قتلتيني بخنجر ردك الجافـــــــــــي *** و انا لجلك زرعت الحب والاشـــــــواق

هديتيني قسا ما قلت لك كافــــي *** و قطعتي عن الشجره غــــذاء الاوراق

سقيتيني الم بيحتي الخافـــــــي *** و انا لاهي ادور لك درر لعمــــــــــــــاق

تركتيني مثل واعي مثل غافــــي *** على الاعراف لا جنة ولا غســــــــــاق

عسى ما شر يا عمري و لا خلافي *** تعابيرك على وجهك تبي اشـــــــراق

ورى حظي معك دايم نكد صافـــي *** اشك انك بقلب و ينبض و دفـــــــــــاق

تروعني فعولك و انت بي هافــــي *** و تصدمني بدهشة منك و استشراق

انا الصادق انا المخلص انا الوافـــي *** انا منجم من الاحساس و الاعـــــــراق

انا مثل المطر و انته لي السافــي *** اقول ارحم رحمك الخالق الـــــــــرزاق

تكلم قول ما اريدك و لا تخافــــــي *** ترى بتر العضو اهون من الاشفـــــاق

انا ما اظلمك يا سعدي و ميلافـي *** لا نك بين جنحاني ابد خفـــــــــــــاق

عرفت الحب من عرفك ولد لافــي *** و فعيونك سعادة تملأ الآفــــــــــــاق

كفاك انك سبب نزفي سبب قافي *** ابيك تعذب و صدري نهر رقـــــــــراق

نصرة رسول الله واجب علينــــا * و من يخذله يبشر بنار الوقيده
هذا محمد رحمة العالمينـــــــا * محد ٍ يضره ذي علوم ٍ اكيـــده
و يالدينماركي اسفل السافلينا * و الكفر ملة كل وغد و عقيده
اسلامنا طيب و كله حنينــــــــا * ندعوكم لكل الخصال الحميده
و قراننا افضل كتابٍ قرينـــــــــا * تسمعوا له فالسنين الجديده
و يالشاعر المبدع نصيحة امينا * جاهد بحرفك قبل يوم الفقيده