10-08-2007, 04:54 AM
| |||||||||
| |||||||||
 أموت أنا في حبهم ..... لا تفوتكم تراها حلوه واااايد أموت أنا في حبهم للكاتبة: الجنيه أمــــــــــوت أنــــــــا في حبـــــــهم (1( سلطان: الله ياخذج واليوم اللي عرفتج فيه ،،، شو تبين مني أنتي هدمتي حياتي كلها لا بارك الله فيج مزنه وهي أتصيح: حرام عليك يا سلطان خاف الله أنا شو سويتلك وهالياهل.. شو ذنبه من أنولد وأنت عايفنه ولا حسسته بحنانك وعطفك أنت سلطان وهو يقاطعها : لمي قشارج وطلعي من بيتي دام النفس طيبه لا أذبحج أنتي وولدج لعنة الله عليكم مزنه وبترجي : حبيبي أنت عطني فرصه وأنا بكلمها سلطان وباشمئزاز : جب ولا كلمه ،،، وكم مره قايل لج كلمه حبيبي ما أحب أسمعها منج ..الله يا وعد محلاتها هالكلمه من ثمج .. ويتركها بحيرتها ويصفق الباب ويطلع .... ................... عائله بو سلطان بوسلطان : 55سنه (لواء متقاعد وعنده شركه مقاولات يديرها) رجل حازم وكلمته ما يرد فيها ... بس حنون وقلبه على عياله يحس فيهم دون لا ينطقون أم سلطان: 51 سنه حنونه وطيبه وأتحب عيالها بشكل كبير مستحيل أتضايق واحد فيها أو أتزعله ... رغم مرور أكثر من ثلاثين سنه على زواجهم الا أنها بعدها أتعامل ريلها بنفس الإحترام ومستحيل أتعارض قراراته .. خليفه: 35 سنه مدير شركته الخاصه متزوج وعنده ثلات أولاد وبنتين (سالم 16 سنه ، سهيل 14 سنه ، عنود ونجود توم 12 سنه وآخر العنقود غيث 9سنين) حرمته ميثا 33 سنه جميله بكل مافي الكلمه من معنى متكبره ومغروره لدرجه كبيره ما تحترم ولا أتحشم الكبار (وكانت السبب في أنه بو سلطان يطلب من خليفه أنه يعيش فبيت روحه( سلطان: 32 سنه، حنون وطيوب لأبعد الحدود يحب حرمته لدرجه الجنون ،،، مزاجي وبسرعه يعصب بس يرد يرضى بكلمتين حلوين سيف: 26 سنه ماسك إداره قسم المحاسبه في شركة أبوه طايش ومتهور وعنيد.. ما يبي يتزوج زواج تقليدي يؤمن بالزواج عن حب وهو بصدد البحث عن الحب سعيد : 24 وكيل أول .... شديد الحساسيه بس قلبه طيب وفرفوش سوالفه ما تنمل , آخر العنقود عائله حميد حميد 40 سنه إنسان حنون بشكل كبير يحب بنته وعد ويلبي لها كل طلباتها توفت زوجته بعد ولاده وعد بشهرين ومن بعدها ما فكر يتزوج كرس حياته لتربيه وحيدته وعد ... حاليا هو عضو مجلس إداره في وزارة التربيه والتعليم ... كان مدرس جغرافيا .. وعد : 22 سنه متوسطه الجمال بس أخلاقها ممتازه عنيده وراسها يابس أتحب أبوها وأتبديه على نفسها ,,,, رغم كونها وحيدة أبوها إلا أنها كانت وحده فاهمه وواعيه مسؤله وبعيده كل البعد عن الدلع ... ................... قبل ست شهور وعد: سلطان قلبي حبيبي حياتي عمري يا بعد هلي وطوايفي يا أغلى ناسي يا روحي يا بلسم جروحي سلطان: ..... وعد: حياتي والله سوري فديتك حبيبي أموووووووووووووووت أنا سلطان وبعصبيه : يعل يومي قبل يومج وعودي حبيبي صدق بزعل منج كم مره قلت لج طاري الموت ما أبيج أتييبينه.. والله يا وعد ان سمعت هالطاري مره ثانيه لا اتلومين الا نفسج بذبح عمري قبل لا أسمع بوفاتج.. وعد: سلطوني فديت روحك ما عطيتني فرصه أكمل كنت بقول أموووووووووت أنا في حبهم وأرخص أنا عيوني لهم .. ناس إٍسكنوا قلبي أنا وأنا سكنت قلوبهم لا حرمني الله منهم هم علموا ،،، وفجأه تسكت وعد بصدمه : حياتي شو فيك؟؟؟؟!!!!! باسم الله عليك سلطان شي يعورك ؟؟؟!! سلطان: لا حبيبي أشفيج كملي الأغنيه صوتج يعذب والله وحرمتي صوتها غاوي وأنا خبر خير وعد: *_^ ما أبي ما أبي خرعتني حسبي الله على إبليسك سلطان : وعد شوفي كله ولا إبليسي ترا ما أرضى عليه وعد: أستغفر الله شو هالمنكر سليطين سلطان : فديت اللي يقول سليطين أشوف عيديها الحركه وعد: ما أبي ما يخصك فيني أنا زعلانه سلطان: كيف تبيني أراضيج ؟؟؟!!! وعد: والله حاله الحين أول مره أشوف اللي يبا يراضي يسأل شو هي الترضيه أنت كريم وأنا أستاهل واللبيب بالإشاره يفهم .... سلطان: الله أكبر عليكن يالحريم أسميكن مب هينات الحين مسويتلي سالفه هالطول وهالعرض وكل هاللف والدوران وآخرتها شو مخاسير ... ،،، ماشي ما عندي فلوس ما عندي شي بوووووووووووح وعد : وهي مبوزه برايك ما با شي منك .... (وأتمثل أنها أتصيح( سلطان: وعودي .. وعد: نعم سلطان: نعامه ترفس عدوينج قولي آمين وعد: سلطانو ما يخصك بعدويني فديتهم أموووت أنا في حبهم سلطان وهو معصب : وعود بذبحج شو هالرمسه الخايسه أشعنه تتفدين عدوينج ها ؟؟؟ وعد: أي باسم الله شو مشكلتك أسولف وياك سلطان: يا ويهج أنا بعد أسولف انزين وعد: لو سمحت ما يخصك بويهي سلطان : كيف ما يخصني بويهج أنتي كلج لي ملكي،،، مب حرمتي؟؟؟!!! مب دافع مهرج ؟؟!!!! يعني محد له حايه عندي وأنتي ما عليج غير السمع والطاعه فاهمه ... وعد: هه هه هه ضحكتني وأنا ما أبي أضحك والله محد ضربك على إيدك وقالك تعال خذني الحمدلله كنت يالسه فبيت أهلي22سنه معززه مكرمه ولا علي قصور فديت أبوي حبيبي مب مخلني محتايه شي لو أردله البيت الحين ما بيقصر علي بشي ،، هذا وأنا دوم أمدح فيك أونه ريلي فديته أوه أقصد ريلي وبس سلطان وهو يحيس إيدها ويمسكها من شعرها على الخفيف: يالدبه الحين أنا أستويت ريلج حاف من دون فديته ولاحبيبي ولا شي.. أوكي وعدوه ان ما خليتج تندمين على هالرمسه ما أكون سلطان ،،، بييبلج عديله عسب تتأدبين هي اللي بتخليج أتعرفين جيمتي وبتدلعني وعد : سلطان اذا فيوم فكرت تاخذ وحده غيري أرجوك طلــــــــــــــــــــــــــــــــــــقني وبعدها سو اللي تباه ولفت عنه الصوب الثاني وادموعها تسيل .... سلطان وهو مصدوم من ردة فعل وعد معقوله أتكون جاده فرمستها بس أنا قاعد أسولف وياها عادي أشفيها هاي ليش يا سلطان ليش أتزعلها.. الحين كيف براضيها....؟؟؟؟ بس أنا ما قلت شي يا ربي شو هالحاله !!! نش من مكانه وسار الجهة الثانيه وقف مجابل وعد وحط إيده على ذقنها عسب ترفع راسها (وهو يعرف أنها أتغار من هالحركه ..يعني لو شو ما كان فيها ويسويلها هالحركه تضحك على طول ولو هي أتصييح ،،،، بس هالمره غير ما تحركت ولا حتى إبتسمت وأبعدت إيديه عنها ... سلطان وهو يرجع لورا ومصدووووووم مستحييييييييييل وعد تزعل مني بهالشكل وعلى شي تافه معقول كل هالحب اللي أحبها وبعدها مب واثقه فيني ؟؟؟؟؟ سلطان اتقرب منها أكثر وهو مصر هالمره أنه يخليها أتشوفه عسب يقدر يكلمها ،،،، بدى يناديها باسمها وعــــــــــــــــــــــــــــــــد بصرخه شقت سكون الليل وخلته يرجف بكبره وأول ما رفعت ويها أنصدم بالي يشوفه ,,, عيونها غرقانه بالدموع ونظراتها تايهه وخايفه فيها ألم وغصه ما عرف لهم تفسير ومن دون أي كلمه راح صوبها وضمها لصدره بقوه يحاول يحسسها بالأمان يبي يبعد هالنظره من عيونها يحاول يعتذر بكلمات مش مفهومه فجأه حس بخوف فضيع ما تعود منها هالجمود ولا هالبرود في موقف غير هذا كانت تنهار بحضنه وأتفرغ كل اللي بخاطرها يرد سلطان يناديها : وعود حبيبي ردي علي سوي اللي تبين بس لا أتمين جيه والله قلبي يتقطع ما أتحمل أشوفج جذه حبيبي قولي أي شي ..أوكي لا ترمسين أضربيني سوي اللي تبينه ارحميني دخيلج وعد بعدها فحضنه ولا تصدر منها أي حركه ولا ردة فعل مستسلمه ودموعها ما وقفت يرد يهزها سلطان وهو خلاص يحس أنه روحه طلعت وإنشلت أطرافه ،،، مب قادر يتخيل أنه هاي حبيبته وعمره وكل دنياه أتعامله بهالطريقه يمر شريط حياته جدامه ما يتذكر شي قبلها ما يحس بأي شي حوله ما يشوف غيرها شو اللي صار ؟؟؟ ليش أحس أني وحيد ليش أحس إني غريب ؟؟؟ بدى سلطان ينهار مش قادر يوصل لنتيجه ما يعرف شو اللي صابه ليش وعد ما ترد علي ليش ؟؟؟ ويرد يناديها : ووو عــ ـــــد أرجوج ردي علي وعد كأنها أنتبهت أنه في حد يناديها تسمع صوته من بعييييييييد كأنها في قاع الوادي أتحاول أترد عليه تبي أتطمنه أتقوله أنها بخير ..تبي تسمح دموعه وأتخفف عنه.. ليش سلطان ما يسمعني أنا بخير حبيبي ما فيني شي أنت اللي أشفيك بطل عيونك حبيبي باسم الله عليك.... أعوذ بالله من الشيطان الرجيم وبدت وعد تقرى آية الكرسي وتنفخ على سلطان على أمل أنه ينش أو يفتح عيونه تقرى وتقرى لكنه بعده مغمض عيونه ويزاعج باسمها ،،، وعوووود أنتي بخير ؟؟؟؟ وعد وهي أتصيح سلطان أنا هني عندك أنا بخير شو فيك حبيبي ,,,, سلطان وهو يفز من رقاده بقوه وهو يلهث يتلفت حواليه وكأنه يدور على شي وأول ما طاحت عيونه عليها نش من مكانه وعلى طول رمى بنفسه فحضنها وتم يصيييح مثل اليهال متمسك بطرف كندورتها ... ووعد تمسح على راسه وأتحاول أتكلمه بس هو ما يسمعها كأنه ما في حد يكلمه ويتم على هالحاله وهو يصيح صياح يقطع القلب ووعد أتشاركه بس بشكل أخف ما تبيه يحس أنها ضعيفه وهو محتاج لها ،،، محتاره ما أتعرف كيف تتصرف أو شو أتسوي شو اللي صار له ؟؟؟ أكيد حلم مزعج الله يعدي هالليله على خير خلته يفضفض ويطلع اللي فخاطره لين هدى بنفسه وبدت قبضة إيده ترتخي سلطان : وهو بعده يشاهق ويتنهد ... وووعـ ــ دد وعد: عيونها آمر حياتي سلطان: وعد قولي آمين وعد : آميـــــــــــــــــــــــــــــــــــــــــــــــ ــــــــــــــــــــــــــــــن سلطان : عسى الله لا يفرقنا وعود بموت اذا تركتيني فيوم وعد وهي أتحط صبعها على ثمه ،،، حبيبي مافي شي فهالدنيا غير اراده الله أتفرقنا ..(بينها وبين نفسها تبا تسأله شو هالحلم اللي قلب حاله فوق حدر شو اللي خلاه يتروع لهاي الدرجه ؟؟؟ وبنفس الوقت ما تبي أتضايقه أكيد الحلم وايد ضايقه) خلاص حبيبي يلا نش اذا بتسبح و أتيدد بعد أشوي بيأذن الفير أوكي عمري أنا بسير أزهب ثيابك .... نش وهو حاس بثقل الدنيا كلها كأنه روحه طلعت ورجعت له مره ثانيه ... معقوله مجرد حلم يقلب كيانك يا سلطان اذا أنت ما تقدر تتقبل فكره أنها تطلب الطلاق منك كيف بتصارحها أنت أتعرف أطباعها ومستحيل ترضى بحد يشاركها فيك ،،، يا ربي ساعدني كيف أطلع نفسي من هالورطه وعد: سلطوني حبيبي أشفيك ...بغيت شي ؟؟؟ سلطان بارتباك : ها لا لا شــ شش أنا أممممم وعد مستغربه : شو ياك سلطان؟؟ سلطان : ها ماشي أنا بسير أسبح زهبي ثيابي ممكن ؟؟ وعد !!!!! حياتي زهبت ثيابك أكن حذاك بسير اسويلك شي تشربه أحسبك بعدك متوتر من الحلم... سلطان: يكون أحسن ... ودخل يسبح .... بعد ما سبح حس بانتعاش ولا كأنه صار وياه شي أول ما طلع شاف وعد يالسه سرحانه أتمشط شعرها القصير الي لونه أسود مثل سواد الليل الي يمووووت فيه اتقرب منها بهدوووووء وفجأه يزاعج في أذنها وعد : أمييييييييييييييييييييييييييييييي سلطان يالسخيف أتصد صوبه تبا تضربه بس يربع بعيد عنها ..أتمثل أنها طاحت وأول ما يرد صوبها تنقض عليه وتضربه ضربه أتطلع كل اللي في خاطرها سلطان وهو منسدح على الأرض يضحك ويتألم من ضرباتها ،،، أي أنتي يالدبه ذبحتيني سوي رجيم ما أروم لج أنا ما شا ءالله مب أيد عليج بلدوزر وعد: الله أكبر.. تف تف تف عن الحسد انزين ... دبه فعينك أصلا أنت أتغار لأني دبدوبه تتمنى توصل لنص وزني سلطان: لا دخيلج ما أبي خلي وزنج الحلو لج وعد أونها عصبت : الله يسامحك انزين سلطان: حياتي أسولف وياج أنتي تدرين أمووووووووت فيج يالدبه ،،، وعد أتشققت وأستانست ... فديت روحك ... سلطان: تعالي تعالي وين اللي بيسويلي شي أشربه ؟؟؟!!!! وعد: أخاف أسير روحي تعال وياي ... سلطان: شو هالعياره صدق ما منج فايده حبيبي مافي شي ليش اتخافين سيري الحين بيأذن الفير وعد: ما أروم حرام عليك سلطون لا تستهبل أنت تدري أني أخاف من الظلمه يلا عاد عن الحركات طوف جدامي سلطان: لا ما أبي أول عطيني بوسه وعد : أندوكم سلطان بلى مصاخه أمش جدامي بسرعه لا ألم البيت كله عليك (وأتطلع لسانها اتعايره) سلطان: أوكي لميهم عادي ما فيها شي بقولهم واحد يبا حرمته أتبوسه حرام؟؟ واتحملي الرمسه اللي بتيج عقب وعد: ياللئيم ما تستحي والله الحين بدل لا اتروح تستعد للصلاه تتمنكر علي سلطان: كيفي حرمتي ومحد له خص فيني بسرعه يلا ترا بزيدهن بيصيرن أربع وعد: عوذ بالله من الطمع..... أندوك يلا الحين عن الهذربه الزايده بعد صلاه الفير الساعه 6 في الصاله وعد : صبحج الله بالخير عموه أم سلطان : صبحج الله بالنور والسرور .. أشحالج أمايه تتقرب منها وعد وأتبوسها على راسها ...... أم سلطان : حبتج العافيه ها بنيتي كيف أصبحتي وعد: بخير الله يسلمج عموه سلطان : له له الوالده good morning اشحالج أم سلطون أم سلطان : قبضي ريلج شو فيه يكلمني بالإنقليزي وابوي عليك بلاه لسانك إحتاس ؟؟؟ ليكون شايف لك شوفه ؟؟؟ سلطان: فديت العيوز أم سلطان: مني هاي العيوز مسود الويه سلطان: هاي عيوز أمووووووووت أنا في حبها وأرخص أنا عيوني لها هي أسكنت قلبي أم سلطان : عوذ بالله من الشيطان شو هالمنكر توه الصبح شو هالخياس اشعنه اتغني ؟؟؟ هذا بدل لا تروكع واتنش لصلاه الصبح يالس اتغني لا بارك الله في هالتلفزون هو اللي مخربنكم ... وعد: أفا عليج عموه ولو ما يحتاي أتحاتين صلاته أنا موجوده ما خليه يفوت فرض هو من بونه يواضب الا صلاة الصبح يتعايز عنها بس ما عليج منه ما أخليه فحاله لين ينش ... أم سلطان: بارك الله فيج بنيتي والا هالولد ما ادري شو بيصير به لولاج أنتي وعد: أفا عليج عموه أنتي الخير والبركه أم سلطان : الله يخليج ... أتشوفها هاي ... هي هاي حرمتك تاج راسك سلطان : حلفي بس أنتي عنبو أموووت وأعرف شو مستوبكم هالساحره ليكون مسويتلهم عمل والا شي أشوف الكل يحامي عنها وأنا من لي ؟؟؟؟ بو سلطان: السلام عليكم ورحمه الله وبركاته .... صباح الخير وعد : صباح الورد والفل ودهن العود وأحلى البخور أشحالك باباتي كيف أصبحت ان شاء الله بخير سلطان : وعليكم السلام والرحمه صبحك الله بالخير ويتقرب يبوس راس أبوه (وفخاطره يقول يا هتلر) " وهو يعاير وعد الناس اترد السلام أول " بوسلطان : هلا وغلا بكل الغلا هلا ببنيتي هلا بنور هالبيت ... الحمدلله بخير وعافيه ما نشكي باس ومن صوبج ؟؟ سلطان: وأنا ليكون ولد البطه السودا مطنشني واترد على بنت الناس بوسلطان: لم ثمك أنت شو هالرمسه الخايسه شو بلاها بنت الناس مب عايبتنك تاج راسك هاي سلطان وهو حازه فخاطره الرمسه : هذا وأنتوا أمي وأبوي وأنا من صلبكم جذه أتعاملوني عيل شو خليتو للغريب ؟؟ سعيد : أصبحنا وأصبح الملك لله شو هالحاله ألحين أنا آخر العنود دلوع هالبيت ما أغار من وعد حليلها سيده هالبيت أم سلطان : فديت روحك بو مايد شو بلاك الغالي لا أتحط فخاطرك ترا كلها سوالف أنت ولدنا وهي بنتنا.... وعد ودموعها على وشك أنها تنهمر : سلطان سوري ومشت عنه بتروح حجرتها.. أول ما خطفت عنه مسكها من أيدها سلطان: ممكن أتعيدينها الرمسه ؟؟؟ وعد وباستغراب :؟؟؟؟!!!! أي رمسه شو قصدك ما فهمت ؟؟؟ سلطان : كرري الإعتذار سعيد: أنت شو أتقول الله يهداك سلطان ليش مكبر الموضوع الحين شو اللي صابكم من صباح الله خير ؟؟؟؟!!!! بوسلطان: حد بعد عنده رمسه يقولها ؟؟؟ وأنا شو خانتي مالي جلمه عليكم كل واحد يسوي اللي يبيه ؟؟؟؟ ولا أتحشموني.. كم مره منبه عليكم وعد محد يزعلها هذا وأنا بينكم جي أتعاملونها كيف لو مت ؟؟؟ وعد حست أنه الجو أتكرهب ... ما أتعرف كيف تتصرف أم سلطان اذا رمس بوسلطان كأنها نست كيف تتكلم ما تعودت أتقاطعه أو أتعارضه بشي وخصوصا في مثل هالمواقف ... حابسه أنفاسها وخايفه من اللي ممكن يصير بوسلطان من النوع المتسلط وايد ومستحيل حد يعارضه بشي او يرفع صوته وهو يكلمه ..بس الظاهر اليوم سلطان طلع اللي فخاطره ولو بطريقه غير مباشره (بوسلطان يعز وعد أكثر من عياله.. يعتبرها بنته اللي مب من صلبه ، ولا يتحمل حد يضيج بها) أتحاول وعد ترمس وتنهي الموضوع بسرعه عن تكبر السالفه ويصير اللي ما تحمد عقباه وعد: سلطان أنا آسفه.. الله يخليكم ماله داعي أتكبرون الموضوع مافي شي يستاهل ،، فديتك أبوي مانع حصل خير يلا بنتريق يميع ،، تتهرب من نظرات الكل وأتحاول تلتهي بأي شي : سعيد عيل وينه سيف ؟؟؟ بعده راقد بيتحيير على الدوام سر شوفه .. وفجأه ينفجر بو سلطان من الضحك ... هههههههههههههههههههههههاي أشفيكم يا عيال الله يهداكم ما تتحملون أشويه غشمره !!!؟؟؟؟؟ الكل مستغرب وسلطان وبصوت واطي : الحين هتلر ما بغى يسويبنا مقلب الا اليوم !... وأنا ناقص وعد: بو سلطان شو رايك ؟؟؟؟ عجبك هيك (تتكلم كأنها لبنانيه ( بوسلطان : هي والله عجبني عاد أنا ما أعرف أحيس ثمي شراتج سعيد مرتفع ضغطه : شو هالحركات يا بوي هالبيت عليهم دقات الواحد ما يعرف لهم ... بسير أشوف سيفوه نش والا بعده بس فالح سهر لين ويه الصبح سيف وهو يربع صوب أبوه يبوسه على راسه : لا يا ريال اي ويه الصبح البارحه أنا من الساعه 11 راقد صح مب صح وعد ؟؟؟ وهو يتطالعها بنظرات ترجي .... وعد : الله يهداك يا سيف أي 11 أصلا أمس أنا شفتك تدخل الحجره الساعه 9 وما طلعت منها وأنا كنت هنه في الصاله لين الساعه 1 أتريا سلطان بوسلطان: يا سلام كل واحد لاهي ببقعه سلطان شو عندك برع البيت لين الساعه وحده أشعنه يا بوي مودر حرمتك وسهران عند ربعك ؟؟ وعد وهي حاطه أياديها الثنتين على خصرها (الوحيده اللي تقدر أترد عليه وأتقاطعه من دون يعترض) الله يسامحك باباتي الحين اذا انت بتحاسب ريلي أنا من أحاسب ؟؟ طول هالفتره سلطان ساكت ما له حس ولا تكلم يفكر بالمصيبه الي بتحل عليه كيف بتتغير العيشه فهالبيت اذا عرفوا بسره ؟؟؟ أصلا أنا غبي من دون شي الكل مستعد يبعد عني عشان خاطر وعد واذا انا جرحتها والا كسرت بخاطرها أبوي أول الناس اللي بيعاديني وأمي لا حول لها ولا قوه مسيره ما بتعترض على قرار أبوي لو يروغني من البيت سعيد وسيف متعلقين بها بصوره كبيره هي أختهم وصديقتهم وأقرب لهم مني.. سلطان أنت شو أتسوي خلاص خلك مرتاح البال لا أتفكر باللي بيصير خلك باليوم أنتبه أنه الكل يتطالعون صوبه وحاسين بشروده فحاول يبين لهم العكس سلطان : وعد وعد: لبيه سلطان : لبيتي حايه قولي آمين وعد : أمين .... آمر سلطان : كرري إعتذارج أشوف وعد: سوري سلطان : ليكون شايفه أم سلطان عنقريزيه عسب اتقولين لي سوري يا ماما نحن عرب ما نفهم هالرمسه سعيد وسيف مع بعض : الحين أنت تبا أتفهمنا أنك تبيها أتقولك أنا آسفه ؟؟؟!!!!! سلطان : بارك الله فيكم يالثنائي التعبان ... سمعتيها الرمسه يلا اعتذري وعد: سووووووووووووووووووووووووووووووووووووووووووووووووو وووووووووووووووووووووري سلطان : لا ما أبي هاي السوري قولي آسفه وعد: no way ,,,, forget it سلطان : وعد بتندمين وعد: ما عاش اللي يندم وعد بنت حميد فديته سلطان بصوت واطي : ويل حالي منج بنت حميد أمووووووووووووت أنا في حبج ... أنحرجت وعد وأحمرن خدودها وطلعت أشوف الريوق ... بوسلطان: بويه سلطان شي بلاك ؟؟؟ شي يعورك؟؟ شو فخاطرك خبرني يا وليدي سلطان حس بقشعريره تسري فجسمه ارتبك وضاع منه الكلام.. اللي أعرفه زين أنه أبوي ما أقدر أخش شي عنه يحس فينا قبل لا نرمس وأول واحد بيكشفني لو جذبت يالله سترك شو أقوله هتلر ما يقتنع بأي شي بسهوله ... أم سلطان : فديت روحك بومايد شو بلاك أبويه بلاه ويه غادي أصفر !!!! سلطان: ها لا ماشي الله يهداج ياأمايه مافيني شي بس هاي دلوعتكم وعدوه مأذتني تبا أتروح عند أبوها وأنا مب فاضي أم سلطان: ويدي وين أتروح عند أبوها نسيتوا اليوم معزومين على الغدا بيت أخوك خليفه برايها جان بتروح العصر بوسلطان وهو مب مقتنع بعذر سلطان بس ما يبي يضغط عليه ... برايك جان بتروح من زمان ما خطفت عند حميد ولا سلمت عليه ما أبي الريال يحط فخاطره عيل قبل لا أنيوزك وعد ما يمر عليه يوم الا وأنا متغدي عندهم والا متريق ومن خذناها عنه تم روحه حليله لا أنيس ولا ونيس ... وعد: الريوق يا عرب سعيد وسيف: سبحان الله المتان لو شو اتسوون فيهم الأكل ما ينسونه سلطان: أي أنتوا يالمفاعيص ما أسمح لكم تغلطون على حرمتي فديتها ها يزاتها تهتم بكم صدق مافيكم خير وعد رغم علاقتها القويه بالكل الا أنها تستحي اذا ريلها تغزل فيها أو تفداها جدامهم وعلى طول الويه يحمر ويخضر ويعتفس حاله أم سلطان: الله أكبر عليكم من شر حاسد اذا حسد بو سلطان: أتمنون وحده شراتها أنتوا لا أتلفون الدنيا كلها ما تلاقون لها مثيل بنت حميد وعد: إحم إحم أخجلتوا تواضعي ما أتقصرون يلا ريووووووووووووووووووووق يوعانه (وهي أتخز سيف بنظره) ها سيفوه عيل أمس راقد من الساعه كم قلت لي سيف مصدوم : الله يهداج أنتي أحلى مرت أخو وأجمل مرت أخو في هالوجود سعيد :هههههههههههههههههههههههههههه مشكله الخوافين بوسلطان: بسكم يلا نشوا تريقوا وكل واحد على شغله ،،،، أمايه وعد بسير السوق أشويه ومن أرد بنخطف على أبوج وعد وهي مستانسه :والله خلاص عيل أنا بروح أتزهب أم سلطان: هيدي يا بنت وين تبين نشي تريقي قبل عمج يباله ساعتين يرجع من السوق وين تزهبين من الحين سلطان: هي قولي تبين الفكه منا ما صدقت من يابوا طاري أبوها وعد : فدييييييييييييييييييييييييييييت روحه أبوي والله تولهت عليه ما شفته من يومين حرام عليك سلطانوا راس مالي هالأبو بعد ما تبيني أتوله عليه ولا أسال عنه هو من له غيري ... حاسدين الفقير على موتت الجمعه وبعد الريوق كل حد سار لشغله ... ابي اشوف ردودكم الغاويه وبعدين بنزل البارت 2   آخر تعديل شما الدرعي يوم
10-08-2007 في 04:59 AM.  |
|
10-08-2007, 07:58 PM
| #5 (permalink) | |
|
عضو مجتهد 
 | اندوكم البارت الثاني وان شاء الله بنزل البارت الثالث فأسرع وقت اخليكم مع القصه أمــــــــــوت أنــــــــا في حبـــــــهم (2( الساعه 10 ونص الصبح بوسلطان: السلام عليكم ورحمه الله وبركاته أم سلطان : وعليكم السلام والرحمه ... قواك الله بوسلطان : الله يقويج ... وين وعد؟؟؟؟؟ أم سلطان: تتزهب كانت تترياك ومن قلت لها أنك على وصول سارت تزهب بوسلطان: برايها ... المهم أبيج تامرين على الخدم ينزلون الأغراض من السياره وكراتين الفواله اللي على صوب خلوهن بنحدرهن بيت حميد أم سلطان وهي أتناوله فنيان القهوه ان شاء الله الحين بشوفهم .... وسارت أتشوف الخدم .... وعد: فديتك يا أبوي والله صدق ولهت عليك وهو الله يهداه ما يمرني جنه الا افتك مني من عرست .... أي وعدوه أنتي شو أتقولين حرام فديته أبوي مستحيل يلتهي عني أنا اللي مقصره فحقه وقاطعه عنه ما أدري شو أخباره أمس أتصلت به ما رد علي أخافه تعبان والا شي بلاه !! لا ان شا ءالله ما فيه الا العافيه خل ألبس بسرعه عن أأخر عمي ... توه بوسلطان بيرد فنيان القهوه الا وعد واقفه عند راسه هني ... بالعافيه بوسلطان: الله يعافيج ها بنيتي خلصتي وعد: هي نعم خلصت وانت ؟؟؟؟ بوسلطان: أفا عليج لو ما خلصت بخلص عشانج وعد: لا والله ما أتنش الا وانت مخلص فنيالك بوسلطان: جنج الا ما تبيني أتقهوى عند أبوج وعد: أفا والله ما هقيتها منك عمييييييييييه شو هالرمسه خلاص أنا زعلت ما يخصني بوسلطان: هههههه لا حول ولا قوة الا بالله الحين تبين حميد يعتب عليه لأني مزعلنج خلاص بنراضيج آمري تدللي طلبي الله تبينه وأنا حاضر وعد (فخاطرها) وأنا أقول سلطوني طالع على منوه يسألني شو أبا رضوه ههههه: مشكور عماه ما أتقصر يلا سرينا ما أبي أحييرك بوسلطان : الحمدلله اللهم لك الشكر وعد وهي مستغربه : عميه شو فيك ؟؟؟ بوسلطان: استغفر الله العظيم شوفيها لو أتحمدت ربي على نعمته غلط؟؟؟؟ وعد: الله يهداك بلاك شبيت بويهي بس يعني فجأه جه من دون مقدمات قلت يمكن شي فخاطرك بوسلطان: الله أكبر على الفضول قولي تبين أتعرفين السبب وأنا بخبرج وعد وهي تمشي صوب باب الصاله: ههههههههههههههههههههه ماشاء الله عليك عميه تراك لبيب وتفهم بالإشاره بوسلطان: قلت ليش الله ما رزقني ببنت شراتج تملي علي الدنيا بعدين حمدت ربي ،، آآآآآآآآآآآآه يا وعد (تأوه من خاطره ( وعد مستغربه أحس أنه فيه شي بس ما أعرف سر هالتأوه لكنه مش طبيعي هذا اللي أنا متأكده منه خاطري أسأله بس ما أبي أحط نفسي بموقف حرج يمكن ما يبا يخبرني اللي فخاطره !!! بس والله ما يهون عليه أحسبه شايل هموم الدنيا ولا حد حاس فيه رغم طيبته وابتسامته اللي ما أتفارقه كأنه هم كبير جاثم عليه.. لازم أعرف شو اللي فيه لازم.... وهذا غير السؤالي اللي في بالي ... في مكتب سلطان ... ...: لو سمحت أخوي ممكن أتخبرني وين مدير هالقسم ؟؟ سلطان : خير يالطيب شي في الخاطر ؟؟؟ ...: الصراحه يا خوي أتبهدلت أنا من متى أدور من مكتب لمكتب كل واحد يطرشني للثاني عيزت وأنا فيني القلب ما أقدر على المراكض من بقعه لبقعه سلطان: أفا عليك أتفضل استريح وعطني معاملتك ألحين بخلصها لك... ...: مشكور يا خوي ما أتقصر المعامله وخلصتها بس ياخوك بشتكي على هالموظف اللي في غرفه رقم 3 صحيح نحن ما نبي نقطع رزق الريال بس بعد هو مب محترم المكان ولا المسؤليه المعطاي إياها عيل يمشي ربعه ونحن والطوفه واحد عنده لا حشيمه والا احترام ما يصير جذه ... سلطان وهو عارف أنه هالشخص يطري سمير المسؤل عن قسم خطوط الإتصال ..كذا مره ظبطه وهو يسوي هالحركه يمشي ربعه والي يباه على كيفه وهو دومه ساكت بس هالمره طفح الكيل .... سلطان: ما تعرفنا على اسمك يالطيب؟؟؟ عارف: السموحه منك وياك عارف سلطان : عاشت الأسامي وأنا سلطان ... عارف: عاشت أيامك سلطان: عارف أنا مدير القسم هنه والحين أبيك أتي ويايه وخلني أشوفلي صرفه ويا هالسمير عارف: سبحان الله ماشاء الله عليك ألحين أنت مدير هالقسم متواضع ولا جنك مدير بارك الله فيك ياخوي ووفقك هالفرق بين عيال البلاد والوافدين سلطان: الله يخليك يا عارف تسلم حبوبي وفي طريجهم للغرفه رقم 3 تموا يسولفون كأنهم ربع من زمان ... تعرفوا على بعض وتبادلوا أرقام بعض على أساس يتلاقون فمكان ثاني غير الإتصالات اللي يشتغل فيها سلطان كمدير قسم خطوط الإتصال ... سلطان: السلام عليكم ورحمه الله وبركاته سمير والمراجعين : وعليكم السلام ورحمه الله وبركاته سمير : صباح الخير أستاز كيفاك ان شالله منيح سلطان: الحمدلله أنا منيح يا سمير بس شغلك مب عايبني هاليومين سمير : له له ليش استاز شوفي ؟؟؟؟ سلطان: سمير هذا آخر إنذار شفهي لك خلك قد المسؤليه وأشتغل حالك حال الخلق سمير وهو يتصنع الدهشه : خير استاز أي الله فسماه عارف أني عم بشتغل بكل ذمه وضمير سلطان: ويوم أنت خايف ربك هالكثر أشعنه أتبهدل الريال (وهو يأشر على عارف( سمير : أعوذ بالله أنا أنا يا أخي شو قلتلك تا تزعل هيك كلون كلمتين قلتون وخلصنا عارف: والله يا أخ سمير مب نحن اللي نقطع الأرزاق وأنت خل عندك حس مسؤليه وإحترام للمكان اللي يالس فيه ومره ثانيه جاوب على أسئلة الناس باحترام .. سمير : ليش أنا شو قلت؟؟؟ سلطان: سمير (يقاطعه) خلاص أنتهى الموضوع وأنا قلت اللي عندي .... عارف خلصت المعامله كامله والا باقي شي ؟؟؟ عارف: خلصت ياخوي بارك الله فيك سلطان وهو يودع عارف عند باب مكتبه .... بينا أتصال يا عارف فمان الله ..... سبحان الله هالانسان ما أدري كيف دخل قلبي من أول ما شفته أرتحت له ...خل أتصل بوعودي أشوفها شو مسويه..... في سياره مانع (بوسلطان (مرسيدس أسود رقمه ثلاثي .... بوسلطان : شو فيج يا بنيتي ساكته شي فخاطرج ؟؟؟؟ وعد متردده: سلامتك بوسلطان مافيني شي بوسلطان: أفا يا وعد أتخبين عني أنا ؟؟؟ وعد وهي عارفه أنه عمها حاس باللي تبا اتعرفه : الصراحه ودي أسألك سؤال من زمان فبالي بس خايفه بوسلطا ن : أفا أتروعين مني أنا حسبة أبوج مستحيل أزعل عليج ... سألي يا بنيتي عطيتج الأمان وعد: تسلم فديتك ... أنا مستغربه من هالشي الحين أكبر عيالك خليفه صح بوسلطان: صح وعد: يعني لازم تتسمى بوخليفه صح بوسلطان: صح وعد:عيل ليش يقولون لك بوسلطان ؟؟ أنا سألت سلطان و قالي أسألك !!!!! بوسلطان : هي ياوعد نبشتي جرح مابرى بعد خمس وثلاثين سنه وعد: ................................ بوسلطان : سلطان أخو ريلج هو وخليفه كانوا توأم وعد مصدومه : شو!!!!! كيف؟؟؟!!!! وين؟؟؟!!! عمي ما فهمت بوسلطان وهو يداري دموعه عنها: وعد خليفه وسلطان كانوا توم توفى سلطان بــ بوصفار يوم عمتج حامل بريلج سلطان.. سلطان كان أكبر من خليفه بنص ساعه.. ويوم طلع خليفه كان الأمل بنجاته ضئيييل بشكل كبير حتى أنهم طلبوا منا أنودره في المستشفى عسبة اذا توفي ما نتأثر ... الله يا زمن اللي خفنا عليه الحمدلله ماصابه شي.. واللي كان صاحي مايشكي من شي راح منا راح وهني خلاص بوسلطان خارت قواه ما قدر يمسك نفسك وانهمرت دموعه مثل السيل و وعد بعدها مصدومه من اللي تسمعه معقوله كل هالسنين بوسلطان يخفي ضعفه وكاتم همه يمكن حتى عن أقرب الناس له نوره أم عياله ؟؟؟!! فجأه أستوعبت اللي يصير عمها اللي اتعزه وتغليه وحسبة أبوها يصيح ياربي انا شو سويت عمي دخيلك لا اتسوي بعمرك جذه أنا آسفه والله ما قصدت وبدت أتصيح وياه ... بوسلطان: خليني يا بنتي سنين وأنا كاتم حزني وألمي وايد كنت متعلقنه سلطان أنا اللي كنت أقوم به يوم أم سلطان تمت عند خليفه في المستشفى ثلاث شهور كنت أنا أمه وأبوه وكل شي وكبر على هالشي ليومج هذا يا بنيتي ما أقدر أييب طاريه لنوره هي للحين أتقول أنها السبب في وفاته لأنها ودته وياها العين عند أهلها ويوم رجع من هناك ما بات ليلته .... وعد : عمي حبيبي فديت روحك خلاص ادعيله والله عوضك بأربع غيره هاي حكمة ربك استغفر ربك وتعوذ من ابليس وفجأه يرن تلفون وعد .... حبيبي يتصل بك ..... وأتطول لين أترد عليه وعد: ألوه سلطان: حبيبي أشحالج ؟؟؟ بلاه صوتج فديتج شو فيج ؟؟؟ حد مزعلنج ؟؟؟ شي يعورج؟؟؟ شو فيج خبريني وعد: ماشي والله ما فيني شي بس الحين وصلت بيت أبوي بنزل برد أكلمك اوكي فمان الله سلطان لا وعد مش طبيعيه شي فيها ؟؟؟؟ ياربي شو أسوي أنا متأكد أنها كانت أتصيح شو ممكن يصيحها والا من بيزعلها مستحيييل أنالازم أتصل بأمايه أشوفها وعلى طول يتصل على تلفون بيتهم وبعد كمن رنه أترد عليه أم سلطان بصوتها الحنون سلطان : فيدت هالصوت يعلني ما أنحرم منه أشحالج أمايه شو أخبارج ؟؟؟ عساج مرتاحه ... وعد وين ؟؟؟ أم سلطان: باسم الله الرحمن شو بلاك يابويه هاكله فنصخ واحد ارحم عمرك حرمتك فالحفظ والصون أبوك مودنها عند أبوها ما فيهم الا الخير سلطان: ها هي صدق تذكرت اسمحيلي أمايه بس بغيت أتطمن عليكم أم سلطان:برايك يا بويه بسير أشوف منو ياينا هالحزه سلطان : مع السلامه أمايه أم سلطان :فمان الله لا تنسى أبويه ترا غدانا اليوم بيت أخوك خليفه بنسبقكم أنا ووعد سلطان: ان شاء الله وسكر .... في بيت حميد وعد تمشي بسرعه وكل ما اتقربت من الميلس اتزيد دقات قلبها قوة كأنها بتشوفه من عقب غيبه سنين ... أتحس بالشوق فعيونها والحنين فنظره عيونها رغم مشيتها السريعه الا أنها كانت تتأمل كل ركن فهالبيت اللي ربت فيه وعاشت فيه أحلى سنين عمرها ... كانت دوم أتقول أنا ما أطلع من هالبيت الا وأنا جسد بلا روح يرد أبوها ويقول يعل يومي قبل يومج شو هالرمسه باجر بتعرسين وبتروحين بيت ريلج لازم أتودرين هالبيت ... تذكر أشكثر صاحت ذاك اليوم وهي تتخيل تترك أبوها وتترك بيتهم اللي ما أتخيلت أنها تقدر تتنفس ببيت ثاني غيره ... وصلت عند الباب وفاحت ريحة الدخون وسمعت صوت أتميزه بين ملايين الأصوات ... هذا حميد أبوها شكله يرمس في التلفون .... حميد : يالله يا بو عوف شو أقولك يا خوي خلها على الله البيت ما أطبه الا للرقاد أحس بوحده فضيعه يا خوي بنيتي محد يا بوعوف متعود اثنين وعشرين سنه من أدخل تستقبلني وتلوي علي هالبنت اللي كنت انسى كل التعب من أشوفها حتى يوم أوصل البيت قبلها ما كنت أدخل أترياها خاري لين تدخل قبلي عشان تستقبلني الله يا زمن والله ياخوي أحس بروحي فارقتني يوم تزوجت عبد الرحمن (عم وعد): أفا عليك يا خوي ونحن وين سرنا انت الله يهداك ما أتطيع شوري قلت لك تزوج شوفلك بنت حلال اتونسك وتآنس وحشتك ما أتطيع وهني تدخل وعد ومن دموعها مب قادره اتشوف ملامح أبوها اللي الفرحه ألجمت لسانه مب قادر يرد على أخوه اللي يزاقر عليه من الصوب الثاني ..وعد على طول لوت على أبوها وطاحت فحضنه وأتصيح صياح يقطع القلب أتبوس إيده واتبوسه على جبينه مب قادره تمسك نفسها صدمها منظر أبوها كأنه واحد عمره 100 سنه .... تذكر ربيعاتها كيف كانن يحسدنها يوم يشوفونها وياه في أي مكان عام محد كان يصدق أنه هذا أبوها كان مثل أخوها الكبير يشاركها كل شي طلعاتهم كلها ضحك وغشمره ووناسه بس اليوم اللي أتشوفه واحد ثاني شخص وحيد ملامحه أتبين أنه تعبان نفسيا أكثر من التعب الجسدي ... حميد وهو يرفع راسها عن صدره : فديت روحج حبيبة قلبي بسج من الصياح دموعج غاليه يالغاليه يبوسها على يبهتها يمسح دموعها يتأمل ويها يشوفها يبا يعوض عن غيابها يتحسس ويها بإيده يوصل عند ذقنها يحاول يضحكها يدريبها تنقع من الضحك اذا سووبها هالحركه ....من بين دموعها ترفع راسها وهي تضحك تمسك إيده تضمها بالقو كأنها تتمسك بسراب أتخافه يختفي .... أبوي فديتك حبيبي أشحالك ولهت عليك والله كنت بموت لو ما شفتك اليوم ... ليش ما تسأل عني نسيتني لهالدرجه أنا رخيصه عندك حميد :فديت قلبج حبيبتي ما يحتاي أخبرج أشكثر ولهت عليك وفكل لحظه خاطري أدق لج وأتطمن عليج بس ما بغيت أغثكم يعني مب حلوه كل يوم والثاني طايح بيت مانع فشله بوسلطان : أفــــــــــــــــــــــــــــــــــــــــــــــــ ـــا أسميني ما هقيتها منك ياحميد حميد توه ينتبه أنه في حد واقف عند الباب تجدم صوبه وسلموا على بعض بالخشوم وعد احمرن خدودها أستحت من عمرها ومن اللي صار جدام بوسلطان وهي نسته دخلت ولا تدريبه وين والا متى دخل حميد :ياحيالله من يانا وانا أقول شوفيه البيت منور بوسلطان :منور بأهله يا حميد أشحالك و شو أخبارك عساك بخير وسهاله وين يا ريال مالك شوفه عنبو حتى ميلس بن ضاحي ما أتحدره الجماعه كلهم يسألون عنك حميد: بخير وعافيه الله يخليك شو اسوي انت أدرى شغل الوزارات كل يوم سايرين ويالوفد مكان ما أفضى يا خوك بوسلطان: الله يهداك يا حميد قلنالك أشلك بدوخه الراس وياهم شاركني بشركتي وبنديرها نحن الأثنين شي أنت أتحبه وجد مجربنه بس انت عنيد ما أتطيع الشور وبنتك طالعه عليك وعد: السموحه منك عميه والله ما أدري كيف نسيت اني يايه وياك بوسلطان: لا أتعذرين يا بنيتي معذوره انتي متولهه على أبوج ... من لقى أحبابه نسى أصحابه حميد: الله أكبر منك يا مانع الحين حاسدني على هالكم ساعه اللي تيلس فيهن عندي ...؟؟؟؟!!! وانت اربع وعشرين ساعه مجابلتنك وعد : ههههههههه عمي شوهالغيره حرام عليك أعزكم باثنينكم اترخص أنا بسير أشوف الخدم عس بيحطون الفواله بوسلطان: والله ما اتنشين خلج يالسه مكانج وأنا اللي بترخص عندي كمن شغله بخلصهن وبرجع لكم حميد: ما يصيريا مانع على الأقل تقهوى ياخوك بوسلطان: لاحق على القهوه يوم برد آخذ وعد حميد : خلاص عيل غداك عندي يامانع ولا اتعذر بوسلطان: ما أتقصر أصيل .. بس اليوم معزومين على الغدا بيت ولديه خليفه وانت بعد معزوم حميد : خير ان شاء الله بوسلطان : فمان الله وعد + حميد: الله يحفظك وأول ما طلع بو سلطان لف حميد على بنته وخذها بحضنه مره ثانيه وعينه دمعت على طول.. وعد نفس الشي متمسكه فيه ومغمضه عيونها . بعد الردود الحلوه بنزل لكم البارت الثالث | |
| |
|
11-08-2007, 07:28 PM
| #10 (permalink) | |
|
عضو مجتهد
| أمــــــــــوت أنــــــــا في حبـــــــهم (3( وبعد ما هدأت وعد وشبعت من حضن أبوها رفعت راسها تتطالعه بشوق وحيره لهفه وخوف .. حاسه بعجز فضيع ما تعرف كيف اتفسر اللي اتشوفه حميد ما عاد نفسه الأولي من تزوجت من ثمان شهور وهو منقلب حاله فوق حدر ماذاق طعم الراحه ولا هنا بحياته ... ماتعودت تشوف ابوها وابتسامته مفارقتنه ما تعودت تشوفه مهزوز .. حميد وهو ملاحظ نظره الخوف الي فعيون بنته : وعد حبيبتي أشحالج ؟؟؟ شو أخبارج ؟؟؟ طمنيني عليج أنا متطمن من ناحيه بيت مانع ما بيخلون عليج قصور وحاطينج فعيونهم بس ابي أسمعج أبيج اتسولفين لي عن اي شي مضايقنج مثل قبل شو اخباره سلطان مضايقنج بشي ؟؟؟ وعد (والدمعه بعيونها ): باست راسه ورجعت لحضنه :شو أقولك يا أبوي وأنا حالك بالمره ما عايبني أحسبك شايل هموم الدنيا ومالاقي اللي يسندك... حميد: ............ وعد: باباتي حياتي أنا بخير الحمدلله ومثل ما قلت هل سلطان شايليني فعيونهم وما ناقصني غير وجودك ،،، الغالي طمني عليك ليش مسوي بعمرك جذه باباتي ترا بتم عندك وما برجع بيت بوسلطان وانت اتعرفني اذا ما اعترفت لي باللي يضايقك اسويها حميد: والله وأتسوينها يا بنت حميد عنيده وراسج يابس من يومج وعد استانست على الابتسامه اللي انرسمت عشفاه أبوها ،، وعلى طول سمعة تلفون أبوها يصيح واول ما انتبه له حميد على طول رد حميد : سامحني يا خوك والله ارتبشت ولا عرفت شو اسوي عبدالرحمن: هي يا حميد صدق اللي قال من لقى أحبابه نسى أصحابه شو اللي شغلك (وهو يدري أنه وعد هي اللي شغلته لأنه كان يسمع حسها عنده( حميد : ههه اسميك يا بوعوف شو هالسالفه حشى حتى الحرمه ما اتغارعلى ريلها شراتك ... وانت تدري ما تشغلني غير شيخة البنات فديت قلبها الطيب بنت أبوها عبدالرحمن: الله الحين هالمقامه الي هالطول عشان بنتك الخسفه حميد: بوعوف هالسالفه فيها قبايل أنا أدري أنها خسفه بس شو اسوي الله بلانا فيها لا حول ولا قوة وعد: حست أنهم يرمسون عنها لأنهم دوم يغايضوبها : فديت عمي اللي يسأل عني أنا بخير وسهاله اشحالك انت وأم راشد شو أخبارها عبدالرحمن: الله أكبر يا حميد هاي بنتك ينينه عطني اسلم عليها ,, السلام عليج يدوه وعد: وعليكم السلام والرحمه اشحالك عمي شو اخبارك ولهت عليك وينك ما تنشاف عنبو حد ينسى أمه ولا يسـأل عنها ؟؟؟ عبدالرحمن : ماشاء الله يدوه بعده لسانج طويل عيل انا ما جذبت يوم أسميج يدوه شو اخبارج يا القاطعه عنبو ما اتقولين عندي عم لايعه جبده من البنات الي عنده خاطره يغير جو يشوف الحلوين ؟؟؟ وعد: هههههههه انزين ما عليه عميه جان ما خبرت وفوي عليك عيل الحين لاعت جبدك منهن فديتهن بخليها ما اتزوركم سنه عبدالرحمه: حسبي الله عليج من بنت الحين هاي يزاتي أنا اللي أمدحج واذم بناتي صدق من قال سو خير وعقه بحر وعد: هههههههههههههههههههاي والله أنت عمي سوالف وبعدين انا لو حتى قلت لوفوي ما اتيكم تضن بتسمع!!!! لا تنسى أنها موصله الحين يعني ما باقي شي على ولادتها عبدالرحمن : اسميج يا وعد ساده عنهن كلهن انا أربع ومخبلاتبي وأنتي ماشاء الله عنهن كلهن الله يعينك يا سلطان وعد: عميه والله حرام عليك الحين أنا اتقولي هالرمسه خلاص زعلت لا اتكلمني لو سمحت حميد: أفا يا بوعوف اتزعل غناتي ؟؟؟ (واير السماعه من ايد بنته) يالطيب محد يغلط على بنتي يلا اشوف افسح الطريق خلني اسولف ويا بنيتي عبدالرحمن: افا يا حميد ما هقيتها منك حميد: بوعوف خشمك ... هههه فديت اخوي الطيب اللي ما بيبخل على اخوه بهالكم ساعه اللي عنده غناة الفؤاد.... عبدالرحمن: برايك الغالي خذ راحتك رد السلام على مانع واهله فمان الله حميد: وداعة الله وتمت وعد ويا أبوها يسترجعون ذكرياتهم بهالساعتين حميد ردت له الروح ......... في بيت بو سلطان سيف : أف شو هالحاله أنا مب ساير وياكم برقد مالي بارض أجابل الرياييل وبعدين هاي ميثه لوعة جبد الصراحه ان شفتها بتسد نفسي عن الأكل أم سلطان : عيب يا بويه هاي حرمة أخوك كيف ترمس عنها جذه بعدين استح عويهك شو بيقولون العرب عنا عنبو عزيمه بيت ولدهم وما يسيرون ما يستوي يا بوي واذا على حرمة أخوك تراك ما بتتشاوف وياها هي عند الحريم اشلك فيها انت خلك ويا اخوانك سيف: أمووووووووووت يا أميه وأعرف خلوف كيف متحملنها هاي لو عندي جان ذابحنها من زمان لا ومصدقه عمرها اونها جميلة الجميلات مالت عليها أم سلطان : عوذ بالله من هالطاري شو فيك ياابويه استهدى بالله اشتبابها الحرمة ريلها متحملنها شو حارنك ويدي بتحسد أخوك عليها سيف: هههههها والله وضحكتيني يا أم سلطان أحسد أخوي !!! على شو؟؟؟ جمالها ؟؟؟ وع اذا الجمال بلا أخلاق ما نباه ,, قولي احسد سلطانو على حرمته هي هاي شيخة الحريم وانا اذا باخذ ما باخذ الا وحده شراتها ,,, شوفي قلبها كم يسوى بس آآآآه أم سلطان: سواف يا مسود الويه استح عويهك قم عني قليل الأدب صدق ما عرفتي اتربين يا نوره حسبي الله على هالزمان الخايس سيف: باسم الله شو ياج عيوزي بلاج تتحرطمين أنا ما قلت شي !!!!!! أم سلطان: صدق ما أتخيل عنبو حشم أخوك الكبير ترمس عن حرمته عيب عليك هاي مب سوايا الرياييل سيف: أستغفر الله العظيم الله يهداج يا أميه شو أتقولين أنتي شو قلت أنا ؟.. أخوي الكبير على العين والراس وأنا يوم رمست عن وعد ما قصدت شي والله يعل لساني القص اذا كان قصدي شي مب زين والله وعد حسبة أختي وأعزها وايد ما يرضيني حد يرمس عليها ولا أتجرأ أغلط عليها بشي بس انا أقولج اللي فخاطري صدق يعني اذا بتزوج أبي وحده مثلها ماشا ءالله عليها ما ناقصنها شي أدب وجمال وأخلاق ودلال وحلاوه و أم سلطان: أقطعها هالرمسه ذبحتنا يوم اتي حرمتك تغزل فيها لين تشبع سيف: الحمدلله والشكر الحين المدح صار تغزل برايج أميه بس صدقيني لازم ألاقي اللي في بالي وخاطري أم سلطان: سيفوه يوز عن حركاتك هاي وبعدين لا أتلاقي ولا شي بنات عمك موجودات بس انت اختار وانا باجر بخطبلك إياها سيف والشرر يتطاير من عيونه: نعم نعم ماسمعت الشيخه منو تبيني آخذ ؟ أم سلطان: وحده من بنات غانم بعد الشو والا انت كم عم عندك عسب تتسأل ؟؟؟!!!!!! سيف: أمايه شوفي أنا قايل لكم من زمان محد له خص فيني وأنا يوم باخذ باخذ اللي فخاطري عيل ليش ما لزمتوا على سلطان ياخذ وحده منهن والا ما قدرتوا عليه تبون اتقصون علي أنا ..!!!! أم سلطان: والله يا سيف أنت تدري أنه وعد أبوك اللي خطبها من دون شور حد حتى سلطان اللي هو سلطان ما نطق راح ملج ولا سوالنا سوالفك سيف: الصراحه سلطان غبي عيل حد في زمنا هذا يسيرونه أهله لا ويوزونه وحده ما شافها ولا يعرفها ولا شي ؟؟؟؟ أم سلطان: ليش يا بوي أتقول هالرمسه توك تمدح حرمة أخوك الحين مب عايبتنك سيف: الصراحه ما عليها زود بنت حميد بس سلطان كان محظوظ مب شرات بعض الناس الله يستر عليهم أم سلطان: لا حول ولا قوة الا بالله اشفيك انت ما يخصك بميثه عيب يابويه هاي بنت عمك قبل لا اتكون حرمة أخوك سيف: هههههههههههههههههههههههههههههه ماشاء الله عليج أمي ما يفوتج شي يعني عرفتي اني اقصد الساحره ميثوه أم سلطان: أنا الغلطانه اللي معبرتنك واسولف وياك سر توكل على الله ولا تنسى اتي بيت أخوك غدانا عندهم وان ما ييت كيفك تفاهم ويا أبوك أنا محد مغربلني فهالبيت كثرك سيف: هههههههههه خلاص فديت هالويه فديت قلبج ماماتي عشان خاطرج بنتحمل الساحره وهو يقلب القنوات رن تلفونه ....( الحنانه ) يتصل بك سيف: أففففففففففففف ها وقتج (ويرد عليها وهو متصنع الابتسامه) هلا والله هلا بالطش والرش والقلب فالغرش هيفاء : هلا حياتي أشحالك و أخبارك وينك فديتك اتصلت بك الدوام محد يرد وتلفونك مغلق ؟؟؟ خير شو فيك حبيبي سيف: سلامتج قلبي بس داومت ورجعت من وقت كنت يالس عند العيوز والتلفون مفضي هيفاء: زين حبيبي اشحالك بعد ما ولهت علي ؟؟؟ سيف: فديت اللي يسألون عني أصلا أنا اربع وعشرين ساعه متوله عليج بس شو أسوي ما اقدر أدقلج دوم اهلج عندج هيفاء: فديت قلبك والله حبيبي اشتقت لك مووووووووووووووت سواف حياتي اتحبني ؟؟؟؟ سيف : أحبج أموووووت فيج مب الا احبج وبس هيفاء: سيف اذا انت اتحبني ليش ما تخطبني ؟؟؟ سيف أنا كل يومين أنخطب وأنا أرفض عشانك حبيبي أهلي ما بيسكتون عني دوم سيف: هيفاء أنتي أدرى بظروفي والحين بالذات ما أقدر شوفي اذا أنتي ياج ولد الحلال الي يستاهلج توكلي على الله واتزوجيه هيفاء: أنت شو أتقول سيف كيف تباني أتزوج واحد وقلبي عطيته ثاني ؟؟؟ سيف أنت شايف لك شوفه خبرني انت اصلا ما اتحبني أنت كنت تلعب علي كلكم مثل بعض أنتوا ما عندكم احساس ولا اتخافون ربكم الله يسامحك يا سيف وان شاء الله تندم على اللي سويته وما ينفعك الندم يومها ... على فكره انا اليوم يايين يخطبوني وصدقني ما بتردد لحظه بالموافقه.. سيف: أحسن هيفاء: أكرهك سيف: باي ويسد التلفون بويها هيفاء: بدت أتصيييح من خاطرها سيف كان حب حياتها وأول شاب أتعرفه هو اللي تم يلاحقها ويأذيها لين أستسلمت له وصار كل شي في حياتها ...... في بيت حميد وعد : هلا حبيبي أشحالك حياتي أشتقت لك سلطان: فديت قلبي أنا فديت عمري أنا فديت روحي أنا حبيبي شو أتسوين ليش ما دقيتيلي والا خلاص من لقى أحبابه نسى أصحابه وعد: فديت روحك سلطوني لا اتقول جي والله ما تتخيل أشكثر ولهت عليك بس باباتي سلطان مب عايبني حاله والله سلطان أحسبه تعبان وما يخبرني سلطان أبوي (وبدت أتصيح( سلطان: وعودي حبيبي لا اتسوين بعمرج جذه والله قلبي يعورني عليه بس ما بيدنا شي حياتي بسج من الصياح ترا والله أييج الحين وعد: خلاص فديتك مايحتاي يلا أنت كمل شغلك وأول ما أتخلص سر بيت أخوك وبنتلاقى هناك سلطان: لافديتج أنا ما بسير بروحي أخاف على نفسي لازم أتيين ويايه ما بتحرك من دونج سامعه وعد: هههه شو اتخاف محد بياكلك سلطان: ما يخصج اجهزي الساعه 12 ونص أنا عندج زين وعد : ان شا ءالله ,,, مع السلامه سلطان: وداعة الله ........ (بوسه( وعد : سلطون عيب عليك سلطان: كيفي حرمتي محد له خص .... وعد: يلا باي سلطان : مع السلامه وعد : باي سلطان: إنزين مع السلامه وعد : أوكي باي سلطان: مع السلامه والله بتنضربين اذا قلتي باي وعد: ههههههههههه مع السلامه بيت خليفه بن مانع الساعه: 12:30 خليفه انسان ذوقه راقي, وايد مرتب وما يحب التغيير أبد خصوصا اذا كان دون علمه ميثا: ميري where are u ???? أفففف هاي اللي بتذبحني العرب بييونا وأنا بعدني ما خلصت شو هالحاله ميري: yes madam ميثا : يعلج العله قولي آمين where are u (افف الله ياخذها ما اعرف اتفاهم وياها) listen this bring suhail room ok ميري: ok madam ميثا: سهيل حبيبي يلا ما خلصت هاك العود تدخن بسير اشوف سالم هالولد اللي بيذبحني سهيل : أمايه برايج إنتي أنا بسير له لج مني أخليه ينزل قبلي شو تبين بعد !!!! ميثا: يعلني فداك يالغالي فديت قلبك ليت سالم شراتك يلا حبيبي خلصوا وانزلو الميلس أبوك بيعصب اذا تأخرتوا سهيل: ان شاء الله أمايه دقايق ونحن عنده طلعت ميثا من حجرة سهيل وفي سؤال يدور فبالها من زمان أتقارن اللي أتشوفه بس مب لاقيه جواب أشمعنى سهيل طالع مطيع ويسمع رمستي وأحسبه يحبني ويقدرني أكثر من سالم ؟؟؟ أنا بشو مقصره بحقه ليش يعاملني جذه ؟؟ وايد متأثر بطبايع عمه سيف متمرد وعنيد , أنا ليش أصدع راسي خل أبوه يتفاهم وياه دخلت غرفتها وشافت خليفه الشرر يتطاير من عينه وده يذبحها حست برعشه خفيفه أتعرف أنه هالنظره وراها شي كبير والا خليفه انسان حبوب وطيب وحنون بس يوم يعصب محد يقدر عليه ميثا وفخاطرها الله يستر : خير بوسالم شي في خاطرك خليفه: سلامتج بس من سمح لج تتعبثين بأوراقي الخاصه في المكتب وأترتبينهن عكيفج ميثا: الله يهداك بوسالم ما صار الا كل خير انا شفت المكتب معتفس فوق حدر قلت أرتبه أشوي وأنا ما تعبثت بأغراضك خليفه: ميثا أنا كنت مرتب الأوراق على حسب الشغل اللي مخلصنه واللي باقي علي وانتي حضرتج خبصتيهن وضيعتي تعبي وشقاي ميثا هاي أوراق المشاريع اللي لازم أدرسها عشان المناقصات اللي رست على الشركه وباجر تسليمها والبركه فيج ما بيجهزن لين باجر يعني قلت لج أجلي هالعزيمه بس ما أتطيعين الشور كل همج المظاهر الا تبين العالم أتشوف ديكور بيتج اليديد والا هالسالفه كلها ما كان لها لزمه ميثا: الله أكبريا خليفه ألحين صرت أنا اللي أبي أتباهي وأتفاخر بين الناس هاي يزاتي يا خليفه أقوم بالواجب الله يسامحك خليفه : ميثا هالكلام أتقولينه لغيري هب لي ميثا هاي سبعتشر سنه هب يوم والا يومين ميثا بلامبالاه: خليفه أجهز وانزل الميلس بسير أشوف الخدم اذا زهبوا الفاله ... طلعت من الغرفه خليفه : شو اللي مصبرني عليج يا ميثا؟؟؟ الله يذكرج بالخير يا أم سلطان ما جذبت يوم نصحتني بغيرها بس القلب آآآه من هالقلب الساعه 12:50 سلطان:....... السلام عليكم ورحمه الله وبركاته حميد : وعليكم السلام والرحمه هلا والله حيالله من يانا سلطان تجدم وسلم على عمه بو وعد ... الله يحييك ... اشحالك عميه عساك بخير وعافيه حميد : بخير بشوفتكم يا بويه أشحالك أنت شو أخبار الشغل وياك سلطان: الحمدلله ماشي حالنا وعد: إحم إحم نحن هنا حميد : هلا والله هلا بأغلى ناسي سلطان: إحم إحم ... أنا بعد هنا وعد: هههههههه متى ييت ؟؟؟ حميد: وعد شوفي ريلج اذا بغا شي وانا بخليكم عراحتكم سلطان: أفا بو وعد نحن ماخذين راحتنا عادي ما يحتاي تطلع حميد : تسلم الغالي بسير ابدل أبوك بيمرني سلطان: له له شو السالفه على وين ناوين الشواب حميد: شيبه محد غيرك نحن أبوي بعدنا فعز شبابنا بنسير انترزق يلا جان بتخاوينا سلطان: صدقت عمي الصراحه ملينا نبا أنغير جو حميد : لا والله وبنتي ؟؟؟؟ وعد: تو الناس زين يوم ذكرت أنه هذا ريل بنتك وبعد تعزمه الله يسامحكم حميد :أنا بسير أزهب ماشي وقت برجع أراضيج فديت بنتي اللي ما تزعل من باباتها وعد وهي مبوزه : ......... ما أبي سلطان: فديت الي مادين البوز شبرين وعد لبست عباتها وشلت شنطتها ... أول ما ظهرت شافت سياره بوسلطان وهو داخل الفله على طول سارت عنده سلمت عليه ويلست ورا بوسلطان : هلا ببنيتي اشحالج شو أخبارج ها جنج الا مليتي من اليلسه ويا حميد ؟؟؟؟ وعد: حرام عليك عمي أنا أمل من نفسي ولا أمل من باباتي بوسلطان: أفا أحيد أنا باباتج وعد: فديتك عمي ما شي فرق بينك وبين باباتي ... يالغيار بوسلطان: هب جنها سياره سلطان وهو يشوف اللاند كروزر وعد: امبلى توه واصل بوسلطان : عيل وينه؟؟؟ وعد : داخل بوسلطان: وعد سلطان زعلج بشي؟؟؟ بهاللحظه وصل سلطان وسلم على أبوه بعد ما باس راسه : وعد يلا أنروح أبوج بسير ويا أبوي عندهم شغله بعدين بيلحقونا وعد: ان شاء الله ... نزلت وركبت موتر ريلها بوسلطان: سلطان أبويه حرمتك شي بلاها مزعلنها بشي ؟؟ سطان توهق : لا أبويه لا مزعلنها ولا شي هي زعلانه من أبوها بوسلطان : حاس أنه السالفه فيها ان بس برايكم تجدمونا وأنا بشوف حميد وبلحقكم سلطان: فمان الله بوسلطان: الله يحفظكم وعن السرعه الزايده لا تتروع وعد سلطان : ان شاء الله طول الدرب وعد ساكته وماده البوز شبرين سلطان يحاول يراضيها ما أتطيع .... وعد: سلطااااااااااااااااان حرام عليك والله أتروع لا تسرع دخيلك سلطان اذا اتحبني والله ما تسرع سلطان من سمع هالجمله على طول دح بريك بالقو ونزل السرعه ل 40 الشي اللي خلا وعد تبتسم وتستانس لأنه يحبها سمع كلامها سلطان: فديت هالضحكه الله لا يحرمني منها .... أنا آسف عمري والله كنت أسولف ما قصدت وعد:سلطان أنت تدري أنا ما أتحمل فكرة أنه حد يشاركني فيك لو مجرد مزح سلطان وهو مب قادر يواجه نظرات وعد يتفادى أنه تتقابل عيونه بعيونها ويحاول قد ما يقدر يبين لها صدقه : حبيبي أنا لج ومحد بيشاركج فيني طول ما أنا عايش وعد: فديت روحك استانس سلطان ورد يسرع من زود الوناسه .... بعدها بلحظات .. وعد : سلطوني وين رايح ليش طوفت اللفة ؟؟؟ سلطان : أي لفة أنا ما أشوف شي !!!! وعد : يالدلوع لا تستهبل سلطان : اسكتي ما يخصج ...بوديج مكان حلو وعد: لا سلطان الحين الساعه وحده وربع متى بنوصل بيت أخوك مافيني على لسان ميثا سلطان: ماعليج منها ما بنطول عشان خاطري وعود وعد: على راحتك بس أكثر من عشر دقايق ماشي سلطان : أوكي .والحين بعد ما اشوف تعليقات كم عالقصه انشاء الله بنزلكم البارت الرابع . | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
