحنون : براويه هذا الطفس اخوج
طحنون : هههههه والله انكم عايله فني ( تضحك)
عويش : انزين .. طحنون .. بتوديني الجامعه ؟
طحنون : اوكي .. يلا روحي لبسي عباتج .... بسرعه ولا تتأخرين
عويش ( تراكض ): اوووووووووكي
ام طحنون : عن تنجلبين وانتي تراكضين
طحنون: هههه امايه خليها احسن عسب ما اوصلها
ابو طحنون : يا الهرم .. شو هاي الرمسه بعد ...... علانتك من ولد
ام طحنون : لا تيلس انته بعد تعلن ولديه ..
طحنون : خلاص شوفيكم ...
عويش ( نازله من فوق ): يلا خلنا نروح ... بس اقول ترا نجوله بتيي معاي
طحنون : اوكي ... يلا مع السلامه
ام طحنون : فمان الله
عويش : بابا ... بباي
ابو طحنون : يلا تحملي على عمرج ... واذا بغيت شي اتصلي فيني ..
عويش ( ظاهره من الفله ): اوكي فاذر
طحنون : لا تعويلي لسانج .. يلا ركبي السياره
عويش: اوكي ...بلاك انته بعد
في سيارة طحنون (بورش كايين )
طحنون : وينها نجلا
عويش: هذي يت ...(تنزل الدريشه ) نجول انا هني تعالي وين رايحه
نجلا : اوكي ( وتركب السايره ) السلام عليكم
طحنون و عويش : وعليكم السلام
نجلا : ( يالسه في السيت إلي ورا طحنون )
عويش : بلاج ساكته ؟؟
نجلا على الصامت: ( اخوج ما تشوفينه )
طحنون: ارمسي نجلا لا تخافين والله ما باكلج ... متريق
عويش : هههههههه .. وحليلج يا نجول ... شوف ويهها كيف غدا شرات الطماطه
طحنون : اونها تستحي ... ما ادري من متى
عويش : اقول صخ عن ربيعتي
طحنون ( يوقف السياره ): انزلي يلا انزلي
نجلا : طحنون حرام الجامعه بعيده
عويش : اخيرا رمست ...شو القطو كان ماكل لسانج
طحنون : عشان خاطرج ..( ويحرك السياره )

يوصلون الجامعه
طحنون : يلا تحملي على عمرج ... اذا ما عرفتي كيف تسجلين اسألي اوكي
عويش ( نازله من السياره): اوكي ..يلا باي
نجلا : يا السخيفه
عويش : انا وإلا انتي ... بعدين ليش تصنعين الحيا
نجلا : اقول جبي ... يلا بسرعه خلنا نسجل ونلحق على الكلاسات
عويش : يلا
( طبعا عقب ما سجلو .. نجلا وعاشه افترقوا لأنه عاشه تخصصها هندسه معماريه ... ونجلا تخصصها ادارة اعمال )
في كلاس الهندسه
عاشه( اف والله زياغ .. ما اعرف حد هني )
...: السلام عليكم .. اختي شحالج .؟
عويش : وعليكم السلام ... تمام ... انتي شحالج ؟؟
...: بخير .. تفضلي اختي ( وتأشر علي الكرسي إلي حذالها )
عويش : تسلمين الغاليه .... اقول انتي تعرفيني ؟؟؟
..: هههه لا بس شفتج خايفه ومتروعه ... قلت بزقرها
عويش: هههههه شو اسوي .. ما اعرف حد هني في الكلاس
...: الحين بتي تعرفيني ... انا اليازيه علي
عويش : عاشت الاسامي
اليازيه : عاشت ايامج ... وانتي منو ؟؟
عويش : انا عاشه بنت حمد
اليازيه : انتي من الشارجه ؟؟
عويش : هيه ليش ؟؟
اليازيه : اها
عويش : وانتي ؟؟
اليازيه : من دبي
عويش : ياحي الله من يانا
اليازيه : ههههههههه ذكرتيني بيدتي
عويش : ههههههه ... شو اخبارج ؟
اليازيه : والله الحمدلله تمام
عويش : خلنا نسكت دش الدكتور
اليازيه : مؤدبه اونج
عويش : اكيييد(هاي شكلها اسما )
اسما (يايه صوبهن ): السلام عليكم ..
عويش : وعليكم السلام ... هلا والله .. شحالج اسوم ؟؟
اسما : تمام .. شخبارج انتي ؟؟
عويش : والله الحمدلله اوكي ..ز اعرفج باليازيه
اليازيه : هلا ... شحالج ؟
اسما : اهلين تمام ... شو ربع ؟؟
اليازيه : اممممممم هي بس توه من شويه
عويش : توني متعرفه عليها
اسما : ياحيج والله ... ما تضيعين وقت
عويش : ههههههههه بعد ربج
اليازيه : تفضلي يلسي حذالنا
عويش : بعد شو اخبارج ؟؟
اسما : والله تملل اخباري
عويش : اصلا انتي من يومج ممله
اسما : افا زعلت خلاص
عويش : شو غديتي شرات نجول اشوفج
اسما : هههههههه ... الا تعالي وينها هي ؟؟
عويش : هي في كلية ادارةالاعمال
اسما : اها صح هي قالت لي بدش اداره
عويش : ههههه
اليازيه : انتوا من الشارجه
اسما : هيه
اليازيه : من متى وانتتوا تعرفون بعض ؟؟
عويش : من الثانويه
اليازيه : وناسه حصلت حد تعرفينه
عويش : ما بودرج لا تخافين
اليازيه : تسلمين الغاليه
عويش : الله يسلمج

اثناء ذلك
في كلية الاعلام
حصه : سارو يلا امشي
ساره : شو هب ناويه تروحين الكلاس
حصه : لا بعدين اول يوم شو بيقول الدكتور
(ساره وحصه ربع من الاعداديه .... وهن نفس التخصص"اعلام " ... حصه ملسونه وايد وجريئه .. اما ساره فهي دفشه .:تقولون دفاشة الدنيا كلها فيها .: بس بالرغم من ذلك هي حساسه ... ما اعرف كيف لا تسألون )
ساره : صدقج .. خلا نروح الكافتيريا يلا
حصه : شو هب متريقه ؟؟
ساره : لا تعرفيني زين .. ما احب اتريق من الصبح
حصه : يلا عيل

في الكافتيريا

ساره : شو بتطلبين ؟
حصه : ما ادري اصبري شويه

عاشه واليازيه واسما ( وصلوا الكافتيريا )
عاشه : اي طاولة تبغون نيلس عليها
اليازيه : هاذيج شو رايكم ؟؟
اسما : حلوه .. موقعها استراتيجي
عاشه : يلا عيل ( ويروحن عند الطاوله .. وهن يسولفن )
...: شوشه
عويش : حصيييييييص ... حبي انتي هني ؟؟؟ كييييف ؟؟
حصه : بشحمي ولحمي .. تعالي وليش قاطعه كل هاي الفتره
عويش : سوووووووووري ضاع رقمج
ساره( تقاطعهم ): وحتى رقمي انا بعد ؟؟
عويش : ساروووووووووو .... شحالكم ؟؟
ساره : نحن بخير .. انتي اخبارج , وعلومج ؟؟
حصه : لا تغيرين السالفه
عويش: انتي ضاع رقمج ... ووووو سارو ما اعرف ؟؟
ساره : افا ليش زعلانه وانا ما عندي خبر
عويش : تعرفين اني ما ازعل ... اخبركم ( وتصد على اسما) شو شايفيني نجول
نجلا : بلاها نجول ( معصبه )
ساره : شو الربع كلهم هني
عويش :شفتي
اسما : نجلا شحالج ؟؟
نجلا : تمام ...شو ساره وحصه هني
حصه وساره : شو رايج ؟
حصه : شحالج ؟؟
نجلا : تمام
ساره : عويش .. مستانسه شكلج
عويش : اكييييييييييد ... ربيعاتي وياي في نفس الجامعه ... نجلا واسما ( ربعها من الثانويه ) و حصه وساره ( من الاعداديه )
اليازيه : ياحيج والله
عويش : هيه تعالو .. هاي اليازيه .. في كلاسي
حصه : انا حصه
ساره : وانا ساره الحلوه
عويش : وهاي نجلا وتعرفين اسوم
اليازيه : شحالكن بنات ؟؟
الشله : تمام
عويش : تعالو على هاي الطاوله
حصه : شو تتحرينا بنتريا العزيمه
ساره : هههههههههههههههه .. صدقها
عويش : كلتوني
اليازيه : وحليلج
اسما : اقول بروح اييب لي دونتس .. تبغون
اليازيه : انا ابغي
ساره : انا بعد
حصه وعاشه : نحن بعد
عويش : وإلا اقول ييبي للشله كلها
اسما : اوكي
( وتروح اسما عند دانكن ونتس )
اسما : آي وونت ون بوكس .. أند اول اوف ذم أر شوكلت ( ابغي بوكس دونتس .. وكله شوكلت )
..: اوكي مام
.@.: بليز أند ثري شوكلت
..: آم سوري ذير از نو مور ( ما شي بعد خلص الشوكلت )
.@: اوكي 3 بلين
..: اوكي سير
.@..: خلصتي الشوكلت كله
اسما : انا ؟؟
..@: هيه نعم
اسما : والله حظك خايس
..@: قويه الصراحه
اسما : ( تاخذ البوكس ) : والله هاي الصراحه
...@: ( هاي البنيه .. قويه.. امممممممم .. سرح الحبيب )
..@2: منصوووووور
منصور : اوكي ياي
سهيل :ليش تأخرت ؟؟
منصور : والله ما حصلت إلي تبونه
فيصل : ماشي شوكلت ؟؟
منصور : لا البنيه ما خذه بوكس بكبره شوكلت .. تقلدنا
حمد : منو هاي بروح باخذ طلبيتنا منها
منصور ( وهو يدورها ) هاذي في الطاوله إلي حذالنا
حمد ( يقوم .. وشكله معزم انه ياخذ البوكس منها )
فيصل : بو شهاب تعال وين رايح
حمد : طلبيتنا ياخي ... انا ما احب البلين ( الخالي )
منصور : خلها في حالها
فيصل : يارب ما يتهنون في الدونتس
سهيل : هههههههههههه وحليلهن (سهيل ولد عم فيصل وعاشه)

على طاولة البنات
اسما: نعم اختي بغيتي شي
: لا سلامتج بس بيلس وياج
عويش : اسوم منو هاي عرفينا؟؟
اسما : ما اعرفها .. اختي انتي منو ؟؟
..: انا مها .؟.. وياكم في الكلاس
عويش : هلا اختي تفضلي
اسما ( تهمس لعواش ): شو بعد تيلس ويانا ؟؟
عويش : تعالي مها يلسي
مها : تسلمين .. انتي عاشه ؟؟
عويش : هيه .. وهاي حصه وساره ونجلا واسما واليازيه
مها : هلا
الشله : اهلين
اليازيه : اقول بروح اسلم وبرجع
اسما : تيت
نجلا : شو في المسن ؟
حصه :هههههههههه تعالي شو ايميلج ؟؟
( عاد كل وحده خذت ايميل الثانيه ... وبيتلاقن على المسن الظهر )

اليازيه : شمو ؟؟
شما : هلا يزوي
اليازيه : شحالج ؟؟
شما: تمام .. وانتي ؟؟
اليازيه : انا بخير
(وتقرب من صوبهم شذى )
شذى : يزوي شحالج ؟؟
اليازيه : بخير ... شو وين بتيلسون ؟؟
شما : ما اعرف ؟
اليازيه : تعالو بعرفكم على شله ... الصراحه ولا احلى

على طاولة البنات
اليازيه : اقول اعرفكم بربيعاتي شما وشذى
الشله : هلا تفضلوا
حصه : انتي ما كنتي في مدرسة ******* ؟؟
شما : بلى ... تعالي حصو شحالج
حصه : تمام
عويش : طلعنا ربع ومتصلين ببعض
نجلا : هيه والله وناسه
ساره : الدنيا صغيره
اسما : بروح اشتري لي كوفي
ساره : بلاج اليوم فيج شي
اسما ( وهي بتروح ): ليش ؟؟
ساره : ماشاالله عليج وايد تاكلين اشوفج
عويش : من التوتر
اسما : هيه والله المهم بروح تبغون شي
حصه : لا روحي
مها : بيي معاج
اسما( اف ...بلاها هاي تتلصق فيني )
مها : يلا
اسما : ( معصبه ) يلا

( وهن رادات من الكوفي .. مها يوم تسولف لازم تحرك يديها .. واسما ميوده الكوفي .. فجأة )
اسما (تصرخ ): انتي ما تشوفيين.. عميه عميه ؟؟
مها : سووووووووووووووووووووري والله ما اقصد

عند طاولة الشباب
فيصل : خيبه ..شوفوا عباتها كيف غدت
حمد : هههههههه بيضا
منصور : هههههههههه والله انها تضحك

عند طاولة البنات
نجلا : فشلتنا .. هاي بلاها
عويش : اونه ليش مها تتلصق فيني
شما : انزين حرام

( نرجع لأسما ومها )
اسما : خذي الكوب بروح اغسل عباتي
مها ( تضحك ): سوووووووووور ي
اسما : جب اسكتي
( وتروح الحمام )
مها ( ترجع للطاوله .. وقبل ما ترجع تمر من حذال طاولة الشباب)
سهيل : زين سويتي فيها
منصور : دواها
مها ( تضحك .. وصلت الطاوله )
حصه : مها خلها تولي ما عليج منها
عويش: هي طبيعتها جذه ... سوري والله
مها : لا عادي
شما : زين جذه .. خلج كوووووووووول
نجلا : هههههه صح
مها: هي متضايجه مني صح عاشه ؟؟
عاشه (ماتعرف شو تقول ): اااالا بس اسما لازم تتعود عليج عقب انشاالله يصير خير
مها : متأكده ؟؟
اليازيه : هيه صراحه اسما حبوبه بس يمكن هي اليوم متضايجه من شي
مها : اها عيل السالفه جي
حصه : اكييييييد
عاشه (وحليلج يا مها ... اسوم تقهر الصراحه هب اي شخص يدش في خاطرها ... الله يستر )
اسما (رجعت للطاوله ): زين سويتي ؟؟
مها : سوري والله
عويش: اسوم بس خلاص حصل خير
حصه : هيه لا تكبرين السالفه
مها : تعرفين الشباب إلي هناك قالوا زين سويتي فيها وتستاهل
اسما : منو إلي قال ؟؟
مها :تشوفين ...
حصه (تقاطعها): تمزح معاج
عويش : المهم سارو شحالج ؟.؟
ساره : تمام
عويش : شما ..شو تخصصج ؟؟
شما : اداره
عويش : يعني مع نجول
نجلا : هيه صح شفتج انا في الكلاس
شما : والله انتي بعد اداره ؟؟
نجلا : يس
عويش : اونكن عاد
ساره : عوووووووووش ... انتي هندسه صح ؟؟
عويش : يس انا واليازيه واسما ومها
شذى : حلو
مها : شذى وانتي شو تخصصج ؟؟
شذى : اداره مثلهم
ساره : حلو
حصه : وليش ما تسألوني انا ؟؟
ساره : انا اعرف انتي معاي اعلام
عويش : هههههههههههه تكفلت الاخت ساره
حصه : اف ليش تخربين
ساره : كيفي
عويش: اقول انا اترخص برجع البيت
اليازيه : انا بعد يلا باي
عويش : يلا بنروح مع بعض ..باي غيرلز
حصه : بباي
ساره : مع السلامه
شذى : يلا سي يو تمورو في الكافتيريا
عويش : انشااللله ..باي
( اليازيه وعويش .. يروحون لين مخرج السيايير )
اليازيه : منو بياخذج ؟؟
عويش : الدريول
اليازيه : اها
نجلا ( تصارخ ): شووووووووووووووووووووشه
عويش : الله يخس بليسها .. فشلتني
اليازيه : ههههههههه
نجلا : تعالي نسيت اخبرج بيي معاج
عويش : الحين تصرخين باسمي عسب تقولين بيي معاج ... في شي اسمه موبايل
نجلا : اوه نسيت
اليازيه : والله انكن خبايل
عويش : يلا بنروح .. باي
نجلا : باي
اليازيه : انا بعد بروح .. باي

في سيارة"ستيشن بيضا" سيف ( اخواليازيه )
اليازيه :السلام عليكم سواف شحالك .؟
سيف : تمام.. يلا اتحرك ولا ؟؟
اليازيه : اكيد .. تدري
سيف : شو ؟؟
اليازيه : كنت بركب سيارة ربيعتي ...
سيف : ( بعصبيه ) نعم
اليازيه : لا بس صراحه شل المخفي ما تبين
سيف : والله سيارتي وبكيفي
اليازيه : خلاص اوكي
سيف : شو الجامعه ؟؟
اليازيه : اقولك تعرفت على شله .. عجييييييييييبه
سيف: تعرفينهم ولا؟؟
اليازيه : هيه بلى نصهن ربع شمو
سيف : اها
اليازيه : يلا متى بنوصل
سيف : شو اسوي جامعتج في الشارجه والبيت في دبي .. مشكلتج
اليازيه : تعال شو كل يوم بتمر عليه ؟؟
سيف : والله يعتمد على الدوام
اليازيه : خبرني عاد انته
سيف : تامرين امر الشيخه
اليازيه : تسلم
سيف : يسلم غاليج

نرجع الشارجه
نجلا : يلا باي .. مشكوره على التوصيله
عويش : باي .. وبعدين بيتكم مجابل بيتنا .. عادي
نجلا : يلا انزين ادخلي
عويش : اوكي باي

(العاش تدش الفله )

عويش : السلام عليكم ... شو وين امي ؟؟...امممممممممم بروح ابدل وبدورها
عويش ( في حجرتها ): ميري .. ميري وصمخ
ميري : يس مام
عويش: وين ماما ؟
ميري : شي ونت جميه ( الجمعيه )
عويش : اوكي
ميري : دو يو وونت تو ايت ؟؟( تبغين تاكلين )
عويش: نوو ليتر ( لا عقب )

عويش : اف الحين لازم اقرا الكتب إلي عطوني اياهم .. والله بعد ندرس صراحه طفرت
راشد: هلا وغلا
عويش : اهلين .. شحالك اخي العزيز ؟
راشد : تمام ... شو سويتي في الجامعه ؟؟
عويش :ولاشي
راشد: شفتي فصول؟؟
عويش : فيصل ؟؟؟؟..........لا.. ليش هو الامريكيه ؟؟
راشد: هيه نسيت اخبرج
عويش : وع ( يعني بجابله في الجامعه ) .. شو تخصصه ؟؟
راشد : اممممممم ما ادري اعتقد اداره
عويش : اها
راشد : تغديتي ؟
عويش : لا اتريا امايه
راشد : اوكي انا بروح الغرفه .. وخبريني يوم بتوصل
عويش : اوكي

نروح لدبي ( بيت بو سيف علي )
سيف : اقول قوليلهم خلا يحطون الغدا
اليازيه : اوكي
سيف ( في حجرته )
بدور ( ربيعته ): ليش ما ترد على مسجاتي ؟؟
سيف: والله هب متفيج
بدور : شو هب متفيج لعبه انا ؟؟
سيف: اقول بدور انا صراحه خلاص بزوج ( شوفوا الجذاب العود )
بدور : شوووووو بس انا احبك
سيف: شو اسوي ..
بدور : ارفضها
سيف: ما اقدر بنت عمي واولى من الغريبه
بدور : خلاص بكيفك
سيف: انا قلت بتصيحين
بدور : لا عادي البلاد متروسه شباب
سيف: ( ياالخايسه ) اوكي عيل لا تتصلين مره ثانيه .. باي ( ويسكر في ويهها )
بدور : خلا اتصل في سالم

سيف : الخايسه .. الحمدلله افتكيت منها
حامد يتصل ##
سيف: يا مرحبا الساع
حامد : مرحبا مليون ولايسدن
سيف: شحالك ؟
حامد : تمام .. شو بلاك
سيف: افتكيت من الخايسه بدروووو
حامد : ههههههههههههه وحليلها .. إلا اقول تذكر البنيه في السيتي
سيف( بفضول ): بلاها
حامد : اتصلت البارح
ه وتسأل اونه ربيعتها معجبه فيك
سيف: خلها تولي هي وربيعتها
حامد : ها شوووو السالفه .. ؟
سيف: مليت الصراحه
حامد : مليت ولاااااا بدينا نحب ؟؟؟
سيف: صخ لاه متفيج تراك
حامد : شو منو الغزال ؟
سيف: اي غزال وخرابيط .. اصلا انا مستحيل احب .. وقلتلك ما عاشت من هي تيب راس سيف بن علي
حامد : ههههههههه بنشوف ... المهم بخليك
سيف: يلا مع السلامه
حامد: مع السلامه

في الشارجه بيت (بو حامد )
حامد : حليلك يا سواف
حصه : بلاك
حامد : لا ولاشي .. شو سويتي في الجامعه ؟
حصه : قول تلاقيت مع منو ؟؟
حامد : ما اعرف .. خلصيني
حصه : عوووووووووووووش
حامد : هااااااا منو ؟
حصه : العاش ربيعتي
حامد : هيه شحالها .
حصه : بخير .. والله تغيرت
حامد : اكييييييد اخسفت
حصه : لا تغلط ما ارضى هيه الجسد وانا الروح .. ما ارضى عليها
حامد : عدال
حصه : اقول إلا انته شو اخبار الدوام ؟
حامد : ماشي الحال
حصه : تغديت .؟؟
حامد : لا
حصه : يلا تعال بنتغدا
حامد : وين امايه ؟
حصه : تحت .. يلا تعال
حامد : انزين ... شوي شوي
( ينزلون من فوق )
حامد: شحالج امايه ؟
ام حامد: الحمدلله يسرك الحال ... يلا يلسو تغدوا
حصه : وين ابويه ؟؟
ابو حامد : وراج
حصه : ههههههههه .. يلا خلونا نتغدى
ابوحامد: حموووووود ......... شو الدوام معاك ؟؟
حامد( يغص من الأكل ): والله كل شي اوكي
ابوحامد: حصه .. وانتي شو الجامعه؟؟
حصه : وناااااااااااااااااااااسه
ام حامد : شو ساره معاج ؟؟
حصه : هيه .. وبعد العاش معاي .
ام حامد : شحالها وشحال اهلها ؟؟
حصه : تمام
ابو حامد: يلا كملوا غداكم .. بسكم هذربه
حامد: انشاالله
( يلسوا يتغدون .. وعقب طبعا تلاقوا على المسن )

على المسن
عويش: اقول شما
شما:هلا
عويش : منو اون لاين عندج ؟؟
شما: شذوه
عويش : سويلها انفايت
شما : اوكي
( تمت اضافة شذى )
عويش: هلا وغلا
شذى : اهلين .. شحالج عواش ؟؟
عويش : تمتوم
شما : ههههههههه ... شو نسيتوني ؟؟
شذى : لا افا عليج .. شحالج وشخبارج ؟
عويش : ههههههه
شما: بخير ...إلا اقول منو عندها ايميل حصه ؟.؟
عويش: انا تبغينه ؟؟
شذى : انا بعد ابغيه
شما : هيه ابغيه
عويش:******@
شذى : اقول بظهر .. باي

( وتسكر ... في بيت محمد بو شذى )
ام شذى : شذى شذى
شذى : (تفج باب الغرفه )هلا امايه
ام شذى : شو تسوين ؟؟
شذى : يالسه على الكمبيوتر
ام شذى : اقول شذى ... تراج كبرتي وغديتي حرمه
شذى (حست انه في شي ورا ها الرمسه )
ام شذى : في ناس تقدومو لج
شذى (فاجه ثمه ): ها
ام شذى : شو ها بعد ؟؟
شذى : منو؟؟؟؟
ام شذى : والله عربان من العين
شذى : العيييييييين .... وكيف يعرفوني ؟؟
ام شذى: ليش تسألين هالكثر ؟؟
شذى : لا بس ..........
ام شذى : شو بعد ... ترا ملجتج يوم الخميس هذا
شذى : نعم .............. خيبه بهاي السرعه ؟؟
ام شذى : هم مستعيلين
شذى : انزين انتوا ما خبرتوني ؟؟
ام شذى : ها خبرتج تراني
شذى ( شويه وبتصيح ): امايه بس انا بعدني
ام شذى(معصبه) شو بعدج ؟؟ ... خلاص ابويه الناس خطبوج وابوج وافق .. والخميس الملجه (وتظهر من الحجره).
شذى (تصيح ): حرام خربوا عليه ............... شو يعني .......يا ربي والله حرام
اليازيه (يتصل)
شذى : يزوي
اليازيه : شذوه .. بلاه صوتج ... تصيحين ؟؟؟؟
شذى (تصيح بقوه ): يزووووووووووي ... بعرس
اليازيه : هدي شوي شوي ... شو السالفه؟؟؟؟؟
شذى : ملجتي بالخميس
اليازيه : شووووووووووو؟؟
شذى : والله .. شو اسوي الحين ؟؟
اليازيه : وكيف ما خبرتيني
شذى : انا بروحي ماادري .. امايه توها مخبرتني (وتصيح )
اليازيه : انتي الحين هدي .. انا بيي صوبج
شذى : اوكي .. اترياج
اليازيه: بس اسكتي الحين لا تصيحين
شذى : اوكي .باي
اليازيه باي
( وتسكر الموبايل .....تطلع من الحجره )
اليازيه : امايه انا بروح عند شذى شويه
ام سيف: ليش
اليازيه : بروح شويه .. بليز امايه
ام سيف : اوكي روحي ..بس لاتتحيرين
اليازيه: انشاالله
ام سيف: مع منو بتروحين ؟؟
اليازيه : مع الدريول .باخذ البشكاره
ام سيف: خلاص... يلا لا تأخرين
اليازيه: اوكي .. باي
( وتطلع من البيت ... وهي في السياره .. تفكر بشذى )
اليازيه(و حليلج يا شذوه .. مستقبلج كله تدمر ... والله انج تغمضين )
*في بيت محمد*

شذى : يزوووووووي
اليازيه : شذى .. شحالج ؟
شذى : آآآآآآآآآه حرام والله
اليازيه : فهميني السالفه
شذى : والله امايه دشت الحجره عليه .. اونه ناس تقدمولج ...
اليازيه : تعرفينهم ؟
شذى : من العيييييييييييييييييييين
اليازيه : شووووووووو ؟؟....... من وين يعرفونكم ؟؟
شذى : شو عرفني ؟
اليازيه : ملجتج بالخميس.. هب بسرعه ؟؟
شذى : (تطنز) اي بسرعه .. بس الصراحه الشي الوحيد إلأي ضايق بي .. انهم ماخبروني وقالوا للناس اني موافقه
اليازيه :شو تبغيني اقولج .. ... خلاص ارضي بالنصيب
شذى : (تصيح )

الجزء الثاني

راشد وفيصل يدشون الصاله

راشد : عويش روحي زقري امايه
عويش : اف روح انته وهي طبعا مندمجه في المسلسل
راشد : اقول فصول اقرب بروح ازقر امايه وبرجع
فيصل : اوكي
( ومن الفضول فيصل يبغي يعرف منو هاي البنيه ... ومن يشوفها !!!!!!!!!!!!!!!!!!!)
عويش : (تنقز من على الغنفه ) انته هني ؟؟؟؟؟
فيصل : السلام عليكم
عويش : وعليكم السلام .... شو تبغي ؟؟
فيصل : اممممممممممم انتي شو تسوين هني
عويش : هذا بيتنا
ام طحنون : فيصل ابويه شحالك
فيصل : عمو بخير يسرج الحال ... وهو عيونه على عاشه
راشد : عويش سلمتي على فيصل
عويش : فيصل (باستغراب ) ااااا شحالك
فيصل ( ميت من الضحك ) :تمام .. انتي شحالج ؟؟
عويش: بخير ( تذكرته هذا الولد إلي وصلنا للسياره .. اوي بيخبر رشود اكيد عن إلي صار .... واي شو اسوي ...)
ام طحنون: هلا والله .. توه نور البيت
فيصل : منور بأهله ... إلا شحالج عموه .. شخبارج ؟؟
ام طحنون: والله الحمدلله بخير .... عويش روحي امايه خلهم ييبون الفواله
عويش : ( وهي طبعا سرحانه )
راشد : شووووووووووووش .. ما تسمعين
فيصل : لا والله عمو ما يحتاي ... بس بغيت اسلم عليج ... اترخص الحين
ام طحنون : لا شو بعد تترخص .. عوشه روحي ييبي الفواله
عويش : اااا انشاالله امايه ( وتروح تيب الفواله )
ام طحنون: شحال امك .. من زمان ما رمستها .
فيصل : والله الحمدلله ماتشكي باس ...
راشد : تعال شو اي جامعه انته ؟؟
فيصل : انا في الامريكيه
راشد : والله من متى ؟؟
فيصل : من سنتين وهاي السنه الثالثه
ام طحنون: ماشاالله عليك كبرت .. شو شاطر ولا مثل رشود ؟؟
راشد : امايه شو بعد مثل رشود بلاني ؟؟
فيصل: لا انا اشطر ..هههههههههههه
راشد : ههههههه تضحك اونه
فيصل : ضربتك على ايديك عشان تضحك ؟؟
راشد: سخيف
فيصل: انا ولا انته ؟؟
ام طحنون: بعدكم تضاربون .. احيدكم كبرتوا على هاي السوالف
راشد : هذا فصول السخيف
عويش (يايبه الفواله ): يلا اقربوا
فيصل : تسلمين ... إلا اقول من وين طلعت الشمس اليوم ؟؟
راشد :هههههههههههههه
عويش : ليش انشاالله ؟؟
فيصل : ما احيدج تعرفين تضيفين الناس
عويش : اقول ... كل احسلك بلا سخافات .
راشد : عويش .. اصطلبي
فيصل : خلها انته بعد ... اقول انا هاي عويش إلي اعرفها
عويش ( تيلس على الغنفه المجابله لفيصل) : اف ليش ياي بيتنا شو تبا ؟؟
ام طحنون( معصبه ): عويييييييييييش .... اذا ما بتحترمين الموجودين روحي غرفتج
عويش : احسن بعد
راشد : والله بذبحها هاي البنيه
ام طحنون : انا بعد بروح اشوف الطباخ شو سوى في العشا
راشد : فصول اعذرني ياخي
فيصل : على شو ؟؟ ... اذا عن عويش عادي ... ليش تتحراني بسكت عنها
راشد : والله انك متفيج
فيصل : اقول وين طحنون ؟؟
راشد : ما ادري والله هو قال بيواعد ربعه
فيصل: اها
راشد: اقول بروح المطبخ وبرجع
فيصل : ههههههههه شو لا يكون انته الطباخ ؟
راشد : ههههههههه لا تسخف عليه
فيصل : روح روح انزين
راشد (يروح المطبخ )

تنزل عويش من فوق

عويش : امايه امايه
فيصل : في المطبخ
عويش : انا رمستك
فيصل : لا بس قلت حرام اخليها تصرخ مثل الهبله .. اشفقت لحالج
عويش : سخييييييييييييف
فيصل: سخييييييييييييييييفه
عويش ( تيلس حذال الغنفه إلي حذال فيصل تقريبا ): اقول فصول
فيصل : اصغر عنج تقوليلي فصول ؟؟
عويش : اف انزين خلاص فيصل
فيصل : نعم ؟
عويش : لا تخبر رشود اخويه عن السالفه ( سالفة صحارى والولد إلي تحرش فيهن )
فيصل: ليش انتي سويتي شي غلط ؟
عويش : لا اكيد لا بس لأنه رشود اذا درى بيخبر طحنون وما بيخلوني اظهر
فيصل ( يبغي ينرفز بها ): والله انا خبرت رشود وهو عقب بيرمسج
عويش : لااااااااااااااااا حرام انا شو سويت لك ؟
فيصل : ما سويتي شي بس ابغي اخرب عليج طلعاتج
عويش : والله حرام الحين ما بظهر
فيصل(يضحك):هههههههههه لا ما خبرته
راشد : شو تخبرني ؟؟
عويش ( ترتبك .. وتطالع فيصل بنظرة رجا انه ما يخبره )
فيصل : لا اخبرها عن سبرايز حمدان فتسأل اذا خبرت عمي
عويش ( براحه ... هي مش فاهمه السالفه ): هيه اذا خبر بابا بيخرب على حمدان
راشد ( وهو حاس بشي مب طبيعي ): اها هاي السالفه عيل
فيصل : هيه اكيد ... شو وين العشا
راشد : بلاك مستعيل الحين بييبونه
فيصل : والله يوعان .. هاي عويش اختك يوعتني
عويش : لا والله .. المهم مشكووووور( لأنه ستر على السالفه )
فيصل : هيه والله .. والعفو
راشد : بس لا ه.. دوم تضاربون ...
فيصل : اختك هاي هب انا
عويش : انته إلي بديت
راشد : اف والله بكفخكم انتو الاثنين
عويش : ها سكتنا
( المهم تعشى فيصل ... ورجع البيت .. وحست عويش براحه لأنه ما خبر راشد )

في غرفة عويش
التلفون
عويش : تدرين انه ظهر ولد عمي
اسما : وافشلتاه .. شو سويتي عاد انتي ؟
عويش : تفاهمت وياه بطريقتي الخاصه ( امحق طريقه "كلها ضرايب")
اسما : اااااااااااه الحمدلله ... المهم الحين انا بخليج اوكي
عويش : باي
اسما باي

و التكمله الشهر الياي

و السمووحه